“അലോ മമ്മി അവൾ ഇഷ്ടമ്മല്ലെങ്കിൽ അത് പറയാം ഇഷ്ടം പിടിച്ചു വാങ്ങാൻ പറ്റുന്നത് ഒന്നും അല്ലല്ലോ….ഇഷ്ടല്ലെങ്കിൽ അത് പറഞ്ഞാ പൊരേ.. അമ്മയ്ക്ക് അറിയോ എന്റെ പാട്ടിനു ശേഷം എല്ലാരും നന്നായി കയ്യടിച്ചതാ… പ്രോഗ്രാം ഒന്നും അലമ്പ് ആയിരുന്നില്ല….. അമ്മയ്ക്ക് അറിയുന്നതല്ലേ കസിൻസ് ന്റെ ഒക്കെ കല്യാണത്തിന് ഞാൻ ഗിറ്റാർ വായിച്ചപ്പോ എല്ലാരും എഴുന്നേറ്റ് നിന്ന് കയ്യടിച്ചതല്ലേ….എന്നിട്ടാ അവൾ അന്റെ ഒരു ഗിറ്റാർ എന്നും പറഞ്ഞു ചൂടായെ… ഒന്നൂലേലും ഞാൻ ഒരു സീനിയർ അല്ലേ… ആ ബഹുമാനം അവൾ എനിക്ക് തരണ്ടേ…..”എനിക്ക് നല്ല ദേഷ്യം വന്നു…
” ആ ബഹുമാനം നീ അവൾക് കൊടുത്തോ??… നിനക്ക് അങ്ങനെ ഒരു ഇഷ്ടം ഉണ്ടെങ്കിൽ അത് നീ അവളോട് പോയിട്ട് പറയണം.. അല്ലാണ്ട് മൈക്ക് വെച്ച് കൂവുകയല്ല വേണ്ടേ….പിന്നെ നിന്റെ പാട്ട് അത് നല്ലതാണെന്ന് എല്ലാർക്കും അറിയാം… അവളും അത് എൻജോയ് ചെയ്ത് കാണും.. പക്ഷെ നീ ഈ കാര്യം ഓപ്പൺ ആയി പറഞ്ഞതിന്റെ ദേഷ്യത്തിൽ അവൾ തിരിച്ചും പറഞ്ഞു… പിന്നെ ജൂനിയർ ആയത് കൊണ്ട് മിണ്ടാതെ കയ്യും കെട്ടി നോക്കി നിക്കണം ആയിരുന്നോ?…. “എന്റെ ദേഷ്യം ഇരട്ടിച്ചു.. എന്നെ തളർത്തിയതും പോരാ അവളെ പൊക്കി പറയുകയും ചെയ്തപ്പോ എനിക്ക് സഹിച്ചില്ല.. ഞാൻ ആ റൂം ഇൽ നിന്നും എഴുന്നേറ്റ് പോയി…..
“ഞാൻ പറഞ്ഞതിനെ കുറിച് നീ ഒന്ന് ആലോചിക്ക്….. പിന്നെ ആ കൊച്ചിന്റെ ധൈര്യം എനിക്ക് ഇഷ്ടായി നിന്നേ പോലൊരു പന്നിക്കുട്ടനെ മെരുക്കാൻ അവളാ ബെസ്റ്റ് വിട്ടു കളയണ്ട ചേർത്ത് പിടിച്ചോ മമ്മിക്ക് സമ്മതാ…..”
പന്നിക്കുട്ടൻ നിങ്ങളുടെ കെട്ട്യോൻ എന്നും പറഞ്ഞു ഞാൻ വണ്ടിയും എടുത്ത് സ്ഥലം കളിയാക്കി….
