ആദ്യം ആരതിക്കെടുക്കാം…
ഇങ്ങേരെന്താ ചേച്ചിക്ക് ഡ്രസ്സ്‌ എടുക്കാനാണോ വന്നേ അച്ചു ആരതിയുടെ കാതിൽ പറഞ്ഞു…
ഒന്ന് ചുമ്മാ ഇരിയെടി..ആരതി അച്ചുവിന് താക്കീത് നൽകി…
എനിക്കെന്തിനാ ഇപ്പോൾ..
ചുമ്മാ ഇരിക്കട്ടെടോ..
ആരതി ഒരു സാരി സെലക്ട്‌ ചെയ്തിട്ട് തൃപ്തി വരാത്ത പോലെ ആദി സിംപിളായ ഒരു പട്ട് സാരിയെടുത്ത്ആരതിക്ക് നേരെ കാണിച്ചു..നാളെ ഇതുടുത്താൽ മതീട്ടോ..അവൾ തലയാട്ടി..
ഇങ്ങേർക്കാണോ സെലക്ട്‌ ചെയ്യാൻ അറിയില്ലെന്ന് പറഞ്ഞേ..വേണ്ട പെട്ടവർക്ക് സെലക്ട്‌ ചെയ്തപ്പോൾകണ്ടോ എന്താ ഭംഗി..അച്ചു പതുക്കെ പറയാനാണ് ഉദ്ദേശിച്ചതെങ്കിലും ശബ്ദം ഇത്തിരി ഉറക്കെയായി..ആദി ഒന്ന്പുഞ്ചിരിച്ചു..ആരതി അങ്ങ് ചമ്മി പോയി..
ഓ ഈ പെണ്ണിനെ ഏത് നേരത്താണാവോ കൊണ്ട് വരാൻ തോന്നീത് അവൾ മനസ്സിൽ പറഞ്ഞു…
ആദിയേട്ടാ.., അല്ലേങ്കിൽ ഞാൻ വരണോ…കാറിലിരിക്കുമ്പോഴാണ് ആരതി അത് ചോദിച്ചത്..
അതെന്താ ഇപ്പോൾ ഒരു സംശയം..
അല്ല നിങ്ങളൊക്കെ വല്യ ആൾക്കാരല്ലേ സാന്ദ്രക്കും അമ്മക്കുമൊക്കെ ഞങ്ങളെ ഇഷ്ടാവോ..
തന്നെ ആർക്കാടോ ഇഷ്ടാവാത്തെ..മിററിലൂടെ ഒരു കുസൃതി ചിരി സമ്മാനിച്ച് ആദി പറഞ്ഞു..അച്ചുഅവർക്കിടയിൽ കട്ടുറുമ്പ് ആവേണ്ടെന്ന് കരുതി പുറത്തെ കാഴ്ചകളിലേക്ക് ശ്രദ്ധ കേദ്രീകരിച്ചു..
പിന്നെ എന്റെ അമ്മ ഒരു പാവാ..സാന്ദ്രക്ക് പ്രായത്തിന്റേതായ കുറച്ച് വാശിയൊക്കെയുണ്ട്..എനിക്ക്ആകെയുള്ള കുഞ്ഞനിയത്തിയല്ലേ കൊഞ്ചിച്ച് കുറച്ച് വഷളായി..എന്നാലും അവൾക്കും തന്നെ ഇഷ്ടാവുംഎനിക്കുറപ്പുണ്ട്..അല്ലേൽ തന്നെ നമുക്ക് ഇഷ്ടപെടുത്താന്നേ.. അതിന്റെ മുന്നോടിയായി കണ്ടാൽ മതി എന്റെബർത്ത് ഡേ..അതാ തന്നോട് എന്തായാലും വരാൻ പറഞ്ഞേ..
അവന്റെ വാക്കുകളിൽ അവൾ പുതിയ അർത്ഥങ്ങൾ കണ്ടെത്തുകയായിരുന്നു..അതവൾക്ക് കൂടുതൽപ്രതീക്ഷകൾ നൽകി..
പിന്നെ തനിക്ക് ഡ്രസ്സ്‌ എടുക്കാൻ എന്ന് പറഞ്ഞാൽ താൻ വരില്ലല്ലോ അതാ സാന്ദ്രക്ക് എന്ന് പറഞ്ഞത്..തനിക്ക്കോടി എടുക്കുന്നത് വല്യ ഇഷ്ടമാണെന്ന് പറഞ്ഞില്ലേ.. അപ്പൊ എന്റെ ബർത്ത് ഡേ ക്കും തനിക്കൊന്ന്എടുക്കണംന്ന് തോന്നി..ഞാൻ തനിയെ പോയെടുത്താൽ ആരതിക്ക് ചിലപ്പോൾ ഇഷ്ടമായില്ലെങ്കിലോ..അവൻഅങ്ങിനെ കുറേ അവളോടിങ്ങനെ സംസാരിച്ചു കൊണ്ടിരുന്നു..ആദ്യമായാണ് അവൻ ഇത്ര മാത്രംവാചാലമാവുന്നതെന്ന് അവൾക്ക് തോന്നി..
