“അറിയില്ല ഇവിടെ ഇറക്കി അവർ പോയി….”
“അപ്പൊ നിങ്ങളുടെ കൂടെ ഉള്ളവരല്ലേ…??
“അല്ല… ട്രിപ്പ് പോകുന്ന പയ്യന്മാരാ… അവിടുന്ന് ഞാൻ മാത്രമേ കയറിയുള്ളൂ….”
അത് കേട്ടതും തനിക്ക് ജീവൻ കിട്ടിയത് പോലെ അവൾക്ക് തോന്നി… അത് കൊണ്ട് പോരല്ലോ തന്റെ ബാഗും ഫോണും കിട്ടണ്ടേ… അതിന് ഇയാളെ കയ്യിലെടുത്തെ പറ്റു…. ഒരു പക്ഷെ തന്നെ സാഹായിച്ചാലോ….
“എന്തിനാ ഡോക്ടറോട് കളവ് പറഞ്ഞത് …. ???? ഞാനല്ലേ നിങ്ങളെ വണ്ടിയിൽ നിന്നും എടുത്തത്….??
“ഞാൻ പറയാം …. നിങ്ങൾ എന്നെ സഹായിക്കുമോ….???
“എങ്ങനെ…???
“ആ കാറിൽ എന്റെ ബാഗും ഫോണും ഉണ്ട് അതൊന്ന് അവിടുന്ന് മാറ്റാൻ പറ്റുമോ…. എത്ര കാശ് വേണമെങ്കിലും ഞാൻ നിങ്ങൾക്ക് തരാം…. എന്നിട്ട് ഞാൻ എല്ലാം പറയാം….”
“അത് പറ്റുമെന്ന് തോന്നുന്നില്ല …”
“എന്തെ….???
“ഞാൻ അങ്ങോട്ട് എത്തുമ്പോഴേക്കും പോലീസ് അവിടെ എത്തും…”
“നിങ്ങൾ അറിയുന്ന ആരെങ്കിലും അവിടെ കാണില്ലേ ഒന്ന് വിളിച്ചു പറഞ്ഞാൽ അതവിടുന്നു എടുക്കാം…”
ഒന്ന് ആലോചിച്ച് അയാൾ പറഞ്ഞു…
“ആളുണ്ട് പക്ഷേ എനിക്ക് പൈസ തരണം….”
“തരാം എത്ര വേണമെങ്കിലും തരാം….”
അവളെ ഒന്ന് നോക്കി അയാൾ പുറത്തേക്കിറങ്ങി അഞ്ചു മിനിറ്റ് ആയില്ല ഫോണിന്റെ സ്പീക്കർ പൊത്തി പിടിച്ച് ഉള്ളിലേക്ക് കയറി അയാൾ ഷമിയോട് ചോദിച്ചു….
“അതിൽ കുറെ ബാഗ് ഉണ്ടല്ലോ…. അതിൽ ഏതാ നിങ്ങളുടേത് വേഗം പറയ്….”
“ചുവപ്പ്…. “
അത് പോലെ അയാൾ ഫോണിൽ പറഞ് അവളെ നോക്കി ഫോൺ ഏതാ എന്ന് ആംഗ്യത്തിൽ ചോദിച്ചു….
“ആപ്പിൾ… ഒരു ചുണ്ടിന്റെ ചിത്രം ബാക്കിൽ കാണാം….”
“ഡാ ഒരു പെണ്ണിന്റെ ചുണ്ടില്ലേ അതിന്റെ ചിത്രം ബാക്കിൽ ഉള്ള ഫോൺ….”
അയാളെ നോക്കി വിരൽ കടിച്ച് ഷമി അക്ഷമയോടെ ഇരുന്നു…..
വീണ്ടും സ്പീക്കർ പൊത്തി അയാൾ ചോദിച്ചു….
“കറുപ്പാണോ …??
“ആ അതെ കറുപ്പ്…”
എന്തല്ലാമോ തിരിച്ചു കിട്ടിയ ആശ്വാസം അവളിൽ ഉണ്ടായിരുന്നു…. കുറച്ചു നേരത്തിന് ശേഷം അയാൾ മുറിയിലേക്ക് കയറി വന്ന് പറഞ്ഞു….
“എല്ലാം എടുത്ത് വെച്ചിട്ടുണ്ട്….”
“നന്ദി….”
