ഫൈനലിയറായപ്പോഴേക്കും ജയയുടെ വിവാഹം ഉറപ്പിച്ചിരുന്നു…
അതിന് കാരണം വേറെ ഉണ്ടായിരുന്നു…
കോഴ്സ് കഴിഞ്ഞതോടു കൂടി ശരണ്യ തുടർ പഠനത്തിന് പോയതും ജയയുടെ വിവാഹവും ഏകദേശം ഒരേ കാലയളവിലായിരുന്നു…
ആർക്കിയോളജിയിൽ ജോലിയുള്ള രവിപ്രസാദായിരുന്നു വരൻ…
അയാളും സുന്ദരനും സുമുഖനുമായിരുന്നു…
തൃപ്പങ്ങോട്ടായിരുന്നു രവിയുടെ തറവാട്……
അവരും പ്രഭുക്കൻമാർ മാത്രമല്ല, രവിയുടെ മുത്തച്ഛൻ സ്വാതന്ത്ര്യ സമര സേനാനി കൂടി ആയിരുന്നു…
ഇട്ടു മൂടാൻ സ്വത്ത്…
പഴയ അംബാസിഡർ കാർ പെരുമ കാണിക്കാനായി മാത്രം ഒരു പോർച്ച് പണി കഴിപ്പിച്ച് അതിനായി ഇട്ടിരിക്കുന്നു…
ഏകദേശം പണ്ട് ആനയുണ്ടായിരുന്ന തറവാട് തന്നെ എന്ന് ചുരുക്കം…
നീലഗിരിയിലും വയനാട്ടിലുമായി തേയിലത്തോട്ടങ്ങളും കാപ്പിത്തോട്ടങ്ങളും…
മറ്റു കൃഷിയും സ്ഥലങ്ങളും എസ്റ്റേറ്റുകളും വേറെ…
രവിപ്രസാദ് ആണുങ്ങളിൽ രണ്ടാമത്തെയാളായിരുന്നു…
തറവാട് ഭാഗം വെച്ചപ്പോൾ അയാൾക്ക് നീലഗിരിയിലെ എസ്റ്റേറ്റാണ് കിട്ടിയത്……
സെൻട്രൽ ഡിപ്പാർട്ട്മെന്റ് ജോലി ആയതിനാൽ അയാൾ മിക്കപ്പോഴും യാത്രയിലായിരിക്കും……
ഇത്രയും കാലത്തിനിടയിൽ രവിയും ജയയും ഒരുമിച്ച് രണ്ടോ മൂന്നോ തവണ മാത്രമാണ് എസ്റ്റേറ്റിൽ പോയിട്ടുള്ളത്……
കാര്യങ്ങൾക്കായി അവിടെ ജോലിക്കാരുണ്ട്……
നോക്കി നടത്താൻ മാനേജരുണ്ട്…
വിവാഹം കഴിഞ്ഞ് ഒരു ആൺകുട്ടി ജനിച്ചു…… ഇളയ സഹോദരന്റെ വിവാഹം ഉടനെ ഉള്ളതിനാൽ രവിയ്ക്കും ജയയ്ക്കും തറവാട്ടു വീട്ടിൽ നിന്ന് മാറേണ്ടതായി വന്നു…
ഒന്നാമത് ഭാഗം വെപ്പ് കഴിഞ്ഞിരുന്നു…
രണ്ട് എന്നായാലും ഒരു വീട് രവിയ്ക്കും ജയയ്ക്കും ആവശ്യമായിരുന്നുവല്ലോ…
ജയയുടെ ആവശ്യപ്രകാരമാണ് വള്ളത്തോൾ നഗറിൽ സ്ഥലം വാങ്ങിയതും വീട് പണി പൂർത്തിയാക്കിയതും…
ആ ഒരു കാര്യം മാത്രമേ വിവാഹ ശേഷം ജയ രവിയോട് ആവശ്യപ്പെട്ടിട്ടുണ്ടായിരുന്നുള്ളൂ…
ജയയുടെ സഹോദരൻ ജോലിയുമായി ഡൽഹിയിലായിരുന്നു…
അതുകൊണ്ടു തന്നെ പ്രായമായ അച്ഛനെയും അമ്മയേയും ഇടയ്ക്ക് പോയി കാണുവാൻ കൂടിയായിരുന്നു ജയ അവിടെ വീടു പണിയാൻ ആവശ്യപ്പെട്ടതും…
വള്ളത്തോൾ നഗറിലെ വീട്ടിലാണിപ്പോൾ ജയയും രവിയും മകൻ മുരളീകൃഷ്ണനും താമസം…
മുരളീകൃഷ്ണൻ എൻട്രൻസ് എഴുതിയിരിക്കുന്നു…
ഐ. ഐ. ടി യിൽ എൻജിനീയറിംഗാണ് അവന്റെ ലക്ഷ്യം…
അതിനായി അവന്റെ കൂടെ നിഴൽ പോലെ ജയയുമുണ്ട്…
രവി , തന്റെ ഗവേഷണങ്ങളുമായി ബന്ധപ്പെട്ട കാര്യങ്ങളിലാകും കൂടുതൽ സമയവും…
കാരണം ജയയ്ക്ക് നൃത്തം പോലെ തന്നെ പ്രാധാന്യമേറിയതാണ് മുരളീകൃഷ്ണനും..
