ഭഗവതിയുടെ മുഹബ്ബത്ത് – 2

അനൂപിനെ കൊണ്ടുവരാൻ എല്ലാവരും എയർപോർട്ടിലേക്ക് പോയി.. ആരതിക്ക് പോവാൻ എന്തോ തോന്നിയില്ല.. അവൾ അച്ചുവിന്റെ വീട്ടിൽ മുത്തശ്ശിക്ക്‌ കൂട്ടിരുന്നു…ഉമ്മറത്ത് തന്റെ കൊച്ചുമകന്റെ വരവും കാത്ത് ദൂരേക്ക്കണ്ണുംനട്ട് ഇരിക്കുകയാണ് മുത്തശ്ശി.. മുത്തശ്ശിയുടെ മടിയിൽ തല വച്ച് ആരതി കിടക്കുന്നുണ്ട്…

ആദ്യം ഞാനും അച്ചുവും ഈ ഇലഞ്ഞി പൂക്കളൊക്കെ പെറുക്കിയെടുത്ത് മാല കോർത്ത് തലയിൽചൂടുമായിരുന്നു…രാവിലെ തന്നെ ഇത് പറക്കാനായി ഓടി വരും..പിന്നെ ആർക്കാ കൂടുതൽ കിട്ടിയതെന്ന്നോക്കും..മുറ്റത്ത് മെത്ത പോലെ വീണ്‌ കിടക്കുന്ന പൂക്കളെ നോക്കി ആരതി പറഞ്ഞു…ഇലഞ്ഞി പൂക്കളുടെ ഒരുവല്ലാത്ത മണം അവിടെയാകെ പരന്നു…

ഇപ്പോൾ ഇവയും കനകാംബരവുമൊക്കെ ആർക്കും വേണ്ടാതായി അല്ലേ മുത്തശ്ശി…കുറെയൊക്കെ വാടികരിഞ്ഞിരിക്കുന്നു..പിച്ചി പൂവൊന്നും കാണാനേയില്ല..

ഇപ്പോൾ അതിന് മുടിയൊക്കെ നോക്കാൻ തന്നെ ആർക്കാ കുട്ടീ സമയം..ഓരോ ഫാഷനെന്നും പറഞ്ഞ് കഴുത്ത്വരെ വെട്ടി കളറും ചെയ്തല്ലേ പെൺകുട്ട്യോൾ നടക്കുന്നെ…എന്റെ ആവുന്ന കാലത്തൊക്കെമുട്ടോളമുണ്ടായിരുന്നു മുടി..അത് കണ്ടാ നിന്റെ മുത്തച്ഛൻ എന്നെ മോഹിച്ചത്…

ഞങ്ങൾ പെൺകുട്ട്യോൾ വെളുപ്പിനെ എണീറ്റ് അമ്പലക്കുളത്തിൽ പോവും..പിന്നെ ചെമ്പരത്തി താളിയൊക്കെഇട്ട് ഒരു കുളിയാ..കാച്ചിയ എണ്ണയുടെയും താളിയുടെയും മണം അങ്ങനെ നിൽക്കും മുടിയിൽ…എന്റെ കുട്ടി ആര്പറഞ്ഞാലും മുടി വെട്ടരുത് ട്ടോ..പെങ്കുട്ട്യോൾക്ക് അതൊരു അഴകാ…അവളുടെ മുടിയിൽ തഴുകി കൊണ്ട് മുത്തശ്ശിപറഞ്ഞു…

ഈ മുത്തശ്ശിയോട് ഒരു കാര്യം ചോദിച്ചാൽ പഴംപുരാണം മുഴുവനും പറയും അത് തനിക്ക് കേൾക്കാനും ഇഷ്ടാഅവളോർത്തു…

അതൊക്കെ പോട്ടെ..അപ്പൊ മുത്തച്ഛൻ മുത്തശ്ശിയെ ലവ് ചെയ്തതാണല്ലേ…അവൾ മുത്തശ്ശിയെ പതിയെഇക്കിളിയിട്ടു..പല്ലില്ലാത്ത മോണ കാട്ടി മുത്തശ്ശി ചിരിച്ചു…

നീയും തുടങ്ങിയോ അച്ചൂനെ പോലെ…പണ്ടൊക്കെ എന്ത് പ്രേമം കുട്ടീ ..ഉത്സവത്തിന് അമ്പല പറമ്പിലോ മറ്റോകണ്ടാൽ ഒന്ന് നോക്കും ചിരിക്കും അത്രേന്നെ… അല്ലാതെ ഇന്നത്തെ പോലെ വല്ലതുമുണ്ടോ.. എന്നാലുംഇഷ്ടായിരുന്നു എന്നറിയാം..മുത്തച്ഛൻ വീട്ടിൽ വന്ന് പെണ്ണ് ചോദിച്ചു.. എല്ലാം കൊണ്ടും ചേരുന്നത് കൊണ്ട്നടത്തി തന്നു..അല്ലേൽ അവിടെ തീരും..അന്ന് ഒളിച്ചോട്ടമൊന്നും നടക്കില്ല…കാർന്നന്മാരെയൊക്കെ വല്യപേടിയായിരുന്നു.. സ്വന്തം ആങ്ങളമാർ വന്നാൽ തന്നെ പെൺകുട്ട്യോൾ വാതിലിന് പുറകിലെനിൽക്കൂ…അതൊക്കെ ഒരു കാലം.. മുത്തശ്ശി നെടുവീർപ്പിട്ടു…

