കാമുകിയുടെ അനിയത്തി മാലിനി
Kaamukiyude Aniyathi Malini | Author : Sojan
‘ശാലിനിയുടെ ട്യൂഷൻ’ എന്ന കഥ മുമ്പ് എഴുതിയിട്ടുണ്ട്, പലരും മറ്റ് സൈറ്റുകളിൽ നിന്നും ആ കഥ വായിച്ചിട്ടുണ്ടായിരിക്കും. വായിച്ചിട്ടില്ലെങ്കിലും കുഴപ്പമില്ല. കഥ ഇത്രയുമേയുള്ളൂ – ഒരു പെണ്ണിനെ പ്രേമിച്ചു 200 കളിയും കളിച്ചു, അവസാനം അവൾ എന്നെ തേച്ചിട്ടു പോയി. അത്ര തന്നെ.
ആ കഥയിൽ പറയുന്ന ശാലിനിയുടെ സഹോദരിയാണ് മാലിനി.
ശാലിനി ഒരു അപ്സരസായിരുന്നെങ്കിൽ മാലിനി അതിന്റെ നിഴൽ മാത്രമായിരുന്നു. എല്ലാ രീതിയിലും ശാലിനിയുടെ നേരെ എതിരൂട് സ്വഭാവം. ശാലിനി സൗന്ദര്യം, നിറം, സ്വരം, ചേഷ്ടകൾ എന്നിവയാൽ സമ്പന്നമായ ഒരു അപൂർവ്വ നിർമ്മിതിയായിരുന്നെങ്കിൽ മാലിനി ശരീരസൗന്ദര്യവും, ഹൃദയവിശാലതയും മാത്രം ഉള്ള ആളായിരുന്നു.
ശാലിനിയും, മാലിനിയും തമ്മിൽ ഒന്നര വയസ് മാത്രമായിരുന്നു പ്രായവ്യത്യാസം ഉണ്ടായിരുന്നത്. അതിനാൽ ഇരുവരും “എടീ, പോടീ” എന്നൊക്കെയാണ് വിളിച്ചിരുന്നത്.
പഴയകാല സിനിമ നടി ഷീല നടക്കുന്ന ഒരു രീതിയുണ്ടല്ലോ, നെഞ്ചൊക്കെ തള്ളിപ്പിടിച്ച് ഏന്തൊക്കെയോ താളക്രമത്തിൽ മൊത്തം കൃത്രിമമായി !! അതു പോലായിരുന്നു മാലിനിയുടെ നടപ്പ്. ഞാനാദ്യം മാലിനിയെ കാണുമ്പോൾ അവൾ എന്റെ മുന്നിൽ വരില്ല.
അടുത്തുകൂടെ വല്ലതും നമ്മൾ പോയാൽ “അയ്യോ എന്നെ മുട്ടല്ലേ” എന്നമട്ടിൽ പെട്ടെന്നൊരു തെന്നിമാറൽ ആയിരിക്കും ആഗ്യം കാണിക്കുക, നമ്മളും ഒന്ന്‌ ഞെട്ടും!
നേരെ നോക്കില്ല. സംസാരിക്കുമ്പോൾ ആപാദചൂഡം നാണം പൂത്തുലഞ്ഞപോലാണ് പെരുമാറ്റം; എന്നാൽ അതേ സമയം തന്നെ കാര്യങ്ങൾ പറയേണ്ടിടത്ത് ചീറ്റപ്പുലിയെ പോലെ ക്രൗര്യം കാണിക്കുകയും ചെയ്യും.
ഒരു കീറാമുട്ടി പ്രശ്നമായിരുന്നു മാലിനി.
ആരോടും അധികം അടുപ്പമില്ല. പ്രേമം മുതലായ മൃദുലവികാരങ്ങൾ ഒന്നും ഇല്ല. എടുത്തടിച്ചതു പോലെ സംസാരിക്കും. വെട്ടൊന്ന്‌ മുറി രണ്ട് അതാണ് പ്രകൃതം.
ശാലിനിയേക്കാൾ മുമ്പും പിമ്പും അനിയത്തിയായ മാലിനിക്ക് ഉണ്ടായിരുന്നു.
ഞാനും ശാലിനിയുമായ ബന്ധം ആദ്യം മനസിലാക്കിയത് മാലിനിയായിരുന്നു. അവളത് നേരിട്ട് പറഞ്ഞൊന്നുമില്ല, എന്നാൽ അർത്ഥഗർഭ്ഭമായ ഒരു ചിരിയാൽ എനിക്ക് ശാലിനിയോടുള്ള അനുരാഗം അവൾ കടിച്ചു കുടഞ്ഞിട്ടിരുന്നു പലപ്പോഴും.
