Kallyanam Part 7 | Author : Kottaramveedan | Previous Part
എല്ലാവരും കാറിൽ കയറി…അമൃത ഞങ്ങളുടെ കൂടെ ആരുന്നു…. ഞങ്ങൾ യാത്ര തിരിച്ചു..
അതിരാവിലെ ഇറങ്ങിയത് കൊണ്ട് നല്ല തണുത്ത അന്തരീക്ഷം.. അമൃത അമ്മയുടെ മടിയിൽ കിടന്നു ഉറക്കം ആണു…വഴിയിൽ മൂടൽ മഞ്ഞ് നിറഞ്ഞിട്ടുണ്ട്.. വണ്ടി പയ്യെ ചൂരം കയറാൻ തുടങ്ങി..
ഒരു വലിയ റിസോർട്ടിനു മുന്നിൽ ചെന്നാണ് വണ്ടി നിന്നത്.. ഞാൻ ഡോർ തുറന്ന് ഇറങ്ങി.. ചുറ്റും തേയിലതോട്ടം…അദ്യം തന്നെ എല്ലാരും കഴിക്കാം കയറി.. നല്ല വിശപ്പ് ഉണ്ടാരുന്നു…കൈ കഴുകി ഞാൻ അമൃതയുടെ അടുത്ത ആരുന്നു ഇരുന്നേ..
അവളുടെ മുഖത്തു യാത്ര ക്ഷീണം നല്ലത് പോലെ ഉണ്ടാരുന്നു…ഞങ്ങളുടെ മുന്നിൽ ചേച്ചിയും അളിയനും ആരുന്നു.. അതുകൊണ്ട് ശെരിക് ഒന്നും മിണ്ടാൻ പറ്റിയില്ല…
ചേച്ചിയൊക്കെ എണീറ്റപ്പോൾ…
ഞാൻ :“ആമി…എനിക്ക് നിന്നോട് ഒന്നും മിണ്ടണം.. “
അവൾ ചുറ്റും ഒന്നും നോക്കിട്ട്..
അവൾ :“എനിക്കും…”
ഞാൻ : ഇനി ഇവിടുന്ന് ഇവരുടെ വണ്ടിയില പോകുന്നെ…. നീ എന്റെ കൂടെ ഇരുന്ന മതി…
അവൾ തലയാട്ടി..
ഞങ്ങൾ കൈ കഴുകാൻ എണിറ്റു…എല്ലാരും റൂമിൽ പോയി ബാഗ് ഒകെ വെച്ചു തിരിച്ചു വന്നു…ഇനി അവരുടെ ജീപ്പിൽ ആണു യാത്ര…
എന്റെ പ്ലാൻ എല്ലാം ഒരു നിമിഷം കൊണ്ട് ഇല്ലാതെ ആയി.. എന്റെ കൂടെ അളിയനും അമ്മാവനും വന്നു ഇരുന്നു…നിരാശയോടെ ഞാൻ ആ വണ്ടിയിൽ ഇരുന്നു…ഞങ്ങളുടെ മുൻപിലെ വണ്ടിയിൽ ആരുന്നു അമൃത..
എനിക്ക് സ്ഥലങ്ങൾ ഒന്നും കാണാൻ താല്പര്യം ഇല്ലാതെ ആയി.. മുൻപിലെ വണ്ടിയിൽ പോകുന്ന അവളെ നോക്കി സീറ്റിൽ തല ചാരി ഞാൻ ഇരുന്നു…
നല്ല ഓഫ് റോഡ് ആണ് അതും തേയില തോട്ടത്തിലൂടെ.. തണുപ്പ് ജീപ്പിലേക്ക് ഇരച്ചു കയറുന്നുണ്ട്..
ഒരു കുന്നിന് മുകളിൽ വണ്ടി നിർത്തി..എല്ലാരും ഇറങ്ങി…ഞാൻ അവളുടെ അടുത്തേക്ക് ചെന്നു..
അവൾ : പ്ലാൻ തകർന്നു അല്ലെ…
ഞാൻ ചിരിച്ചു..
ഞാൻ : വാ..
ഞങ്ങൾ മുൻപിലേക്ക് നടന്നു.. കുന്നിന്റെ അറ്റത് ഒരു പാറ ഉണ്ട്…ഞാൻ നടന്നു അതിനു മുകളിൽ കയറി…നല്ല കാറ്റ് ഉണ്ട്..
“നീ കയറി വാ..”
