പിന്നെ നീയൊന്ന് പോയെ.. മൊത്തം കള്ളത്തരമാ..ബിസിനസ്സ് ഡീലിന് സായിപ്പിനെ കാണാനാ ബസ് സ്റ്റോപ്പിൽനിൽക്കുന്നതെന്ന് പറയാഞ്ഞത് ഭാഗ്യം…ശ്യാമ അത് പറയുമ്പോൾ ആരതിയും ചിരിച്ചു…
🌸🌸🌸🌸🌸🌸🌸🌸🌸🌸🌸🌸
ക്ലാസ്സിൽ ഇരിക്കുമ്പോഴും ആരതിക്ക് അന്ന് ഒട്ടും ശ്രദ്ധിക്കാൻ കഴിഞ്ഞില്ല..മനസ്സ് മുഴുവൻ ബസ്സിലെചിന്തകളായിരുന്നു..രമേശ്‌ സർ അക്കൗണ്ടിങ് ക്ലാസ്സ്‌ എടുക്കുകയാണ്.. ഉച്ച കഴിഞ്ഞുള്ള പിരിയഡ് ആണ്.. പുറത്ത് നല്ല മഴ പെയ്യുന്നുണ്ട്…
ഡീ ആദിയേട്ടൻ എന്തിനാവും ശരിക്കും വന്നത്..ആരതി ശ്യാമയുടെ കാതിൽ പതുക്കെ ചോദിച്ചു…
നിന്നെ കാണാൻ.. നീയൊന്ന് മിണ്ടാതിരുന്നേ..അതൊക്കെ പിന്നെ ചർച്ച ചെയ്യാം..അല്ലേൽ തന്നെ ഒന്നുംമനസിലാവുന്നില്ല…പറഞ്ഞ് കഴിഞ്ഞതും രമേശ്‌ സാറിന്റെ ശബ്ദം ക്ലാസ്സിലെങ്ങും മുഴങ്ങി… “ശ്യാമ”…
ശ്യാമയുടെ മുഖമാകെ വിയർക്കാൻ തുടങ്ങി… അവൾ മെല്ലെ സീറ്റിൽ നിന്ന് എഴുന്നേറ്റു… ആരതി ഞാനൊന്നുംഅറിഞ്ഞില്ല എന്ന പോലെ ഇരുന്നു…
Wthat are the three accounting methods ? explain them ? ചോദ്യം വന്നു…
ഭഗവാനേ വിശദീകരിക്കാൻ പോയിട്ട് ഇങ്ങനൊന്ന് താൻ കേട്ടിട്ട് പോലുമില്ലല്ലോ.. അവളുടെ കണ്ണൊക്കെപുറത്തേക്ക് തള്ളി…അവൾ ഒന്നും മിണ്ടാതെ തല കിഴ്പ്പോട്ട് ഇട്ട് നിന്നു..
ഓരോന്ന് പ്രഹസനം കാണിക്കാനായിട്ട് വീട്ടീന്ന് ഇറങ്ങിക്കോളും… പിന്നെ അങ്ങോട്ട് ഇടിവെട്ടും മഴയുമൊക്കെക്ലാസ് റൂമിൽ ആയിരുന്നു…അവസാനം ഇമ്പോശിഷനും കൊടുത്ത് സർ ക്ലാസ്സിൽ നിന്നിറങ്ങി.. ശ്യാമ ഇപ്പോൾകരയുമെന്നായി…
ആരതി ശ്യാമയുടെ കയ്യിൽ ഒന്ന് തൊട്ടു.. അവൾ കൈ തട്ടി മാറ്റി…
ഡീ വിഷമായോ… ആരതി ചോദിച്ചു…
ഏയ്‌… ഒട്ടും ആയില്ല..എല്ലാവരും ക്ലാസ്സിൽ ഇരിക്കുമ്പോൾ എണീപ്പിച്ചിങ്ങനെ വഴക്ക് പറഞ്ഞാൽ നല്ല സുഖല്ലേഇണ്ടാവാ…വടി ഇല്ലാത്തോണ്ട് അടി കിട്ടിയിട്ടില്ല അത് ഭാഗ്യം..എന്നാലും നീയെന്നെ ആ കടുവയുടെ മുൻപിൽ ഇട്ട്കൊടുത്തിട്ട് ഒന്നും അറിയാത്ത പോലെ ഇരുന്നല്ലോ.. അവൾ പറഞ്ഞു…
അത് പിന്നെ നീയെന്തിനാ ഞാൻ ചോദിച്ചപ്പോൾ എക്സ്പ്ലെയിൻ ചെയ്യാൻ നിന്നെ…അതോണ്ടല്ലേ സാറ്പൊക്കിയെ.. ഒറ്റവാക്കിൽ ഉത്തരം തന്നാൽ മതിയായിരുന്നല്ലോ…
