ഒരു ചിരിയോടെ ഞാനവിടന്ന് എണീറ്റ് നടന്നു.
കുറച്ചുനേരം കൂടെ അവിടോക്കേ കറങ്ങിനടന്ന് ഇരുട്ട് വീണുതുടങ്ങിയതും ഞാൻ ഫ്ലാറ്റിലേക്ക് തിരിച്ച് ചെന്നു.
ഫ്ലാറ്റിൽ കയറുമ്പോൾ തന്നെ കാണുന്നത് സോഫയിൽ സ്ഥാനം പിടിച്ചിരിക്കുന്ന താടകയെ ആണ്.
“” എവിടെപ്പോയതാ…! കുറേ നേരമായല്ലോ..””
കേറിയപാടെ ഉള്ള അവൾടെ ചോദ്യമേനിക്കത്ര പിടിച്ചില്ല.
“” ഞാനെവിടേലും പോവും… അതൊക്കെ താനെന്തിനാ അന്വേഷിക്കണേ..?! “”
“” അല്ല ചോദിച്ചെന്നെ ഉള്ളു… “”
എന്റെ പ്രതികരണം കണ്ട് ഒന്ന് പതറിയ അവൾ പെട്ടന്ന് മറുപടി തന്നു. ഞാനങ്ങനെ പ്രതികരിക്കൂന്ന് അവളും കരുതിക്കാണില്ല.
“” ഹ്മ്മ്.. “” ഒന്ന് മൂളി ഞാൻ റൂമിലേക്ക് ചെന്നു.
വീട്ടിലേക്കൊന്ന് വിളിച്ച് അമ്മയോടും അല്ലിയോടുമൊക്കെ സംസാരിച്ചിരിക്കുമ്പോഴാണ് ജിൻസി കഴിക്കാൻ വിളിക്കുന്നത്. അവരോട് ബൈ പറഞ്ഞ് ഞാൻ കഴിക്കാനായി ചെന്നു.
അന്നത്തെ സംസാരമൊക്കെ കഴിഞ്ഞ് ഞാൻ ചെന്ന് കിടന്നു.
പിന്നീടുള്ള രണ്ട് ദിവസം ഓഫീസിലെ തിരക്കുകളിൽ മുഴുകി കടന്ന് പോയത് അറിഞ്ഞുപോലുമില്ല.
രണ്ടാം ദിവസം വൈകീട്ട് ചർച്ച എന്റെ ഫ്ലാറ്റിലായിരുന്നു. ഭക്ഷണം കഴിച്ച് എല്ലാരും അവിടത്തന്നെ ഇരുന്നു. ഓരോ തമാശയും ജോലിസ്ഥലത്തെ വിശേഷങ്ങളും ഒക്കെ പരസ്പരം പങ്കുവച്ച് കുറച്ചുനേരം ഞങ്ങൾ ഇരുന്നു.
ഇടക്ക് ഉറക്കം വരണു എന്ന് പറഞ്ഞ് താടക എണീറ്റ് പോയി. അത് സ്ഥിരമാണ്. അവൾ നേരത്തേ കിടന്നുറങ്ങും. ഞങ്ങളുടെ സംസാരം ഇടക്ക് 12 മണിവരെയൊക്കെ നീളാറുണ്ട്. താടക 10മണി ആവുമ്പോ മിക്കവാറും എണീറ്റ് പോകാറുണ്ട്.
“” ഡാ… നാളത്തെ കാര്യം മറക്കണ്ട…. എങ്ങനേലും അവളെ ഡീലേ ആക്കണം കേട്ടല്ലോ…!! “”
താടക പോയി കുറച്ചുകഴിഞ്ഞതും ജിൻസി അവളുടെ ബർത്ഡേ സെലിബ്രേഷനെപ്പറ്റി ഓർമിപ്പിച്ചു.
“” ഹ്മ്മ്…!! “”
ഞാൻ ഒരുമൂളലിൽ മറുപടിയൊതുക്കി.
“” അപ്പൊ എല്ലാം പറഞ്ഞപോലെ…. ഗുഡ് നൈറ്റ്‌..! “”
എന്നെയൊന്ന് വിഷ്ചെയ്ത് ജിൻസിയും അമ്മുവും അവളുടെ ഫ്ലാറ്റിലേക്ക് തിരിച്ചുപോയി.
ഓരോന്ന് ചിന്തിച്ച് സോഫയിൽ കിടന്ന ഞാൻ അവിടത്തന്നെ ഉറങ്ങിപ്പോയി.
******************
പിറ്റേന്ന് ഉറക്കമുണർന്നത് ഒരു ഒന്നൊന്നര കണിയിലേക്കാണ്. ബാൽകാണിയുടെ ഗ്ലാസ് ഏരിയ കഴിഞ്ഞ് കടന്നുവന്ന പ്രകാശം മുഖത്ത് വീണപ്പോഴാണ് ഞാൻ കണ്ണ് തുറക്കുന്നത്.
