അവൾ അവന്റെ കൈ എടുത്ത് അരുമയോടെ തലോടി..
“” എല്ലാം തീരുമാനിച്ചുറപ്പിച്ച് വച്ചിരിക്കുകയാണല്ലേ… ….?””
“” പിന്നല്ലാതെ… ഈ എൻട്രൻസിന് നിന്നെ വെളുപ്പിന് ഇക്കിളിയിട്ട് എഴുന്നേൽപ്പിച്ചതു കൊണ്ടു മാത്രം എന്റെ ഡ്യൂട്ടി കഴിഞ്ഞെന്ന് കരുതിയോ കൃഷ്ണാ…?””
“” അതില്ല… ഈ കൃച്ണാ വിളിച്ച് എന്നെ ക്യാംപസ്സിൽ കൂടി നാറ്റിച്ചിട്ടേ അടങ്ങു എന്ന് മനസ്സിലായി… “
“” അത് തന്നെ……….””
ജയ തല കുലുക്കി…
“” ഒരു കാര്യം ചോദിക്കട്ടെ അമ്മാ… ?””
“” ചോദിക്കടാ കൃഷ്ണാ………. “
“” അമ്മമ്മയോട് ചോദിച്ചപ്പോൾ അമ്മയാണ് ഈ പേര് ഇട്ടത് എന്ന് പറഞ്ഞു…… ഒരുമാതിരി തന്ത വൈബ് പേരിട്ട് എന്നെ നാറ്റിക്കാൻ മാത്രം ഞാൻ വയറ്റിൽ കിടന്ന് എന്നും തൊഴിയും ചവിട്ടും ആയിരുന്നോ…?””
“” ഹെന്റെ കൃഷ്ണാ………. “
ജയ വായ പൊത്തിച്ചിരിച്ചു കൊണ്ട് സെറ്റിയിലേക്ക് ചാഞ്ഞു പോയി…
“” ദേ… പിന്നേം………. “
മുരളി, അമ്മയുടെ കവിളിൽ വിരലാൽ ഒരു കുത്തു കൊടുത്തു…
“” ഇപ്പോൾ വിളിച്ചത് നിന്നെയല്ല… ഒറിജനിലിനെയാ………. “
ചിരിക്കിടയിലൂടെ അവൾ പറഞ്ഞു……
“” ഈ കൃഷ്ണന്റെയൊരു കാര്യം…… “
മുരളി അവളെ തറപ്പിച്ചു നോക്കി..
“ ഇത് നിന്നെത്തന്നെയാ……….””
ജയ പറഞ്ഞു നിർത്തിയതും ഗേയ്റ്റിൽ ഹോണടി കേട്ടു…
അവൾ വേഗത്തിൽ എഴുന്നേറ്റ് ഹാളിലുണ്ടായിരുന്ന സെൻസർ പ്രസ്സ് ചെയ്തു…
“” ആന്റി തന്നെയാണോ…?””
മുരളി ഫോണെടുത്ത് നോക്കി..
ഒരു എറണാകുളം റജിസ്ട്രേഷൻ ഊബർ ഗേയ്റ്റ് കടന്നു വരുന്നത് അവൻ ഫോണിൽ , ഗേയ്റ്റിലെ ക്യാമറ ഓൺ മോഡിൽ കണ്ടു…
“” അല്ലാതെ ആരു വരാൻ… ?””
ജയ ഹാളിലെ മെയിൽ ഡോറിനരുകിൽ എത്തിയിരുന്നു…
ജയ വാതിൽ തുറന്നപ്പോഴേക്കും കാർ പോർച്ചിന് മുൻപിൽ എത്തിയിരുന്നു..
