അവളോടും തീർക്കാൻ ഒരുപാട് ഉണ്ടായിരുന്നു, അവളെ തള്ളി കളഞ്ഞ് അവൾക്കിട്ടും കൊടുത്തു ഒരെണ്ണം. അതോടെ ഭയന്നവൾ പിന്നോക്കം നീങ്ങി. വീണ്ടും അവനിലേക്ക് തിരിയുമ്പോ കാലിലാരോ പിടിച്ചു. അതുമവൾ തന്നാവും എന്ന് കരുതി നിലത്തേക്ക് ഞാൻ നോക്കുമ്പോ
“””””””””””വേണ്ടെട്ടാ, ചീക്കുട്ടിയെ ഓർത്തേലും മതിയാക്കേട്ടാ. ഇനിയും തല്ലിയാ ചേട്ടൻ ചത്തുപോവും…..!!””””””””””
കാലിൽ വീണ് കേണ് അപേക്ഷിക്കുന്ന എന്റെ ചീക്കുട്ടീടെ വാക്കുകളും തള്ളി ഞാൻ അവനെ ഇടിക്കാനഞ്ഞു. പേടിച്ചിട്ടവൻ കണ്ണുകൾ ഇറുക്കെ അടിച്ചിരുന്നു. പക്ഷെ എനിക്കതിനാവുന്നില്ല. എന്റെ ചീക്കുട്ടി എന്നോട് അപേക്ഷിക്കുവാണ്. പാടില്ല., അവളുടെ വാക്കുകൾ കേട്ടിട്ടേ ഉള്ളൂ ഇതുവരെ.
“”””””””””ഇനി നിന്നെ എന്റെ കണ്മുന്നിൽ കണ്ടാൽ കൊന്ന് കളയും ഞാൻ നായേ……!!””””””””””””
അവന്റെ മുഖത്ത് നോക്കി മാറാത്ത ദേഷ്യവും കടിച്ച് പിടിച്ച് ഞാൻ പറഞ്ഞു. നിലത്തെന്റെ കാലേ വീണ് തേങ്ങുവായിരുന്ന ചീക്കുട്ടീടെ തോളിൽ താങ്ങി ഞാനെഴുന്നേൽപ്പിച്ചു.
“””””””””””വാടാ……”””””””””””
അവളേം പൊതിഞ്ഞ് പിടിച്ച് ഞാൻ നടന്നു, എന്റെ മുറിയിലേക്ക്……!!
വാതിലും അടച്ച് ഞാനവളെ കട്ടിലിലിരുത്തി കൂടെ ഞാനും, എന്റെ മുഖത്ത് നോക്കി വിതുമ്പുവായിരുന്ന അവൾ എന്നെ വരിഞ്ഞ് മുറുക്കി പിന്നീട് ഒരു പൊട്ടിക്കരച്ചിൽ തന്നായിരുന്നു.
“”””””””””കരയാതെ……””””””””””
“””””””””ഞാനെന്റെ കൂടെപ്പിറപ്പിനെ പോലെ കണ്ടാളല്ലേ ഏട്ടാ…….?? എന്നിട്ടും….., എന്നിട്ടും എന്നെ…….””””””””””
ഇട്ടിരുന്ന ബനിയനിൽ മുറുകെ പിടിച്ചവൾ ഓരോന്ന് പറഞ്ഞ് കരയുമ്പോ, എന്ത് പറഞ്ഞെന്റെ ചീക്കുട്ടിയെ ആശ്വസിപ്പിക്കണം എന്നെനിക്കറിയില്ലായിരുന്നു.
“”””””””””ഏട്ടാ……”””””””””””
എത്രയോ നേരം അവൾ കരഞ്ഞു. ഉള്ളിലെ സങ്കടം കണ്ണുനീരിനാൽ മാറുമെങ്കിൽ മാറിക്കോട്ടെ എന്ന് ഞാനും കരുതി.
“””””””””എന്താടാ…..??”””””””””
“”””””””””ഏട്ടൻ പറഞ്ഞ പോലെ നമ്മക്കെങ്ങോട്ടേലും പോവാ. എനിക്ക് പേടിയാ ഇവിടെ നിക്കാൻ. ന്നേ ല്ലാരും ചേർന്ന് കൊല്ലും. ഇങ്ങനെ വേദനിപ്പിച്ച് കൊല്ലും. നിക്ക്….., പേടിയാ ഏട്ടാ നമ്മക്ക് പോവാ. അമ്മ എന്നോട് ക്ഷേമിച്ചോളും. പോവാ ഏട്ടാ നമ്മക്ക് പോവാ……”””””””””””
“”””””””പോവാം വാവേ, നമ്മക്ക് പോവാം…..!!”””””””””
