ജയ പ്രതീക്ഷിച്ചതു പോലെ അത് ശരണ്യയുടെ കോൾ തന്നെയായിരുന്നു…
ടാക്സി ഡ്രൈവറുടെ ഫോണിൽ നിന്നായിരുന്നു കോൾ എന്നു മാത്രം…
അവൾ നെടുമ്പാശ്ശേരിയിൽ നിന്നും തിരിച്ചിട്ട് കുറച്ചു സമയമായിരുന്നു…
ഫോൺ കട്ടു ചെയ്ത ശേഷം ജയ നേരെ ബാത്റൂമിലേക്ക് കയറി…
അവൾ കുളി കഴിഞ്ഞ് ധരിച്ചത് ഒരു കോട്ടൺ സാരിയായിരുന്നു…
ജയ അല്ലെങ്കിലും വീട്ടിൽ തന്നെയാണെങ്കിലും സാരിയാണ് ധരിക്കുക..
നൃത്തം ശീലിച്ചതിനാൽ നിമിഷ നേരം കൊണ്ട് സാരി വൃത്തിയായി ധരിക്കുവാൻ അവൾക്ക് സാധിച്ചിരുന്നു , എന്ന് മാത്രമല്ല അതിന് പ്രത്യേക നൈപുണ്യവും ഉണ്ടായിരുന്നു…
ഉണങ്ങിയ ടർക്കി, നനഞ്ഞ മുടിയിഴകളിൽ ചുറ്റിക്കൊണ്ട് ജയ വീണ്ടും ചെന്നത് മുരളിയുടെ മുറിയിലേക്കായിരുന്നു…
“ ന്റെ കൃഷ്ണാ… …. “
ഇത്തവണ അവന്റെ ചെവിയിൽ പിടിച്ച് വേദനിപ്പിക്കാതെ ഒരു തിരി തിരിച്ചു അവൾ…
എന്നിട്ടും മുരളി ഒന്നുകൂടി ചിണുങ്ങിയതല്ലാതെ എഴുന്നേറ്റില്ല…
“”ടാ………. എന്നേക്കൊണ്ടത് ചെയ്യിക്കരുത്… ….””
സംഗതി ഭീഷണിയാണെങ്കിലും ജയ നേരിയ ചിരിയോടെയാണ് അത് പറഞ്ഞത്…
അതു കേട്ടതും മുരളി കിടക്കയിൽ ഒന്നു കൂടി കമിഴ്ന്നു പറ്റിച്ചേർന്നു…
ജയ ഒരു നിമിഷം, എളിയിൽ കൈ കുത്തി അവനെ ശ്രദ്ധിച്ചു നിന്നു…
മുരളിയിൽ നിന്ന് അനക്കമൊന്നും ഉണ്ടായില്ല…
അവനും എന്തോ പ്രതീക്ഷിച്ചു കിടക്കുകയായിരുന്നു…
അല്പ സമയം കഴിഞ്ഞിട്ടും ഒന്നും സംഭവിക്കാത്തതിനാൽ മുരളി ഒന്നിളകിയതും ജയ മുന്നോട്ടാഞ്ഞതും ഒരേ സമയത്തായിരുന്നു…
കിടക്കയുടെയും മുരളിയുടെയും ഇടയിലൂടെ കൈ കടത്തിക്കൊണ്ട് ജയ, അവന്റെ വയറിനു മീതെ ഇക്കിളിയിട്ടു…
“”ങ്……. ഹ്………. ഹ്……….””
കാലുകൾ കിടക്കയിൽ നിരക്കിക്കൊണ്ട് പെട്ടെന്ന് അവൻ തുള്ളിച്ചാടിയെഴുന്നേറ്റു…
“”ശ്ശേ………. ഈയമ്മ………. “
“” നിനക്ക് ഞാൻ തന്ന സമയം കഴിഞ്ഞില്ലേ കൃഷ്ണാ………..””
“” എൻട്രൻസിന്റെ സമയത്ത് ഞാൻ ടൈം ടേബിൾ വെച്ച് ഉറങ്ങിയതല്ലേയമ്മാ… അതു കഴിഞ്ഞിട്ടും ഇങ്ങനെ തുടങ്ങുന്നത് കഷ്ടമല്ലേ… …. ?””
