“” അന്നിവിടെ വന്നതായി ഞാൻ ഓർക്കുന്നൊന്നുമില്ലല്ലോ… ?””
ചിന്തയോടെ മുരളി ചായ ഒന്നു മൊത്തി……
“” അതിന് അവളിവിടെ വന്നാലല്ലേ നിനക്ക് ഓർമ്മ കാണൂ… അതിനു ശേഷമാ ഞാനവളെ തിരഞ്ഞു പിടിച്ചത്…… “
“” ആളൊരു പാവമാണെന്ന് തോന്നുന്നു… അല്ലേ അമ്മാ… “
“” പാവമാടാ കൃഷ്ണാ… എന്നോട് ഒന്നും പറയാതെ ഒരു പോക്കങ്ങു പോയതാ … എനിക്ക് വല്ലാത്ത സങ്കടമുണ്ടായിരുന്നു… അത്രയ്ക്ക് കൂട്ടായിരുന്നു ഞങ്ങൾ തമ്മിൽ…””
“” പിണങ്ങിപ്പോയതായിരുന്നോ… ?””
“” അതെനിക്ക് ഇന്നും അറിയില്ല… അന്ന് ഞാനവളുടെ നാട്ടിലെ അഡ്രസ്സിൽ മൂന്നാലു കത്തൊക്കെ അയച്ചിരുന്നു… ഒരു മറുപടിയും വന്നില്ല… പിന്നെ എന്റെ കല്യാണമായി…… അത് പറഞ്ഞും എഴുതിയിരുന്നു.. അതിനും അവൾ വന്നില്ല… …. “
മുരളി ഒന്നും മിണ്ടിയില്ല…
“” അവളിങ്ങു വരട്ടെ… ഒരുപാട് ചോദിക്കാനുണ്ട്………. “
ജയ , ഒഴിഞ്ഞ ചായക്കപ്പ് ടാപ്പ് തുറന്ന് സിങ്കിലേക്ക് നീട്ടി…
“” അപ്പോൾ ഞാനിന്ന് ഒരു മൂവിയ്ക്ക് പോയാലോ… ? അമ്മയും ഫ്രണ്ടും കൂടി അടിച്ചു പൊളിക്ക്… …. “
കൂട്ടുകാരോടൊപ്പം പുറത്ത് ഒന്ന് കറങ്ങാമെന്ന് കരുതി മുരളി പറഞ്ഞു……
“” അത് വേണ്ട… നമുക്ക് അവളെ കൂട്ടി തറവാട്ടിൽ ഒന്ന് പോകണം… പിന്നെ അവൾ തീരുമാനിക്കട്ടെ…”
മുരളിയുടെ മുഖം ഒന്നു മങ്ങി…
“” അമ്മയും ഫ്രണ്ടും കൂടി നൊസ്റ്റാൾജിയ അടിച്ചിരിക്കുമ്പോൾ വെറുതെ പോസ്റ്റാകാനൊന്നും എന്നെ കിട്ടില്ല…… എക്സാം റിസൾട്ട് വരുന്ന വരെയല്ലേ എനിക്ക് ടൈം ഉള്ളൂ…””
“ അതിന് അവളാദ്യം വരട്ടെ കൃഷ്ണാ… “
“” ദേ… അമ്മേ… ശരണ്യാന്റിയുടെ മുന്നിൽ വെച്ച് എന്നെയിങ്ങനെ കൃച്ച്ണാ… കൃച്ച്ണാ.. എന്ന് വിളിച്ചേക്കരുത്…””
“” അതിനെന്താടാ കുഴപ്പം… ? നിന്റെ പേര് മുരളീകൃഷ്ണൻ ആണെന്ന് അവൾക്കറിയാമല്ലോ……….””
“” അമേരിക്കയിലൊക്കെ അല്ലായിരുന്നോ…? ഇനി അഥവാ മറന്നു പോയിട്ടുണ്ടെങ്കിൽ ഓർമ്മിപ്പിക്കണ്ട എന്ന് കരുതിയാ ഞാൻ പറഞ്ഞത്…””
“” പോടാ കൃഷ്ണാ………. അവളങ്ങനെ ഒന്നും മറക്കുന്ന കൂട്ടത്തിലൊന്നുമല്ല… “
കൂട്ടുകാരിയെ പറഞ്ഞത് ജയയ്ക്ക് അത്ര ഇഷ്ടമായില്ല…
“” എന്നിട്ടാണോ കുറേക്കാലം അമ്മയെ വിളിക്കാതിരുന്നത്……?””
