“നന്ദൂസേ അവനെന്താ നിന്നോട് പറഞ്ഞെ”
ഞാൻ മെല്ലെ കാര്യം തിരക്കി അത് ചോദിച്ചപ്പോ അവളുടെ മുഖം മാറുന്നത് ശ്രദ്ധിച്ചിരുന്നു
“അച്ചൂ ഞാനത് പറയണോ”
അവളുടെ മുഖം മങ്ങിതുടങ്ങി
“വേണ്ടടീ പറയണ്ട…നമുക്ക് പോയാലോ”
ഞാൻ വിഷയം മാറ്റി
“മ്മ്..”
ഒന്ന് മൂളിയതല്ലാതെ ഒന്നും പറഞ്ഞില്ല ആ മൂളൽ അത്ര പന്തിയല്ലാന്നു തോന്നിയപ്പോ ഞാൻ നന്ദൂവിന്റെ അടുത്തേക്ക് ഒന്നൂടെ നീങ്ങിയിരുന്നു
“നന്ദൂസ് നീ ഹാപ്പിയല്ലേ”
“ഹാപ്പിയാണോന്നു ചോദിച്ചാൽ നീയടുത്തുള്ളപ്പോ ഞാൻ ഹാപ്പിയ”
അവൾ ഒന്നുമാലോചിക്കാതെ ചിരിച്ചു കൊണ്ട് പറഞ്ഞു
“ആണല്ലോ അപ്പൊ ഞാൻ ചത്തിട്ടൊന്നുമില്ല നീ കിണുങ്ങാതെ നടന്നെ”
“ദേ വേണ്ടാതീനമൊന്നും പറയണ്ടാട്ടോ”
പരിഭവം നടിച്ചു കൈ ചൂണ്ടി പറഞ്ഞു
“ആ പറയണില്ല നീ വാടി പെണ്ണേ”
അവളുടെ കയ്യും പിടിച്ചു വലിച്ചു നടന്നു കൗണ്ടറിൽ കാശും കൊടുത്തു ഞങ്ങളിറങ്ങി
വണ്ടിയെടുത്തു വീട് ലക്ഷ്യമാക്കി പൊക്കോണ്ടിരിക്കുമ്പോഴാണ് അടുത്ത പ്രശ്നം
“നന്ദൂട്ടീ വീട്ടിൽ എന്നാ പറയും”
ഡ്രൈവിങ്ങിനിടെയിൽ ചോദിച്ചു
“നിയെന്താ പറയണേ’
“ഞാൻ…”
ഒരു നിമിഷം ഒന്നാലോചിച്ചു
“ഫസ്റ്റിയേഴ്‌സ് അഡ്മിഷൻ അയോണ്ട് നേരത്തെ കഴിഞ്ഞൂന്നു പറയും”
“മ്മ് അപ്പൊ ഞാനും”
പതിവ് കള്ളച്ചിരിയിൽ മറുപടി തന്നു ആ ചിരി കണ്ടപ്പോഴാണ് ഞാനും ഒന്ന് കൂളായത്
“അച്ചൂ”
പതിവ് ഈണത്തിൽ
“പറഞ്ഞേ”
ഞാനും പതിവ് പോലെ വിളികേട്ടു
“അവൻ എന്നോട് എന്താന്നോ പറഞ്ഞെ”
ഒന്നൂടെ ചേർന്നിരുന്നു തോളിലേക്കവൾ തല ചായ്ച്ചു
“ അത് വേണ്ട നന്തൂട്ടി നിനക്ക് പറയാൻ നല്ല വെഷമമുണ്ട് നീയത് പറയണ്ടാ”
ഞാൻ അവളുടെ വിഷമം മനസ്സിലാക്കി മറുപടി കൊടുത്തു
“പിന്നേ.. ഞാനിന്നുവരെ നിന്നോടൊന്നും മറച്ചു വെച്ചിട്ടില്ല നിന്നോടിത് പറയാണ്ട് പോയാലേ എനിക്കുറക്കം വരൂല്ലടാ”
അവൾ ചിരിച്ചു കൊണ്ടാണത് പറഞ്ഞത് ഇപ്പൊ അത് പറയാനുള്ള മൂടുണ്ടെന്നു എനിക്ക് തോന്നി പിന്നെ ഞാനൊന്നും പറഞ്ഞില്ല അവൾ തന്നെ പറഞ്ഞു തുടങ്ങി
“ഒന്നുമല്ലടാ അവൻ ചോദിക്കുവാ അവന്റെ കൂടെ നടത്തം മാത്രോ ഉള്ളൂ അതോ കെടത്തോം അവന്റെ കൂടെയാനൊന്നു”
അത് പറഞ്ഞപ്പോ അവളൊന്നു തേങ്ങിയോ ഞാൻ അവളുടെ മുഖത്തേക്ക് നോക്കിയില്ല..ഡ്രൈവിങ്ങിൽ തന്നെ ശ്രദ്ധയൂന്നി
എനിക്കത് കേട്ടപ്പോ കലിപൊക്കെ തോന്നിയതാണ് പിന്നെ അവളുടെ മൂഡ് മാറേണ്ട എന്ന് വിചാരിച്ചു വേറെ രീതിയിലാണ് അതിനുള്ള മറുപടി കൊടുത്തത്