ഓ ഇപ്പോൾ എനിക്കായോ കുറ്റം… ഓരോന്നുങ്ങൾ പ്രേമിക്കാനും.. വഴക്ക് കേൾക്കാൻ നമ്മളും… ദേവി എന്തൊരുപരീക്ഷണമാണിത്..ശ്യാമ പറയുന്നത് കേട്ട് വന്ന ചിരി ആരതി അടക്കിപ്പിടിച്ചു..അവൾ അതും പറഞ്ഞ്ബുക്കെടുത്ത് ഇമ്പൊശിഷൻ എഴുതാൻ തുടങ്ങി…
🌸🌸🌸🌸🌸🌸🌸🌸🌸🌸
പോകുന്ന വഴിയിൽ ആദി അവരെ കാത്തുനിൽക്കുന്നുണ്ടായിരുന്നു..ശ്യാമ വണ്ടി നിർത്തി…ശ്യാമയുടെ മുഖംകടന്നൽ കുത്തിയ പോലെ വീർത്തിട്ടുണ്ടായിരുന്നു..ശ്യാമയെ നോക്കി ആരതിയോട് എന്താണെന്ന് ആദിആക്ഷൻ കാണിച്ചു..ഏയ്‌ ഒന്നുമില്ലെന്ന് ആരതി ചിരിച്ചുകൊണ്ട് കണ്ണടച്ചു…
അതേ പിന്നെ നെക്സ്റ്റ് സൺ‌ഡേ എന്റെ ബർത്ത് ഡേ ആണ്..രണ്ടാളും വരണം ഞാൻ ഫോൺ ചെയ്യാം ആദിപറഞ്ഞു…
അത് ഫോൺ ചെയ്ത് പറഞ്ഞാൽ പോരെ.. വഴിയിൽ തടഞ്ഞ് നിർത്തി തന്നെ പറയണോ..നിങ്ങൾ എന്ത്വേണേലും ആയിക്കോ നമ്മളെ വെറുതെ വിട്ടേര്…ശ്യാമ കൈകൂപ്പികൊണ്ട് ആദിയോട് പറഞ്ഞു…ആദി ഒന്നുംമനസിലാവാത്ത പോലെ നിന്നു..അതും പറഞ്ഞ് ശ്യാമ വണ്ടിയെടുത്തു..തിരിഞ്ഞുനോക്കി പോട്ടെ എന്ന് ആരതിഅവനെ കൈ പൊക്കി കാണിച്ചു..അവനും ചിരിച്ചു കൊണ്ട് കൈ വീശി…
ഇത്രയും വേണ്ടായിരുന്നു ശ്യാമ..ആരതി പതുക്കെ പറഞ്ഞു…
എത്രയും..എനിക്ക് ദേഷ്യം വരണുണ്ട് ട്ടോ…അതേ ഇനിയും നൂറ് പ്രാവശ്യം കൂടെ ഇമ്പൊശിഷൻഎഴുതണം…റാം കണ്ടാൽ എന്നെ കൊല്ലും..നിന്റെ ആദിയേട്ടൻ ഓരോന്ന് ഇട്ട് തരും നീയത് ക്ലാസ്സിൽചിന്തിച്ചിരിക്കും പണി കിട്ടുന്നത് എനിക്കും..അവൾ പിന്നെയും എന്തൊക്കെയോ പറഞ്ഞു കൊണ്ടിരുന്നു..ആരതിപിന്നെ ഒന്നും മിണ്ടിയില്ല..
🌸🌸🌸🌸🌸🌸🌸🌸🌸🌸🌸
ആരതി തിണ്ണമേൽ ഇരുന്ന് പൊട്ടിച്ചിരിക്കുന്നത് കണ്ടാണ് അച്ചുവും അനൂപും വന്നത്…അച്ചു ആരതിയെവിളിച്ചു..അവൾ കേട്ടില്ല..
ഏട്ടാ…ഇത് കൈ വിട്ട് പോയീട്ടോ…അച്ചു അനൂപിനോട് പറഞ്ഞു…
നീ പറഞ്ഞത് ശരിയാ നമ്മൾ വന്നത് പോലും ഇവൾ കണ്ടിട്ടില്ല…അനൂപും അവളുടെ വാക്കുകൾ ശരി വച്ചു…
അച്ചു ചെവിയിൽ ഉറക്കെ വിളിച്ചപ്പോഴാണ് ആരതി കേട്ടത്…
ഓ ചെവിട് ഇപ്പോൾ പൊട്ടി പോയേനെ..എന്താടി ഇത്…ആരതി ദേഷ്യത്തിൽ കണ്ണുരുട്ടി..
എത്ര നേരായിന്ന് അറിയോ ഞങ്ങൾ വന്നിട്ട്..എവിടെയായിരുന്നു ചേച്ചി..
