ശ്യാം ഒരു ചോള പൂരിയും ചിത്രക്ക് മസാല ദോശയും വാങ്ങി . കൂടെ ഗുലാബ് ജാമുനും
ചിത്ര ഭക്ഷണം കഴിക്കുന്നതിനിടെ ഒന്നും സംസാരിച്ചില്ല . കാറില് കയറിയപ്പോഴത്തെ പോലൊരു ചിന്ത
” എന്താ ചേച്ചി ഒന്നും മിണ്ടാത്തെ? ഫുഡ് ഇഷ്ടപെട്ടില്ലേ ? അതോ എന്റെ കൂടെ പോന്നത് ആണോ കാരണം ?”
ചിത്ര പെട്ടന്ന് അവനെ നോക്കി ചിരിച്ചു
” അയ്യോ ശ്യാമേ …അതൊന്നുമല്ല “
” പിന്നെ ?….പിന്നെന്തു പറ്റി?”
” ഞാന് ഇങ്ങനെ ഒന്നും പുറത്തു പോയിട്ടില്ല ശ്യാമേ ? ആരും കൊണ്ട് പോകാനും ഇല്ലായിരുന്നല്ലോ ….മനുവിന് പഠിച്ചിറങ്ങിയ ഉടനെ ജോലി കിട്ടിയത് തന്നെ ദൈവത്തിന്റെ കൃപ …. പിന്നെ സ്വന്തമായി ഒരു വീട് ….അവള്ക്കൊരു സ്കൂട്ടര് ….ആകെ കിട്ടുന്നത് ഒന്നിടവിട്ട ഞായറാഴ്ചയാ …അത് വീട്ടില് തന്നെ ആയിരിക്കും …പിന്നെ വീടിന്റെ ലോണോന്നും തീരാത്തത് കൊണ്ട് …”
” എല്ലാം ശെരിയാകും ചേച്ചി …ഇനിയെന്തെങ്കിലും വേണോ ?”
” അയ്യോ ..വേണ്ട ….ഇപ്പൊ തന്നെ ശ്വാസം മുട്ടി ” ചിത്ര ചിരിച്ചു കൊണ്ട് പറഞ്ഞു
” എന്ത് രസമാണാ ചിരി….കാണുമ്പോ തന്നെ നമുക്കും ഒരു ഓജസ് കിട്ടും . കൂടെയുള്ളവര്ക്ക് സന്തോഷം പകരുന്ന ഒരു കാന്തിക ശക്തിയുണ്ടാ ചിരിയില്
അപ്പോഴേക്കും ശ്യാമിന് ഒരു കാള് വന്നു . അത് അറ്റന്ഡ് ചെയ്തപ്പോഴേക്കും ചിത്ര കൈ കഴുകാന് പോയിരുന്നു
” ചിത്രേച്ചി ….എനിക്ക് ഇവിടെ അടുത്തോരാളെ കാണാനുണ്ട് ..ഒരു പതിനഞ്ചു മിനുട്ട് …കുഴപ്പമില്ലല്ലോ അല്ലെ …..ഓഫീസില് ഉള്ള ഒരാളാ …ഒരു ഫയല് വാങ്ങണം …ആള് നാളെ ഇല്ലാന്ന് …ഉടനെ തിരികെ വരാം “
” ആയിക്കോട്ടെ ശ്യാമേ “
ശ്യാം അങ്ങോട്ട് കാര് തിരിച്ചു . ഏകദേശം പത്തു മിനുട്ട് ഓടിയപ്പോഴേക്കും മൊബൈലില് അയാളുടെ വിളി വന്നു ….
” ചേച്ചി …പുള്ളി ബീച്ചില് ഉണ്ടെന്ന് …നമുക്കങ്ങോട്ടു പോകാം ……ധൃതിയൊന്നും ഇല്ലല്ലോ …വീട്ടില് മനുവും ഇല്ല “
” ഒരു കുഴപ്പവും ഇല്ല ശ്യാമേ ….”
” അല്ല …ചേച്ചിക്ക് പേടി ….”