“””””””””എനിക്ക് പേടിയാ. എല്ലാരും ചേർന്നെന്നെ കൊല്ലും, പോവാം ഇവിടുന്ന് എങ്ങോട്ടേലും പോവാ ഏട്ടാ. എന്നേ കൊല്ലുമെട്ടാ. ചൂട് വെള്ളത്തിൽ എന്റെ കൈ മുക്കും. എരിവുള്ള ചൂട് കറി എന്റെ മേത്തൊഴിക്കും. കണ്ണില് മൊളക് പൊടിയിടും. ഇസ്തിരി പെട്ടി ചൂടാക്കി അതും മേത്ത് വക്കും. കരയാനെ എനിക്ക് നേരവുള്ളൂ ഇവിടെ, ഇത്രേം കാലം എല്ലാം സഹിച്ച് ജീവിച്ചതേ ഏട്ടന് വേണ്ടിട്ടാ….. നമ്മക്ക് പോവാം ഏട്ടാ ഇല്ലേ ഓരോരുത്തരായി ഓരോ രീതിയില് എന്നെയിങ്ങനെ ഉപദ്രവിച്ച് കൊന്നോണ്ടേയിരിക്കും…….!!”””””””””
മനസ്സ് തളർന്ന് അവളോരോന്ന് പറയുമ്പോ, അതെല്ലാം എന്റെ ചീക്കുട്ടി അനുഭവിച്ചതാന്ന് എനിക്ക് മനസ്സിലായിരുന്നു. കഴിഞ്ഞത് ഓർത്ത്‌ കരഞ്ഞിട്ടോ സങ്കടപ്പെട്ടിട്ടോ ഇനിയെന്ത് കാര്യം…..?? എന്നാലും കേട്ടതെല്ലാം കാതിനുള്ളിൽ തന്നെ കിടന്നിങ്ങനെ പ്രതിഫലിക്കുവാ. ഉള്ളം പൊള്ളിയടരുമ്പോഴും ഒന്നും ചെയ്യാനാവാതേ ഞാൻ കൂടുതൽ ചേർത്ത് പിടിക്കുവായിരുന്നു അവളെ……!!
“”””””””””ചീക്കുട്ടി….,”””””””””””
കരച്ചില് മാറി എങ്ങലടി കേട്ടപ്പോ അവളുടെ മുഖമുയർത്തി ഞാൻ വിറയലോടെ വിളിച്ചു. എന്റെയാ വിളി കേട്ടിട്ട് അടഞ്ഞു പോയ കണ്ണുകൾ അവൾ തുറന്നു. ഒരുതുള്ളി കണ്ണുനീര് പുറത്തേക്ക് വീഴുന്നതും കരഞ്ഞ് കലങ്ങി ചുവപ്പ് അടിച്ച കണ്ണുകളും കണ്ടെന്റെ ചങ്ക് പിടഞ്ഞുപ്പോയി.
“””””””””വേണ്ടടാ, ഇനിയൊരു നിമിഷം നമ്മക്ക് ഇവിടെ നിക്കണ്ട, പോവാം ചീക്കുട്ടി എങ്ങോട്ടേലും നമ്മക്ക് പോവാം. വായോ….””””””””””
ഞാൻ എഴുന്നേൽക്കുമ്പോ എന്റെ തോളിലേക്ക് തല ചേർത്ത് വച്ചവളും എഴുന്നേറ്റു. അവളേം ചേർത്ത് വട്ടം പിടിച്ച് എന്റെ ബാഗും എടുത്ത് തോളിലിട്ട് ഒന്നും എടുക്കാനില്ലാത്തത് കൊണ്ട് തന്നെ വാതിലും തുറന്ന് വീടിന് പുറത്തേക്കിറങ്ങി. ഒച്ചയും അനക്കവുമൊന്നും കേക്കാനില്ല, ജീവനും കൊണ്ടോടി കാണും. അവളെ ചേർത്ത് ഞാൻ കുടിലിലേക്ക് നടന്നു. എടുക്കേണ്ടത് ഒക്കെയെടുത്തെന്റെ ബാഗിലാക്കി.
