” ഒൻപതരയ്ക്കുള്ളിൽ ഛർദ്ദിച്ചാൽ മറ്റേ ഗുളിക കൂടി കഴിക്കണം … ”
ജാസ്മിൻ അനങ്ങിയില്ല.
അവളുടെ മിഴികൾ പൊട്ടിത്തുടങ്ങിയിരുന്നു …
” ഞാൻ കിടക്കാൻ പോണ് … ”
അവന്റെ ഓൺലൈൻ സ്റ്റാറ്റസ് മറയുന്നത് അവൾ കണ്ടു ..
ദേഷ്യത്തോടെയും സങ്കടത്തോടെയും അവൾ കട്ടിലിലേക്ക് വീണു …
ഇന്നലെ ഈ സമയം …..
ഇന്ന് ഈ സമയം ….
ഇതിനിടയിൽ സംഭവിച്ച കാര്യങ്ങൾ അവൾ മനസ്സാ പരിശോധിച്ചു …
ഇഴ കീറി പരിശോധിച്ചിട്ടും ഷാനുവിൽ ഒരു തെറ്റും കണ്ടെത്താൻ കഴിഞ്ഞില്ലെന്ന് മാത്രമല്ല, എല്ലാം തന്റെ വെറുമൊരു തെറ്റിദ്ധാരണയുടെ പുറത്താണെന്ന് അവൾ തിരിച്ചറിയുകയും ചെയ്തു.
ആ നിമിഷം കട്ടിലിൽ കിടന്ന ഫോൺ ബെല്ലടിച്ചു.
ആത്മഹർഷത്താൽ അവൾ ഫോൺ ചാടിയെടുത്തു …
ഇക്ക കോളിംഗ് …
അവളുടെ മുഖം ഒരു നിമിഷം മ്ലാനമായി.
തനിക്കു സംഭവിക്കുന്നതെന്തെന്ന് അവൾക്ക് മനസ്സിലാക്കാൻ സാധിക്കുന്നുണ്ടായിരുന്നു …
കോൾ അറ്റന്റ് ചെയ്തവൾ സ്പീക്കർ മോഡിലിട്ടു.
“മഴയാണോ അവിടെ … ”
” പെരും മഴയാ…”
” കുട്ട്യോളോ ..?”
” മോളി ഇവിടുണ്ട് , ഷാനു അപ്പുറത്താ …”
“അതെന്താ കിടപ്പു മാറ്റിയോ ..?”
” ചിലപ്പോഴൊക്കെ അങ്ങനാ…” അവളെങ്ങും തൊടാതെ പറഞ്ഞു..
ഷാഹിർ പിന്നീട് അതിനേക്കുറിച്ച് സംസാരിച്ചില്ല , ചിലപ്പോൾ താൻ കുറഞ്ഞ ദിവസത്തെ ലീവിന് വരുമെന്നും ഉറപ്പു പറയാറായിട്ടില്ലെന്നും അവൻ പറഞ്ഞു …
” എന്താ പ്രത്യേകിച്ച് …?”
” ആ നാറിയുടെ കാര്യം തന്നെ … ” ഷാഹിർ ദേഷ്യത്തിലായി …
കാശു കൊടുക്കാനുള്ളവനേക്കുറിച്ചാണ് ഇക്ക പറഞ്ഞതെന്ന് അവൾക്ക് മനസ്സിലായി …
അല്പ നേരം കൂടി സംസാരിച്ച ശേഷം അവർ ഫോൺ വെച്ചു.
വിശപ്പൊന്നും തോന്നുന്നില്ല …
അവൾ കുറച്ചു നേരം കൂടി കിടന്നു …
ആ കിടന്ന കിടപ്പിൽ അവളൊന്നു മയങ്ങിപ്പോയി. മോളി വിശക്കുന്നു എന്ന് പറഞ്ഞ് ഉണർന്നപ്പോഴാണ്, അവൾ ഞെട്ടി എഴുന്നേറ്റത്.
അവൾ മോളിയേയും കൂട്ടി ഹാളിലെത്തിയപ്പോഴേക്കും ഷാനുവിന്റെ വാതിൽ അടഞ്ഞ പോലെ അവൾക്ക് തോന്നി ..
മോളിക്ക് വേഗം ഭക്ഷണമെടുത്ത് കൊടുത്തിട്ട് അവൾ റൂമിലേക്ക് പാഞ്ഞു ചെന്നു..
മൊബൈലെടുത്ത് അവൾ നോക്കി…..