ഷമിയുടെ കണ്ണുകൾ നിറഞ്ഞൊഴുകി ഒരു തെറ്റ് ചെയ്യാൻ ഇറങ്ങി പുറപ്പെട്ട് ജീവിതവും ജീവനും നഷ്ടപ്പെട്ട് അതും എത്ര പേരുടെ കുടുംബം…. മുഖം പൊത്തി ഉച്ചത്തിൽ കരഞ്ഞ ഷമിയെ അയാൾ ആശ്വസിപ്പിച്ചു……. ഹോസ്പിറ്റലിൽ നിന്നും എത്രയും വേഗം തന്നെ പുറത്തിറക്കാൻ കൈ കൂപ്പി അവൾ അയാളോട് അപേക്ഷിച്ചു….. ഉടനെ അയാൾ പുറത്തു പോയി ഡോക്ടറോട് ആ കുട്ടിയെ താൻ അറിയുമെന്നും എന്റെ കൂടെ വിടണം എന്നും പറഞ് അവിടുത്തെ ബില്ല് അടച്ച് പുറത്തിറങ്ങുമ്പോ അവളോട് പറഞ്ഞു…..
“കൂടെ ഉണ്ടായിരുന്ന രണ്ടു പേരുടെയും നില അത്ര തൃപ്തികരം അല്ല എന്നാണ് ഡോക്ടർമാർ പറയുന്നത് ….”
ശരീരം വെട്ടി കീറുന്ന പോലെ ആ വാക്കുകൾ അവളുടെ ചെവിയിലേക്ക് കയറി….. മുന്നോട്ട് നടന്ന അയാൾ നിന്ന് കൊണ്ട് അവളെ നോക്കാതെ വീണ്ടും ചോദിച്ചു…
“ഇവിടെ ഉണ്ട് കാണണോ….???
“വേണ്ട എനിക്ക് വേഗം ഇവിടുന്ന് പോകണം….”
“വാ…”
എന്ന് പറഞ്ഞായാൾ പുറത്തേക്കിറങ്ങി ആദ്യം വന്ന ഓട്ടോക്ക് കൈ നീട്ടി…. കണ്ണുകൾ അടച്ച് ഓട്ടോയിൽ ചാരി കിടന്ന് അവൾ ആലോചിക്കുകയയിരുന്നു അനു ചേച്ചിയെ കുറിച്ച്…. എല്ലാം ഒരുമിച്ച് പ്ളാൻ ചെയ്ത് താൻ അതിൽ കള്ളത്തരം കാണിച്ചു… അതും പോരാഞ് അയാളെ കൊലക്കും കൊടുത്തു…. നാട്ടിൽ അറിഞ്ഞാൽ എന്തൊക്കെയാണ് നടക്കാൻ പോകുന്നതെന്ന് പടച്ചോന് അറിയാം…
ആരും അറിയാതെ നോക്കണം അതിന് ഏതറ്റം വരെ ആണെങ്കിലും പോകണം….. ഇപ്പൊ ഒരാൾക്ക് മാത്രമേ ആ വണ്ടിയിൽ തനുണ്ടായിരുന്ന കാര്യമാറിയാവു അത് ഈ കിളവനാണ് അയാൾക്ക് എത്രയാണ് വേണ്ടതെന്ന് വെച്ചാൽ അത് കൊടുക്കണം…..
“അവിടുന്ന് ഇടത്തേക്ക്….”
ആ വാക്കുകൾ കേട്ട് കണ്ണുകൾ തുറന്ന് ഷമി അയാളെയും പിന്നെ ഓട്ടോ ഇറങ്ങി പോകുന്ന വഴിയും നോക്കി…. കുത്തനെ ഉള്ള ഇറക്കം വളരെ പതിയെ ആണ് ഓട്ടോക്കാരൻ ഇറക്കിയത്…. തേയില തോട്ടങ്ങൾക്കിടയിലൂടെ അരിച്ചു അരിച്ചിറങ്ങുന്ന റ്റ്ഓട്ടോയിലേക്ക് നട്ടുച്ച നേരം ആയിട്ടും തണുപ്പ് കയറാൻ തുടങ്ങി…… കുറച്ചു നേരം കൂടി വണ്ടി ഓടി അതൊരു ഓല മേഞ്ഞ ചെറിയ കുടിലിന്റെ മുന്നിൽ ചെന്ന് നിന്നു…. പുറത്തേക്ക് നോക്കിയാ ഷമിക്ക് മുന്നോട്ട് പിന്നെ റോഡും ഇല്ല എന്ന് മനസ്സിലായി…. ഓട്ടോയിൽ നിന്നും ഇറങ്ങി അതിന്റെ പൈസയും കൊടുത്ത് ആ കിളവൻ ഷമിയോട് കയറി ഇരിക്കാൻ പറഞ്ഞു……. കോലായിലേക്ക് കയറി ഷമി അയാളോട് ചോദിച്ചു….
“എന്റെ ബാഗ് എവിടെ….??