അപ്പോൾ മുത്തച്ഛൻ ചോദിച്ചു വന്നപ്പോൾ അവർ കല്ല്യാണം നടത്തി തന്നില്ലെങ്കിൽ എന്ത് ചെയ്യുമായിരുന്നു അവൾസങ്കടത്തോടെ ചോദിച്ചു…

എന്ത് ചെയ്യാനാ ചിലപ്പോൾ രണ്ടു പേരും വേറെ വിവാഹം കഴിച്ച് ജീവിക്കും..അല്ലെങ്കിൽ വിവാഹം കഴിയ്ക്കാതെജീവിതം തീർക്കും..

എല്ലാ പ്രണയത്തിലും ഒന്ന് ചേരാൻ കഴിയില്ലല്ലോ അല്ലേ മുത്തശ്ശി..എല്ലാം വ്യത്യസ്തമല്ലേ..അകലെ നിന്നുംഒരാളെ പ്രണയിച്ചു കൊണ്ട് ഇരിക്കാമല്ലോ..അപ്പോഴും മനസ്സ് കൊണ്ടയാളെ
സ്വന്തമാക്കുകയല്ലേ..അങ്ങനെയുംപ്രണയിക്കാമല്ലോ അല്ലേ.. അവൾ പെട്ടെന്ന് പറഞ്ഞതിന് ശേഷമാണ് അബദ്ധമായെന്ന് തോന്നിയത്…

എന്തേ ഇപ്പോൾ ഇങ്ങനെ തോന്നാൻ ന്റെ കുട്ടിയുടെ മനസ്സിൽ ആരേലും വന്ന് പെട്ടിട്ടുണ്ടോ..

ഓ എന്റെ കാര്യമാണോ ഇവിടെ വിഷയം..മുത്തശ്ശിയുടെ കാര്യം പറഞ്ഞതല്ലേ.. ഈ മുത്തശ്ശിയുടെ ഒരുകാര്യം..അവൾ എങ്ങനെയോ പറഞ്ഞൊപ്പിച്ചു..

മുത്തശ്ശി എനിക്കൊരു മോഹം ഈ ഇലഞ്ഞി പൂക്കളൊക്കെ പെറുക്കിയെടുത്ത് മാല കെട്ടിയാലോ..അവൾപൂക്കൾ പെറുക്കാൻ തുടങ്ങിയതും മുറ്റത്ത് കാർ വന്ന് നിന്നു…

അരുൺ കാറിൽ നിന്ന് ഇറങ്ങിയതും മുത്തശ്ശി അവനെ കെട്ടി പിടിച്ച് കരഞ്ഞു…ഞാൻ വന്നില്ലേ എന്റെമുത്തശ്ശികുട്ടി പിന്നെന്തിനാ കരയണേ അവൻ മുത്തശ്ശിയുടെ കവിളിൽ ഉമ്മ വച്ചു..

ആ..ആരതീ..നീയാകെ മാറീലോ..ഞാൻ പോവുമ്പോൾ എന്തായിരുന്നു…അമ്മായി ഞാൻ അന്നേ പറഞ്ഞതല്ലേകാലത്തിന് മായ്ക്കാൻ കഴിയാത്ത മുറിവുകളിലെന്ന്…അനൂപ് ഭാനുവിനോടായി പറഞ്ഞു…

എല്ലാരും മാറിക്കേ…എല്ലാവരെയും തട്ടിമാറ്റി കൊണ്ട് അച്ചു അകത്തേക്ക് കയറാൻ ഒരുങ്ങി…ഇനിയും ഒരു മാസംസമയമില്ലേ കത്തി വക്കാൻ എന്റെ പൊന്നാങ്ങളക്ക്…

ഇനിയൊക്കെ വല്ലതും കഴിച്ചിട്ടാവാം..വിശന്ന് കൊടല് കരിഞ്ഞു…

ഇവൾക്ക് ഇപ്പോഴും ഈ ഒരു വിചാരം മാത്രേയുള്ളോ…അനൂപ് പറയുന്നത് കേട്ട് എല്ലാവരും അച്ചുവിനെകളിയാക്കി ചിരിച്ചു…