അവിടെ കിടന്ന് നോക്കിയാൽ തടകയുടെ മുറിയാണ്. കണ്ണ് തുറന്നതും ഞാൻ കാണുന്നത് സെറ്റുസാരി ഒക്കെ ഉടുത്ത് ഡ്രസ്സിങ് ടേബിളിന് മുന്നിൽ നിന്ന് മുടിയുണക്കുന്ന താടകയെ..!
അവളെ ഞാൻ ആദ്യമായിട്ടാണ് സാരിയുടുത്ത് കാണുന്നത്. ഓറഞ്ചിനോട് അടുത്ത് നിൽക്കുന്ന മഞ്ഞ നിറത്തോടുകൂടിയ ഒരു ബ്ലൗസും അതേ കരയുള്ള സാരിയുമായിരുന്നു അവളുടെ വേഷം. അത് വളരെ ബംഗിയായി ഞൊറിഞ്ഞ് ഉടുത്തിരിക്കുന്നു. കുളി കഴിഞ്ഞിട്ട് അധികനേരമായില്ല എന്ന് തെളിയിച്ചുകൊണ്ട് കഴുത്തടിയിലും മുഖത്തുമൊക്കെ ഒട്ടിക്കിടന്ന വെള്ളത്തുള്ളികൾ സൂര്യകിരണമേറ്റ് തിളങ്ങി. ഈറനായ മുടിയിഴകൾ ഡ്രൈയർ വച്ച് ഉണക്കുകയായിരുന്നു അവൾ.
കഴുത്തിൽ താലി കിടക്കുന്ന ആ സ്വർണമാല… അത് അവളുടെ മാറിനെ ചുംബിച്ചുകൊണ്ട് കിടക്കുന്നു. തെല്ലൊരസൂയയോടെ എന്റെ നോട്ടമവിടേക്ക് പാളിവീണു. ഷേപ്പൊത്ത
ആ മാർഗോളങ്ങളുടെ മുഴുപ്പിൽ ഭ്രമിച്ച് തെല്ലുനേരം കടന്നുപോയി.
അവളുടെ കാതിൽ ഒരു കുഞ്ഞ് സ്വർണക്കമ്മൽ. അതിൽനിന്ന് നേർത്ത നാരുകൾ പോലെ മൂന്ന് അലുക്കുകൾ ഞാന്ന് കിടപ്പുണ്ട്… അവയുടെ ഓരോന്നിന്റെയും അറ്റത്തും ചെറു ഗോളങ്ങളും. അവളുടെ ഓരോ ചലനത്തിനുമൊത്ത് അവ നൃത്തം ചെയ്തുകൊണ്ടിരുന്നു.
കയ്യിൽ സ്വർണം കൊണ്ട് തന്നെയുള്ള ഒരു ബ്രേസ്ലറ്റ് കിടപ്പുണ്ട്. അതവളുടെ കയ്യിൽ ഒട്ടിച്ചേർന്ന് കിടക്കുന്നു. ഇതൊക്കെ ഞാനാദ്യമായാണ് ശ്രദ്ധിക്കുന്നത്.
സാരിയിൽ അവൾ ഒരു ദേവസുന്ദരി തന്നെയായിരുന്നു. അവളുടെ സൗന്ദര്യത്തിൽ ഭ്രമിച്ച് ഞാൻ കണ്ണിമ ചിമ്മാതെ അവളെ നോക്കുനിന്നുപോയി.
രണ്ട് സൈഡിൽ നിന്നും മുടി വകഞ്ഞെടുത്ത് ചെവികൾക്കിടയിലൂടെ പുറകിലേക്ക് കൊണ്ടുപോയി അവൾ അത് അവിടെ കെട്ടിവച്ചു. പിന്നേ കുറച്ചെടുത്ത് ഇടത് തോൾ വഴി മുന്നിലേക്കിട്ട് അവൾ അടുക്കള ലക്ഷ്യമാക്കി നടന്നു.
പോകുന്ന പോക്കിൽ അവളെന്നെയൊന്ന് നോക്കി ചിരിച്ചു.
അവളുടെ അഭൗമസൗന്ദര്യത്തിൽ ഭ്രമിച്ച് നിന്നിരുന്ന എന്നെ ഭൂമിയിലേക്ക് തിരിച്ചെത്തിച്ച കാര്യമായിരുന്നു അത്. ഒരു ഞെട്ടലോടെ ഞാനവളിൽ നിന്ന് നോട്ടം മാറ്റി.
അയ്യേ…!! പോയി…! എല്ലാം പോയി…!! നാണക്കേടായി…! വായും തുറന്ന് നോക്കിയിരുന്നതവള് കണ്ടു… ഉളുപ്പുണ്ടോടാ കോപ്പേ…!