” എന്തിനു ? …ശ്യാമല്ലേ കൂടെയുള്ളത് ?”
ശ്യാം കണ്ണാടിയിലൂടെ ചിത്രയെ നോക്കി …..വീണ്ടും ചിരിക്കുന്ന ആ മുഖം
ശ്യാം ബീച്ചില് ചെന്ന് കാര് പാര്ക്ക് ചെയ്തു , അയാളെ വിളിച്ചു ..ഫോണിലൂടെ സംസാരിക്കുമ്പോ തന്നെ കൈ വീശി കാണിക്കുന്ന അയാളെ കണ്ടു ശ്യാം അങ്ങോട്ട് നടന്നു ..കൂടെ ചിത്രയും
” ഹായ് ..ഇതെന്താ എല്ലാരും ഉണ്ടല്ലോ ?”
” ആഹ് …ശ്യാമേ ……വൈഫിന്റെ അനിയത്തീം പിള്ളേരും ഒക്കെയുണ്ട് …..നാളെ അവരെയും കൂട്ടി മ്യൂസിയം ഒക്കെ കറങ്ങണം ….”
ശ്യാം അവരെയെല്ലാം പരിചയപ്പെട്ടു …ചിത്രയെ അവര്ക്ക് പരിചയപെടുത്തി കൊടുത്തു .
ശ്യാം വരുന്നത് കൊണ്ട് അയാള് ആ ഫയല് കൊണ്ട് വന്നിരുന്നു ….ശ്യാം ആ ഫയലും കൊണ്ട് കാറിനടുത്തെക്ക്
നടക്കാന് തുടങ്ങുമ്പോഴാണ് തിരകളെ നോക്കി നില്ക്കുന്ന ചിത്രയെ ശ്രദ്ധിച്ചത് …അവന് അല്പം മുന്പ് ചിത്ര പറഞ്ഞത് ഓര്ത്തു .. പാവം …ബീച്ചിലെങ്ങും കൊണ്ട് പോകാന് ആരുമില്ലല്ലോ ..ഇത്ര അടുത്തല്ലേ …മനുവിന് കൊണ്ട് പോയാല് എന്താ ?’ അവന് ഫയല് കാറില് കൊണ്ട് പോയി വെച്ചിട്ട് ചിത്രയുടെ സമീപം വന്നു
” എന്താ ചേച്ചി ….പോകണ്ടേ ?’
” അയ്യോ …പോകാം …ശ്യാം അവരോടു സംസാരിക്കട്ടെ എന്ന് കരുതി മാറി നിന്നതാ “
” ഹ്മം …അവര് ദെ..ഐസ് ക്രീം പാര്ലറിലേക്ക് പോയി “
” ശെരി ….എന്നാ നമുക്ക് പോകാം “
” അല്പം കൂടെ കഴിഞ്ഞു പോകാം ചേച്ചി …വല്ലപ്പോഴുമല്ലേ ചേച്ചി ഇങ്ങോട്ടൊക്കെ വരാറുള്ളൂ
” ഞാന് ഇത് വരെ വന്നിട്ടില്ല ശ്യാമേ …..എന്റെ വീട് ഇവിടെ അല്ലായിരുന്നല്ലോ ….അച്ഛനും അമ്മയും മരിച്ചതില് പിന്നെയാ …ഈ നഗരത്തില് വന്നത് ….’
ഇരുള് വീണിരുന്നു …എന്നിരുന്നാലും ചുമന്ന പ്രകാശം മാനത്തുണ്ട് …കൂടാതെ ഹൈ മാസ്റ് ലൈറ്റിന്റെ വെളിച്ചം അല്പം കിട്ടുന്നുണ്ട് .
ശ്യാം അല്പം മാറി ഉള്ള കടയില് നിന്ന് മാങ്ങാ അരിഞ്ഞതില് മുളക് പുരട്ടിയതും , പിന്നെ വറുത്ത കപ്പലണ്ടിയും വാങ്ങി കൊണ്ട് വന്നു