കിച്ചണിൽ ഓരോ പണികൾക്ക് ജ്യോത്സ്ന സാറയെയും ഒപ്പം കൂട്ടി. കലുഷിതമായ അവളുടെ മനസ്സിനെ ഒറ്റക്കുവിട്ടാൽ പ്രശ്നമാണെന്ന് അവൾക്ക് നല്ല ബോധ്യം ഉണ്ടായിരുന്നു. ജിത്ത് പഠിച്ചുകൊണ്ടിരുന്ന കാർത്തിക്മോന്റെ അടുത്ത് വന്നിരുന്നു ഓരോ ചിന്തകളിൽ മുഴുകി.
“ചേച്ചി ജിത്തിനെ കുറിച്ച് പറഞ്ഞപ്പോൾ ഞാൻ ഇത്രയും പ്രതീക്ഷിച്ചില്ല കേട്ടോ”. വെജിറ്റബിൾ കട്ട് ചെയ്തുകൊണ്ട് നിന്ന സാറ ഒരു നെടുവീർപ്പോടെ ജ്യോത്സ്നയെ നോക്കി പതിഞ്ഞ സ്വരത്തിൽ പറഞ്ഞു.
“നിനക്കെന്തറിയാം മോളെ. ഇവന് പതിമൂന്നു വയസുള്ളപ്പോൾ ഇവന്റെ ഇരട്ടി പ്രായവും ആരോഗ്യവും ഉള്ള ഒരുത്തനെ എന്റെ പുറകെ നടന്നു കമന്റ് അടിച്ചുന്നും പറഞ്ഞു കൂട്ടുകാരെയും ചേർന്ന് റോഡിലിട്ടു ചവിട്ടിക്കൂട്ടിയതാ കക്ഷി. സത്യം പറഞ്ഞാൽ ഇവനെ പേടിച്ചു എനിക്കൊന്നു പ്രേമിക്കാൻകൂടി പറ്റിയിട്ടില്ല, അറിയുമോ?”. ജ്യോത്സ്നയുടെ വാക്കുകൾ കേട്ട് സാറ കണ്ണുതള്ളിച്ചു അവളെ നോക്കിനിന്നു.
അവരുടെ സംസാരത്തിന്റെ ഇടക്ക് രതീഷ് ജോലിയും കഴിഞ്ഞു എത്തി. ഒരുഗ്ലാസിൽ വെള്ളവുമായി എത്തിയ ജ്യോത്സ്ന കാര്യങ്ങൾ ഒക്കെ രതീഷിനോട് വിവരിച്ചു.
“ഹാ.., അങ്ങനങ്ങു വിടണ്ടായിരുന്നു. നല്ല രണ്ടെണ്ണം പൊട്ടിച്ചിട്ടു വിട്ടാൽ പോരായിരുന്നോ നായിന്റെ മോനെ”. എല്ലാം കേട്ടുകഴിഞ്ഞു രതീഷ് അരിശത്തോടെ പറഞ്ഞു.
“അതിന് വിഷമിക്കണ്ട, അളിയൻ ഏൽപ്പിച്ചു കൊടുത്തിട്ടുണ്ട്”. അകത്തുനിന്നും ഇറങ്ങി വന്ന ജിത്തിനെ നോക്കി ചിരിച്ചുകൊണ്ട് ജ്യോത്സ്ന പറഞ്ഞു.
“അതാണ് അളിയൻ.. അത് നന്നായെടാ..” രതീഷ് എണിറ്റു ചെന്നു ജിത്തിന്റെ തോളിൽ കയ്യിട്ടുകൊണ്ട് പറഞ്ഞു.
ഡിന്നർ കഴിഞ്ഞപ്പോൾ രതീഷ് തന്നെ ആണ് സാറ ഇന്ന് ഒറ്റയ്ക്ക് അവിടെ കിടക്കേണ്ട, നീയും കൂടി അവളുടെ ഒപ്പം ഇന്നവിടെ പോയി കിടക്കാൻ ജ്യോത്സ്നയെ അറിയിച്ചത്. അത് കുഴപ്പമില്ല എന്ന് പറഞ്ഞു ഒഴിയാൻ നോക്കിയ സാറയോട് ചേച്ചി വരട്ടെ എന്ന് ജിത്ത് കണ്ണ് കാണിച്ചു. ജ്യോത്സ്ന മോനെ വിളിച്ചപ്പോൾ അച്ഛന്റെ കൂടെ കിടക്കുവാണെന്നു പറഞ്ഞു അവൻ മടി കാണിച്ചു. സാറയും ജ്യോത്സ്നയും പാത്രങ്ങൾ എല്ലാം കഴുകിവച്ചിട്ടു സാറയുടെ റൂമിലേക്ക് കയറി.