“” അതിന് ഫേസ്ബുക്കും വാട്സാപ്പും ഇൻസ്റ്റായുമൊക്കെ അന്ന് ഉണ്ടായിരുന്നോ…?””
ജയയും വിട്ടു കൊടുത്തില്ല…
“” ഓ.. സുക്കറണ്ണനിട്ട് താങ്ങി… ….””
ചായക്കപ്പ് ടേബിളിൽ വെച്ച് മുരളി തിരിഞ്ഞു..
“ ബ്രേക്ക്ഫാസ്റ്റ് എന്നതാ കൃഷ്ണാ ഉണ്ടാക്കേണ്ടത്… ?””
അമ്മയുടെ ചോദ്യം കേട്ടതും മുരളി കളിയായി കണ്ണുരുട്ടി ജയയെ നോക്കി…
“” ഞാൻ വിചാരിച്ചു അതും ഫ്രണ്ട് വന്നിട്ടേ തീരുമാനിക്കൂ എന്ന്……….””
“” എന്നാൽ പിന്നെ അവള് വരട്ടെ… അല്ലേടാ കൃഷ്ണാ……….””
ചിരിച്ചു കൊണ്ട് സാരിയുടെ തുമ്പ് എളിയിൽ എടുത്തു കുത്തി , അവളും അവന്റെ പിന്നാലെ ഹാളിലേക്കു വന്നു…
“” അമ്മയുടെ ഫ്രണ്ടിന്റെ വരവിന്റെ പിന്നിലുള്ള ഉദ്ദേശം എന്താ… ?””
സോഫയിലേക്ക് ചാഞ്ഞു കൊണ്ട് മുരളി ചോദിച്ചു…
“” ജസ്റ്റ് വിസിറ്റ്… അവൾക്ക് നാട്ടിൽ വരേണ്ട എന്തോ അത്യാവശ്യം ഉണ്ട്.. അതിവിടെ വന്നിട്ട് പറയാമെന്നാ പറഞ്ഞത്…”
അവളും അവനരികെ സോഫയിലിരുന്നു…
“” അപ്പോൾ ഇന്നാള് അമ്മ പറഞ്ഞതോ…?”
“” എന്ത്……….? “
“” ആന്റിക്കവിടെ ഡാൻസ് സ്കൂൾ തുടങ്ങാൻ പ്ലാനുണ്ട് എന്നും അമ്മയെ കൂട്ടണം എന്നുമൊക്കെ…””
മുരളി സെറ്റിയിലേക്ക് പുറം ചായ്ച്ചു…
“” അങ്ങനെയൊരു ആലോചന ഉണ്ടായിരുന്നു… പിന്നെ, നിന്നെ ഇവിടെ ഒറ്റയ്ക്കു വിട്ടിട്ട് ഞാൻ പോകുന്നില്ലാന്ന് തീരുമാനിച്ചു…… “
അവൾ അവന്റെ ചുമലിൽ ഒരടി കൊടുത്തു…
“” അമ്മയ്ക്ക് അത്രയ്ക്ക് എന്നെ ഇഷ്ടമാ……….?””
ചിരി ഒതുക്കിയായിരുന്നു മുരളിയുടെ ചോദ്യം…
“” ഏയ്………. അത്രയ്ക്ക് വിശ്വാസമാ………. “
ചിരി അമർത്തിയായിരുന്നു അവളുടെ മറുപടിയും…
“” ഈ കൃച്ണാ, കൃച്ണാ കേട്ടു മടുത്തു… എൻട്രൻസിന്റെ റിസൾട്ട് വരട്ടെ… ഞാൻ വല്ല ഡൽഹിക്കോ മുംബെയ്ക്കോ സ്ഥലം വിടും… “
“” അതൊന്നും കുഴപ്പമില്ല കൃഷ്ണാ… ക്യാംപസിൽ നല്ല ഫെസിലിറ്റി ഒന്നും ഇല്ലെങ്കിൽ നമുക്ക് വല്ല വീടോ ഫ്ളാറ്റോ എടുക്കാം.. അപ്പോൾ എനിക്കും വന്നു നിൽക്കാലോ……….””