നിറഞ്ഞ് വന്ന കണ്ണുനീരോടെ അവളെന്നെ നോക്കി.
“””””””””ഇനിയീ മിഴികള് നിറയാൻ ഏട്ടൻ സമ്മതിക്കില്ല……!!””””””””””‘
അവളുടെ കണ്ണുനീര് തുള്ളികൾ തുടച്ച് മാറ്റുമ്പോ അവൾ വീണ്ടും എന്റെ തോളിലേക്ക് മുഖം ചേർത്തിരുന്നു.
“””””””””ഇതൂടെ പിച്ച് തരട്ടെ…..??””””””””””
സീറ്റിൽ വച്ചിരുന്ന രണ്ടാമത്തെ പ്ളേയിറ്റ് കൈയിലെടുത്ത് ഞാൻ ചോദിച്ചു. മങ്ങിയൊരു ചിരിയോടെ അവൾ ഇരുന്ന ഇരുപ്പിൽ തന്നെ വാ തുറന്നു., ഓരോന്നായി പിച്ച് കൊടുത്തു, ഒരു പൊടി കുഞ്ഞിന് എന്നപോലെ.
ശൂളം വിളിയോട് കൂടി സ്റ്റേഷനിൽ വണ്ടിയിരച്ച് നിന്നു. മയങ്ങുവായിരുന്ന ചീക്കുട്ടിയേം ഉണർത്തി അവളുടെ കൈയും പിടിച്ച് ഞാൻ നടന്നു, എവിടെക്കാന്ന് അറിയില്ലേലും ഒരൊറ്റ ലക്ഷ്യം മാത്രമായിരുന്നു മനസ്സിൽ, ഒരുനല്ല ജീവിതം……!!
…………❤️❤️…………..
“””””””””””വടേ വടേ വടേ വടേ”””””””””””””
നീട്ടി വിളിച്ച് വരുന്ന കച്ചവടക്കാരൻ ഇത് മൂന്നാം തവണയാണ്.
“”””””””””ഒന്നൂടെ……””””””””””””
എന്നെ തോണ്ടി കൊതിയോടവൾ കുണുങ്ങുമ്പോ എതിര് പറയാതെ ചിരിയോടെ തന്നെ ഒരു പ്ളേയിറ്റ് കൂടി ഞാനവൾക്ക് വാങ്ങി കൊടുത്തു.
“”””””””””നല്ലേട്ടൻ…..”””””””””””
കൈയിൽ കിട്ടിയപ്പോ സന്തോഷത്തോടെ അവൾ പറഞ്ഞു., ഇങ്ങനൊരു കൊതിച്ചി. ഒരു നുള്ള് പിച്ച് ചട്ണിയിൽ മുക്കി എന്റെ വായിലേക്ക് വച്ച് തരുമ്പോ ഞാനും കഴിച്ചിരുന്നു. പിന്നെ തീരുവോളം അങ്ങനെ തന്നായിരുന്നു.
ശൂളം വിളിയോട് കൂടി സ്റ്റേഷനിൽ വണ്ടിയിരച്ച് നിന്നു. ഇത്തവണ മയങ്ങുവായിരുന്ന എന്നെ തട്ടിവിളിക്കുന്നതേ എന്റെ ചീക്കുട്ടിയാണ്. കൈയിൽ കൈകോർത്ത് നടന്നു. സ്റ്റേഷന് വെളിയിൽ തന്നെ ഓട്ടോ സ്റ്റാൻഡ് ഉണ്ട്. കുറച്ചൂടെ നടന്നാൽ ബസ്സ് കിട്ടുമെങ്കിലും, ചീക്കുട്ടിക്ക് ബസ്സ് പറ്റില്ല. അതിനാൽ ഓട്ടോയിൽ കേറി.
പോകെ പോകെ വേഗത കൂടാൻ തുടങ്ങി. എന്റെ ഹൃദയമിടിപ്പും. ഇത്രേം നേരവും എന്നിലെ സങ്കടം ചീക്കുട്ടിയിൽ നിന്നുമൊളിപ്പിക്കാൻ വേണ്ടി പുറമെ ചിരിച്ച എനിക്ക് ഇപ്പൊ സ്ഥലം അടുക്കുന്തോറും കണ്ണുകൾ നിറഞ്ഞ് തുളുമ്പാൻ തുടങ്ങിയിരുന്നു. ഈശ്വരാ., അപ്പോഴും പുറത്തെ കാഴ്ചകൾ കണ്ട് ആസ്വദിക്കുവാണ് അവൾ. അതൂടെ കണ്ടതും പരിസരം മറന്ന് കരയാൻ തോന്നി. തളർത്തി കളയല്ലേ എന്റെ മഹാദേവാ…….!!
