ഞാൻ വേഗം മുഖം പൊത്തികരയുന്ന അവളുടെ കൈ ഞാൻ പിടിച്ചു നടക്കാൻ ഭാവിച്ച എന്റെ കൈ അവൾ തട്ടി മാറ്റി..ഒരു നിമിഷം എല്ലാവരും ഞങ്ങളെ തന്നെ നോകിനിക്കുന്നുണ്ട് പിന്നെയവിടെ ഞാൻ പോലും പ്രദീക്ഷിക്കാത്തതായിരുന്നു അരങ്ങേറിയത്..ഒന്നുമല്ല എന്നെ ഉടലോടെ ചേർത്ത് കെട്ടിപിടിച്ചു എന്റെ നെഞ്ചിലേക്ക് വീണു ഒറ്റ കരച്ചിലയിരുന്നു. കരചിലിനിടയിലും അവ്യക്തമായ ഓരോ ഡയലോഗുകൾ മാപ്പുപറച്ചിൽ എന്നെ കൂടുതൽ വിഷമിപ്പിച്ചു
‘അച്ചൂ നിന്നെ ..നിന്നെ ബുദ്ധിമുട്ടികണ്ടാന്നു വിചാരിച്ചല്ലേ ഞാൻ”
കരച്ചിനിടയും വിക്കി വിക്കി പറഞ്ഞൊപ്പിച്ചു..എന്റെ നെഞ്ചിൽ കിടന്നു കൊച്ചുകുട്ടികളെ പോലെ എന്റർ മുഖത്തേക്ക് നോക്കി ആ നോട്ടം കൂടെ കണ്ടപ്പോൾ എനിക്ക് അങ്ങനെ പറയാൻ തോന്നിയ നിമിശത്തെ ശപിച്ചു…ഞാൻ ഒന്നൂടെ ചേർത്തു പിടിച്ചു.
അന്തരീക്ഷം ഒന്ന് ശാന്തമായിരിക്കുന്നു പിള്ളേരൊക്കെ ഒരു സിനിമ കണ്ടുതീർത്തപോലെ ഞങ്ങളെ തന്നെ നോക്കിക്കൊണ്ട് കോളേജിലേക്ക് നടക്കുന്നുണ്ട് ..
ഷെമിയും അനന്ദുവും എന്നോട് വീട്ടിലേക്ക് പൊക്കോളാൻ പറഞ്ഞു അവരും ഉള്ളിലേക്ക് കയറി
ഇതിനിടയിലാണ് മറ്റവളുടെ വരവ് അവളുടെ
അഹങ്കാരത്തോടെയുള്ള ആവരവ് കണ്ടപ്പോ തന്നെ ഒന്ന് പൊട്ടിക്കാനാണ് തോന്നിയത്..
ആദ്യം കണ്ടപ്പോ തോന്നിയ ഒരു സ്പാർകൊക്കെ വിശാലിന്റെ കൂടെ നടന്നു വരുന്നത് കണ്ടപ്പഴേ എവിടെയോ പോയി പിന്നെ അത് വെറുപ്പായി മാറി എന്നതാണ് സത്യം അവളൊന്നും നമ്മളെ ചെയ്തിട്ടില്ലെങ്കിലും വിശാലിന്റെ കൂടെ വന്നതിൽ എനിക്ക് അങ്ങനെയാണ് തോന്നിയത്
“നീയാരാണെന്നാടാ നിന്റെ വിചാരം നീയെന്തിനാ ഇപ്പോ വിശാലുമായി ചുമ്മാതൊരു ഇഷ്യൂ ഉണ്ടാക്കിയെ?”
അവളും കലിപൂണ്ട് നിന്ന് തുള്ളുവാണ്..അവൾ എന്റെ അടുത്തേക്ക് നടന്നുവരുന്നത് കണ്ടപ്പോ തന്നെ നന്ദു എന്റെ കയ്യിൽ മുറുക്കെ പിടിച്ചു…അവൾ ഇപ്പോഴും കരയുവാണ്..
അതിനിടയിൽ മറ്റവളുടെ കൊണച്ച ചോദ്യം കേട്ടിട്ട് അപ്പോ തന്നെ ഒന്നു പൊട്ടിക്കേണ്ടതാണ് ആ ന്നേരം ഞാൻ ഒന്നും ചെയ്തില്ല അതവളുടെ ഭാഗ്യമാണവോ അതോ എന്റെയാണാവോ..