മുരളി, കിടക്കയിൽ മുട്ടുകുത്തി നിന്ന് തല ചൊറിഞ്ഞു…
“” അതുകൊണ്ട് ഞാൻ ഇന്നലെ വരെ വല്ലതും പറഞ്ഞോ… ? ഇല്ലല്ലോ… സൊ, ഇന്ന് നമുക്കൊരു ഗസ്റ്റുണ്ട്…… ഗസ്റ്റ് വരുമ്പോൾ വീട്ടിലുള്ളവർ മൂടിപ്പുതച്ചു കിടന്നുറങ്ങുകയാണോ വേണ്ടത്…?””
ജയ , കട്ടിലിനോട് ചേർന്ന് അവന്റെ മുടിയിൽ അരുമയോടെ തലോടി…
“”ഗസ്റ്റ് അമ്മയ്ക്കല്ലേ……….?””
“” നീ എന്റെ മകനാണെങ്കിൽ എന്റെ ഗസ്റ്റ് നിന്റേയുമാണ്…… ചുമ്മാ സമയം കളയാതെ ഫ്രഷായിട്ടു വാടാ കൃഷ്ണാ… “
“” ഓ……………..””
മുരളി വീണ്ടും തല ചൊറിഞ്ഞു…
“” ഈ കൃഷ്ണാ വിളി ഒന്നു നിർത്തിക്കൂടേ… ഒരു മാതിരി പത്താം നൂറ്റാണ്ടിലെ പേര്…… സ്കൂളിലും നാട്ടിലും നാണം കെട്ടു.. അമ്മയ്ക്ക് എവിടുന്ന് കിട്ടി ഈ പേര്… ?””
“” ഭഗവാന്റെ പേരല്ലേടാ അത്………. പിന്നെ നിന്റെ സമ്മതം ചോദിച്ച് അന്ന് പേരിടാൻ പറ്റുമായിരുന്നോ കൃഷ്ണാ…?””
അവസാനത്തെ വരി അവൾ ഊന്നി പറഞ്ഞത് അവനെ ദേഷ്യം പിടിപ്പിക്കുവാൻ വേണ്ടി തന്നെയായിരുന്നു..
“” ഞാനീ പേര് മാറ്റാൻ പറ്റുമോന്ന് നോക്കട്ടെ..””
മുരളി, അവളെ കടന്ന് നിലത്ത് കാലുകൾ കുത്തി…
“ നീ മാറ്റാൻ നോക്ക്… എന്നാലും ഞാൻ കൃഷ്ണാ ന്നെ വിളിക്കൂ… “
ജയയെ നോക്കി , ചുണ്ടുകൾ കോട്ടിക്കൊണ്ട് മുരളി ബാത്റൂമിനു നേർക്ക് നടന്നു……
അര മണിക്കൂറിനുള്ളിൽ ടാക്സി ഡ്രൈവറുടെ ഫോണിൽ നിന്നും ഒരു തവണ കൂടി ജയയ്ക്ക് ശരണ്യയുടെ കോൾ വന്നു…
അവൾ എത്താറായിരുന്നു…
ലൊക്കേഷനും വീടും ഡ്രൈവർക്ക് പറഞ്ഞു കൊടുത്തിട്ട് ജയ കിച്ചണിലേക്ക് നീങ്ങി…
അവൾ ചായ ഗ്ലാസ്സിൽ പകർന്നപ്പോഴേക്കും ഫ്രഷായി മുരളിയും താഴേക്കു വന്നിരുന്നു..
ഒരു ത്രീ ഫോർത്തും ടീ ഷർട്ടുമായിരുന്നു അവന്റെ വേഷം..
ട്രേയിലിരുന്ന ചായക്കപ്പ് കയ്യിലെടുത്തു കൊണ്ട് മുരളി അമ്മയ്ക്കരുകിലേക്ക് വന്നു…
“ശരണ്യാന്റി ഒറ്റയ്ക്കാണോ വരുന്നത്…… ?””
“” അല്ലാതെ പിന്നെ അവൾക്കാരാടാ കൃഷ്ണാ ഉള്ളത്…… ?””
“” ആരുമില്ലേ… ?””
“” അവളുടെ ബ്രദറും റിലേറ്റീവ്സുമൊക്കെ നാട്ടിൽ ഉണ്ട്… ഏഴോ എട്ടോ വർഷം മുൻപ് അവൾ ഒന്നു വന്നു പോയതാ…”