നേരെ മുഴപ്പിലങ്ങാട് ബീച്ച്ലേക് പോയി കുറേ നേരം അവിടെ ഇരിന്നു….എന്തോ ഒമുവിനെ കൂട്ടാൻ തോന്നീല്ല… അവൻ ഇല്ലാതെ ഞാൻ ഇവിടെ വന്നിട്ടേ ഇല്ല….കുറേ നേരം തിരയും നോക്കിയിരിക്കുമ്പോൾ ആണ് മമ്മി പറഞ്ഞ കാര്യങ്ങൾ വീണ്ടും മനസ്സിലേക്ക് കടന്ന് വരുന്നത്…. അതെ ശരിക്കും അവൾക്ക് എന്റെ ഗിറ്റാർ ഇഷ്ടായി കാണും കാരണം അത് അത്ര ബോർ ഇല്ലാതെ വായിക്കാൻ എനിക്ക് അറിയാം എന്നെനിക്ക് ഉറപ്പുണ്ട്… ഞാൻ അത് തെളിയിച്ചതാണ് പലവട്ടം….ഇത് ഞാൻ ഇഷ്ടം ആണെന്ന് പറഞ്ഞതിന്റെ ഗർവ് തീർത്തതാണ്….ശരിയാണ് എന്റെ ഭാഗത്തും തെറ്റ് ഉണ്ട്… ഇത്രേം കുട്ടികളുടെ മുന്നിൽ വച്ച് ഞാൻ അത് പറയണ്ടായിരുന്നു….’വിട്ട് കളയണ്ടാ ചേർത്ത് പിടിച്ചോ ‘ മമ്മിയുടെ ഈ വാക്കുകൾ എന്നിൽ വീണ്ടും വീണ്ടും തട്ടാൻ തുടങ്ങി….ഹ്മ്മ് ഇനി അവളെ എന്റെ പട്ടി നോക്കും ഇനി അവൾ എന്റെ പുറകെ വന്നാലും ഞാൻ മൈൻഡ് ആക്കീല….ഊക്കീട്ട് പോയവളാ നിന്റെ പുറകെ വരുന്നത് നടക്കണ വല്ല കാര്യോം പറ മൈരേ….അല്ലേ തന്നെ ഒരു സമാധാനോ ഇല്ല ഈ മൈര്ന് എന്നെ ഒന്ന് വെറുതെ വിട്ടൂടെ….. എന്തായാലും അവൾക് നല്ല അഹങ്കാരം ഉണ്ട് ഒന്നൂലേലും ഒരു രണ്ട് വയസ്സിനു മൂത്തത് അല്ലേ ഞാൻ ആ ബഹുമാനം തരായിരുന്നു… ആ കോളേജ് ലെ എന്റെ ഇമേജ് ദൈവമേ ഇനി അവളും ആ വാനരപടയും കൂടി ഇതൊക്കെ ആരോടൊക്കെ പറയും എന്ന് ദൈവത്തിന് അറിയാ….ഞാൻ ഒരു ഏഴര ഒക്കെ കഴിഞ്ഞപ്പോ എഴുന്നേറ്റ് വീട്ടിലേക് പോകുവാൻ നേരം ഒമു വിളിച്ചു…
“ഡാ ഞാൻ പാലത്തിന്റെ അവിടെ ഉണ്ട് നീ വരുന്നില്ലേ…”മൈര് അവനോട് അവിടെ വരാൻ പറഞ്ഞ കാര്യം ഞാൻ മറന്ന് പോയിരുന്നു….
“ഓ എനിക്ക് ഒരു മൂഡില്ലടാ നമ്മക്ക് നാളെ കാണാം…” പച്ച തെറിയും പറഞ്ഞു അവൻ ഫോൺ വച്ചു… ഞാൻ നേരെ വീട്ടിലേക്ക് പോയി….
ഞാൻ വീട്ടിലേക്ക് കയറുമ്പോൾ തന്നെ അച്ഛൻ ഇറയത്തു നിക്കുന്നുണ്ടായിരുന്നു….
“വസൂ ദേ തോറ്റു തുന്നം പാടി വന്നിരിക്കുന്നു നിന്റെ മോൻ… അവനു എന്തേലും തിന്നാൻ കൊടുക്ക്…..”
ഈ അമ്മ അച്ഛനോട് എല്ലാം പാടി അല്ലേ….. എന്തൊരു കഷ്ടണിത്… ഞാൻ അച്ഛനെ നോക്കാതെ അകത്തേക്കു കയറി പോയി… അമ്മ അടുക്കളയിൽ ആയിരുന്നു.. ഞാൻ നേരെ അടുക്കളയിലേക്കു വിട്ടു….
“ഹേ സ്ത്രീയെ നിങ്ങൾ എന്തൊരു ദുഷ്ടയാണ് എല്ലാം പുന്നാര കേട്ടിയോനോട് പറഞ്ഞു കൊടുത്തു അല്ലേ… എന്താ അമ്മേ ഇത്….”