അതായിരുന്നു എന്റെ ആദ്യത്തെ പോലീസ് കേസ്. പിന്നെ അങ്ങോട്ട് വച്ചടി വച്ചടി കയറ്റമായിരുന്നു…. പോലീസ്ക്കാരും ഞാനും തമ്മിൽ നല്ലൊരു ഫ്രണ്ട്ഷിപ് കീപ് ചെയ്യാൻ പറ്റി…. 😌
ഇനി നമ്മക്ക് വർത്തമാനകാലത്തേക്ക് വരാം. ഞാൻ ഇപ്പൊ ഇവിടെ വന്നിട്ട് ഏകദേശം 2 ആഴ്ച്ച ആവുന്നു.ഇന്ന് ആണ് കൊടിയേറ്റം… ഇനി അങ്ങോട്ട് ഒരു 2അര മാസം ഇങ്ങനെ ഇത് ഒക്കെ തന്നെ ആണ്.
രണ്ടര മാസം കഴിഞ്ഞാൽ കൊടിയിറക്കവും. അത് വരെ ഞങ്ങൾ ഇവിടെ നിക്കാൻ ആണ് ഓർഡർ……
എന്ത് പറയാനാ ഓരോ അന്ധവിശ്വാസങ്ങൾ
സമയം വൈകുന്നേരമായി എല്ലാവരും ക്ഷേത്രത്തിൽ പോവാൻ നിൽക്കുകയാണ്.. ഞാൻ ഒരു ഡാർക്ക് വയലറ്റ് കളർ ഷർട്ടും ഒരു സെറ്റ്മുണ്ടും ഉടുത്ത് റൂമിൽ ഫോണും നോക്കി കിടക്കുകയാണ്. എല്ലാവരും ഒന്നിച്ച് വേണം പോവാൻ താര പോവാൻ നേരം വിളിക്കാം എന്ന് പറഞ്ഞിരുന്നു..
“ചേട്ടാ….അടിയിലോട്ട് വാ എല്ലാവരും റെഡി ആയി നിൽപ്പുണ്ട് ചേട്ടൻ മാത്രമേ വരാൻ ഉള്ളു”
അവൾ ഡോറിൽ ഒന്ന് മുട്ടികൊണ്ട് പറഞ്ഞു.
“അഹ് ഞാൻ വന്നോളാം നീ പൊക്കോ…..”
ഞാൻ അടിയിലോട്ട് ചെന്നു എല്ലാവരും റെഡി ആയി നിൽപ്പുണ്ട്. ആദ്യം ചേച്ചിമാരെ നോക്കി. എന്താ പറയാ… ദേവുചേച്ചി വെള്ളയിൽ പച്ച കര ഉള്ള ഒരു സെറ്റ് സാരി ആണ് വേഷം. നല്ല ഒതുക്കി കെട്ടിയ മുടിയും. നെറ്റിയിൽ ഒരു ചെറിയ പൊട്ടും.
