അവളുടെ നാളിൽ അമ്പലത്തിൽ വഴിപാട് കഴിച്ചപ്പോൾ വിശേഷങ്ങൾ പറയുന്ന കൂട്ടത്തിൽ ഇപ്പോൾവിവാഹസമയമാണല്ലോന്ന് തിരുമേനി പറഞ്ഞത്രേ.. അതുകൊണ്ട് അച്ചുവിന്റെ ജാതകമൊന്ന് അമ്മായി കൊണ്ട്പോയ്‌ വിശദമായി നോക്കി..ആറു മാസത്തിനുള്ളിൽ വിവാഹം നടന്നില്ലെങ്കിൽ പിന്നെ മുപ്പത് വയസ്സ് ആവണംന്നാ പറഞ്ഞേ..അല്ലെങ്കിൽ വല്യ ദോഷാണെന്നോ എന്തൊക്കെയോ പറഞ്ഞു..ഇത് കെട്ടോടുകൂടി പിന്നെയൊന്നുംചോദിക്കാൻ തോന്നിയില്ല…
എന്നിട്ട് നീയെന്ത് പറഞ്ഞു..ഭാനു വേവലാതിയോടെ ചോദിച്ചു…
ഞാനെന്ത് പറയാൻ.. എനിക്ക് ഇരുപത്തിമൂന്ന് വയസ്സല്ലേ ആയുള്ളൂ…ജോലിയാണേൽ സ്ഥിരംആയിട്ടില്ല…പിന്നെ ചേച്ചിയുടെ കാര്യവും ചേച്ചി ഇങ്ങനെ നിൽക്കുമ്പോൾ ഞാനെങ്ങനാ അമ്മേ…ഞാനൊട്ടുംപ്രിപ്പയർ അല്ലെന്ന് പറഞ്ഞു…
നീ ദേഷ്യത്തിലാണോ പറഞ്ഞേ…നിനക്ക് നല്ലോണം പറയാൻ അറിയില്ലല്ലോ…
ആ അമ്മാവൻ ഇപ്പോൾ തന്നെ നടത്തണമെന്ന് വാശി പിടിച്ചപ്പോൾ ഞാനും എന്തൊക്കെയോപറഞ്ഞു…തല്ലൊന്നും ഉണ്ടായില്ല..വഷളാവുന്നതിനും മുൻപേ ഞാനിങ്‌ ഇറങ്ങി പോന്നു…
മോനെ അവരിങ്ങനെ പറഞ്ഞാൽ നമ്മളിപ്പോ എന്താ ചെയ്യാ..ജാതകം നോക്കാതെ എന്തെങ്കിലും വന്നാൽപിന്നെ എല്ലാർക്കും സങ്കടല്ലേ…
ജാതകം നോക്കീട്ട് തന്നെയല്ലേ ചേച്ചീടെ ജീവിതം ഇങ്ങാനായേ…പിന്നെ ജാതകം നോക്കീട്ടാണോ ഞങ്ങളെചെറുപ്പം മുതൽ ഓരോന്നും പറഞ്ഞ് മോഹിപ്പിച്ചത്…ഇപ്പോ അമ്മാവന് തോന്നിക്കാണും ഞാൻപോരെന്ന്…അരുണിന്റെ വാക്കുകളിൽ ദേഷ്യവും സങ്കടവും കലർന്നു…
ഡാ അങ്ങനെയൊന്നും ആവില്ല…നീ വിഷമിക്കാതിരിക്ക് എന്തേലും വഴിയുണ്ടാവും..
എനിക്കൊരു വിഷമവുമില്ല ചേച്ചിക്കൊരു ജീവിതമുണ്ടാവാതെ ഞാൻ കല്യാണം കഴിക്കാൻഒരുക്കമല്ല..അവരോടത് പറഞ്ഞിട്ടാണ് ഞാൻ വന്നത്..പിന്നെ ഇനിയൊക്കെ ഈശ്വര നിശ്ചയം പോലെവരട്ടെ…അതും പറഞ്ഞ് ഭാനു കണ്ണുകൾ നിറയുന്നത് കാണാതിരിക്കാൻ അവൻ അകത്തേക്ക് പോയി …
ജോലി കഴിഞ്ഞ് വന്ന അരുണിന് ചായയുമായി ഭാനു വന്നു…അരുൺ ചായ വാങ്ങി കുടിച്ചുകൊണ്ട് ചുറ്റുംനോക്കി..അവൻ പ്രതീക്ഷിച്ച ആളെ കാണാത്തത് കൊണ്ട് മുഖം വല്ലാതെയായി…
അമ്മേ… അവൻ വല്ലാത്ത പരുങ്ങലോടെ വിളിച്ചു…
എന്തേ…
അത്.. അത് പിന്നെ അച്ചുവിനെ ഇങ്ങോട്ട് തീരെ കാണാനില്ലല്ലോ.. അല്ലെങ്കിൽ എപ്പോഴും വരാറുള്ളതല്ലേ ഇപ്പോരണ്ട് ദിവസായി കണ്ടിട്ട്..