അപ്പോൾ സാന്ദ്ര വീട്ടിൽ ഉണ്ടോ…
ഏയ്‌..ഞാൻ അത്രയും വല്യ കള്ളം പറയോ അവൻ ഉറക്കെ ചിരിച്ചു.. കൂടെ അവളും..
ചേട്ടാ…, അവരുടെ സംസാരത്തെ മുറിച്ചുകൊണ്ട് അച്ചു വിളിച്ചു…
എന്താ അച്ചു…
അതേ ഞങ്ങളുടെ കല്ല്യാണം ഉണ്ടാവൂട്ടോ ആറു മാസത്തിനിടയിൽ..
ആരുടെ..
എന്റേം അരുണേട്ടന്റേം..ഒപ്പം ആരത്യാച്ചീടേം നടത്തണംന്നാ അച്ഛൻ പറഞ്ഞേ..
ഇവൾ ചുമ്മാ പറയുന്നതാ ആദിയേട്ടാ..എന്റെ ഇപ്പോഴൊന്നും ഇല്ല..ആരതി ഇടയിൽ കയറി പറഞ്ഞു…
പിന്നെ അച്ഛനുമമ്മേം നിർബന്ധിച്ചാലോ..എന്ത് ചെയ്യും..ചേച്ചി സമ്മതിക്കേണ്ടി വരും..
പെട്ടെന്ന് ബ്രേക്ക്‌ പിടിച്ച് കാർ ഒതുക്കി നിർത്തിയ ശേഷം ആദി ഇറങ്ങി..ആരതി ഒരു മിനിറ്റ്..അവളെ നോക്കികൊണ്ട് അവൻ പറഞ്ഞു..ആരതി അച്ചുവിനെ ഒന്ന് നോക്കിയ ശേഷം കാറിൽ നിന്നിറങ്ങി..
കുറച്ചുനേരം അവൻ ഒന്നും മിണ്ടാതെ നിന്നു..പിന്നെ അവളുടെ മുഖത്തേക്ക് നോക്കി..”ഇയാളെ..ഇയാളെഞാനങ് കെട്ടിയാലോ..”ശ്വാസം അടക്കി പിടിച്ചുകൊണ്ട് ആദി പറഞ്ഞു ..അവൾ എത്രയോ തവണ കേൾക്കാൻകൊതിച്ച പോലെ ആ വാക്കുകൾ കാതുകളിൽ അലയടിച്ചു..അവൾ വിശ്വാസം വരാത്ത പോലെ ആദിയെനോക്കി..സന്തോഷം കൊണ്ട് കണ്ണുകൾ നിറഞ്ഞു..
അത്.. അത് പിന്നെ പ്രേമമൊന്നുമല്ല അച്ചു അങ്ങനെ പറഞ്ഞപ്പോൾ ഇപ്പോൾ തോന്നിയതാ..താൻആലോചിച്ചിട്ട് പറഞ്ഞാൽ മതി..തനിക്ക് ഇഷ്ടമില്ലെങ്കിൽ നമുക്ക് നല്ല സുഹൃത്തുക്കളായി തുടരാം..ആദിപറഞ്ഞൊപ്പിച്ചു…
ഉള്ളിൽ നിറഞ്ഞ സന്തോഷം മുഖത്ത് കാണിക്കാതെ അവൾ നിന്നു..പ്രതീക്ഷിക്കാതെ ഇത്രയും സന്തോഷംഒരുമിച്ച് വന്നപ്പോൾ എന്ത് പറയണമെന്ന് അവൾക്ക് അറിയാതെയായി..
എന്നാൽ പോവാം അവൻ കാറിനരികിലേക്ക് നടന്നു…ഒപ്പം അവളും..
🌺🌺🌺🌺🌺🌺🌺🌺🌺🌺🌺🌺🌺🌺🌺
ചേച്ചി നന്നായി ഒരുങ്ങിക്കോട്ടോ ഇന്ന് ആദ്യമായി ഭാവി അമ്മായിഅമ്മ കാണാൻ പോകുവാ.. സാരിയുടെ ഞൊറിപിടിച്ച് കൊടുക്കുന്നതിനിടയിൽ അച്ചു പറഞ്ഞു..