“”””””””””ഏട്ടാ എനിക്കൊന്ന് കുളിക്കണം……!!””””””””””
എന്റെ മറുപടിക്ക് കൂടി കാക്കാതെ എന്നെ വിട്ട് മാറിയവൾ ഒരു മൂലക്കിരുന്ന പെട്ടിയിൽ നിന്നും തുണിയും തോർത്തും എടുത്ത് പുറത്തേക്കിറങ്ങി.
കുളിച്ച് വേഷം മാറി വന്നവളെ കണ്ണിമ ചിമ്മാതെ ഞാൻ നോക്കി നിന്നു. അവളുടുത്ത സാരി, അതവളുടെ അമ്മയുടേതാ. ഒരുനിമിഷം മുന്നിൽ കണ്ടത് പോലും ഞാനാ അമ്മയെയാ, സ്നേഹിക്കാൻ മാത്രാറിയാവുന്ന ലക്ഷ്മിയമ്മയേ…….!!
“””””””””ഏട്ടാ, ചീക്കുട്ടിക്കൊരു ആഗ്രഹോണ്ട്…, നടത്തി തരോ….??”””””””””
“”””””””എന്താ വാവേ……??””””””””””
“”””””””””അമ്മേ അടക്കം ചെയ്തേക്കുന്ന മണ്ണില് വച്ച് ഏട്ടനെന്നെ താലി ചാർത്തണം. അതും അമ്മയുടെ കഴുത്തിൽ അച്ഛൻ കെട്ടി കൊടുത്ത ഈ ചരടാൽ…..!!”””””””””
മുറുക്കി പിടിച്ചിരുന്ന കൈ എനിക്ക് നേരെ നിവർത്തുമ്പോ അതിനുള്ളിൽ ഞാൻ കണ്ടു, ലക്ഷിയമ്മയുടെ കഴുത്തിൽ കിടന്ന അതേ കറുത്ത ചരടിലെ താലി. നിറയുന്ന കണ്ണുകളും വിറക്കുന്ന കൈകളുമായി ആ അമൂല്യ നിധി ഞാൻ കയ്യിലെടുത്തു.
“””””””””വാ ഏട്ടാ…….”””””””””””
എന്റെ കൈയും പിടിച്ചവൾ മുന്നോട്ട് നടന്നു. ആ നടത്തം ചെന്നവസാനിച്ചത്, അവിടെയാണ്, അമ്മയുടെ അസ്ഥിത്തറക്ക് മുന്നിൽ. ദീപം തെളിച്ച് വച്ചിട്ടുണ്ട്. അണയാതെ പ്രഭയോടെ അത് കത്തുന്നു.
“”””””””””ഇങ്ങനൊന്നും അല്ലാന്ന് അറിയാം, പക്ഷെ ഇതെന്റെ അമ്മക്ക് വേണ്ടിട്ടാ. അത് കഴിഞ്ഞ് ഏട്ടന്റെ ഇഷ്ട്ടം എവിടാന്ന് വച്ചാ നടത്താം, എങ്ങനെ വേണോ നടത്താം….””””‘”””””””
കൈകൾ കൂപ്പി എന്നെ നോക്കി അവളത് പറയുമ്പോ, മറുപടി പോലും കൊടുക്കാതെ ആ അസ്ഥിത്തറക്ക് മുന്നിൽ, അണയാത്ത ആ ദീപത്തിന് മുന്നിൽ കൈയിലിരുന്ന ചരട് ഞാനെന്റെ ചീക്കുട്ടിയുടെ കഴുത്തിൽ ചാർത്തി, ഉള്ളുരുകി മഹാദേവന് നന്ദിയും പറയുന്നുണ്ടായിരുന്നു, അതെ സമയം ഒരുപാട് പ്രാർത്ഥനകൾ വേറെയും…..!! ആ സന്തോഷ നിമിഷം ഞങ്ങളുടെ മിഴികൾ ഒരേപോലെ ഈറനായി. അത് സന്തോഷം കൊണ്ടാണോ അതോ മറ്റെന്തേലും കൊണ്ടാണോ അറിയില്ല. എന്നായിപ്പോ എന്റെ പെണ്ണിന്റെ മുഖത്ത് നിഴലിച്ച് കിടക്കുന്നുണ്ട്, ഒരു ചിരി…….!!
