Related Posts
അങ്ങനെ ദിവസങ്ങൾ കടന്നുപോയി… ഒരു ഞായറാഴ്ച ദിവസം…
അനുമോളെ നീ അടുക്കളേൽ എന്തെടുക്കുവാ നിനക്ക് പഠിക്കാനൊന്നും ഇല്ലേ….
ഇത് കഴിഞ്ഞിട്ട് പഠിച്ചോളാം അമ്മാവാ…
കറി വെക്കുന്നിടെ ഹാളിൽ സോഫയിലിരിക്കുന്ന അമ്മാവനോടായി ഞാൻ പറഞ്ഞു…
ദേ പെണ്ണേ എന്നെയിനി അമ്മാവാന്നെങ്ങാനും വിളിച്ചാലുണ്ടല്ലോ.. അടുക്കളയിലേക്ക് നടന്നു വന്നുകൊണ്ട് അമ്മാവൻ പറഞ്ഞു…
പിന്നെ അമ്മാവനെ അമ്മാവാന്ന് അല്ലാതെ ഞാൻ വേറെന്താ വിളിക്കാ…
നിന്നോട് ഞാൻ പറഞ്ഞിട്ടുണ്ട് എന്നെ യഥു അണ്ണാന്ന് വിളിച്ചാൽ മതീന്ന്.. പെണ്ണിനെ കണ്ടാൽ എന്നെയും വച്ചു മൂത്തതാണെന്നെ പറയു.. എന്നിട്ടവളുടെ അമ്മാവൻ വിളി…
ഇതെന്തു കഷ്ടാ നോക്കിയേ.!! എന്നാ ഞാൻ മാമാന്നു വിളിക്കാം…
എന്റെ പൊന്നു മണ്ടൂസേ… മാമാന്നു ഇവിടെയുള്ള ഭർത്താക്കന്മാരെ ഭാര്യമാര് വിളിക്കുന്നതാ..
അയ്യോ…
അതൊക്കെ പോട്ടെ നീയിതു എന്ത് ചെയ്യാ…
കറി വെക്കാ…!!! അത് പറഞ്ഞു തീർന്നതും പെട്ടന്നാണ് എന്നെയും പൊക്കിയെടുത്തുകൊണ്ട് അമ്മാവൻ ഹാളിലേക്ക് നടന്നത്…
അതേ… എന്റെ അനുമോളെ ഞാനിവിടെ പണിക്ക് നിർത്തിയിരിക്കുന്നതല്ലാ ആദ്യം പഠിപ്പ് എന്നിട്ട് മതി ബാക്കി കാര്യങ്ങൾ കേട്ടല്ലോ…..
സോഫയിലേക്ക് ഇരുത്തിക്കൊണ്ട് അമ്മാവനത് പറയുമ്പോൾ ഞാൻ ചെറുതായൊന്നു ചിണുങ്ങി ചിരിക്കുക മാത്രമാണ് ചെയ്തത്….
ശെരി..!! മോള് പഠിച്ചോ അമ്മാവൻ പോയി കറി റെഡിയാക്കീട്ട് ഇപ്പൊ വരാം… എന്നിട്ട് നമുക്കൊരു ട്രിപ്പ് പോവാം… അതും പറഞ്ഞു അമ്മാവൻ നേരെ അടുക്കളയിലേക്ക് നടന്നു…
അമ്മാവാ.!! അയ്യോ സോറി യഥുവണ്ണാ എവിടെക്കാ പോണേ..
അതൊക്കെ സർപ്രൈസ്..
ഞാനും പിന്നെ മറുത്തൊന്നും പറയാതെ നേരെ റൂമിലേക്ക് നടന്നു… അല്ലേലും അമ്മാവനങ്ങനാ ആൾക്ക് ട്രിപ്പ് എന്നുവെച്ചാൽ ജീവനാ ഒരു ഹിമാലയ ബൈക്ക് ഉണ്ട് അതും കൊണ്ട് മൂപ്പര് പോവാത്ത സ്ഥലങ്ങളില്ല..