ഞാൻ കൈ നീട്ടി അവളെ വിളിച്ചു.. അവളെ ഞാൻ വലിച്ചു കയറ്റി…ഞങ്ങൾ രണ്ടും ആ പാറയിൽ നിന്നു.. കാറ്റത്തു അവളുടെ മുടിയും ഡ്രെസ്സും പാറി പറന്നു…സൂര്യന്റെ അവളിലേക്ക് പതിച്ചു.. ആരോ വരച്ച ഒരു ചിത്രം പോലെ ആ ഫ്രെയിം ഞാൻ നോക്കി നിന്നു…
“ഇറങ്ങി വാ പിള്ളേരെ…”
അച്ഛൻ പുറകിൽ നിന്നും വിളിച്ചിട്ട് തിരിച്ചു നടന്നു.. ഞങ്ങൾ അവിടെ നിന്നു രണ്ടു മുന്ന് ഫോട്ടോ എടുത്തു.. ഞാൻ താഴേക്ക് ഇറങ്ങി..
അവള്ക്ക് താഴേക്ക് ഇറങ്ങാൻ ഒരു പേടി പോലെ. ഞാൻ അവൾക്ക് നേരെ കൈ നീട്ടി.. അവള് എന്നിലേക്ക് ചാഞ്ഞു.. അവളെ ഞാൻ മുറുക്കെ പിടിച്ചു.. ഞങ്ങളുടെ കണ്ണുകൾ തമ്മിൽ ഉടക്കി.. അവൾ എന്റെ തോളിലൂടെ എന്നെ മുറുക്കെ കെട്ടിപിടിച്ചു… ഞാൻ പയ്യെ അവളെ താഴേക്ക് നിർത്തി..
അവൾ ചുണ്ട് എന്റെ കാവിലേക്ക് അടുപ്പിച്ചു.. ഒരു ചൂട് ചുംബനം സമ്മാനിച്ചു…എന്നിൽ നിന്നും അടർന്നു മാറി.. വണ്ടിയുടെ അടുത്തേക്ക് നടന്നു…ഞാൻ ഒരു സ്വപ്ന ലോകത്തിൽ നിന്നും ഞെട്ടി എണീറ്റ പോലെ.. ചുറ്റും നോക്കി…ഭാഗ്യം ആരും കണ്ടിട്ടില്ല…
ഞാനും അവളുടെ പുറകെ നടന്നു…അവൾ ഇരുന്ന ജീപ്പിൽ കയറി അവളുടെ കൂടെ ഇരുന്നു…
ചേച്ചി : ആഹ്ഹ നീ ഇതിൽ കയറിയോ…
ഞാൻ : ഓ.. അവിടെ ആ കിളവന്മാരുടെ കൂടെ ഇരുന്നിട്ട് ഒരു സുഖം ഇല്ലാ…
ഞാൻ അമൃതയുടെ മുഖത്തു നോക്കി ചിരിച്ചിട്ട് ചേച്ചിയോട് പറഞ്ഞു…
വണ്ടി മെല്ലെ നിങ്ങി തുടങ്ങി…നല്ല കട്ട ഓഫ് റോഡ്.. ഇത്രേം നേരം ഈ യാത്ര ഒരു ശാപം പോലെ തോന്നിയ എനിക്ക് ഈ യാത്ര തീരല്ലേ എന്ന് തോന്നി തുടങ്ങി…
ഞാൻ അവളുടെ കൈ കോർത്തു പിടിച്ചു…വണ്ടി കുലുങ്ങും തോറും ഞാൻ അവളിലേക്ക് കൂടുതൽ ചേർന്ന് ഇരുന്നു…
അവളുടെ തോളിലൂടെ കൈ ഇട്ടു എന്റെ നെഞ്ചിലേക്ക് ചേർത്ത് ഇരുത്തി.. ഞാൻ ചുണ്ട് അടുപ്പിച്ചു അവളുടെ കവിളിൽ ഒരു ഉമ്മ കൊടുത്തു.. പെട്ടന്ന് കൈ മുട്ട് കൊണ്ട് എന്റെ വയറിൽ ഒറ്റ ഇടി..
“അമ്മേ…”
ഞാൻ അറിയാതെ വാ പൊളിച്ചു പോയി…
“എന്തടാ എന്ത് പറ്റി…”
ചേച്ചി പുറകിലേക്ക് നോക്കി ചോദിച്ചു.
ഞാൻ : ഒന്നും ഇല്ല ചേച്ചി കൈ തട്ടിയതാ..
അമൃത കണ്ണ് ഉരുട്ടി എന്നെ നോക്കി ചിരിച്ചു..
ഞാൻ : പോടീ പട്ടി…
ശബ്ദം പുറത്ത് വരാതെ എന്റെ വയറു തിരുമി അവളെ നോക്കി പറഞ്ഞു…
അവൾ എന്റെ അടുത്തേക് നീങ്ങി ഇരുന്നിട്ട് ചെവിയിൽ പറഞ്ഞു…
“അടങ്ങി ഇരുന്നോ അല്ലെ ഇനിയും കിട്ടും നല്ലത് “
ഞാൻ പിന്നെ അവളെ മൈൻഡ് ചെയ്തേ പുറത്തേക്ക് നോക്കി ഇരുന്നു…
കുറച്ചു കഴിഞ്ഞപ്പോൾ എന്റെ ചെവിയിൽ..