“ഞാൻ ആരാണെന്നു നിന്നെ പറഞ്ഞു മനസ്സിലാക്കേണ്ട അവശ്യമൊന്നും എനിക്കില്ലെടീ നായിന്റെ മോളെ..പിന്നെ ഞാൻ ആരാണെന്ന് അറിയാൻ നിനക്കത്രക്ക് മുട്ടി നിക്കുവാണേൽ ആ നിക്കണ കഴുവേറിടെ മോനോട് ചോദിച്ചാ മതി…പെൺ കുട്ടികളെ കാണാത്ത നായ..”
അത്രയും പറഞ്ഞു നിർത്തിയപ്പോഴാണ് അവൾക്കും എന്തോ കാര്യമുണ്ടെന്നു മനസ്സിലായതെന്നു തോന്നുന്നു പിന്നെയവൾ വാ തുറന്നിട്ടില്ല ഒറ്റ നിപ്പായിരുന്നു ഞാൻ അത്രേം പറഞ്ഞു വണ്ടിമ്മേൽ കേറിയിരുന്നു
“നന്ദൂ നീ കേറിക്കെ”
പിറകിൽ നിൽക്കുന്ന നന്ദുവിനോട്
പറഞ്ഞു നന്ദു മടിച്ചുകൊണ്ട് പിറകിൽ കേറി..
കുറച്ചു നേരംകൂടി അവിടെ നിക്കുവാണേൽ അവളുടെ മുഖത്ത് എന്റെ കൈവീണേനെ എന്നെനിക്ക് തോന്നിയത് കൊണ്ടാണ് ഞാൻ അങ്ങനെയൊരു നീക്കമെടുത്തത്
“കൂടെ നടക്കുമ്പോ ആണാണെന്നു ഒറപ്പുള്ളോരുടേ കൂടെ നടക്കടീ”
ഞാൻ അത്രയും പറഞ്ഞു അവളെയൊന്നു പുച്ഛത്തോടെ നോക്കി വണ്ടിയെടുത്തു അപ്പോഴും അവളൊന്നും മിണ്ടിയില്ല മുഖത് സങ്കടമാണോ ദേഷ്യമാണോ എന്നൊന്നും തിരിച്ചറിയാവാനാവത്ത ഒരു ഭാവം എന്തായാലും ഒന്നുറപ്പാണ് എന്റടുത്തേക്ക് വന്ന പവർ ആ സമയം പെണ്ണിനില്ലാന്നു മനസ്സിലായി
വണ്ടി എങ്ങോട്ടോ ഓടുന്നുണ്ട് എവിടെക്ക് പോണോന്നു ഒരയ്ഡിയയുമില്ല..നന്ദുവാണേൽ ബാക്കിലിരുന്നു ഇപ്പോഴും സൈലന്റായി കരയുന്നുണ്ട്…
“നന്ദൂസെ…”
മറുപടിയില്ല
“ടീ ഇനിയെന്തിനാ കിടന്നു മോങ്ങണെ”
അവൾ വീണ്ടും കരയുവാണ് ഈ നിലക്ക് വീട്ടിൽ പോയാ ശെരിയാവൂല എന്നെനിക്ക് തോന്നി പിന്നെവിടെക്ക് കോളേജിലേക്ക് തന്നെ ഏയ് വേണ്ട ഇപ്പൊ അങ്ങോട്ട് പോയികഴിഞ്ഞാ വേറെ എന്തേലും പുതിയ പ്രശ്നം ഉണ്ടാവുമെന്നു എനിക്ക് ഉറപ്പായിരുന്നു അങ്ങനെ പൊക്കൊണ്ടിരിക്കുമ്പോഴാണ് കോളേജിലെ മിക്ക കപ്പിൾസം കേറുന്ന റെസ്റ്റോറന്റ് കണ്ണിൽ ഉടക്കുന്നത് പിന്നെയൊന്നും ചിന്തിക്കാൻ നിൽക്കാതെ വണ്ടി അങ്ങോട്ടെടുത്തു വണ്ടി
നിർത്തിയിട്ടും നന്ദൂസിന് എനക്കമൊന്നുമില്ല ഒന്നും മിണ്ടുന്നുമില്ല.