ഷാനു … ഓൺലൈൻ …
അവളുടെ ദേഹം പെരുത്തുകയറി …
പാത്രങ്ങൾ കഴുകാനൊന്നും മിനക്കെടാതെ സിങ്കിലിട്ട് , മോളിയേയും കൂട്ടി , ലൈറ്റണച്ചവൾ വേഗം റൂമിലെത്തി …
ഓൺലൈൻ തന്നെ ….!
” ഉറക്കത്തിലാ ല്ലേ ….”
സങ്കടവും ദേഷ്യവും ഒരുമിച്ച് വന്നിട്ടും അവളങ്ങനെയാണ് എഴുതി വിട്ടത് …
രണ്ടു ടിക്കും ബ്ളൂ ടിക്കും വീണു …
“ബാത്റൂമിൽ പോയതാമ്മാ ….”
വീണ്ടും കാറ്റു പോയ ബലൂൺ പോലെ ജാസ്മിൻ കിടക്കയിൽ വീണു …
ഇപ്പോൾ അവനെ കിട്ടിയാൽ താൻ സത്യമായും തല്ലിപ്പോകുമെന്ന് അവൾക്കുറപ്പായിരുന്നു …
കാമുകൻ പിണങ്ങിയ കാമുകിയുടെ പരവശ ചേഷ്ടകളോടെ കിടക്കയിൽ തിരിഞ്ഞും മറിഞ്ഞും കിടന്നും ഇടയ്ക്ക് ഫോൺ എടുത്തു നോക്കിയും അവൾ ഉള്ളാലെ വിങ്ങിക്കൊണ്ടിരുന്നു ..
ഇതിനു മുൻപ് ഇത്തരമൊരവസ്ഥ നേരിട്ടിട്ടില്ലാത്ത അവൾ ശരിക്കും പറഞ്ഞാൽ കരഞ്ഞു പോയിരുന്നു …
” ന്റെ ഷാനൂ ……” അവൾ കിടക്കയിൽ മുഖം ചേർത്ത് മോളി കേൾക്കാതെ കരഞ്ഞുകൊണ്ടിരുന്നു …
9: 32 PM
മെസ്സേജ് നോട്ടിഫിക്കേഷൻ ഇരമ്പിയപ്പോൾ ജാസ്മിൻ ചാടി ഫോണെടുത്തു …
ഷാനു തന്നെ ….
അവളത്രയും വേഗത്തിൽ ഒരു മെസ്സേജ് ഓപ്പൺ ചെയ്യുന്നത് ആദ്യമായിട്ടായിരുന്നു …
“ഛർദ്ദിച്ചോ …..?”
ഫോൺ വലിച്ചെറിയാൻ കൈ ഓങ്ങിയെങ്കിലും അവൾ കടിച്ചു പിടിച്ചു …
” ഇല്ല ….”
” എന്നാലിനി പേടിക്കണ്ട … ”
വീണ്ടും സംസാരം മുറിഞ്ഞു …
ആ രാത്രി എങ്ങനെയാണ് നേരം വെളുപ്പിച്ചതെന്ന് ജാസ്മിന് ഒരു തിട്ടവുമില്ലായിരുന്നു .. വെളുപ്പാൻ കാലത്താണ് അവളൊന്നുറങ്ങിയത് .
7: 10 AM
മോളി ഉണർന്നപ്പോഴാണ് ജാസ്മിനും ഉണർന്നത്.
മാനസികാസ്വാസ്ഥ്യം പിടി മുറുക്കിയ ശരീരം വലിച്ചു വെച്ച് അവൾ അടുക്കളയിലേക്ക് ചെന്നു.
ചായ ഫ്ളാസ്കിലുണ്ട് …
മാഗി കഴിച്ചതിന്റെ കുറച്ച് പാത്രത്തിലിരുപ്പുണ്ട്.
ഷാനു നേരത്തെ ഉണർന്ന് ചായ കുടി കഴിഞ്ഞു പോയതായി അവൾക്ക് മനസ്സിലായി .
മോളിയെ പല്ലു തേപ്പിച്ച ശേഷം ബാക്കിയിരുന്ന മാഗി അവൾക്ക് കൊടുത്ത് ചായ മാത്രം കുടിച്ച് അവൾ വീണ്ടും പോയി കിടന്നു.
ഷാനുവിന്റെ മുറിയുടെ വാതിൽ അടഞ്ഞു തന്നെയായിരുന്നു …
ഒന്നു രണ്ടു തവണ ജാസ്മിനെ വന്നു പാളി നോക്കിയ ശേഷമാണ് മോളി ടി. വി ഓൺ ചെയ്തത്.
