‘ ജിനു… എടാ എനിക്ക്.. എനിക്കിതൊന്നും അറിയില്ലാരുന്നെടാ!’ തനിക്കുണ്ടായ ഷോക്ക് അവൾ മറച്ചുവെച്ചില്ല. ‘ നീ പക്ഷേ ഇടയ്ക്കൊക്കെ പുറത്തു പോവുന്നുണ്ടാരുന്നെല്ലോടാ. ചോദിച്ചപ്പോഴൊക്കെ ക്ലാസിലെ ഓരോ പെമ്പിള്ളേരുടെ പേരും പറഞ്ഞ് അവരുമായിട്ട് കറങ്ങാൻ പോവുകയാണെന്നല്ലേ പറയാറുള്ളത്?!’
‘ സോറി ആന്റി. ആ പറഞ്ഞതൊക്കെ കള്ളമാരുന്നു. ലൈബ്രറിയിലോട്ടും മാളിലോട്ടുമൊക്കെയാരുന്നു ഞാൻ പോയിരുന്നെ. എന്റെ കാര്യമൊക്കെ അറിഞ്ഞാ ആന്റി വെഷമിക്കുമെന്ന് തോന്നി. അല്ലാതെ തന്നെ ഒരുപാട് വെഷമങ്ങളും പ്രശ്നങ്ങളും ഒക്കെയുള്ള ആളല്ലേ ആന്റി. അക്കൂട്ടത്തിൽ എന്തിനാ ഈയൊന്നുകൂടി.. അതാ ഞാൻ..’
സെലീനയ്ക്ക് കുറ്റബോധം തോന്നി. ഫിലിപ്പച്ചായന്റെ മരണശേഷം താൻ ജിനുവിന്റെ കാര്യമൊന്നും ശ്രദ്ധിക്കുന്നില്ലായിരുന്നു. ഒന്നും അന്വേഷിക്കാതെ തന്നെ ആ മനസ്സ് തനിക്കറിയാമെന്ന മിഥ്യാബോധമായിരുന്നു ഇതുവരെ. സ്വന്തം വിരഹദുഃഖം അഴലിത്തീർക്കാനുള്ള ബദ്ധപ്പാടിനിടയിലും തങ്ങളുടെ ജീവിതം സുരക്ഷിതമാക്കാനുള്ള നെട്ടോട്ടത്തിനിടയിലും അവനിലെ ഇത്തരം പ്രശ്നങ്ങളുടെ ലക്ഷണങ്ങളൊന്നും താൻ ശ്രദ്ധിച്ചതുമില്ല. തന്റെ മോനിപ്പോഴും സെക്ഷ്വലി വളരെ ഇമെച്ച്വറാണ്. ശ്ശെ.. താനെന്തൊരു വിഡ്ഢിയായിരുന്നു!… അവനെ മടിയിൽ കിടത്തി തലോടുന്നതിനിടയിൽ സെലീനയുടെ ചിന്തകൾ കാടുകയറി.
രണ്ടുപേരും കുറേസമയം നിശ്ശബ്ദരായി അങ്ങനെയിരുന്നു. എന്തുപറയണമെന്ന് രണ്ടുപേർക്കും അറിയില്ലായിരുന്നു. ഒടുവിൽ സെലീന തന്നെ മൗനം ഭേദിച്ചു.
‘ ജിനൂ…. നമ്മക്ക് രണ്ടുപേർക്കൂടി ഒരു ഡേറ്റിന് പോയാലോടാ?’
അതുകേട്ടതും ജിനു മടിയിൽ നിന്ന് ചാടി എഴുന്നേറ്റു. പ്രേതത്തെ കണ്ടപോലെ അവളെ മിഴിച്ചുനോക്കി.
‘ ആന്റി.. സീരീസായിട്ട് ഒരു കാര്യം പറയുമ്പോഴാണോ തമാശ? ദേ ഞാൻ പെണങ്ങുവേ..’
‘ ഹ.. ഞാനും സീരിയസ്സായിട്ട് തന്നെയാ മാഷേ പറഞ്ഞെ.. നിനക്ക് എന്റടുത്ത് ഈ കൊഴപ്പമില്ലല്ലൊ.. അപ്പൊ എന്റെ കൂടെ വരാനെന്താ പ്രോബ്ലം? ഇന്ന് ഞാനാ നിന്റെ ഡേറ്റെന്ന് വിചാരിച്ചേച്ചാ മതി. അതുപോലെ ബിഹേവ് ചെയ്യ്. എവിടെയാ മോന് പ്രശ്നം വരുന്നേന്നുവച്ചാ ആന്റി പറഞ്ഞു തരാട്ടോ.. പെമ്പിള്ളേർക്ക് എന്തൊക്കെയാ ഇഷ്ടമാവുന്നേന്ന് ആന്റിയ്ക്ക് ഇപ്പഴും അറിയാടോ..’ സെലീന പറഞ്ഞുവന്നത് പെട്ടെന്ന് നിർത്തി.
