അത് കേട്ട് അച്ചുവും ആരതിയും മുഖത്തോട് മുഖം നോക്കി..
അതേ ആദിയേട്ടന്റെ ബർത്ത് ഡേ തന്നാ എന്തേ..അച്ചു കലിപ്പിൽ ചോദിച്ചു..അതുകേട്ട് ആരതിയുടെ കിളിപോയി..
ഏയ്‌..അതാണെങ്കിൽ നിങ്ങളെന്നോട് പറഞ്ഞേനെ നമ്മള് കട്ട ചങ്കുകളല്ലേ..ഞാൻ വെറുതെചോദിച്ചെന്നേയുള്ളൂ നിങ്ങള് പൊയ്ക്കോ..അനൂപ് പറഞ്ഞു..
അനൂപേട്ടനോട് പറയായിരുന്നൂലെ പാവം..
പിന്നെ ചേച്ചി ഇത്രേം പാവാവല്ലേ..എന്റെ ചേച്ചി ഇത്തരം കാര്യങ്ങളൊന്നും ഏട്ടന്മാരോട് പറയാൻപാടില്ല..അനൂപേട്ടൻ നമ്മളോട് കൂട്ട്
കൂടുന്നെന്നേയുള്ളൂ..ആൾക്ക് നമ്മുടെ കാര്യത്തിൽ നല്ല ശ്രദ്ധയാ..പിന്നെദേഷ്യം വന്നാൽ ഈ സ്നേഹമൊന്നും ഉണ്ടാവില്ല..അച്ചു പറഞ്ഞത് ശരിയാണെന്ന് അപ്പോൾ ആരതിക്കുംതോന്നി..
🌸🌸🌸🌸🌸🌸🌸🌸🌸🌸
ആ വലിയ വീടിന്റെ ഗേറ്റ് കടക്കുമ്പോൾ ആരതിക്ക് എന്തെന്നില്ലാത്ത പരിഭ്രമം തോന്നി..ശ്യാമയും അച്ചുവുംകൂടെയുണ്ടായിരുന്നു..വീടിന് മുൻപിൽ പലതരത്തിലുള്ള പൂക്കളുള്ള വിശാലമായ പൂന്തോട്ടംഉണ്ടായിരുന്നു..അതിന് നടുവിലായി ഒരു ചെറിയ ആമ്പൽ പൊയ്ക..കൊത്തുപണികൾ ചെയ്ത ശില്പങ്ങളുംഅവിടെയിവിടെയായി കണ്ടു..കുടം ഒക്കത്ത് വച്ച് നിൽക്കുന്ന സ്ത്രീയുടെ കുടത്തിൽ നിന്ന്ആമ്പൽകുളത്തിലേക്ക് വെള്ളം കുറേശ്ശേയായി പോയ്‌കൊണ്ടേയിരുന്നു..പല തരം മരങ്ങൾ കൊണ്ടുംപ്രകൃതിയോട് ചേർന്ന് നിൽക്കുന്ന വീട്..
കോളിങ് ബെൽ അടിച്ചപ്പോൾ ആദിയുടെ അമ്മ രാധ വന്ന് വാതിൽ തുറന്നു..ആരതി വലതുകാൽ വച്ച്കയറിക്കോ ശ്യാമ സ്വകാര്യം പറഞ്ഞു..
കുറച്ചുപേർ ഉള്ള ഫങ്ക്ഷനാണെങ്കിലും വീട് നല്ല രീതിയിൽ അലങ്കരിച്ചിരുന്നു..സാന്ദ്രയുടെയും ആദിയുടെയുംചെറുപ്പം മുതലേയുള്ള കുറേ ഫോട്ടോസ് ഉണ്ടായിരുന്നു ചുവരിൽ ആരതി അത് നോക്കി നിന്നു.. വേറെയൊരുലോകത്ത് എത്തിയ പോലെ അവർക്ക് തോന്നി..
ആദി പറഞ്ഞതുപോലെ പോലെ തന്നെ പൈസയുടെ ഒരഹങ്കാരവും തോന്നിക്കാത്ത പാവം ഒരു അമ്മയെ പോലെആരതിക്ക് തോന്നി…
വാ മക്കളെ കയറി ഇരിക്കൂ..അമ്മ കുടിക്കാൻ എടുക്കാം വളരെ ഭവ്യതയോടെ അവർ പറഞ്ഞു..
ഇപ്പോൾ ഒന്നും വേണ്ട അമ്മേ..ഇപ്പോൾ ഭക്ഷണം കഴിച്ചിട്ട് ഇറങ്ങിയേയുള്ളൂ..ശ്യാമ പറഞ്ഞു..
