ഒരുതരത്തിൽ ജിത്ത് അവളെ സമാധാനിപ്പിച്ചു ഫോൺ വച്ചു. എന്നിട്ട് ദീപുവിനോട് അവൻ കാര്യങ്ങൾ അവതരിപ്പിച്ചു.
ഒരു കാർന്നോരെ പോലെ താടിയും തിരുമി ഇരുന്ന് ആ പൊട്ടൻ എല്ലാം കേട്ടു.
“ഇത്രേയുളളർന്നോ?. ഇതിപ്പോ ഞാൻ ശരിയാക്കാം”. അതായിരുന്നു അവന്റെ മറുപടി.
രണ്ടുദിവസത്തിനുള്ളിൽ ദീപു ജിത്തിന് ഒരു അക്കൗമേടഷൻ ശരിയാക്കി. RK എന്ന് വിളിക്കുന്ന രാധാകൃഷ്ണനും സുമചേച്ചിയുടെയും ഒരു ബംഗ്ലായിൽ അത്യാവശ്യം വലിയ ഒരു ബാത്ത് അറ്റാച്ഡ് റൂമും, വേണെങ്കിൽ ഉപയോഗിക്കാവുന്ന ഒരു ചെറിയ കിച്ചൻ സെറ്റപ്പും. വാടക ഓക്കേ ആണ്. പിന്നെ ഒരു ഗുണം ഭക്ഷണം എല്ലാം അവര് തന്നെ തരും എന്നുള്ളതാണ് .
അതുകൂടി ചേർത്തു വാടക കൊടുത്താൽ മതി. മലയാളികൾ ആണ് എന്നറിഞ്ഞപ്പോൾ ജ്യോത്സ്നയ്ക്കും, സാറക്കും മനസ്സ് ഒന്ന് തണുത്തു. ഭക്ഷണത്തിന്റെ കാര്യത്തിലും ബുദ്ധിമുട്ടില്ലല്ലോ എന്ന ആശ്വാസവും. ജ്യോത്സ്നയും രതീഷും വന്ന് കണ്ട് കാര്യങ്ങൾ ഒക്കെ സംസാരിച്ചപ്പോൾ RK ക്കും സുമചേച്ചിക്കും വലിയ സന്തോഷം.
നല്ല ഒരു ഫാമിലിയിൽ നിന്നുള്ള ഒരാൾക്ക് സ്റ്റേ കൊടുക്കാൻ അവർക്കും വലിയ താല്പര്യം. RK ഒരു കമ്പനിയിൽ മാനേജർ ആയി വർക്ക് ചെയ്യുന്നു. 50 വയസ്സ് അടുപ്പിച്ചു പ്രായം. സുമചേച്ചി വീട്ടമ്മയാണ്. 45 വയസ്സുള്ള ഉത്തമയായ കുടുംബിനി. കുട്ടികൾ ഇല്ല എന്നൊരു ദുഃഖം രണ്ടാൾക്കും ഉണ്ട്.
ജിത്ത് എല്ലാ കാര്യങ്ങളും സാറയോട് അപ്പപ്പോ അറിയിക്കുന്നുണ്ടായിരുന്നു. ഏറെ വേദനിക്കുന്ന മനസ്സുമായിട്ടാണെങ്കിലും സാഹചര്യം അനുസരിച്ച് ഇങ്ങനൊരു സെറ്റപ്പ് ഒത്തുകിട്ടിയതിൽ അവളും ആശ്വാസംകൊണ്ടു.
അങ്ങനെ അധികം താമസിയാതെ ജിത്ത് ആ വീട്ടിലേക്ക് താമസം മാറി. ജിത്തിന്റെ അകന്നുള്ള താമസം തെല്ലൊന്നുമല്ല സാറയെ തളർത്തിയത്. ആകെ ഒരു ശൂന്യത സാറക്ക് അനുഭവപ്പെട്ടു. കിട്ടുന്ന സമയങ്ങൾ ഒക്കെയും അവൾ ഫോണിലൂടെ ജിത്തിന്റെ കാര്യങ്ങൾ തിരക്കികൊണ്ടിരുന്നു. അത് മാത്രമായിരുന്നു അവർക്കാശ്വാസം. അവളുടെ വിഷമം മനസ്സിലാക്കി ഇടയ്ക്കിടെ സമയം കണ്ടെത്തി ജിത്ത് അവളെ നേരിൽക്കാണാൻ അവൾ ജോലിചെയ്യുന്ന ഓഫീസിന്റെ അടുത്ത് എത്തും. ഒരുമിച്ച് എന്തെങ്കിലും കഴിച്ചിട്ട് പിരിയുന്നത് അവർ പതിവാക്കിതുടങ്ങി.