“ഇതിനാണോ നീ ഇങ്ങനെകിടന്നു മോങ്ങിയെ നിനക്ക് പറയായിരുന്നില്ലേ കിടത്തം മാത്രമല്ല കുളീം നനേം എല്ലാം അവന്റെ കൂടെയാന്ന്”
ഉള്ളിൽ ദേശ്യമുണ്ടായിരുന്നുവെങ്കിലും പുറത്തു കാണിക്കാതെ തമാശയായി തള്ളിവിട്ടു
“അയ്യേ എന്തോന്നാ അച്ചൂ നിനക്കൊരു നാണോമില്ലെടാ”
അവൾ കൊഞ്ചികൊണ്ട് ചോദിച്ചു
“ഓ ഇതിലിത്ര നാണിക്കാൻ എന്തിരിക്കുന്നു”
ഞാനും കാര്യമാക്കാതെ പറഞ്ഞു
അങ്ങനെ മിണ്ടീംപറഞ്ഞും വീടെത്തി വീടെത്തുമ്പോഴേക്കും ഏറെക്കുറെ നന്ദൂസ് ഓക്കേയായിരുന്നു..!
നന്ദൂട്ടിയെ വീട്ടിലാക്കി തിരിചു പോകാൻ പോകുംമ്പോഴായിരുന്നു വീണ്ടുമവളുടെ വിളി
“അച്ചൂ ഞാനൊരു കാര്യം പറഞ്ഞാ നീ ചൂടാവുവോ”
സാധാരണ സ്റ്റൈലിൽ വിളിച്ചു ചോദിച്ചു
“ഡീ കോപ്പേ നീയിങ്ങനെയൊക്കെ ചോദികുമ്പഴാ എനിക്ക് ദേശ്യം വരുന്നേ നിനക്ക് എന്താണോ എന്നോട് ചോദിക്കാനുള്ളെ അത് ഡയറക്ടായി ചോദിച്ചൂടെ അതിന്റിടയിൽ പിന്നെനത്തിനാ ഒരു അപ്പോയ്മെന്റ്‌ എടുക്കൽ”
ഞാൻ കലിപ്പിൽ തന്നെ പറഞ്ഞു കാരണം ഇത് ഇനി ആവർത്തിക്കാൻ പാടില്ല എന്നെനിക്ക്‌ നിർബന്ധമായിരുന്നു
“എന്നാ ഞാൻ പറയുവാ ഇനി പറ്റില്ല എന്നെങ്ങാനം പറഞ്ഞാ എന്റെ സ്വഭാവം മാറുവേ”
പഴയ നന്ദൂസായി പൂർണമായി മാറിയിരിക്കുന്നു എനിക്കത് കണ്ടപ്പോ നല്ല സന്തോഷം തോന്നി ആ ഒരു ഫ്ലോയിൽ ഞാൻ ഓകെയും പറഞ്ഞു പിന്നെയാണ് പെട്ടത്
“വേറൊന്നുംമല്ലടാ നീ ഇന്ന് ആ പെങ്കൊച്ചിനോട് പറഞ്ഞത് ഒത്തിരി ഓവർ ആയിരുന്നു നീയൊരു സോറി പറയാടാ എന്നാ ആണേലും അതും എന്നെപ്പോലൊരു പെണ്ണാല്ലെടാ അത്രേം ആളുകളുടെ മുന്നിൽ വെച്ച് നീയങ്ങാനൊക്കെ വിളിച്ചപ്പോ അവൾക്കെത്ര വിഷമമായി കാണും”
നന്ദു ഒറ്റ വാക്കിൽ പറഞ്ഞു
എനിക്കും അതിലെന്തോ കാര്യമുണ്ടെന്നു തോന്നി പിന്നെ നന്ദൂസിന് കൊടുത്ത വാക്കും ഒഴിഞ്ഞുമാറാൻ വേറെ വഴിയൊന്നും ഇല്ലാത്തത് കൊണ്ട് ഞാൻ ഓകെ പറഞ്ഞു അവൾ ഒരു താങ്‌സും പറഞ്ഞു ഉള്ളിലേക്ക് പോയി…ഞാൻ വീട്ടിലേക്കും
___________________
രാത്രി വീടിന്റെ മുൻവഷത്തു ഉമ്മീടെ മടിയിൽ കിടന്നു രാവിലെ ഉണ്ടായ കലാഭങ്ങൾ ഓർത്തു കിടക്കുമ്പോഴാണ് ഇക്കാടെ പതിവില്ലാത്ത വിളി
“ഹലോ…”
ഇക്ക ഹലോയിൽ തന്നെ തുടങ്ങി
“ആ ഇക്ക പറഞ്ഞോ…”
ഞാനും പതിവ് തെറ്റിച്ചില്ല
“എങ്ങെനെ പോകുന്നെടാ കാര്യങ്ങളൊക്കെ…”
ഒരു പ്രവാസി സ്റ്റൈലിൽ വിശേഷങ്ങൾ തിരക്കി
“ എന്ത് കാര്യങ്ങൾ..”
