ജീവിതത്തിൽ എന്തൊക്കെ സംഭവിച്ചാലും ഇനി താൻ തൊറ്റുപോവില്ല..കാരണം ജീവിതം തന്നെ അത്രയേറെപഠിപ്പിച്ചു തന്നു…
🌸🌸🌸🌸🌸🌸🌸🌸🌸🌸🌸
പിന്നീട് രണ്ട് ദിവസവും ആദി വിളിച്ചില്ല..അതിൽ അവൾക്ക് വിഷമം തോന്നിയതുമില്ല എന്തെന്നാൽ അവൾക്ക്അവൻ സമ്മാനിച്ച കുറച്ചുനിമിഷങ്ങളുടെ ഓർമയിൽ നിന്ന് അവൾ മോചിതയായിട്ടുണ്ടായില്ല ആഓർമ്മകളിലൂടെ അവൾ കടന്നു പോവുകയായിരുന്നു…
ആരതി ശരിക്ക് നോക്കിക്കോ നിന്റെ ആളിവിടെ നിൽക്കുന്നുണ്ടോ എന്ന്..കോളേജിലേക്ക് പോകുംവഴിആദിയുടെ വീട് എത്തിയപ്പോഴാണ് ശ്യാമ കളിയാക്കി കൊണ്ട് അത് പറഞ്ഞത്..
ഒന്നുപോടീ..ആരതി അങ്ങനെ പറഞ്ഞെങ്കിലും ഒന്ന് പാളി നോക്കി പക്ഷേ ആരെയും കണ്ടില്ല..
ബസ്സിൽ സീറ്റൊന്നും ഇല്ലാത്തതുകൊണ്ട് ശ്യാമയും ആരതിയും അടുത്തടുത്തായി കമ്പിയിൽ പിടിച്ച് നിന്നു..
ആരതി..ശ്യാമ ആരതിയുടെ കാതിൽ വിളിച്ചു…
എന്തേ..എന്തേലും പഠിച്ചോ എന്ന് ചോദിക്കാനാണേൽ ഞാൻ ഒന്നും പഠിച്ചിട്ടില്ല..അവൾ പറഞ്ഞു…
അതെനിക്കറിയാം..ഇപ്പോൾ മുഴുവൻ സമയവും സ്വപ്നലോകത്താണല്ലോ..നീ പുറകിലേക്ക് നോക്ക്…
എന്താ കാര്യംന്ന് പറ..നിനക്ക് വട്ടായോ..ആരതി ചോദിച്ചു…
ഡീ പൊട്ടി എനിക്കല്ല വട്ട്.. ദി ഗ്രേറ്റ് ആദിത്യ വാസുദേവ് ദേ ബസിൽ നിന്ന് ഡാൻസ് കളിക്കുന്നു…നീയൊന്ന്നോക്ക്..
ആരതി നോക്കിയപ്പോൾ അവളെയും നോക്കി ഒരു ചമ്മിയ ചിരിയോടെ നിൽക്കുകയാണ് പുള്ളി…സാധാരണഇൻസൈഡ് ഒക്കെ ചെയ്യാറുള്ളതാണ് ഇന്ന് ഇൻസൈഡൊന്നും ചെയ്തിട്ടില്ല എങ്കിലും സാധാരണ ലുക്കിൽസുന്ദരനായിട്ടുണ്ട്..ബസ് പോകുംതോറും ആളും മുൻപോട്ട് വരുന്നുണ്ട് ബസ്സിൽ കയറിപരിചയമില്ലാത്തതുപോലെ…ആരതിക്ക് കണ്ടിട്ട് ചിരി വരുന്നുണ്ടായിരുന്നു…ഭഗവാനേ ഈ ആദിയേട്ടനിത്എന്തിന്റെ കേടാണാവോ..ശ്യാമയോടൊന്നും പറയണ്ടായിരുന്നു..ഇനിയവൾക്ക് ഇത് മതി…അവളോർത്തു..
എടീ..ഇങ്ങേര് രണ്ടും കല്പിച്ചാട്ടോ..നീയന്ന് പറഞ്ഞതിന് സാധാരണ ജീവിതവും തനിക്ക് പറ്റുമെന്ന് കാണികാനാഈ ബസിൽ കയറ്റം..ശ്യാമ പറഞ്ഞു..
പിന്നെ നീയൊന്ന് പോയെ ആളുടെ കാറെങ്ങാനും കേടായി കാണും..ആരതി വെറുതെ അവളോട് പറഞ്ഞു..