“”””””””””ഏട്ടാ ഇപ്പൊ പേടി വല്ലാതെ കൂടുവാ. ഹൃദയമിടിപ്പ് കേട്ടോ…..??”””””””””
ആദ്യത്തെ വളവ് തിരിയുമ്പോ അവളെന്നോട് പറഞ്ഞു. എന്നാലത് കേക്കാനല്ലാതെ മറുപടി ഒരക്ഷരം മിണ്ടാൻ എനിക്ക് പറ്റിയില്ല.
“””””””””ഏട്ടനും പേടിയുണ്ടോ…..?? നല്ലപോലെ ഇടിക്കുവാണല്ലോ….??”””””””””
എന്റെ നെഞ്ചിൽ തടവി അവളതൂടെ കൂട്ടിച്ചേർത്തു.
“”””””””””പേടിക്കണ്ടേട്ടാ മഹാദേവനില്ലേ, എല്ലാം നോക്കിക്കോളാം…..!!””””””””””
രണ്ടാമത്തെ വളവും തിരിഞ്ഞു. വണ്ടികളുടെ കൂട്ടവും പോസ്റ്റിലും മറ്റും കണ്ട ട്യൂബുകളുടെ എണ്ണവും കരിങ്കോടിയും മനസ്സ് കൈവിട്ട് പോവുവാണ്.
“”””””””””ചേട്ടാ ഇവിടെ നിർത്ത്…..!!”””””””””
പെട്ടന്ന് എങ്ങനെയോ പറഞ്ഞൊപ്പിച്ചു.
“”””””””””വാ ഇറങ്ങ് ചീക്കുട്ടി…..””””””””””””
ഓട്ടോ കാശും കൊടുത്ത് അവളുടെ കൈകളിൽ എന്റെ വിറക്കുന്ന കൈകളാൽ പിടിച്ച് ഞാൻ നടന്നു
“”””””””””ഏട്ടാ ദേവികാമ്മാ……””””””””””
ഒരു അലറി കരച്ചിലായിരുന്നു ഞാൻ കേട്ടത്., പോസ്റ്റിൽ ഒട്ടിച്ചിരുന്ന ആദരാഞ്ജലികൾ പതിപ്പിച്ച ആ ഫോട്ടോ കണ്ട് ആർത്തലച്ച് കരഞ്ഞു കൊണ്ടവൾ ഓടുവായിരുന്നു. പിന്നാലെ ചത്ത മനസ്സോടെ ഞാനും……!!
ഗേയിറ്റിന് അകത്തേക്ക് കേറാതെ പുറത്ത് തന്നെ നിക്കുവാണ് അവൾ…..!!
“”””””””””എനിക്ക്, എനിക്കെന്റെ അമ്മയെ ഒന്ന് കാണണം ഏട്ടാ, എന്റെ ദേവികാമ്മയെ ഒരു നോക്ക് എനിക്ക് കാണണം ഏട്ടാ….”””””””
ഏറെ നാൾക്ക് ശേഷം എന്റെ ചീക്കുട്ടീടെ പ്രാണൻ വെടിഞ്ഞുള്ള കരച്ചിൽ ഞാൻ കേട്ടു. എന്റെ കണ്ണുകളും നിറഞ്ഞൊഴുകുന്നുണ്ട്.
“”””””‘””””വാ……”””””””””””
കണ്ണുനീരോടെ അവളുടെ കൈ പിടിച്ച് ഞാൻ അകത്തേക്ക് കേറി.
പിൻവശത്ത് ചെല്ലനായി മനസ്സ് മന്ത്രിക്കും പോലെ., അങ്ങോട്ടേക്ക് നടന്നു. കാണുന്ന കാഴ്ച സത്യമാകരുതേ എന്ന് അതിയായി ആഗ്രഹിച്ചിരുന്നു ഞാൻ. പക്ഷെ കണ്ണിന് നേരെ കണ്ടത് എന്റമ്മയേ അടക്കിയ മണ്ണാണ്.