ആഹാ അഴക്….. 😍
നന്ദു ചേച്ചിയും കാർത്തു ചേച്ചിയും ഒരു ദാവണി ആണ് വേഷം…..പച്ചയും വെള്ളയും ആയിരുന്നു വേഷം രണ്ടുപേരുടെയും….. നന്ദു ചേച്ചി ഐശ്വര്യത്തിന്റെ നിലവിളക്കാണെങ്കിൽ കാർത്തു ചേച്ചി അതിൽ തെളിയുന്ന സ്വർണ ദീപം ആയിരുന്നു…. രണ്ടുപേരെയും അങ്ങനെ കണ്ടപ്പോ ഭയങ്കരമായ സന്തോഷം…🥰
പാറു ആണെങ്കിൽ ചുവപ്പ് ടോപ്പും വെള്ള പട്ടുപാവാടയും. പാവാടയിൽ കുറെ കലാരൂപങ്ങൾ ഒക്കെ ഉണ്ട്
ഇവൾ ഇതൊക്കെ ഇടുമോ….. എന്തായാലും കൊള്ളാം ഒരു ഐശ്വര്യം ഒക്കെ തോന്നി തുടങ്ങി…. ✨
പിന്നെ ഇഷയും താരയും ധാവണി തന്നെ ആണ്….. വൈശു ഒരു റെഡ് കളർ സാരിയും
എല്ലാരും വൻ പൊളി ലുക്കിൽ തന്നെ
ആ പൂതനയെ തിരയാൻ കണ്ണൊന്നു ശ്രമിച്ചു. അവളെ നാടൻ വേഷത്തിൽ കാണാൻ എങ്ങനെ ഉണ്ടാവും എന്നൊരു ആശ…. പക്ഷെ എങ്ങും കണ്ടില്ല
ഞാൻ നേരെ വൈശുവിന്റെയും ഇഷയുടെയും ഒക്കെ അടുത്തേക്ക് പോയി…. കാരണം സ്വന്തം ചേച്ചിമാർക്ക് ഞാൻ അന്യൻ ആണല്ലോ. ഇത്ര ദിവസം മിണ്ടാണ്ടെ ഇരിക്കും എന്നൊന്നും ഞാൻ വിചാരിച്ചില്ല. പിന്നെ എനിക്കും അത് ഒരു വാശി ആയി…. ഇനി ഇങ്ങോട്ട് വന്ന് മിണ്ടട്ടെ
“അമ്പോ കാണാൻ ചെത്തായിട്ടുണ്ടല്ലോ ” വൈശു എന്നെ കണ്ടതും പറഞ്ഞു
“നിങ്ങളും മോശം അല്ലല്ലോ….” എന്ന് ഞാനും
വൈശു:”എന്നാലും നിന്റെ ദേവുചേച്ചിടെ അത്ര പോരാ”
ഞാൻ:”ദേവു ചേച്ചി ഒക്കെ ജനിച്ചപ്പോൾ മുതലേ അന്യായ ലുക്ക് ആണ് അതൊന്നും കാര്യം ആക്കണ്ട…”
“പിന്നെ…..സാരിയിൽ കാണാൻ കൊള്ളാം” വൈശു മാത്രം കേൾക്കാൻ ഞാൻ അവളോട് പറഞ്ഞു…
“എന്ത് “വല്ലാത്തൊരു മനം മയക്കുന്ന ഈണത്തോടെ അവൾ പറഞ്ഞു
“മൊത്തത്തിൽ”
“ഒന്ന് പോടാ ” എന്നും പറഞ്ഞുകൊണ്ടവൾ ഒരു നുള്ളിൽ ഒതുക്കി
ഇതൊക്കെ ചേച്ചിമാർ ശ്രദ്ധിക്കുന്ന കാര്യം ഞാൻ ആദ്യമേ അറിഞ്ഞിരുന്നു അവരെ ഒന്ന് മൂപ്പിക്കാൻ കൂടെ ആണ് ഈ കൊഞ്ചിക്കുഴയൽ. അത് കണ്ടിട്ടാവണം
“ആന്റി കല്ലു മോൾ എവിടെ”
ദേവുചേച്ചി ലക്ഷ്മി ആന്റിയോടായി ചോദിച്ചു
കല്ലല്ല… പാറ…. എന്താ ഒരു ഒലിപ്പിക്കൽ.. 😬
“ഓ അവൾടെ ഒരുക്കം കഴിഞ്ഞിട്ടില്ല മോളെ. ആദ്യം ധാവാണി ഉണ്ടുത്തു അത് കാണാൻ ഭംഗി ഇല്ല എന്ന് പറഞ്ഞ് ഇപ്പൊ സാരി ഉടുക്കാൻ പോയിരിക്ക.”
“എന്റെ ആന്റി അവളെ ഒന്ന് പെട്ടന്ന് വിളിക്കോ എത്ര നേരം ആയി ഒരാൾക്ക് വേണ്ടി.കാത്തുനിൽക്കുന്നു ” ഞാൻ ആന്റിയോടായി പറഞ്ഞു ദേഷ്യം ഒന്നും എന്റെ സ്വരത്തിൽ ഉണ്ടായിരുന്നില്ല…
“കല്ലു…… എടി ഒന്ന് പെട്ടെന്ന് വാടി..എത്ര നേരം ആയി ഇത്”