‘ ഇനി മോന് ഈ കെളവിയുടെ കൂടെ പുറത്തുപോവാൻ നാണക്കേടാണേൽ വേണ്ടാട്ടോ.. ആന്റി പറഞ്ഞത് തിരിച്ചെടുത്തിരിക്കുന്നു.’
‘ ഒന്നുപോ ആന്റി… പിന്നേ.. 36 വയസ്സൊള്ള ആന്റിയല്ലേ കെളവി! അപ്പൊ കെളവിമാരെയെന്തു വിളിക്കണം? ഏറിയാ ഒരു 32. അത്രേ പറയുള്ളു.. ഞാനിന്നുവരെ കണ്ടിട്ടുള്ളവരിൽ ഏറ്റവും കിടിലനാ എന്റെ ആന്റി.’
അതുപറഞ്ഞപ്പൊ ചിരിച്ചുകൊണ്ട് സെലീനയും പറഞ്ഞു.
‘ താങ്ക്സെട മുത്തേ.. നീയും ഞാനിന്നുവരെ കണ്ടിട്ടുള്ള ആണുങ്ങളിൽ വെച്ചേറ്റവും സുന്ദരക്കുട്ടപ്പനാ.. അപ്പൊ നമ്മൾ ചുന്ദരനും ചുന്ദരിയൂടി ഒരു ഡേറ്റിന് പോവുന്നു. എന്നാ പറയുന്നു?’
ജിനു ഒന്നു നിശബ്ദനായിരുന്ന് ചിന്തിച്ചു. ഹ്മം. ഒരുപക്ഷേ ഒന്നു പുറത്തോട്ടൊക്കെ പോണത് ആന്റിയ്ക്കുമൊരു ചെയ്ഞ്ച് ആവും. അറ്റ്ലീസ്റ്റ് കുറച്ചു ദിവസത്തെങ്കിലും തന്നെക്കുറിച്ചോർത്ത് ടെൻഷനടിക്കത്തില്ലല്ലൊ. ആ പാവത്തിന് കുറച്ചെങ്കിലും മനസമാധാനമായിക്കോട്ടെ.. ചിന്തിച്ചപ്പോൾ അവനും ആ ആശയം ഇഷ്ടപ്പെട്ടു.
‘ ഹ്മം.. ഓക്കേ.. നമ്മക്കൊന്നു പോയിനോക്കാം’
‘ അതെന്താടോ ശബ്ദത്തിലൊരു സന്തോഷമില്ലാതെ..? കൊറച്ച് ഹാപ്പിയായിട്ടൊക്കെ പറ.’
‘ ഞാൻ ഹാപ്പിയൊക്കെയാ ആന്റി… പക്ഷേ…’
‘ എന്താടാ കുട്ടാ..? എന്നതാ കാര്യം?’
‘ സിനിമയിൽ കണ്ടിട്ടുണ്ടെന്നല്ലാതെ എനിക്കൊരു കുന്തവും ഇതേപ്പറ്റി അറിയത്തില്ല. അലമ്പായി പോവുമോന്നു പേടിയുണ്ട് കെട്ടോ… അങ്ങനെയങ്ങാൻ സംഭവിച്ചാ പിന്നെ എന്റെ കോൺഫിഡൻസ് മൊത്തം തകർന്നുതരിപ്പണമാവും..’ അത്രയും പറഞ്ഞപ്പൊതന്നെ അവന് നാവിടർച്ച തുടങ്ങിയിരുന്നു.
‘ ഛെഛെ… മോനെന്തിനാ അങ്ങനൊക്കെ ചിന്തിക്കുന്നെ… ഇതിലങ്ങനെ പേടിക്കണ്ട ഒരു കാര്യവുമില്ലെടാ കുട്ടാ. മറ്റാരുടെയും കൂടെയല്ലല്ലോ. എന്റെ കൂടെയല്ലേ. പ്രാക്ടീസ് മേക്ക് മാൻ പെർഫെക്ട് എന്ന് കേട്ടിട്ടില്ലേ. ഇതൊരു പ്രാക്ടീസായി കണ്ടാൽ മതി. നോ ടെൻഷൻ.’ സെലീന വാത്സല്യത്തോടെ അവന്റെ കവിളിൽ കൈത്തടം ചേർത്തു.