ജയയ്ക്കു പിന്നാലെ മുരളിയും സിറ്റൗട്ടിലേക്ക് വന്നു…
ഡ്രൈവർ ഇറങ്ങി കാറിന്റെ വാതിൽ തുറന്നതും ശരണ്യ പുറത്തേക്കിറങ്ങി…
അവളെ തന്നെ ഉറ്റുനോക്കിക്കൊണ്ട് ജയ, ചരൽ വിരിച്ച മുറ്റത്തേക്ക് ഇറങ്ങി…
ജീൻസായിരുന്നു ശരണ്യ ധരിച്ചിരുന്നത്. ടോപ്പിനു മീതെ ഒരു ഓവർകോട്ടും ഉണ്ടായിരുന്നു…
രണ്ട് , ഇടത്തരം ബാഗുകൾ മാത്രമേ ഡ്രൈവർക്ക് പുറത്തിറക്കി വെക്കാൻ ഉണ്ടായിരുന്നുള്ളൂ…
കയ്യിലിരുന്ന ചെറിയ ബാഗിൽ നിന്ന് ഒന്നോ രണ്ടോ നോട്ടുകൾ എടുത്ത് ശരണ്യ ഡ്രൈവറുടെ നേരെ നീട്ടി എന്തോ പറഞ്ഞു.
വിസ്തൃതമായ മുറ്റത്തിട്ട് കാർ തിരിച്ച ശേഷം ഡ്രൈവർ പുഞ്ചിരിച്ചു കൊണ്ടു തന്നെ കാർ മുന്നോട്ടെടുത്തു…
“” നിനക്ക് ഒരു മാറ്റവുമില്ലല്ലോ മഞ്ജൂസേ……….””
ജയയുടെ ചുമലിൽ ആഞ്ഞൊരടി കൊടുത്തു കൊണ്ടാണ് ശരണ്യ പ്രാരംഭ ക്ഷേമാന്വേഷണം നടത്തിയത്……
“” നീയങ്ങു മാറിപോയി… …. “
ശരണ്യയെ ആപാദചൂഢം വീക്ഷിച്ചു കൊണ്ട് ജയ പറഞ്ഞു…
മുരളിയും അവർക്കരികിലേക്ക് ചെന്നു…
“” അത് പ്രീ-പെയ്ഡ് ടാക്സി അല്ലായിരുന്നോ ആന്റീ…”
ശരണ്യ ഡ്രൈവർക്ക് പണം കൊടുത്തത് ഓർമ്മയിൽ വെച്ച് മുരളി ചോദിച്ചു…
“” ആട കൃഷ്ണാ………. നമ്മളെ സേഫായിട്ട് എത്തിച്ചതല്ലേ… നമ്മുടെ ഒരു സന്തോഷത്തിന്…””
ശരണ്യയുടെ കൃഷ്ണാ വിളി കേട്ടതും മുരളി അമ്മയെ നോക്കി…
ജയ , ആ നോട്ടം അവഗണിച്ചു കളഞ്ഞു…
മുരളി, ശരണ്യയുടെ ബാഗുകൾ എടുത്തു കൊണ്ട് ആദ്യം അകത്തേക്ക് കയറി…
“” നീ കയറി വാ……………”
ജയ കൂട്ടുകാരിയുടെ കൈ പിടിച്ച് അകത്തേക്ക് ക്ഷണിച്ചു…
ഹാളിലേക്ക് കയറിയതും , കോട്ടുവായിട്ടു കൊണ്ട് ഇരു കൈകളും വിരിച്ച് ശരണ്യ മൂരി നിവർത്തി…
“” എവിടെ നിന്റെ ഹസ്……….?””
“” മഹാരാഷ്ട്ര… അജന്തയിലോ എല്ലോറയിലോ ഏതാണ്ട് സെമിനാർ……….””
ജയ മറുപടി കൊടുത്തു…
“” അപ്പോൾ നീ പറഞ്ഞതൊക്കെ സത്യമാണല്ലേ…………….?”
ശരണ്യ ചോദിച്ചതും ജയ, മുരളിയുടെ നേർക്കു നോക്കി ശരണ്യയെ കണ്ണടച്ചു കാണിച്ചു…
“” ഓക്കേ . ഡാ… ആദ്യമൊന്നു ഫ്രഷാകണം…….പിന്നെ വല്ലതും കഴിക്കണം…”
ശരണ്യ വീണ്ടും കോട്ടുവായിട്ടു…
മുരളി, കയ്യിൽ ഫോണുമായി സെറ്റിയിലേക്ക് ഇരുന്നിരുന്നു..
“” നിനക്കെന്താ വേണ്ടത്……….?””
റൂമിൽ നിന്നും ടവ്വലുമായി വരുന്നതിനിടയിൽ ജയ ചോദിച്ചു……
“നല്ല പതുപതുത്ത പുട്ടും കടലയും പപ്പടവും കിട്ടുമോ… ?””