“അതവൻ കൊണ്ടുവന്നു തരും…. പേടിക്കണ്ട….”
“പേടിച്ചിട്ടല്ല ആ കാറിൽ ഞാൻ ഉണ്ടായിരുന്നെന്ന് ആരും അറിയരുത്….”
“സത്യാവസ്ഥ പറഞ്ഞാൽ നിങ്ങളെ ഒന്ന് കൂടി സുരക്ഷിതമായി എനിക്ക് നാട്ടിലെത്തിക്കാൻ കഴിയും….”
ഇത്രയും നേരം ആരുടേയും കണ്ണിൽ പെടാതെ കൊണ്ടെത്തിച്ച അയാളെ ഷമിക്ക് വിശ്വാസം ആയിരുന്നു…. അവൾ എല്ലാം പറഞ്ഞു സത്യസന്തമായി എല്ലാം…. അത് കേട്ട് ആ കിളവൻ ബീഡിയുടെ പുക ഉള്ളിലേക്ക് എടുത്ത് കറ പിടിച്ച പല്ലുകൾ കാട്ടി ഒന്നുറക്കെ ചിരിച്ചു….. ചിരി നിറുത്താതെ അയാൾ കുനിഞ് കോലായിൽ കിടന്ന കട്ടിലിന്റെ അടിയിൽ നിന്നും തന്റെ ബാഗ് വലിച്ചെടുത്തു…. അതിന്റെ വലിപ്പ് തുറന്ന് ഫോൺ എടുത്ത് അവൾക്ക് നേരെ നീട്ടി കൊണ്ട് പറഞ്ഞു….
“എന്നാ ഇവിടെ നിക്കണ്ട…. ഇത് തോട്ടത്തിലെ പണിക്കാര് പാർക്കുന്ന ഇടമാണ് അവരിപ്പൊ വരും……”
അയലിൽ തൂക്കിയിട്ട കുറെ വസ്ത്രങ്ങൾ കണ്ടപ്പോൾ അവൾക്കും തോന്നിയിരുന്നു ഒരുപാട് പേരുള്ള സ്ഥലമാണ് ഇതെന്ന്….. മുറ്റത്തേക്കിറങ്ങിയ അയാളുടെ കൂടെ ബാഗും തോളിലിട്ട് അവളും ഇറങ്ങി…. കുറച്ച് വന്ന വഴി മുകളിലേക്ക് കയറി ഇടത്തോട്ട് പോകുന്ന ഒരാൾക്ക് കഷ്ടിച്ച് നടന്നു പോകാവുന്ന വഴിയിലേക്ക് തിരിഞ്ഞു….. പത്തു മിനുട്ടോളം നടന്നു കാണും നേരത്തെ കണ്ട വീട് പോലെയല്ല ഇതൊരു ചെറിയ കുടിൽ…. തോട്ടത്തിന്റെ നടുവിൽ ഒരാൾ പൊക്കത്തിൽ നല്ല വൃത്തിയുള്ള കുടിൽ…. മുള കൊണ്ടുള്ള ചവിട്ട് പടി കയറി അതിന്റെ ഉള്ളിലേക്ക് തല താഴ്ത്തി വേണം കയറാൻ….. നെയ്ത് ഉണ്ടാക്കിയ ഒരു കട്ടിൽ മാത്രമേ അതിന്റെ ഉള്ളിൽ ഉണ്ടായിരുന്നുള്ളു…. താഴത്തെ വീട്ടിൽ കണ്ടത് പോലുള്ള വസ്ത്രങ്ങളും ഇല്ല…. ചുറ്റിലും നോക്കി നിന്ന ഷമിയോട് അയാൾ പറഞ്ഞു…..
” ആരും വരില്ല …. ഞാൻ ഒറ്റക്കാണ് ഇവിടെ … എനിക്കിവിടെ പണിക്കാരുടെ മേൽ നോട്ടം ആണ് നാട്ടിലെ കാര്യസ്ഥൻ….”
“എന്താ പേര്……??
“ഷൺമുഖൻ…… നിങ്ങളുടെ പേരെന്താ “
“ഷമി….. ഇവിടെ തന്നെയാണോ വീട്…??
“അല്ല മലപ്പുറത്ത് ആണ്…. ഇവിടെ വന്നിട്ട് പത്ത് മുപ്പതായി പോയിട്ടില്ല…. ഉളളിൽ ഇരുന്നാ മതി പുറത്തിറങ്ങേണ്ട പണിക്കാര് കയറുന്ന സമയമാ…. ഞാൻ പോയി കഴിക്കാൻ വല്ലതും വാങ്ങി വരാം…..”