ഒന്ന് മിണ്ടാതിരിക്ക് പെണ്ണേ.. അല്ലെങ്കിൽ തന്നെ രാവിലെ എണീറ്റപ്പോൾ തന്നെ എന്തെന്നില്ലാത്തവെപ്രാളം..ഒരിക്കലും ആഗ്രഹിക്കാൻ കഴിയാത്തതെന്തോ
മോഹിച്ച പോലെ..ഇതൊന്നും നടക്കില്ലെന്ന് മനസ്സ്പറയുന്ന പോലെ…
ചേച്ചി ഈ നെഗറ്റീവ് ചിന്ത ആദ്യം തന്നെ ഒന്ന് മാറ്റ് എല്ലാം ശരിയാവും..
നീയൊന്ന് ആലോചിച്ച് നോക്ക് അച്ചൂ..ആദ്യം തന്നെയാണെങ്കിലും നമുക്കീ ബന്ധം സ്വപ്നം കാണാൻ പോലുംകഴിയില്ല.. ആ അപകർഷധാ ബോധം കൊണ്ടാണ് ഞാൻ പറയാതിരുന്നതും.. ഇതിപ്പോൾ ഒരു തവണ താലി ചരട്പൊട്ടിക്കേണ്ടി വന്ന പെണ്ണല്ലേ ഞാൻ.. കുറച്ചുദിവസത്തേക്കെങ്കിലും മറ്റൊരാളുടെ കുഞ്ഞിനെ ഉദരത്തിൽചുമക്കേണ്ടി വന്ന പെണ്ണ്..എല്ലാം അറിയാം എനിക്ക് എങ്കിലും വെറുതെ മോഹിച്ചുപോയി..ആകാശത്ത് കാണുന്നഅമ്പിളി മാമനെ നോക്കി നിൽക്കുന്ന കുട്ടിയെ പോലെയാണ് ഞാനിപ്പോൾ.. ഞാനും ആദിയേട്ടനും തമ്മിൽഅത്രയും ദൂരമുണ്ടാവും.. അവളുടെ കണ്ണുകളിൽ നിരാശ നിറഞ്ഞു…
അച്ചു എണീറ്റ് നിന്ന് ആരതിയുടെ രണ്ട് കവിളുകളിലും പിടിച്ചു…എന്റെ ചേച്ചിക്കുട്ടിസുന്ദരിയാണല്ലോ..മനസ്സാണെങ്കിൽ അതിലും സുന്ദരവും അതുകണ്ടിട്ടാവും ആദിയേട്ടൻ മോഹിച്ചത്..
നിനക്കെന്താ അച്ചു നീയങ്ങനെ ഇന്നലെ പറഞ്ഞപ്പോൾ എന്തോ പെട്ടെന്ന് പറഞ്ഞതാവും ആള്..
ഉവ്വ്.. എനിക്ക് തോന്നണില്ല.. പെട്ടന്ന് അങ്ങനൊരു തോന്നലുണ്ടാവോ.. സത്യം പറഞ്ഞാൽ ഞാനൊന്ന്ചൂണ്ടയിട്ട് നോക്കീതാ..ആള് പറയാനൊരു സാഹചര്യം നോക്കി ഇരുന്നതാവും.. ഞാനങ്ങനെ പറഞ്ഞപ്പോൾചേച്ചിയെ നഷ്ടപ്പെടുവോന്ന് പേടിയായി കാണും…
അത് കേട്ട് ആരതി പൊട്ടിച്ചിരിച്ചു..എടീ മണ്ടി ആളുടെ പിന്നാലെ എത്ര സുന്ദരികൾ നടക്കുന്നുണ്ടാവും.. എന്നിട്ടല്ലേ ഈ ഒന്നിനും കൊള്ളാത്ത എന്റെ പിന്നാലെ..കോളേജിൽ പഠിക്കുമ്പോൾ തന്നെ എത്രപെൺപിള്ളേരുടെ ആരാധന പാത്രമായിരുന്നു..
ഉം.. മതി മതി ആദി പുരാണങ്ങൾ നമുക്ക് പോവാം…
ആരതിയും അച്ചുവും പോവാനിറങ്ങി.. പുറത്ത് അനൂപ് നിൽക്കുന്നുണ്ടായിരുന്നു..
എങ്ങോട്ടാ ചേച്ചീം അനിയത്തീം കൂടെ.. അനൂപ് ചോദിച്ചു..
ഞാനിന്നലെ പറഞ്ഞില്ലേ ഏട്ടാ എന്റെ ഫ്രണ്ടിന്റെ ബർത്ത് ഡേ ആണെന്ന്… അച്ചുവാണ് മറുപടി കൊടുത്തത്..
ഗേൾ ഫ്രണ്ടോ അതോ ബോയ് ഫ്രോണ്ടോ ഉടൻ വീണ്ടും ചോദ്യം വന്നു…
ഗേൾ ഫ്രണ്ട്…
അല്ല നിങ്ങൾക്കാരാ അങ്ങനെ കോമൺ ഫ്രണ്ട്.. ഇനി ആദിയുടെ പിറന്നാളെങ്ങാനും ആണോ..