ഞാനൊന്നു പകച്ചു കോളേജിലുണ്ടായ സീനൊക്കെ ഇക്കയറിഞ്ഞു എന്നാണ് എനിക്ക് ആദ്യം തോന്നിയത്
“അല്ലടാ കോളേജും പടിപ്പുമൊക്കെ എങ്ങെനെ പോണൂന്നു”
“കുഴപ്പൊമൊന്നുമില്ലിക്കാ..ഇങ്ങനൊക്കെ പോണ്..എന്താണ് പതിവില്ലാതെ അനിയന്റെ ഫോണിലേക്കൊരു വിളി”
സാധാരണ ലൈൻഫോണിലേക്കാണ് വിളി..അത്കൊണ്ട് തന്നെ ഞാൻ സംശയം മറച്ചുവെച്ചില്ല
“നിന്റെ ബാബിയാ പറഞ്ഞെ നിന്നെയൊന്നു വിളിക്കാൻ.. പിന്നെ.പതിവില്ലാത്ത വിശേഷങ്ങളും ഉണ്ടെന്നു കൂട്ടിക്കോ”
ഇക്ക ചിരിച്ചുകൊണ്ട് പറഞ്ഞു
“അതെന്ത് വിശേഷം?”
വിശേശം എന്താന്നറിയാൻ ഞാൻ ചൊടിച്ചു
“അതൊക്കെ പറയാ… ഉമ്മീ എവിടെ നിന്റെഅടുത്തുണ്ടോ”
“പിന്നെ ഉമ്മീടെ മടീലല്ലേ ഞാൻ കിടക്കണേ”
എന്റെ ചിരിയും സംസാരവുമൊക്കെ കണ്ടിട്ട് ഉമ്മീ എന്നെ തന്നെ സൂക്ഷിച്ചു നോക്കുന്നുണ്ട് ഞങ്ങൾ സംസാരിക്കുന്നത് എന്താണെന്നു ഒരെത്തും പിടീം കിട്ടണില്ല എന്നോട് കൈകൊണ്ട് കാര്യം തിരക്കുന്നുണ്ട് ഞാനപ്പോൾ കണ്ണിറുക്കി ചിരിച്ചു കാണിക്കും അവസാനം ഫോൺ ഉമ്മിക് നേരെ നീട്ടി..എന്റെ കയ്യിലൊരു പിച്ചും തന്നിട്ട് ആള് ഫോൺ മേടിച്ചു സംസാരിക്കാൻ തുടങ്ങി…സംസാരമൊക്കെ ലൈവാരുന്നുവെങ്കിലും എന്താണ് മാറ്റർ എന്ന് മനസ്സിലായില്ല..കുറച്ചു നേരവേ ഇക്കാനോട് സംസാരിച്ചുള്ളൂ പിന്നെ മുഴുവൻ ഷാനൂസിനോടയിരുന്നു അന്നേരംഞാനും കൈ കൊണ്ട് കാര്യം തിരക്കിയെങ്കിലും ഞാൻ നേരത്തെ ചെയ്തതുപോലെ കണ്ണിറുക്കി കാണിച്ചതെ ഉള്ളൂ.. ഒരു പത്തു മിനിറ്റ് സംസാരത്തിണ് ശേഷം ഫോൺ എനിക്ക് തന്നെ തന്നു…ഫോൺ എനിക്ക് നീട്ടുമ്പോൾ പതിവില്ലാത്ത സന്തോഷം മുഖത് കണ്ടിരുന്നു..
“ഷാനുവാണ് നിന്നോടെന്തോ പറയാനിണ്ടെന്നു”
ഷാനു എന്നത് ഇക്കാടെ വൈഫിനെ വീട്ടിൽ വിളിക്കുന്ന പേരാണ് ഷംനാസ് എന്നാണ് മുഴുവൻ പേര്..എന്റെ രണ്ടുവയസ്സിനു മൂപ്പേ അവൾക്കുള്ളു..അത്കൊണ്ട് തന്നെ ഞാനും പേരാണ് വിളിക്കാറ്
ഷാനൂസിനും അതാണിഷ്ടം ആള് നല്ല കമ്പിനി ടൈപ്പാണ് എന്തും തുറന്നുപറയാം കല്യാണം കഴിഞ്ഞു കുറച്ചേ
നാട്ടിലുണ്ടായിരുന്നുള്ളൂ എങ്കിലും ഞങ്ങൾ നല്ല ഫ്രണ്ട്‌സായിരുന്നു..