അത് പറഞ്ഞാൽ പറ്റില്ല..അമ്മ എടുത്തിട്ട് വരാം അതും പറഞ്ഞ് രാധ അടുക്കളയിലേക്ക് പോയി..
ഈ ആദിയേട്ടൻ എവിടെ പോയി..ആരതിയുടെ കണ്ണുകൾ ചുറ്റും പാഞ്ഞു..
ഒന്ന് ക്ഷമിക്ക് മോളെ വരും..പെണ്ണിന് എന്താ തിടുക്കം..ശ്യാമ അവളെ കളിയാക്കി..
ആദ്യമായാ ആദിയുടെ ഫ്രണ്ട്‌സ് ഇവിടെ വരുന്നേ..അതായത് കൂടെ പഠിച്ച കൂട്ടുകാർ.. അല്ലാതെബിസിനസ്സിന്റെ കാര്യത്തിനൊക്കെ വരാറുണ്ട് ട്ടോ ..പഠിക്കുന്ന കാലത്ത് അവന് കൂട്ടുക്കാർകുറവായിരുന്നു..അതുംപോയിട്ട് സാന്ദ്രക്ക് ഇഷ്ടം പോലെ കൂട്ടുകാർ ഉണ്ട്..അമ്മ പറഞ്ഞുനിർത്തി…
പിന്നെ ഞങ്ങളെ പരിചയപ്പെടുത്തിയില്ലല്ലോ..ഞാൻ ശ്യാമ..ഇത് ആരതി..ഇത് അച്ചു ശ്യാമ പരിചയപ്പെടുത്തി..
ആ എനിക്ക് മനസ്സിലായി അവൻ നിങ്ങൾ വരുമെന്ന് പറഞ്ഞപ്പോൾ തന്നെ ഏകദേശ രൂപം തന്നിരുന്നു..രാധചിരിച്ചു കൊണ്ട് പറഞ്ഞു…
പിന്നെ ആദിക്ക് കല്യാണമൊന്നും നോക്കുന്നില്ലേ അമ്മേ..ശ്യാമ ചോദിച്ചു..
ഓ അതൊന്നും പറയാത്തതാ ഭേദം കോളേജിൽ പടിക്കുമ്പോഴെങ്ങോ അവന് ഒരു കുട്ടിയുമായിഅടുപ്പമുണ്ടായി..അവളുടെ വിവാഹം കഴിഞ്ഞതിന് ശേഷമാണ്
ഇവൻ അറിയുന്നത്..അന്ന് എന്തായിരുന്നുഇവിടെ പുകില്..പിന്നെ കുറേ നേരം എന്റെ മടിയിൽ തല വച്ച് കരഞ്ഞു..അപ്പോഴാണ് ഞാൻ അത്അറിയുന്നത്..ഇവൻ പെണ്കുട്ടികളോടൊന്നും അധികം മിണ്ടാത്ത കൂട്ടത്തിലായിരുന്നു എന്നിട്ടും ആരാണാവോഇങ്ങനെ ഇവന്റെ മനസ്സിൽ കയറി കൂടിയത്..
പിന്നെ കുറച്ചു നാൾ അങ്ങനെ നടന്നു..കുറേ കാലം കഴിഞ്ഞ് മനസ്സ് മാറിയെന്ന് കരുതി സാന്ദ്ര അവളുടെകൂട്ടുകാരി രേവതിയുടെ ആലോചനയുമായി വന്നതാ..അവളുടെ ബെസ്റ്റ് ഫ്രണ്ടാണ്..അച്ഛന് വിദേശത്ത്ബിസിനസ്സ്.. നമ്മളുമായി ഒത്തുപോവുന്ന നല്ല ബന്ധം..ആ കുട്ടിക്കാണേൽ ഇവനെന്ന് വച്ചാൽ ജീവനും..പക്ഷേഇവൻ സമ്മതിക്കണ്ടേ..ഇപ്പോഴും ആ പെണ്ണിനെ ഓർത്തോണ്ടിരുന്നിട്ട് എന്താ കാര്യം..നിങ്ങളൊന്ന് പറഞ്ഞ്മനസ്സിലാക്കണേ മക്കളെ..സാന്ദ്രയും ഇവിടില്ലല്ലോ.. രാധ വിഷമത്തോടെ പറഞ്ഞു..
അമ്മേ എന്താ എന്നെ പറ്റിയാണോ സംസാരം..ആദി മുകളിൽ നിന്നുള്ള സ്റ്റെപ്പുകൾ ഇറങ്ങുന്നതിനിടയിൽചോദിച്ചു..ആരതിയുടെ പച്ച പട്ടുസാരിക്ക് മാച്ചായ പച്ച ഷർട്ടും അതേപോലെ കരയുള്ള മുണ്ടും ഉടുത്ത് ആദിഇറങ്ങി വരുമ്പോൾ എല്ലാവരും നോക്കിയിരുന്നു..