“ശാലിനി താഴെ കടവിലേയ്ക്ക് പോയി”,
“അവൾ കിടന്നുറക്കമാണെന്നാണ് തോന്നുന്നത്”,
“വീട്ടിലെ കുറച്ച് പണി ചെയ്യാൻ കൂടി ഒന്ന്‌ ശാലിനിയോട് പറയണം”,
“അവളെ കെട്ടുന്നവന്റെ കാര്യം പോക്കാണ്”,
“പിണങ്ങിയാണെന്ന്‌ തോന്നുന്നു പിന്നാലേ വിട്ടോ”
എന്നിങ്ങിനെ ഞങ്ങൾ തമ്മിലുള്ള ബന്ധം ആ വീട്ടിൽ ആരെങ്കിലും അറിയുന്നതിന് മുമ്പേ മാലിനി അറിഞ്ഞതിനാൽ എന്നോട് കോളും കൊളുത്തും ചേർത്ത് മുകളിൽ വിവരിച്ചതു പോലെ സംസാരിച്ചിരുന്നു.
അതിൽ നിന്നെല്ലാം മാലിനിക്ക് ഞങ്ങൾ തമ്മിലുള്ള ബന്ധം താൽപ്പര്യമാണ് എന്ന്‌ എനിക്ക് മനസിലായി. അതുകൊണ്ട് തന്നെ ഞങ്ങൾ പിണങ്ങുമ്പോൾ ഇടനിലക്കാരിയായി നിന്നിരുന്നതും മാലിനിയായിരുന്നു.
മാലിനിയെ ഞാൻ എന്റെ സഹോദരിയേപ്പോലെ കണ്ടു എന്നൊക്കെ പറഞ്ഞാൽ അത് ശുദ്ധ നുണയായിരിക്കും. എന്തെന്നാൽ ശാലിനിയുടെ അഭൗമസൗന്ദര്യമാകുന്ന വടവൃക്ഷത്തിന് മുകളിൽ പോലും പാറിപ്പറക്കുന്ന സ്വഭാവഗുണങ്ങളുടെ കളിപ്പട്ടമായിരുന്നു മാലിനി.
പലതുകൊണ്ടും മാലിനി ഒരു തികഞ്ഞ സുതാര്യ പുഷ്പമായിരുന്നു.
കാര്യങ്ങൾ ഇങ്ങിനൊക്കെ പോകവേ, ആ വീട്ടിലെ മല്ലുപിടിച്ച പണികൾക്കെല്ലാം മുന്നിട്ടിറങ്ങുക ഞാനും മാലിനിയുമായിരിക്കും. എന്റെ പ്രേമഭാജനം ആ സമയം മുഴുവൻ ഉറക്കമോ, പൈങ്കിളി വാരികകൾ വായനയോ, ടി.വി കാണലോ ഒക്കെയായി ബിസിയായിരിക്കും. അതിനാൽ തന്നെ ഞാനും മാലിനിയുമായി ഒരു ഹൃദയബന്ധം ഉടലെടുത്തിരുന്നു. ഒരിക്കലും അന്ന്‌ അത് മോശപ്പെട്ട എന്തെങ്കിലും രീതിയിൽ ഉള്ളതായിരുന്നില്ല. ഒരു ജേഷ്ടൻ ഇല്ലാത്തതിന്റെ കുറവ് മാലിനിക്ക് പതിയെ ഇല്ലാതായി എന്ന്‌ പറയാനേ കഴിയൂ ആ ബന്ധത്തെ.
പ്രേമിക്കുന്ന ശാലിനി എനിക്കായി കാപ്പി കൊണ്ടുവന്ന്‌ തരുന്നതും, ചോറുണ്ണാൻ വിളിക്കുന്നതും, കൂടെ എന്തെങ്കിലും ജോലിക്കിറങ്ങുന്നതും ഒരു ഔചത്യ കുറവുള്ളതിനാൽ ആ ഭാഗം അഭിനയിക്കേണ്ടിയിരുന്നത് മാലിനിയായിരുന്നു. അതിനാൽ തന്നെ മാലിനിയുമായി ഞാനും ഹൃദയം കൊണ്ട് അടുത്തു.