വളരെ ശബ്ദം താഴ്ത്തിയാണ് മോളി ടി. വി വെച്ചതും …
പുതപ്പിട്ടു വലിച്ചു മൂടി ജാസ്മിൻ പെയ്യാൻ വെമ്പുന്ന മിഴികളോടെ കിടന്നു …
അവനോട് ദേഷ്യപ്പെടാനും വയ്യ … തന്റെ അനുനയ ശ്രമങ്ങളിൽ അവൻ അടുക്കുന്നുമില്ല …
ഒരു പുരുഷന്റെ യഥാർത്ഥ മനസ്സ് ജാസ്മിൻ അറിഞ്ഞു തുടങ്ങുകയായിരുന്നു …
എത്ര പ്രിയപ്പെട്ട വിഭവമാണെങ്കിലും ഒരിക്കൽ ഛർദ്ദിക്കേണ്ടി വന്നാൽ പിന്നീടൊരിക്കലുമതവൻ തിരിഞ്ഞു നോക്കില്ലെന്ന് അവളറിഞ്ഞു തുടങ്ങി …
ആരുടെയെങ്കിലും നിർബന്ധത്താലോ സ്നേഹ ശാസനകളാലോ ഒരു പിടി അവൻ വാരിക്കഴിച്ചാലും അവനതിറക്കുക, മറ്റുള്ളവർക്ക് വേണ്ടിയായിരുക്കും …
തനിക്കു ചേർന്ന പെണ്ണാണെങ്കിൽ അവളുടെ ന്യൂനതകളോ സൗന്ദര്യമോ . പ്രായമോ ഒന്നും അവന് പ്രശ്നമുള്ള കാര്യമല്ല.
പരുന്ത് ചിറകു വിടർത്തിപ്പിടിച്ച് സംരക്ഷിക്കുന്ന പോലെ അവൻ കാവലാകും. അതിനവന്റെ ശരീരത്ത് മാംസ പേശികൾ ദൃഡമായിക്കൊള്ളണമെന്നില്ല …
അവനൊരു ലക്ഷ്യം മാത്രം …
പ്രിയപ്പെട്ടവളുടെ സന്തോഷം ..
അവന്റെ സന്തോഷമെന്നാൽ അവൾ തന്നെയാണ് …
ചുരുക്കത്തിൽ പുരുഷന് സ്ഥായിയായ ഒരു വികാരഭാവങ്ങളില്ലെന്നും അവനോടു ചേരുന്ന സ്ത്രീ, അതാരായിരുന്നാലും അവളുടെ വികാരങ്ങളുടെ പ്രതിഫലനങ്ങൾ മാത്രമാണ് പുരുഷനെന്നും അവൾ തിരിച്ചറിയുകയായിരുന്നു ……
താൻ സ്നേഹിക്കുമ്പോൾ അവൻ സ്നേഹിക്കുന്നു …
താൻ പിണങ്ങുമ്പോൾ അവൻ പിണങ്ങുന്നു …
തന്റെ നിശബ്ദത അവന്റെയും നിശബ്ദതയാണ് …
താൻ തല്ലിയപ്പോൾ അവൻ തിരിച്ചു തല്ലാത്തതിന് കാരണങ്ങൾ വേറെയുണ്ടല്ലോ…
മാഷിന് താൻ ബഹുമാനവും സ്നേഹവും കൊടുക്കുന്നു …
സ്ത്രീകളോടുള്ള ബഹുമാനം. മുൻ നിർത്തി മാഷത് തിരികെ തരുന്നു …
ഷാഹിക്കാക്ക് കൊടുക്കുന്നത് സുഖവിവരങ്ങളും നാട്ടുവിശേഷങ്ങളും മാത്രമാണ്… അതു തന്നെയാണ് തനിക്ക് തിരികെ ലഭിക്കുന്നതും ..
ഷാനുവിന് കൊടുത്തതും അതു പോലെ തന്നെ ….
തന്റെ ജീവിതത്തെ സ്വാധീനിച്ച മൂന്ന് വ്യക്തികൾ വെച്ച് ഒരവലോകനം നടത്തിയപ്പോൾ എല്ലാം തന്റെ , അല്ലെങ്കിൽ ഒരു പുരുഷന്റെ മനോനിയന്ത്രണങ്ങളുടെ കടിഞ്ഞാൺ അവന്റെ സ്ത്രീയുടെ കയ്യിലാണെന്ന് അവൾ തിരിച്ചറിയുകയായിരുന്നു ….
പുരുഷൻമാർ അതങ്ങനെ എളുപ്പം സമ്മതിച്ചു തരില്ല .. പൊതുജന സമക്ഷം ഒരിക്കലും …
അവനതറിയണമെങ്കിൽ രണ്ടോ മൂന്നോ ദിവസം അവളകന്നു കഴിയണം ..
അപ്പോഴവനു മനസ്സിലായിത്തുടങ്ങും …