🌸🌸🌸🌸🌸🌸🌸🌸🌸🌸🌸

ആരതി…, ഇത് നിനക്ക് വാങ്ങിയതാ കൊള്ളാമോ..പിങ്ക് കളർ സാരി അനൂപ് അവൾക്ക് നേരെ നീട്ടി…

ആ എനിക്ക് ഇഷ്ടായി ഏട്ടാ…നല്ല ഭംഗിയുണ്ട്…

ഏട്ടന്റെ മോള് കുഞ്ഞല്ലേ അതുകൊണ്ട് നിനക്ക് ചുരിദാറാട്ടോ…

വയസ്സ് പത്തൊമ്പത് ആവാറായി..ഇനി എന്നാണാവോ ദേവീ ഞാൻ വലുതാവുന്നെ…അച്ചു പതുക്കെ പറഞ്ഞു…

എന്താടി…

അല്ല ഏട്ടാ..എനിക്ക് എന്ത് തരുമ്പോഴും അതുപോലൊന്ന് ആരതി ചേച്ചിക്കുണ്ട്…ഇതിപ്പോ ആരാ ഏട്ടന്റെ ശരിക്കുംപെങ്ങളെന്നാ എനിക്ക് സംശയം..അവൾ കുഞ്ഞു കുശുമ്പോടെ പറഞ്ഞു…

അതേ..നാളെ നീയവിടെ കയറി ചെല്ലേണ്ടതാട്ടാ..അപ്പോൾ നാത്തൂൻ പോര് ഇല്ലാതിരിക്കാൻ ഏട്ടൻ ചെയ്യുന്നതല്ലേഇതൊക്കെ.. അനൂപ് ആരതിയെ നോക്കി കണ്ണടച്ച് ചിരിച്ചുകൊണ്ട് പറഞ്ഞു…

ഉവ്വ്.. ഉവ്വ്…

ഓ ഈ പെണ്ണിന്റെ ഒരു കുശുമ്പ്..സുജയത് പറയുമ്പോൾ എല്ലാവരും ചിരിച്ചു..

അതേ ഇവളുടെ സ്വഭാവം ഇങ്ങനെയാണേൽ എനിക്കൊന്നൂടെ ആലോചിക്കണം..അല്ലാതെ എടുത്ത് ചാടിയാലേജീവിതകാലം മുഴുവൻ ഇതിനെയൊക്കെ സഹിക്കണ്ടേ…അരുൺ ചിരിയോടെ പറഞ്ഞു..

അവൾ കുട്ടിയല്ലേ അളിയാ..
ചില കുട്ടികൾ വലുതായാലും ബുദ്ധി വക്കില്ല അളിയാ..അരുൺ അത് പറഞ്ഞതും എന്റെ കൈയിൽ ഒറ്റക്ക് കിട്ടട്ടെകാണിച്ച് തരാട്ടോ എന്ന് അച്ചു ആക്ഷൻ കാണിച്ചു…സംസാരത്തിനേക്കാളും കൂടുതൽ ആക്ഷനായത് കൊണ്ട്അരുണിന് പെട്ടെന്ന് തന്നെ അത് മനസ്സിലായി..

എന്തായാലും എനിക്ക് ഇത് തന്നെ മതിയേ എന്ന് അരുൺ കൂട്ടി ചേർത്തു…അങ്ങനെ അന്തരീക്ഷം വീണ്ടുംശാന്തമായി..

കളിയും ചിരിയും പെട്ടി പൊട്ടിക്കലും ഒക്കെയായി സമയം പോയത് അറിഞ്ഞില്ല..ഭക്ഷണമൊക്കെ കഴിഞ്ഞ്ആരതിയും വീട്ടുകാരും

തിരിചെത്തിയപ്പോൾ രാത്രിയായിരുന്നു….

🌸🌸🌸🌸🌸🌸🌸🌸🌸🌸🌸🌸

റൂമിലെത്തിയതും ഫോണെടുത്ത് നോക്കിയപ്പോൾ ഷഹിറിന്റെ മിസ്സ്ഡ് കോൾ കണ്ടു…നേരം ഏറെ വൈകിയത്കൊണ്ട് അവൾ തിരിച്ച് വിളിച്ചില്ല…പക്ഷേ കിടന്നിട്ടും ഉറക്കം വരാതെ അവൾ അങ്ങോട്ടുമിങ്ങോട്ടും തിരിഞ്ഞുകിടന്നു…ആദിയേട്ടൻ വിളിച്ചത് എന്തിനാണെന്ന് അറിയാതെ തനിക്ക് ഉറങ്ങാൻ കഴിയില്ലെന്ന് അവൾക്ക്മനസ്സിലായി…എന്തും വരട്ടെയെന്ന് കരുതി ഫോണെടുത്ത് അവനേ വിളിച്ചു…

Leave a Reply

Your email address will not be published. Required fields are marked *