“””””””””””അമ്മാ…..””””””””””””
ഞാൻ ചേർത്തു പിടിച്ചിരുന്ന എന്റെ ചീക്കുട്ടി എന്നേം തള്ളി കളഞ്ഞ് അടക്കം ചെയ്താ മണ്ണിൽ വീണ് പൊട്ടി കരയുവാണ്. കണ്ണുകൾ വാർന്നോഴുകിയത് ആ കാഴ്ച കണ്ടോ ആ അവസ്ഥ കണ്ടോ, അറിയില്ല. നിറഞ്ഞു വരുന്ന കണ്ണുകൾ ഒപ്പുമ്പോ തോളിൽ തട്ടിയ കരസ്പർശം ഏറ്റാണ് ഞാൻ തിരിഞ്ഞ് നോക്കുന്നത്.
“”””””””””മോളേം വിളിച്ചോണ്ട് വാടാ അകത്തേക്ക്…….!!”””””””””””
അച്ഛന്റെ കണ്ണുകളും അന്നാദ്യമായി ഞാൻ നിറഞ്ഞു കണ്ടു. അതൊളിപ്പിക്കാനോ അത്രേം പറഞ്ഞ് പുള്ളി തിരിഞ്ഞ് നടന്നിരുന്നു.
“””””””””””ചീക്കുട്ടി വാ…….”””””””””””
അമ്മയെ അടക്കിയ ആ മണ്ണിൽ കിടന്ന് വാവിട്ട് കരയുന്ന എന്റെ പൊന്നിന്റെ തോളിൽ പിടിച്ച് ഞാൻ എഴുന്നേൽപ്പിച്ചു.
“””””””””ഏട്ടാ ന്റമ്മാ…..”””””””””
എന്റെ നെഞ്ചിൽ മുഖം ചേർത്തവൾ തേങ്ങുമ്പോ, കൂടെ കരയാൻ അല്ലാതെ എനിക്ക് വേറൊന്നും ചെയ്യാനില്ലായിരുന്നു. ഉമ്മറത്ത് തന്നെ അച്ഛനും ഏട്ടനും അവന്റെ ഭാര്യയുമൊക്കേയുണ്ട്. എല്ലാരും ചെയ്ത തെറ്റിന് മാപ്പിരക്കുന്നു ആ കണ്ണുകളിലൂടെ.
ചീക്കുട്ടിയെ ചേർത്ത് പിടിച്ച രണ്ട് കരങ്ങൾ ഞാൻ കണ്ടു, അവളോടൊപ്പം കരയാനും അവളെ ആശ്വസിപ്പിക്കാനും ഇന്നവളെ അക്ഷരം തെറ്റിക്കാതെ വിളിക്കാം, ഏട്ടത്തി……!!
എന്നെയും ആശ്വസിപ്പിക്കാൻ വന്നൂ., അവൻ, എന്റെ കൂടെപ്പിറപ്പ്. എത്രയോ വല്യ തെറ്റ് തന്നാ അവൻ ചെയ്തേ, മാപ്പ് അർഹിക്കാത്ത തെറ്റ്. ഇന്നും അതെന്റെയുള്ളിൽ കിടന്ന് നീറുവാ. പക്ഷെ ഇപ്പോ അവനെന്നെ കെട്ടിപ്പുണരുമ്പോ, എന്റെ തലയിലും മേത്തും തട്ടി തലോടി ആശ്വസിപ്പിക്കുമ്പോ പഴേതോർത്ത് ദേഷ്യപ്പെടാനല്ല, മറിച്ച് അവന്റെ ചുമലിൽ എന്റേട്ടന്റെ ചുമലിൽ കരഞ്ഞ് തീർക്കാനാണ് ഞാനാ നേരം ആഗ്രഹിച്ചത്…..!!
“”””””””””എന്നോട് പൊറുക്കടാ ദേവാ…. കൂട്ടുകാര് തന്ന ലഹരി അതെന്റെ തലച്ചോറിനെ തിന്നിരുന്നു, എന്റെ കൂടെപ്പിറപ്പിനോടാ ഞാൻ…..?? ദൈവം പൊറുക്കൂലാ പക്ഷെ നീയും ശ്രീദേവിയും എനിക്ക് മാപ്പ് തരണം…..!!””””””””””