ഒരു പക്ഷേ, അതിലുമേറെ…
കണ്ണാടിയുടെ മുൻപിൽ നിന്ന് ജയ എന്തോ ഓർമ്മ വന്നതു പോലെ തിരിഞ്ഞു…
ഡാൻസ് റൂമിൽ നിന്ന് അവൾ ധൃതിയിൽ പോയത് മുരളിയുടെ മുറിയിലേക്കായിരുന്നു…
വാതിൽ ലോക്കായിരുന്നില്ല…
മുറിയിൽ എ.സി യുടെ നേർത്ത മൂളലോടൊപ്പം അതിലും നേർത്ത മുരളീകൃഷ്ണന്റെ കൂർക്കം വലിയും…
“” ന്റെ കൃഷ്ണാ… …. നീയിതുവരെ എഴുന്നേറ്റില്ലേ………. ?””
ശരീരം മൂടിയിരുന്ന മുരളിയുടെ പുതപ്പു വലിച്ചു മാറ്റിക്കൊണ്ടാണ് ജയ ചോദിച്ചത്…
പുതപ്പ് ശരീരത്തിൽ നിന്ന് തെന്നിമാറിയെങ്കിലും മുരളി ചിണുങ്ങലോടെ ബെഡ്ഡിൽ വീണ്ടും ഒന്നു ഉരുണ്ടു കിടന്നു…
“ കുറച്ചു നേരം കൂടി അമ്മാ……….””
ഞരക്കം പോലെ മുരളി പറഞ്ഞു…
“” ഇല്ലെടാ സമയം………. അവളിപ്പോൾ ഇങ്ങെത്തും……”
അവനെ ഒന്നു കൂടി കുലുക്കി വിളിച്ചു കൊണ്ട് ജയ പറഞ്ഞു……
“” ഫൈവ് മിനിറ്റ്സ്………. “
ഇരു കാലുകൾക്കുമിടയിലേക്ക് കൈകൾ തിരുമ്മിയിറക്കി, മുഖം കിടക്കയിലുരതിക്കൊണ്ട് മുരളി കെഞ്ചി..
“” ഓക്കേ… എന്റെ ബാത്ത് കഴിയുന്നതു വരെ… “
ജയ പറഞ്ഞു തീർന്നതും ഡാൻസ് റൂമിലിരുന്ന അവളുടെ ഫോൺ ബല്ലടിക്കുന്നതു കേട്ടു…
“” ഇറ്റ്സ് ഹെർ………. “
ജയ പിറുപിറുത്തു കൊണ്ട് ഹാളിലേക്ക് വേഗത്തിൽ നടന്നു……
താഴെ നിലയിൽ മൂന്നു ബഡ്ഡ് റൂമും ഹാളും കിച്ചണും വർക്ക് ഏരിയായും…
മുകളിൽ രണ്ടു മുറികളും ഒന്ന് ഡാൻസ് റൂമും സ്റ്റെയർ കഴിഞ്ഞുള്ള ഭാഗം ഹാളും…
താഴെയുള്ള വർക്ക് ഏരിയയുടെയും കിച്ചണിന്റെയും ഭാഗം മുകളിൽ ജയയുടെ ചെറിയ ഉദ്യാനമാണ്……