ശാലിനിയുടെ നിഷ്ടൂരമായ പെരുമാറ്റങ്ങൾക്ക് മുന്നിൽ മാലിനി ഒരു ആശ്വാസമായിരുന്നു. അതേ പെരുമാറ്റങ്ങളോട് മാലിനിക്ക് ഉണ്ടായിരുന്ന വെറുപ്പ് സഹതാപമായി എന്നോട് ഉണ്ടായിരുന്നു താനും.
ഇങ്ങിനൊക്കെ മുന്നോട്ട് പോകുമ്പോൾ പിണക്കങ്ങളും, അതിന്റെ വേദനയും എനിക്ക് പറയാൻ പലപ്പോഴും മാലിനി മാത്രമേ ഉണ്ടായിരുന്നുള്ളൂ.
ശാലിനി പിണങ്ങിയാൽ നമ്മൾ അത്രയും കാലവും നൽകിയ സ്നേഹത്തിന് പുല്ലു വില കൽപ്പിച്ച് പോകുക എന്നതാണ് രീതി. പട്ടിയുടെ വില പോലും നമ്മൾക്ക് നൽകില്ല.
എന്നെ തിരിച്ചു വിളിച്ചു കൊണ്ട് വരുവാൻ വീട്ടിൽ വന്നിരുന്നത് മാലിനിയായിരുന്നു. പിന്നീട് ഞങ്ങളെ വീണ്ടും യോജിപ്പിൽ എത്തിച്ചിരുന്നതും അവൾ തന്നെ.
അധികം പഴങ്കഥപറഞ്ഞ് വായനക്കാരെ മുഷിപ്പിക്കുന്നില്ല..
ഇനി സംഭവങ്ങളുടെ സീക്വൻസ് പറയാം.
ഒരു ദിവസം ഞാൻ ആ വീട്ടിൽ ചെല്ലുമ്പോൾ ശാലിനി ഉണ്ടായിരിക്കും എന്നാണ് കരുതിയത്. പുറത്ത് ആരേയും കണ്ടില്ല. പതിയെ പതുങ്ങി ഉള്ളിൽ ചെല്ലുമ്പോൾ മാലിനി ഒരു പുസ്തകം വായിച്ചു കൊണ്ട് കട്ടിലിൽ കിടക്കുന്നു.
(ആ കട്ടിലിനും ഒരു പ്രത്യേകതയുണ്ട് ശാലിനിയുമായി ആദ്യമായി ബന്ധപ്പെട്ടത് ആ കട്ടിലിൽ വച്ചായിരുന്നു)
ശാലിനിയോടുള്ളതു പോലുള്ള അടുപ്പം ഇല്ലെങ്കിലും മാലിനിയുമായും ഞാൻ കളിതമാശകൾ പറഞ്ഞിരുന്നു.
എന്നെ കണ്ടതും മാലിനി ആ പുസ്തകം ഒളിപ്പിക്കാൻ ശ്രമിച്ചു. ഞാനത് പിടിച്ചു വാങ്ങി. പുറം ചട്ട നോക്കിയപ്പോൾ “സ്ത്രീകളും ലൈംഗീകതയും” എന്ന ഒരു പുസ്തകമാണ്. ഞാനത് തിരിച്ചു കൊടുത്തു.
അവൾ നന്നായി ചമ്മിയതുപോലെ കാണപ്പെട്ടു.
“എന്താ ഇപ്പോ ഇതു പോലുള്ള പുസ്തകം ഒക്കെ വായിക്കാൻ?”
“ഓ ഒന്നുമില്ല” അവൾ ലജ്ജിച്ച് മൊഴിഞ്ഞു.
മാറ്റാരെങ്കിലും ആയിരുന്നെങ്കിൽ എന്റെ സംഭാഷണം ആ രീതിയിൽ ആകുമായിരുന്നില്ല മുന്നോട്ട് പോകുക. “എന്നിട്ട് എല്ലാം പഠിച്ചോ?”,
“നിനക്ക് ഇതൊക്കെ അറിയാമെന്നാണ് ഞാൻ കരുതിയിരുന്നത്”,
“വായിച്ചു കഴിഞ്ഞ് എനിക്ക് തരണം കെട്ടോ, നിങ്ങൾ മാത്രം ഇതെല്ലാം പഠിച്ചിരുന്നാൽ ഞങ്ങൾ ആണുങ്ങളുടെ കാര്യം കുഴപ്പത്തിലാകില്ലേ?”,
“എവിടുന്ന്‌ കിട്ടി ഈ സംഭവം?” എന്നിങ്ങിനെ ചാനൽ തിരിച്ചു വിടുന്ന എന്തെങ്കിലും ഒക്കെ ഞാൻ പയറ്റുമായിരുന്നു.