നീയിന്ന് ആദിയെ കണ്ടോ…
വെറുതെ ഇങ്ങനെ സ്വപ്നം കണ്ടിരുന്നോ അവസാനം അത് മാത്രേ ഉണ്ടാവൂ.. ഞാനന്ന് പറഞ്ഞതല്ലേ അവനോട്സംസാരിക്കാന്ന്..അനൂപ് പറഞ്ഞതിന് ശേഷമാണ് തന്റെ അബദ്ധം മനസ്സിലായത്…
അവൻ അച്ചുവിനെ നോക്കുമ്പോൾ അവൾ കലിതുള്ളി നിൽക്കുന്നുണ്ട്…എല്ലാം പറഞ്ഞല്ലേ ചേച്ചിയോട് ചുമ്മാവേഷം കെട്ടി എന്നെ പറ്റിക്കുകയായിരുന്നല്ലേ…
അത് പിന്നെ ഞാൻ…അവൻ അതും പറഞ്ഞ് ഓടി..അച്ചു അവന് പിന്നാലെയും..അനൂപ് ചെരുപ്പൊക്കെ എടുത്ത്കയ്യിൽ പിടിച്ചുകൊണ്ട് ഒരിക്കലും അച്ചുവിന് പിടികൊടുക്കില്ല എന്നപോലെയാണ് ഓട്ടം…ഗേറ്റ്
എത്താറായതുംഅരുണിന്റെ മേൽ അച്ചു കൂട്ടിയിടിച്ചു…അരുൺ നെറ്റി ഉഴിഞ്ഞു കൊണ്ട് അച്ചുവിനെ നോക്കി….
അരുണിന്റെ നിൽപ്പ് കണ്ടതും ആരതി അകത്തേക്ക് പോയി..
നിനക്കൊരു ബോധവും ഇല്ലേ..മനുഷ്യനെ കൊല്ലാനാണോ ഇങ്ങനെ ഓടി ചാടി നടക്കുന്നേ..അവന്റെ ശബ്ദംഉയർന്നതും അച്ചുവിന് പേടിയായി…
ഓരോ ടെൻഷനിലും നടക്കുമ്പോഴാ ഓരോന്ന് കേറി വരുന്നേ..എന്തിനാ എപ്പോഴും ഇങ്ങോട്ട്കെട്ടിയെടുക്കുന്നെ..ബാക്കിയുള്ളോരുടെ സമാധാനം കളയാനോ…
ഏട്ടാ ഞാൻ..മുഴുവനും പറയാൻ കഴിയാതെ അച്ചുവിന്റെ വാക്കുകൾ ഇടറി..
ഒന്ന് പോവുന്നുണ്ടോ എന്റെ മുമ്പീന്ന്..അരുൺ ഒച്ചയെടുത്തു..
അവൾ കരഞ്ഞുകൊണ്ട് വീട്ടിലേക്കോടി…
ഭാനു അത് കണ്ടുകൊണ്ടാണ് ഉമ്മറത്തേക്ക് വന്നത്..
മോനെ എന്തിനാ അവളെ എപ്പോഴും ഇങ്ങനെ വഴക്ക് പറയുന്നേ..അവളൊരു പാവല്ലേ…
അരുണിന്റേയും കണ്ണൊന്ന് നിറഞ്ഞു..ഭാനു കാണാതെ അവൻ അത് തുടച്ചുനീക്കി…
അവൾ കൂടുതൽ വിഷമിക്കാതിരിക്കാനാ അമ്മേ ഞാനിങ്ങനെയൊക്കെ പെരുമാറിയത്…വെറുക്കട്ടെഅവളെന്നെ..അല്ലെങ്കിൽ മറ്റൊരു വീട്ടിലേക്ക് പോവുമ്പോൾ അവൾ ഇതിനെക്കാളും ആഴത്തിൽ സങ്കടപ്പെടും…
നീയെന്തൊക്കെയാ മോനെ ഈ പറയുന്നേ..എനിക്കൊന്നും മനസിലാവുന്നില്ല…ഭാനു അവന്റെ ചുമലിൽ കൈവച്ചു കൊണ്ട് ചോദിച്ചു…
അമ്മായി ഒരു കാര്യം പറയാനാണ് എന്നെ അങ്ങോട്ട് വിളിപ്പിച്ചത്..എന്നോട് ആലോചിച്ചിട്ട് എല്ലാവരോടുംപറയാമെന്ന് വച്ചു..അല്ലാതെ ഇങ്ങോട്ട് വന്ന് ആ കാര്യം പറയാൻ അമ്മായിക്കൊരു മടി…നിങ്ങൾക്കൊക്കെവിഷമാവൂലോ..പക്ഷേ ഇത് പറയാതിരുന്നിട്ട് കാര്യമില്ലല്ലോ..
നീയെന്തായാലും പറയ് വെറുതെ ടെൻഷൻ അടിപ്പിക്കാതെ…