ആരതി ഞാനത്ര പൊട്ടിയൊന്നുമല്ല..ആദിക്ക് ഒരു കാറല്ല ഉള്ളത്..മാത്രമല്ല കേടായാൽ തന്നെ ഇതും അതുമായുംഒരു ബന്ധവുമില്ല..ഇത് അത് തന്നെ…
ഏത്… ആരതി ചോദിച്ചു…
പ്രേമം..അല്ലാതെന്ത്…ഞാനതല്ല ആലോചിക്കുന്നേ..കല്യാണം കഴിയും മുൻപേ ഇങ്ങനെ അപ്പോൾ കല്യാണംകഴിഞ്ഞാലോ..ഇങ്ങേര് തനി പെങ്കോന്തൻ ആവും…നമ്മുക്കുമുണ്ട് ഒരെണ്ണം..ഇങ്ങോട്ട് വരാൻ പറഞ്ഞാൽഅങ്ങോട്ട് പോവേണ്ട ആവശ്യമില്ലെങ്കിലും അങ്ങോട്ട് തന്നെ പോവും..നിന്റെ ഒക്കെ ഒരു ടൈം..അവൾ കവിളിൽകൈ വച്ച് കൊണ്ട് പറഞ്ഞു…
നീ കേറി കേറി എങ്ങോട്ടാ പോവുന്നെ മോളെ..ആള് ചിലപ്പോൾ ഇതൊന്നും ചിന്തിച്ചിട്ട് പോലും ഉണ്ടാവില്ല…
ഏയ്‌.. ഒട്ടും ഉണ്ടാവില്ല ഒരു പാവം.
നീ ആ മുഖത്തേക്കൊന്ന് നോക്കിയേ…
ആരതി ഒന്നൂടെ ആദിയെ നോക്കിയതും അവൻ അവളെ തന്നെ നോക്കി നിൽക്കുകയാണ്…മുഖത്ത് ഫിറ്റ്ചെയ്ത് വച്ച പോലെ ഒരു ചമ്മിയ ചിരിയുമുണ്ട്…
കുറച്ചു കഴിഞ്ഞപ്പോൾ ആദിക്ക് സീറ്റ് കിട്ടി..അതിനടുത്തായി ഒരു സീറ്റ് ഒഴിഞ്ഞ് കിടക്കുന്നുണ്ട്…
ആരതി ദേ ആദിയുടെ അടുത്ത് സീറ്റുണ്ട്.. പോയിരിക്കെടി…ശ്യാമ കുസൃതിയിൽ പറഞ്ഞു…
പിന്നെ..ഞാനെങ്ങും പോണില്ല..
ദേ ആള് പ്രതീക്ഷിച്ചിരിക്കാ..ഇത്ര റിസ്ക്ക് എടുത്തതല്ലേ പാവം..നീ പോയില്ലെങ്കിൽ മോശാട്ടോ…
ഞാൻ പോണോ..
ആ പോണം…
ആരതി ആദിയുടെ അടുത്തായി ചെന്നിരുന്നു…
ആദിയേട്ടാ.., ഇന്നെന്താ ബസിൽ ഞാനങ്ങനെ പറഞ്ഞതുകൊണ്ടാണോ..അവൾ പതുക്കെ ചോദിച്ചു..
ഉം..ആണെന്നും പറയാം..ഞാനും ഒരു സാധാരണ മനുഷ്യനാണെന്ന് തെളിയിപ്പിക്കണ്ടേ..ആരതിക്ക്മുൻപിൽ..അവൻ ചിരിച്ചു.. കൂടെ അവളും…
അവളുടെ മുടിയിഴകൾ അനുസരണയില്ലാതെ അവന്റെ മുഖത്തേക്ക് പാറി പറക്കുന്നുണ്ടായിരുന്നു..അവൻഅവളറിയാതെ അത് ആസ്വദിച്ചുകൊണ്ടിരുന്നു…
ഇനിയും എന്നും വരട്ടെ ഇങ്ങനെ…അവൻ സ്വപ്നത്തിലെന്ന പോലെ ചോദിച്ചു…
എങ്ങനെ..ചിരിച്ചു കൊണ്ടവൾ അവന്റെ മുഖത്തേക്ക് നോക്കി…
അല്ല..ഇതൊക്കെ ആദ്യമായാണ് അനുഭവിക്കുന്നത്..ഈ യാത്രയിലും ഒരു സുഖമുണ്ട്..ഒരു കാറിലുംഅനുഭവപെടാത്ത സുഖം…
ആണോ.. ശരിക്കും..അവൾ ചോദിച്ചു…
ഉം..ഇനിയൊരു നാടൻ പെണ്ണിനേയും കെട്ടി ജീവിച്ചാലോ എന്നാലോചിക്കാ..മൊത്തത്തിൽ ലൈഫിൽ ഒരു നാടൻടച്ച്‌ വരട്ടെ…അവൻ കുസൃതി ചിരിയാൽ പറഞ്ഞു…അവളുടെ മുഖം നാണത്താൽ മൂടി…
ചെറിയ ചാറ്റൽ മഴ അവർക്ക് ചുറ്റും പെയ്യുന്നുണ്ട്..ഒരു നറുപുഷ്പമായ്..എന്ന ഗാനം ബസ്സിൽ നിന്നുംകേൾക്കാൻ തുടങ്ങി…ഒരിക്കലും ഈ യാത്ര അവസാനിക്കാതിരുന്നെങ്കിലെന്ന് അവൾ ആഗ്രഹിച്ചു….