സ്വയം എന്നെത്തന്നെ പഴിക്കുമ്പോഴും മനസ് ഒരു തൂക്കുപാലത്തിലെന്നപ്പോൾ ചാഞ്ചാടുകയായിരുന്നു.
ഇനിയവളിതുമ്പറഞ്ഞ് കളിയാക്കുവോ..?! എങ്കിപ്പിന്നെ ചത്താലുമ്മതി..!!
ഓരോന്ന് ഓർത്ത് ഞാൻ സോഫയിൽനിന്നെണീറ്റു.
അടുക്കളയിലേക്കൊന്ന് ചെന്ന് നോക്കാൻ മനസ് കിടന്ന് മുറവിളികൂട്ടി. എന്തോ ഒരു പ്രേരണയാൽ ഞാനടുക്കളയിലേക്ക് നടന്നു.
സ്റ്റവ്വിന് മുകളിൽ ഉണ്ടായിരുന്ന പാത്രത്തിന്റെ അടപ്പ് അവൾ മാറ്റിയപ്പോൾ പാൽപ്പായാസത്തിന്റെ നറുമണം അവിടെ പരന്നു.
അവളെനിക്ക് പുറം തിരിഞ്ഞാണ് നിൽക്കുന്നത്. അവളുടെയാ കറുത്ത് തിങ്ങിയ ചുരുൾമുടിയിഴകൾ വീണ്ടുമെന്റെ ശ്രദ്ധ അവളിലേക്ക് തിരിച്ചു.
വിടർത്തിയിട്ടിരുന്ന അവളുടെയാ കേശഭാരം അരക്കെട്ടിൽ വിശ്രമിക്കുന്നു. അതിന്റെ തുമ്പിൽ ഇനിയും തോർന്നുപോയിട്ടില്ലാത്ത ചെറുനനവ് അരഭാഗത്തെ സാരിയിലേക്ക് പടർന്നു കേറീട്ടുണ്ട്.
താടക എന്തോ എടുക്കാനായി കാബോർഡിനടുത്തേക്ക് നീങ്ങി. നെയ് ആണെന്ന് തോന്നുന്നു. അത് മുകളിൽ ആയിരുന്നു ഉണ്ടായിരുന്നത്.
കയ്യെത്താത്തതിനാൽ അവൾ വിരലിൽ ഊന്നി ഒന്ന് ഉയർന്നു. ചുവന്ന് പൂപോലുള്ള പാദങ്ങൾ അതോടെ ദൃശ്യമായി. അവളുടെ നിറത്തോട് ചേർന്നെന്നപോലെ അതിൽ ഒട്ടിക്കിടന്ന സ്വർണക്കൊലുസ് കണ്ട് ഞാനമ്പരന്നു.
‘ഇതൊന്നും ഞാനിതുവരെ കണ്ടില്ലല്ലോ…!’
” അതിനാദ്യമാവളെ നോക്കണമെടാ വെടലേ…!! ” എന്ന മനസിന്റെ റിപ്ലൈ സ്പോട്ടിൽ തന്നെ കിട്ടിയതും നോം കൃതാർത്ഥനായി.
ഉദ്ദേശിച്ചത് കിട്ടാത്തതിനാലാവണം അവൾ ഒന്നൂടെ കയ്യെത്തിച്ചു. അതോടെ ഇടുപ്പിൽ നിന്ന് സാരിയല്പം മാറി അവളുടെ ഇടുപ്പ് ദൃശ്യമായി. സ്വഭാവികമായും എന്റെ നോട്ടമവിടേക്ക് പാളിവീണു.
അവിടുത്തെ വെളുപ്പ് കണ്ടെന്റെ കണ്ണ് മിഴിഞ്ഞു.
അവളൊന്നൂടെയനങ്ങിയതും എന്റെ ചങ്കിടിപ്പ് കൂടി. മാറിക്കിടന്ന സാരിക്കിടയിൽനിന്ന് ഒരുമഞ്ഞലോഹത്തിന്റെ തിളക്കം.!!
അവളുടെ അരക്കെട്ടിൽ ചുറ്റിക്കിടന്നയാ അരഞ്ഞാണത്തിന്റെ ചെറിയൊരുഭാഗം സാരിക്കിടയിലൂടെ എത്തിനോക്കി.
ഒരു നിമിഷം. ഒരേയൊരു നിമിഷമേ ആ കാഴ്ചയ്ക്ക് ആയുസ്സുണ്ടായുള്ളൂ.! ചെറിയൊരു ചിരിയോടെ കയ്യിൽ നെയ്യുടെ ഭരണിയുമായി താടക പൂർവസ്ഥിതിയിലേക്ക്