നീയല്ലേ അന്ന് വഴക്ക് പറഞ്ഞ് വിട്ടത്..വല്ലാത്ത സങ്കടത്തോടെയല്ലേ അവൾ പോയത് അതാവും…
പിന്നെ ഇവൻ ആദ്യായല്ലേ അവളെ വഴക്ക് പറയുന്നേ..ഞാനും ശ്രദ്ധിച്ചു ഇപ്പോൾ തീരെ ഇങ്ങോട്ട് കാണാനില്ലഅവളെ…അവർ പറയുന്നത് കേട്ട് കൊണ്ട് വന്ന ആരതി പറഞ്ഞു…
രണ്ട് ദിവസായി എല്ലാവരുടെ മുഖത്തും ഒരു വിഷമവുമുണ്ട്.. എന്ത് പറ്റി അമ്മേ…ആരതി ഉത്കണ്ഠയോടെചോദിച്ചു…
അത് ഒന്നുമില്ല നിനക്ക് തോന്നുന്നതാ.. അത് പറഞ്ഞുകൊണ്ട് അവളിൽ നിന്ന് ഒളിക്കാനെന്ന പോലെ ഭാനുഅടുക്കളയിലേക്ക് പോയി..അരുണും വേഗത്തിൽ റൂമിലേക്ക് പോയി.. ആരതി ഒന്നും പിടികിട്ടാത്തതു പോലെനിന്നു…
🌸🌸🌸🌸🌸🌸🌸🌸🌸🌸🌸🌸
ഹലോ ആദിയേട്ടാ എന്തേ വിളിച്ചത്… ആരതി ബെഡിൽ കിടന്നുകൊണ്ട് ചോദിച്ചു..
ബർത്ത്ഡേ ക്ഷണിക്കാൻ…നെക്സ്റ്റ് സൺ‌ഡേ ആരതി വരില്ലേ…
വരണോ..
ഉം…വരണം..
ആദിയേട്ടനൊക്കെ പിറന്നാൾ കേമമായി ആഘോഷിക്കൂലേ…ഞങ്ങളൊക്കെ പിറന്നാൾ ദിവസം അമ്പലത്തിൽപോവും പ്രാർത്ഥിച്ച് വഴിപാട് കഴിക്കും..പിന്നെ വീട്ടുകാരുമൊത്ത് ഒരു കുഞ്ഞു സദ്യ അതോടെ കഴിഞ്ഞു..കുട്ടികാലത്ത് അച്ഛൻ പിറന്നാൾ ദിവസം കോടി എടുത്തു തരും..അത് കൊണ്ട് സന്തോഷത്തോടെ കാത്തിരിക്കും ആദിവസം.. വലുതായപ്പോൾ അങ്ങനെയൊന്നും ഇല്ലാതായി തോന്നുമ്പോൾ പോയി ഡ്രസ്സ്‌ എടുക്കും..
ആദി അവൾ പറയുന്നതെല്ലാം ശ്രദ്ധയോടെ കേട്ടിരുന്നു…
കേൾക്കുന്നില്ലേ ആദിയേട്ടാ…അവൾ ചോദിച്ചു…
ഉം..വേറെ ആരുമില്ല ആരതി..തന്നേം ശ്യാമയെയും മാത്രമേ വിളിച്ചിട്ടുള്ളൂ…സാന്ദ്രയെയും അമ്മയെയും ഒക്കെപരിചയപ്പെടാലോ..
വേറെ ആരും ഉണ്ടാവില്ലേ..
ഇല്ല..ഫ്രണ്ട്സിനൊക്കെ രാത്രിയിലാ പാർട്ടി നടത്തുന്നെ അത് വീട്ടിൽ വച്ചല്ല..റിസോർട്ട് ബുക്ക്‌ചെയ്തിട്ടുണ്ട്..എല്ലാ വർഷവും അതാ പതിവ്..
താൻ വരില്ലേ എന്തായാലും…
ഉം..വരാം.. വക്കട്ടെ എന്നാൽ..അവൾ പറഞ്ഞു…
അയ്യോ വക്കല്ലേ..അതേ..അന്ന് കോളേജിൽ നിന്ന് വരുമ്പോൾ ശ്യാമയെന്തിനാ ദേഷ്യപ്പെട്ടെ..