ആരതി..ദേ ശ്യാമ വിളിക്കുന്നു.. ആദി അത് പറഞ്ഞപ്പോൾ അവൾ ശ്യാമയെ നോക്കി.. ഡീ ഇറങ്ങേണ്ടസ്ഥലമായി ശ്യാമ അത് പറഞ്ഞപ്പോഴാണ് അവൾക്ക് ബോധം വന്നത്.. അവൾ ചാടി എഴുന്നേറ്റു ഒപ്പംആദിയും..ആദിയോടൊപ്പം പുറകുവശത്തുകൂടെ ആരതി ഇറങ്ങി.. മഴ പെയ്യുന്നത് കൊണ്ട് കുട നിവർത്തിയപ്പോൾആദിയും അവളോടൊപ്പം ഒരു കുടക്കീഴിൽ നടന്നു നീങ്ങി..ശ്യാമ ബസ് സ്റ്റോപ്പിൽ കയറി നിന്ന് അവർ നടന്നുവരുന്നത് നോക്കി..
ആദിസാറേ..,ബസ്സിൽ കയറിയെങ്കിലും കുടയെടുക്കാൻ മറന്നല്ലേ..ഇങ്ങനൊക്കെ ആദ്യമായതുകൊണ്ടാ ഇനിശീലമായിക്കോളും..ശ്യാമ കളിയാക്കികൊണ്ട് ആദിയോട് പറഞ്ഞു..അവൻ ശ്യാമയുടെ മുഖത്തേക്ക് നോക്കി ആചമ്മിയ ചിരി വീണ്ടും പാസാക്കി..
പിന്നെ ഞങ്ങൾ കോളേജിലേക്ക് പോവാ സർ എങ്ങോട്ടാണാവോ.. വീണ്ടും ശ്യാമയുടെ ചോദ്യം..
അത്.. അത് പിന്നെ ഞാൻ.. എനിക്കൊരു ഫ്രണ്ടിനെ കാണാനുണ്ട്..ആദി വിക്കി വിക്കി പറഞ്ഞു…
ഇവിടെ വച്ചോ.. ആയിക്കോട്ടെ.. എന്നാൽ പോട്ടെ.. ശ്യാമ പറഞ്ഞു…ആരതി ആദിയെ നോക്കി ഒരു പുഞ്ചിരിസമ്മാനിച്ചു…അവൾ ആദിക്ക് നേരെ കുട നീട്ടി അവൻ അത് വാങ്ങി വീണ്ടും പുഞ്ചിരിച്ചു…
ശ്യാമയും ആരതിയും കോളേജിലേക്ക് നടന്നുനീങ്ങി..കുറച്ചു നടന്നതിന് ശേഷം ശ്യാമ വീണ്ടുംതിരിഞ്ഞുനോക്കി…അവർ നോക്കുന്നത് കണ്ട് ആദി പെട്ടെന്ന് നോട്ടം മാറ്റി..
പിന്നെ സാറേ..ഇപ്പോൾ തിരിച്ച് ബസ്സ് ഇല്ലാട്ടോ… പോയ ബസ്സ് തിരിച്ചുവരാൻ അര മണിക്കൂറ് കൂടെകഴിയണം..അവൾ വാച്ചിൽ നോക്കി പറഞ്ഞു..അത് കേട്ട് ആരതിക്കും ചിരി വന്നു…ഛെ… ആദി ചമ്മലോടെമനസ്സിൽ പറഞ്ഞു…
എന്ത് മാന്യനായ മനുഷ്യനായിരുന്നു…കൗമാര പ്രായത്തിൽ കാണിച്ചുകൂട്ടാത്തതൊക്കെ ഈ പറയത്തിലാ.. വെറുതെയല്ല പറയുന്നേ പ്രേമത്തിന് കണ്ണും മൂക്കും ഇല്ലെന്ന്…ആ മനുഷ്യൻ നിൽക്കുന്ന നോക്കിയേ എത്രകമ്പനികളുടെ എം. ഡി യാണ്.. ശ്യാമ നെടുവീർപ്പിട്ടു..
നീ എഴുതാപ്പുറം വായിക്കല്ലേ.. ചിലപ്പോൾ ആദിയേട്ടൻ പറഞ്ഞതൊക്കെ ശരിയാവും…ആരതി പറഞ്ഞു…