അനു എന്തായി നിന്റെ പഠിപ്പ്…
ഒരു 20 മിനിറ്റ് ആയിക്കാണും അമ്മാവൻ എല്ലാ പണിയും അവസാനിപ്പിച്ചുകൊണ്ട് എന്റെ അടുത്തേക്ക് വന്നുകൊണ്ട് പറഞ്ഞു… എന്തോ ഞാൻ പഠിക്കുന്നത് കണ്ടിട്ടാവണം പിന്നെ ഒന്നും പറയാതെ മൂപ്പര് കുറച്ചു നേരം മിണ്ടാതെ നിന്നു… ശേഷം..
അനുമോളെ….
എന്താ അമ്മാവാ..!!
നിനക്ക് നാട്ടിക്കൊക്കെ പോവാൻ തോന്നുന്നുണ്ടോടാ… തോളിലൂടെ കയ്യിട്ട് അമ്മാവനത് പറയുമ്പോൾ എന്റെ കണ്ണുകൾ ഇമവെട്ടാതെ അമ്മാവനെ തന്നെ നോക്കിയിരിക്കുകയായിരുന്നു…
എന്തോ അടുത്തത് എന്റെവക കരച്ചിലാകും എന്നുകരുതീട്ടാവണം പെട്ടന്ന് അമ്മാവനെന്നെ നെഞ്ചിലേക്ക് ചേർത്തു….
ഞാൻ മോളൂസിനെ വിഷമിപ്പിക്കാൻ വേണ്ടി പറഞ്ഞതല്ലടാ… കുറേ നാളായില്ലേ അവിടുന്ന് നമ്മൾ വന്നിട്ട്…
വേണ്ട അമ്മാവാ… ഞാനിപ്പോ അങ്ങോട്ട് ചെന്നാൽ എന്റെ പഠിപ്പിനെ അത് നന്നായി ബാധിക്കും… ഞാനെല്ലാം മറന്നു തുടങ്ങിയതാ ഇനി ഞാനതേക്കുറിച്ച് ചിന്തിച്ചാൽ ചിലപ്പോൾ…. എന്റെ വാക്കുകളെ മുഴുവിപ്പിക്കാൻ സമ്മതിക്കാതെ പെട്ടന്ന് അമ്മാവനെന്നെ നെഞ്ചിൽ നിന്നും അടർത്തിമാറ്റിക്കൊണ്ട് വാ പൊത്തിപിടിച്ചു…
വേണ്ടാ ഞാനിനി അതേക്കുറിച്ച് ഒന്നും പറയുന്നില്ല… എല്ലാം മറന്നേ എന്നിട്ട് എന്റെ ചുന്ദരി കുട്ടി ഒന്ന് ചിരിച്ചേ…. അയ്യേ വിഷമിച്ചിരിക്കുന്ന ഈ മുഖം കാണാൻ തീരെ ഭംഗിയില്ലാട്ടോ….
ഓഹ് പിന്നെ അല്ലെങ്കിൽ എന്നെ കാണാൻ നല്ല ഭംഗിയാണല്ലോ…. ഒന്ന് പോ മാമാ….
അമ്മാവന്റെ കവിളിൽ ആഞ്ഞു നുള്ളിക്കൊണ്ട് കൊഞ്ഞനം കുത്തി ഞാൻ സോഫയിൽ നിന്നും എണീറ്റ് ഓടാനായി ഒരുങ്ങിയതും അമ്മാവനെന്റെ കയ്യിൽ പിടിച്ചു ഒറ്റ വലിയായിരുന്നു….
മൂപ്പര് എന്റെ അമ്മാവനൊക്കെ ആണെങ്കിലും ചെറുപ്പായോണ്ട് നല്ല ജിം ബോഡിയാ അതുകൊണ്ടുതന്നെ
ആ ഉരുക്കുപോലുള്ള കൈകൊണ്ടുള്ള വലിയിൽ എനിക്ക് പിടിച്ചു നിൽക്കാൻ പറ്റിയില്ല എന്നുമാത്രമല്ല പെട്ടന്നുതന്നെ ഞാൻ അമ്മാവന്റെ മേലേക്ക് തെറിച്ചു വീഴുകയും ചെയ്തു…..