അതേ നിന്നെ പറ്റിതന്നെ..ഇനി ഒരു കല്ല്യണമൊക്കെ കഴിപ്പിക്കണം എന്ന് അമ്മ പറയായിരുന്നു..
എന്റെ അമ്മേ ഞാൻ സന്യാസിക്കാനൊന്നും പോണില്ല..സമായാവട്ടെ അമ്മക്ക് നല്ലൊരു മരുമോളെ തന്നെ ഞാൻതരും..ആരതിയെ നോക്കി ഒരു കള്ളച്ചിരി ചിരിച്ചുകൊണ്ട് ആദി പറഞ്ഞു..ആരതി ആ നോട്ടം ഏറ്റുവാങ്ങാൻകഴിയാതെ താഴേക്ക് നോക്കി..
മ്മ്..നിന്റെ മാറ്റം എനിക്ക് മനസ്സിലാവുന്നുണ്ട്..രാധ ചിരിയോടെ പറഞ്ഞു..
ചേച്ചി ചെക്കൻ രണ്ടും കല്പിച്ചാ..വേഷം തന്നെ നോക്കിയേ..അച്ചു പതുക്കെ ആരതിയോടായി പറഞ്ഞു..അവൾഅച്ചുവിന്റെ കൈകളിൽ ഒന്നൂടെ അമർത്തി പിടിച്ചു…
പിന്നെ സാന്ദ്രയെ കണ്ടില്ലല്ലോ..ശ്യാമയാണ് ചോദിച്ചത്..
അവൾ ഇന്ന് രാവിലെ വന്നുള്ളൂ മോളെ..എന്തോ ഷോപ്പിങ്ങുണ്ടെന്നും പറഞ്ഞ് പോയതാ..പെട്ടെന്ന് വരും..രാധപറഞ്ഞു..
കുറച്ചുനേരം അവർ സംസാരിച്ചിരുന്നപ്പോഴേക്കും സാന്ദ്ര വന്നു.. കൂടെ ഒരു പെൺകുട്ടിയും..മുടി തോളിനൊപ്പംവെട്ടി ചുണ്ടിൽ ലിപ്സ്റ്റിക്കും പൂശി മോഡേൺ വേഷത്തിൽ സുന്ദരിയായിരുന്നു സാന്ദ്ര..കണ്ടാൽ തന്നെ ഒരു റിച്ച്ലൂക്കൊക്കെ തോന്നും..ക്യാഷിന്റെ ഒരഹങ്കാരം ആ മുഖത്ത് ഇല്ലേയെന്ന് അവർക്ക് തോന്നി..കൂടെയുള്ള പെൺകുട്ടികുറേ മുടിയൊക്കെയായി ശാലീന സുന്ദരിയായിരുന്നു..വേഷത്തിലും ആ ശാലീനത കാണാമായിരുന്നു..
വന്നപാടെ ആ പെൺകുട്ടി ആദിയുടെ അടുത്തേക്ക് ഓടിവന്നു..ആദിയേട്ടാ എത്ര നാളായി കണ്ടിട്ട്..അവൾആദിക്ക് നേരെ കൈനീട്ടി..ആദി കൈകൊടുത്തുകൊണ്ട് ആരതിയെ ഒന്ന് പാളിനോക്കി എന്നിട്ട് പെട്ടെന്ന്കൈവലിച്ചു…
ഇതാണോ ഏട്ടന്റെ ഫ്രണ്ട്‌സ്..സാന്ദ്ര ചോദിച്ചു..
അതേ..ആദി പറഞ്ഞു..
ഓൾ ആർ വെൽക്കം..ഏട്ടൻ പറഞ്ഞിരുന്നു വരുമെന്ന്..അവൾ പറഞ്ഞു..
പിന്നെ ഏട്ടാ ഈ ഷർട്ട്‌ അങ്ങ് മാറ്റിയേക്കൂ..ഞാനല്ലേ ഏട്ടന്റെ എല്ലാ ബർത്ത് ഡേ ക്കും ഡ്രസ്സ്‌ എടുക്കാറ് അതിന്ഈ വർഷവും മാറ്റം വേണ്ട..
ഇത് മാറ്റണോ മോളെ..ഭംഗിയുണ്ടല്ലോ..
എന്റേട്ടൻ എന്തിട്ടാലും സുന്ദരനല്ലേ..പക്ഷേ ഇത് മാറ്റണം ഞാൻ ഇത്ര പാട് പെട്ട് ഇന്ന് തന്നെ പോയതല്ലേ.. വേഗംപോയിക്കേ..അവൾ ആദിയെ കൈ കൊണ്ട് മെല്ലെ ഉന്തി..