“ എന്താ മിണ്ടാതെ പിണക്കമാണോ…”
ഞാൻ അവളുടെ മുഖത്തു നോക്കി ഒരു പുച്ഛം ഇട്ട് പുറത്തേക്ക് നോക്കി ഇരുന്നു…
അവൾ എന്റെ തോളിലൂടെ കൈയിട്ട് എന്നെ അവളിലേക്ക് അടുപ്പിച്ചു..
“ വേദന എടുത്തോ…സോറി.. “
അവൾ എന്റെ ചെവിയിൽ പറഞ്ഞു..അവൾ എന്റെ കവിളിൽ പിടിച്ചു വലിച്ചിട്ടു..
“ ചിരിക്കട…”
ഞാൻ അവളുടെ കൈ തട്ടി മാറ്റിയിട്ടു..
“പോ…”
അവൾ : മരിയാതക്ക് ചിരിച്ചോ അല്ലെ മുൻപത്തെ ഓർമ ഉണ്ടല്ലോ
ഞാൻ അവളെ നിസ്സഹായതയോടെ നോക്കി ചിരിച്ചു
ഞാൻ : എന്തുവാടി ഭിഷണിയോ..
അവൾ : ഇങ്ങുവാ…
അവൾ എന്റെ മുഖത്തു പിടിച്ചു അവളുടെ മുഖത്തോട് അടുപ്പിച്ചു.. പെട്ടന്ന് ചേച്ചി പുറകിലേക്ക് നോക്കി.. അവൾ മുഖത്തു പിടിച്ച കൈ ദൂരേക്ക് ചൂണ്ടി…
അവൾ : എന്ത് ഭംഗിയാലേ ആ മല കാണാൻ…
ചേച്ചി : അതേടി…ഭംഗി കുറച്ചു കൂടുതലാ.. ഞാൻ കേൾക്കുന്നുണ്ട് എല്ലാം..
ചേച്ചി മെല്ലെ പറഞ്ഞിട്ട് തിരിഞ്ഞ് ഇരുന്നു…
ഞങ്ങൾ പരസ്പരം അങ്ങോട്ടും ഇങ്ങോട്ടും നോക്കി ഇരുന്നു…
ചേച്ചി വീണ്ടും പുറകിലേക്ക് നോക്കിട്ട്…
“ഇനി ചമ്മി ഇരിക്കേണ്ട.. നടക്കട്ടെ.. “
ചിരിച്ചോണ്ട് പറഞ്ഞിട്ട് ചേച്ചി തിരിഞ്ഞു ഇരുന്നു..
ഞങ്ങൾ ഒരു ചമ്മലോടെ കൈകൾ കോർത്തു പുറത്തെ കാഴ്ചകൾ കണ്ട് രസിച്ചു ഇരുന്നു..
ഉച്ച കഴിഞ്ഞപ്പോൾ ആണ്.. ഞങ്ങൾ തിരിച്ചു എത്തിയത്..വന്നു ഇറങ്ങിയപ്പോൾ തന്നെ നേരെ കഴിക്കാൻ ആണു കയറിയത്…നല്ല വിശപ്പ് ഉണ്ടാരുന്നു..
കഴിച്ചു നേരെ റൂമിൽ പോയി ഒന്നും ഫ്രഷ് ആയി.. നല്ല ഷീണം ഒന്ന് മയങ്ങാമ് എന്ന് വിചാരിച്ചു കിടന്നു..
കുറച്ചു കഴിഞ്ഞപ്പോൾ ഫോണിൽ ഒരു കാൾ വന്നു.
അമൃത : ഡാ എന്നടുക്കുവാ..
ഞാൻ : കിടക്കുവാരുന്നു…
അമൃത : എന്നാൽ താഴേക്കു വാ വേഗം..
ഞാൻ അവൾ പറഞ്ഞത് പോലെ താഴേക്ക് ചെന്നു.. അവിടെ ചേച്ചിയും അളിയനും അമൃതയും ഉണ്ടാരുന്നു..
അവൾ : ഡാ ഇവിടെ താഴെ ഒരു വെള്ളച്ചാട്ടം ഉണ്ട്.. നമ്മക്ക് കണ്ടിട്ട് വരാം..
ഞാൻ തലയാട്ടി…അളിയനും ചേച്ചിയും മുൻപിൽ നടന്നു.. ഞങ്ങൾ പുറകിലും…ഇല തോട്ടത്തിലൂടെ ആണു വഴി…അതിന്റെ ഇടയിലൂടെ കല്ല് പാകിയിരിക്കുന്നു…