അത്… അത് പിന്നെ..ആരതിക്ക് വാക്കുകൾ കിട്ടാതെ നിന്ന് പരുങ്ങി…
എന്താടോ.. താൻ പറയ്..അവൻ ആകാംക്ഷയോടെ ചോദിച്ചു…
അത് ഞാൻ നേരിട്ട് കാണുമ്പോൾ പറയാം.. അമ്മ വിളിക്കുന്നുണ്ട്..അവൾ പെട്ടെന്ന് ഫോൺകട്ടാക്കി…അവളുടെ മുഖത്ത് ചമ്മൽ നിറഞ്ഞ ചിരി തെളിഞ്ഞു…
🌸🌸🌸🌸🌸🌸🌸🌸🌸🌸🌸🌸
രാവിലെയും നേരത്തെ അരുൺ എണീറ്റ് താഴേക്ക് വന്നു..കണ്ണൊക്കെ ഉറങ്ങാതെയുള്ള ക്ഷീണം പോലെതോന്നി..അവൻ വന്ന പാടെ അടുക്കളയിലേക്ക് പോയി..അമ്മേ ചായ പാത്രങ്ങൾ കഴുകികൊണ്ട് നിൽക്കുന്നഭാനുവിനോട് അവൻ പറഞ്ഞു…
നീയെന്താ ഇന്ന് നേരത്തെ ചായ അടുപ്പത്ത് വച്ചിട്ടേയുള്ളു..പോയി പേപ്പർ വായിക്ക് അപ്പോഴേക്കും കൊണ്ട് വരാംഭാനു പറഞ്ഞു…
അവൻ ഉമ്മറത്ത് ഇരുന്നു..പേപ്പർ കയ്യിലെടുത്തു..പക്ഷേ വായിക്കാൻ കഴിയാതെ വെറുതെ ഓരോന്ന്ചിന്തിച്ചിരുന്നു…
ആരതി ചായയുമായി അവനരികിലേക്ക് വന്നു..അവൻ ചായ വാങ്ങി കുടിച്ചു..ഒന്നും മിണ്ടാതെ ഇരുന്നു..
എന്തുപറ്റി അരുൺ ഇന്നലെ ഉറങ്ങിയില്ലേ കണ്ണൊക്കെ വല്ലാതെ ഇരിക്കുന്നല്ലോ..ഞാനറിയാതെ എന്താ ഇവിടെനടക്കുന്നെ..
ഏയ്‌ ഒന്നുമില്ല ചേച്ചി അവൻ അലസമായി പറഞ്ഞു..
അച്ചുവും ഇപ്പോൾ ഒന്നും മിണ്ടുന്നില്ല..എനിക്കൊന്നും മനസിലാവുന്നില്ല.. എല്ലാരും എന്താ ഇങ്ങനെ..അവൾവിഷമത്തോടെ ചോദിച്ചു..
ചേച്ചി കണ്ടോ അച്ചുവിനെ അവൻ പെട്ടന്ന് ചോദിച്ചു…
ആ അവൾ ഇന്ന് ഇതുവഴി അമ്പലത്തിൽ പോവുന്ന കണ്ടു..എന്നെ വിളിക്കാതെ തനിച്ച് ആദ്യമായാ അവൾഅമ്പലത്തിൽ പോവുന്നെ..എന്താടി എന്നെ വിളിക്കാത്തത് എന്ന് ചോദിച്ചപ്പോൾ ഇപ്പൊ പോവാൻതോന്നീതാ..ചേച്ചി ഉണ്ടോന്ന് ചോദിച്ചു..ഞാൻ കുളിച്ചിട്ടുണ്ടായില്ല അതുകൊണ്ട് പോയില്ല…
ചേച്ചി കുറേ നേരായോ അവൾ പോയിട്ട്…
ആ കുറച്ചുനേരായി ഇപ്പോൾ തൊഴുത് വരുന്നുണ്ടാവും…
അവൾ അത് പറഞ്ഞതും അവൻ ബൈക്കെടുത്ത് കൊണ്ട് പാഞ്ഞു…
🌸🌸🌸🌸🌸🌸🌸🌸🌸🌸🌸🌸🌸
അവളെ വഴിയിലെങ്ങും കാണാതായപ്പോൾ പാടത്തിനരികെ ബൈക്ക് വച്ച് അവൻ കാത്തുനിന്നു..
കുറച്ചു നേരം കാത്തുനിന്നതിനുശേഷം അവൾ അകലെ നിന്നും നടന്നു വരുന്നത് അവൻ കണ്ടു..അരുൺ ഒരുപുഞ്ചിരിയുമായി അവളെ നോക്കി നിന്നു..അച്ചു അവനെ ശ്രദ്ധിക്കുന്നേ ഉണ്ടായിരുന്നില്ല..അവനരികിൽഎത്തിയതും അവനെ കാണാത്തതുപോലെ അവൾ പോവാനൊരുങ്ങി…
അവൻ അവളുടെ മുൻപിൽ കയറി അവളെ പോവാൻ അനുവദിക്കാതെ തടഞ്ഞു നിർത്തി അവൾ തലതാഴേക്ക് ഇട്ട് അവനെ നോക്കാതെ നിന്നു..