പതിയെ പതിയെ ജിത്ത് വന്നത് RK ക്കും സുമചേച്ചിക്കും ഒരനുഗ്രഹമായി തോന്നി. വീട്ടിൽ ഒരനക്കം ആയതുപോലെ. ജിത്ത് രാവിലെ റെഡിയായി വരുമ്പോളേക്കും സുമചേച്ചി ബ്രേക്ഫാസ്റ് ഒരുക്കിയിട്ടുണ്ടാവും. RK ജിത്തിനുവേണ്ടി കാത്തുനിൽപ്പുണ്ടാവും അപ്പോളേക്കും. രണ്ടാളും ബ്രേക്ഫാസ്റ് കഴിച്ചുതീരുമ്പോളേക്കും സുമചേച്ചി അവർക്കുള്ള ടിഫിൻ പാക്ക് ചെയ്തു അവരെ ഏല്പിക്കും. അങ്ങനെയങ്ങനെ ആ വീട്ടിലെ ഒരംഗത്തിനെ പോലെയാകാൻ ജിത്തിന് അധികം സമയം വേണ്ടിവന്നില്ല. വൈകിട്ട് ജിത്ത് എത്തുന്നതിനു മുൻപ് RK വന്നിട്ടുണ്ടാവും.
ജിത്ത് വന്നാൽ കുളിച്ചു റെഡിയായി അപ്പോൾത്തന്നെ ഡിന്നർ കഴിക്കാൻ അവിടേക്ക് ചെല്ലും. വെളിയിൽ ഇറങ്ങാതെ തന്നെ അവരുടെ അടുത്തേക്കെത്താൻ അവന്റെ റൂമിൽനിന്ന് ഒരു വാതിൽ തുറന്നാൽ മതി. ഒരു പാസ്സേജ് കടന്നാൽ അവരുടെ ഹാളിലെക്കെത്താം. നേരത്തെ കിടക്കുന്ന ശീലം അവർക്കുള്ളതുകൊണ്ട് ജിത്ത് അധികം ലേറ്റ് ആവാതെ നോക്കും. ഭക്ഷണം കഴിഞ്ഞു വന്നാൽ പിന്നെ സ്വസ്ഥമായി ഉറക്കം വരുന്നവരെ സാറയുമായി സംസാരിക്കാനും പറ്റും.
ദിവസങ്ങൾ അങ്ങനെ കടന്നുപോയി. ഒരു തിങ്കളാഴ്ച, ജിത്തിന്റെ വീക്കിലി ഓഫ് വന്ന ദിവസം, പൊതുവെ അന്ന് ജിത്ത് ഇത്തിരി താമസിച്ചേ എഴുനേൽക്കാറുള്ളു. അന്ന് ജിത്തിനുള്ള ബ്രേക്ഫാസ്റ് സുമചേച്ചി അവിടെ റെഡി ആക്കി അടച്ചു വച്ചിട്ടുണ്ടാവും. ഒപ്പം ഒരു ഫ്ലാസ്കിൽ അവനുള്ള കോഫിയും. രാവിലെ എണിറ്റു ഫ്രഷ് ആയി അവൻച്ചെന്നു അതെടുത്തു റൂമിലേക്ക് പോരും. കാരണം അന്ന് RK ജോലിക്ക് പോയിട്ടുണ്ടാവും. തന്റെ റൂമിൽ വന്നിരുന്നു സാവധാനം ബ്രേക്ക്ഫാസ്റ്റും കഴിച്ചു, സാറയുമായി സംസാരിച്ചിട്ട്, പിന്നെ എന്തെങ്കിലും ആവശ്യത്തിന് അവൻ വെളിയിലേക്കിറങ്ങുന്നതാണ് പതിവ്.