ഒരു ദിശയിൽ നിന്നും ഇവിടേക്ക് മരങ്ങളുടെ മറവു കാരണം നോട്ടം വരില്ല എന്ന് ഉറപ്പിച്ച ഞാൻ അരകെട്ടിൽ നിന്നും സിഗരറ്റ് പാക്കറ്റും തീപ്പെട്ടിയും എടുത്തപ്പോൾ ആണ് കുറച്ചു അകലെ നിന്നും ആരോ വരുന്നതുപോലെ തോന്നിയത്, ഞാൻ വ്യഗ്രതയിൽ സിഗരറ്റും തീപ്പെട്ടിയും അരയിൽ തിരുകി ശബ്ദം കേട്ട ദിശയിലേക്ക് കണ്ണും നട്ടിരുന്നു…
“‘’ഇവിടെയുള്ള മാരണങ്ങൾ ഒന്നും പോരാഞ്ഞിട്ട് ആണ് പുതിയ ഒരു അവതാരത്തെ കൂടി കൊണ്ടുവന്നേക്കുന്നത്, ആരു വന്നാലും പോയാലും ഇവിടെ ബാക്കിയുള്ളവന് സമ്മാധാനം ഇല്ലാലോ ദേവിയെ…”‘’
എന്നെ കുറിച്ചാണല്ലോ പറയുന്നത് എന്നോർത്തു ഞാൻ ആ കിളിനാഥത്തിന്റെ ഉടമയെ കാണാൻ കണ്ണും നട്ടിരുന്നു…
അധികം വൈകാതെ തന്നെ വലത്തു കൈയിൽ ഒരു വലിയ കമ്പും ഇടത്തെ കൈകൊണ്ടു കാൽപാതം വരെ നീണ്ടു കിടക്കുന്ന പാവാടയും അല്പം ഉയർത്തി പിടിച്ച് ഒരു പെൺകുട്ടി ഇടപാതയിലൂടെ നടന്നു വന്നു…ഒറ്റ നോട്ടത്തിൽ അത് മീനാക്ഷി ആണെന്ന് തോന്നിയെങ്കിലും പെട്ടന്നു തന്നെ അത് മറ്റാരോ അണെന്നു മനസിലായി… മന്ദമാരുതൻ അവളുടെ അഴിച്ചിട്ടിരുക്കുന്ന മുടിയിഴകളെ അവളുടെ മുഖത്തിനു എതിരെ എടുത്തെറിഞ്ഞുകൊണ്ടിരുന്നു, അവൾ വലിയ കമ്പു പിടിച്ച കൈയുടെ പിൻഭാഗം ഉപയോഗിച്ച് മുഖത്തു നിന്നും ആ മുടി ഇഴകളെ തട്ടി മാറ്റുവാൻ നല്ലതു പോലെ ബുദ്ധിമുട്ടുന്നുണ്ട്…
മീനാക്ഷിയുടെ അത്ര തന്നെ നിറമുണ്ട്, ഗോതമ്പു തളിരിന്റെ നിറമാണോ അവൾക്ക്? അല്ലാ ബട്ടർസ്കോച്ച് ഐസ് ക്രീമിന്റെ നിറം എന്ന് ഞാൻ മനസ്സിൽ ഓർത്തു… അവളുടെ മുഖത്തു ആരോടെന്നു ഇല്ലാത്ത ഒരു അമർഷമുണ്ടായിരുന്നു ആ മുഖഭാവം അവുളുടെ ചുമന്ന കവുളുകളിലെ നുണക്കുഴികൾ എടുത്തു കാട്ടി…
കണ്ണുകൾ എഴുതാത്തെ തന്നെ നല്ല നീളമുള്ള കൺപീലികലുള്ള അവളുടെ കണ്ണുകൾക്ക് ഉള്ളിൽ കരിവർണ്ണ കൃഷ്ണ്ണമണികൾ ഓടി കളിച്ചു നടന്നു, മുടിയിഴകൾക്കു ഇടയിലൂടെ അവളുടെ ചെവിയും അതിൽ കിടക്കുന്ന വെള്ളി നക്ഷത്ര കമ്മലുകളും ഞാൻ കണ്ണുകൊണ്ടു ഒപ്പി എടുത്തു…
ഒതുങ്ങി കൂർത്ത ചെറിയ മൂക്കിനു താഴെയായി രക്തശ്രേഷ്ടമായ ചെഞ്ചുണ്ടുകൾ, അവളുടെ പിറുപിറപ്പിനു അനുസരിച്ച് അടുക്കുകയും അകലുകയും ചേയ്യുന്ന ചുണ്ടുകൾക്ക് ഇടയിൽ നിന്നും മുല്ലമൊട്ടുപോലെയുള്ള വെളുത്ത പല്ലുകളുടെ കീഴ്ഭാഗവും കാണാം, അവളുടെ താടിഎല്ലിന്റെ ആകൃതിയും എടുത്തു തന്നെ കാണാം…
പാവാടയുടെ എലാസ്റ്റിക് തുടങ്ങുന്നിടംവരെ ഇറക്കമുള്ള ഒരു കടുംനീല ബ്ലൗസും കാൽപാതം വരെ നീളമുള്ള കടുംനീല പാവാടയുമാണ് അവളുടെ വേഷം, അവൾ പാവാട നിലത്തു ഒരയാതെ ഒരൽപ്പം ഉയർത്തി പിടിക്കുമ്പോൾ അവളുടെ കാൽപാതവും അതിൽ ഒരു പാമ്പിനെ പോലെ ചുറ്റി കിടക്കുന്ന വെള്ളി കൊലിസും കാലിലെ റോസ് വള്ളി ഉള്ള റബ്ബർ ചെരുപ്പും നോക്കി ഞാൻ അവിടെ ഇരുന്നു…
ഒരു നിമിഷം കൊണ്ടുതന്നെ ഞാൻ എന്റെ 20 വയസ്സ് ആയിസ്സിൽ കണ്ടതിൽ വെച്ച് ഏറ്റവും സുന്ദരി ഇവളാണെന്ന് ഉറപ്പിച്ചു, ഇവളുടെ അടുത്തെങ്കിലും ഭംഗിയുള്ള ആരെയും എനിക്കു ഓർത്തെടുക്കാൻ പോലും പറ്റുന്നില്ല…
എന്റെ തൊട്ടടുത്ത് വരുന്നത് വരെ നേരെ നോക്കി പിറുപിറുത് വരുന്ന അവൾ ഞാനിരിക്കുന്നത് കണ്ടില്ലാ, സൈഡിൽ നോക്കി എന്നെ കണ്ടപ്പോൾ അവൾ ഒന്ന് ഞെട്ടി…
തിടരും…..