ജിത്തിന്റെ മനസ്സിപ്പോൾ ശാന്തമായിരുന്നു. ചേച്ചി കൂടെ പോയത് അവനും വലിയ ആശ്വാസം ആയി തോന്നി.
കുളിയും കഴിഞ്ഞു ഡ്രസ്സ് മാറി വന്ന സാറ ക്ഷീണത്തോടെ ബെഡിലേക്കമർന്നു. ഓരോ വാർത്തമാനങ്ങളുമായി ജ്യോത്നയും അവൾക്കൊപ്പം ബെഡിലേക്ക് കിടന്നു. കഴിഞ്ഞ കാര്യങ്ങളെ കുറിച്ച് ഓർക്കാൻ ഒരു അവസരം കൊടുക്കാതിരിക്കാൻ ജ്യോത്സ്ന പ്രത്യേകം ശ്രദ്ധിച്ചു. ലൈറ്റ് ഓഫ് ആക്കി വന്ന സാറ ജ്യോത്സ്നയോടു ഒട്ടി കിടന്നു.
ശരിക്കും ഇന്ന് അവളുടെ സാന്നിധ്യം സാറക്കും വലിയ ആശ്വാസം തോന്നിച്ചു. ഒരുകൈകൊണ്ട് അവളുടെ തലയിൽ പതിയെ തലോടിയപ്പോൾ സാറ ജ്യോത്സ്നയെ കെട്ടിപ്പുണർന്നു അവളോട് ഒന്നുകൂടി ചേർന്നു.
“ഇന്ന് നിങ്ങളില്ലായിരുന്നെങ്കിൽ എന്റെ ചേച്ചി…” സാറ ഒരു നെടുവീർപ്പോടെ പറഞ്ഞു.
“നീ ഇനി അത് വിട്ടുകള സാറ. കഴിഞ്ഞത് കഴിഞ്ഞു. അതോർത്തിരിക്കണ്ട. എന്നാലും പതറാതെ നീ പിടിച്ചു നിന്നല്ലോ മോളെ”. ജ്യോത്സ്ന അവളെ മാറോടു ചേർത്തുകൊണ്ട് പറഞ്ഞു.
ആ ആശ്വാസത്തിന്റെ തീരത്തു സാറ അവളെ കെട്ടിപിടിച്ചു അങ്ങനെ കിടന്നു. കഴിഞ്ഞുപോയ കാര്യങ്ങൾ ഒക്കെ അവളുടെ മനസ്സിലൂടെ ഓടിമറഞ്ഞു. അപ്പോളൊക്കെയും ജ്യോത്സ്ന സാറയുടെ പുറത്തു തലോടികൊണ്ടിരുന്നു.
“ഇനി ഒന്നും ആലോചിച്ചു മനസ്സ് വിഷമിപ്പിക്കണ്ട മോളെ. നീ സ്വസ്ഥമായി ഒന്ന് ഉറങ്ങി എണിക്ക്. ഒക്കെ ശരിയാവും”. ജ്യോത്സ്ന സാറയെ തന്റെ ദേഹത്തേക്ക് ചേർത്തു കെട്ടിപിടിച്ചു കിടന്നു. അപ്പോളേക്കും സാറയുടെ മനസ്സും സ്വന്തമായി തുടങ്ങിയിരുന്നു. ചേർന്നുകിടന്ന ജ്യോത്സ്നയുടെ ദേഹത്തെ മണം സാറ ശ്രദ്ധിച്ചു. ഒരു വാനില ഫ്ലെവറിന്റെ പോലുള്ള മണം.
“എന്ത് നല്ല മണമാ ചേച്ചിയുടെ ദേഹത്ത്”. സാറ അവളുടെ കഴുത്തിലേക്കു ഒന്ന് മൂക്ക് മുട്ടിച്ചു. അവൾ ഇക്കിളികൊണ്ടു പുളഞ്ഞു, സാറയുടെ പുറത്തുകൂടി തലോടികൊണ്ടിരുന്ന കൈ അവളുടെ പുറത്തു ഞെരടി നിന്നു. സാറ ഒന്ന് അമ്പരന്നു. തന്റെ സ്പർശനം ചേച്ചിയുടെ ദേഹത്ത് കുളിര് കോരിയിട്ടോ?.