ആദ്യ ടേക്കിൽ തന്നെ ഒക്കേ ആയി..
പെരുമാൾ പത്മയുടെ അടുത്ത് വന്ന് അഭിനന്ദിച്ചു..
അയാൾ അന്ന് വൈകുന്നത് വരെ പലതവണ തന്നെ ശ്രദ്ധിക്കുന്നത് അവൾ കണ്ടു…
അന്ന് വൈകുന്നേരം എല്ലാവർക്കും നൂറു രൂപ കൊടുത്തപ്പോൾ പത്മക്ക് ഇരുന്നൂറ് കൊടുത്തു…
എന്നിട്ട് പറഞ്ഞു.. ഡയലോഗ് ഉള്ള സീനായതു കൊണ്ടാണ് ഇന്ന് പത്മക്ക് ഇരട്ടി ശമ്പളം.. ഇതിനു വേണ്ടി ഒരാളെ മദ്രാസിൽ നിന്നും കൊണ്ടുവന്നാൽ ഇതിന്റെ നാലിരട്ടി ചിലവാകും… പത്മ അത് നന്നായി ചെയ്യുകയും ചെയ്തു…
പത്മക്ക് തനിക്ക് കിട്ടിയതിലും ഇരട്ടി പൈസ കിട്ടിയതിൽ സുമതിക്ക് ഇത്തിരി അസൂയ തോന്നിയെങ്കിലും അവൾ അത് വെളിയിൽ കാണിച്ചില്ല..
പിറ്റേദിവസം ഷൂട്ടിങ് കഴിഞ്ഞ് അന്നത്തെ കൂലിയും വാങ്ങി പുറപ്പെടാൻ തുടങ്ങുമ്പോൾ പെരുമാൾ അടുത്ത് വന്ന് പത്മയോട് പറഞ്ഞു..
താൻ ഇവിടെ കിടന്നു കഷ്ടപ്പെടേണ്ട ആളല്ല.. മദ്രാസിൽ ആണെങ്കിൽ പത്മ ഇപ്പോൾ അറിയപ്പെടുന്ന ഒരു നടി ആയി മാറിയേനെ..
അതിനുള്ള ആകാരവും സൗന്ദര്യവും ഇയാൾക്കുണ്ട്.. മദ്രാസിലേക്ക് വരാൻ ഇഷ്ടമാണെങ്കിൽ തന്റെ അഡ്രസ്സ് പറഞ്ഞു തന്നാൽ അവസരം വരുമ്പോൾ ഞാൻ കത്തയക്കാം…
വേറെ ഒന്നും ഓർക്കാതെ പത്മ തന്റെ വീടിന്റെ അഡ്രസ്സ് അയാൾക്ക് പറഞ്ഞു കൊടുത്തു…
ആദ്യ ദിവസം തന്നെ പത്മയെ പെരുമാൾ നോട്ടമിട്ടിരുന്നു…
ശ്രീധരനോട് അയാൾക്ക് സംശയ മൊന്നും തോന്നാത്ത വിധത്തിൽ പത്മയുടെ വീട്ടു കാര്യങ്ങൾ ചോദിച്ചു മനസിലാക്കി…
സുന്ദരികളായ രണ്ടു പെണ്മക്കൾ കൂടി ഉണ്ടന്ന് അറിഞ്ഞതോടെ പത്മയെയും മക്കളെയും മദ്രാസിൽ എത്തിക്കാനുള്ള കരുക്കൾ അയാൾ നീക്കാൻ തുടങ്ങി…
പത്മയുടെ ദിവസങ്ങൾ സാധാരണ പോലെ പോയികൊണ്ടിരുന്നു..
ഒരു മാസം കഴിഞ്ഞപ്പോൾ പോസ്റ്റ് മാൻ വീട്ടിലേക്ക് കയറി വരുന്നത് അവൾ കണ്ടു…
പത്മേ നിനക്ക് ഒരു മണി ഓർഡറും ലെറ്ററും ഉണ്ട്..
മണി ഓർഡറോ എനിക്കോ..
സി കെ പത്മ കുമാരി കാവുങ്കൽ ഹൌസ് ഇതല്ലേ..
അതേ.. അത് ഞാൻ തന്നെ..
എന്നാൽ ഇതിലൊരു ഒപ്പിട്ടിട്ട് പണം വാങ്ങിക്കോ…
മണി ഓർഡർ ഫോമിൽ സൈൻ ചെയ്തപ്പോൾ അഞ്ചു നൂറു രൂപാ നോട്ടും ഒരു ഇൻലാൻഡ് ലെറ്ററും കൊടുത്തിട്ട് പോസ്റ്റ് മെൻ പോയി…
ആദ്യം രൂപ ചുരുട്ടി ബ്ലൗസ്സിനുള്ളിൽ വെച്ചിട്ട് വിറക്കുന്ന കൈകളോടെ ലെറ്റർ പൊട്ടിച്ച് വായിക്കാൻ തുടങ്ങി..
പ്രിയമുള്ള പത്മ കുമാരിക്ക്.. ഞാൻ പെരുമാൾ.. എന്നെ മറന്നു കാണില്ലന്ന് കരുതുന്നു.. ഞാൻ ഇപ്പോൾ ഈ കത്ത് അയക്കുന്നത് ഒരു പ്രധാന കാര്യം അറിയിക്കാനാണ്..
തനിക്ക് നല്ല അഭിനയ സിദ്ധിയുണ്ടന്ന് ഞാൻ അന്ന് പറഞ്ഞത് ഓർമ്മയുണ്ടോ.. ഇപ്പോൾ തന്റെ കഴിവുകൾ പ്രകടിപ്പിക്കാൻ ഒരു അവസരം വന്നു ചേർന്നിരിക്കുന്നു.. രണ്ടാഴ്ചക്കുള്ളിൽ ഷൂട്ടിങ് തുടങ്ങാൻ പോകുന്ന ഒരു സിനിമയിൽ സുപ്രധാന മായ ഒരു വേഷം തനിക്കുവേണ്ടി ഞാൻ പറഞ്ഞു വെച്ചിട്ടുണ്ട്..
മൂവായിരം രൂപ പ്രതിഫലം ലഭിക്കും.. മദ്രാസിലെ അരുണാചലം സ്റ്റുഡിയോയിൽ ആണ് ഷൂട്ടിങ്…
ഈ സിനിമ കഴിഞ്ഞാൽ വീണ്ടും തുടർച്ചയായി സിനിമകൾ കിട്ടും..
രക്ഷ പെടാൻ തനിക്ക് ദൈവം കാണിച്ചു തന്ന അവസരമാണ് ഇത്.. കുട്ടികളെ തനിച്ചാക്കി വരാൻ ബുദ്ധിമുട്ടാണെങ്കിൽ അവരെയും കൂട്ടിക്കോ.. ഇളയ മകളെ ഇവിടെ നല്ലൊരു കോളേജിൽ ചേർത്തു പഠിപ്പിക്കാം..താമസിക്കാൻ ചെറിയ വാടകക്ക് ഇവിടെ ധാരാളം വീടുകൾ ലഭിക്കും.. തന്റെ ഭർത്താവിന് താല്പര്യമാണ് എങ്കിൽ അയാളെയും കൂട്ടിക്കോ…
ഞാൻ നിര്ബന്ധിക്കില്ല.. കഴിവുള്ള ഒരു പെണ്ണ് ആ കുഗ്രാമത്തിൽ കിടന്ന് നശിച്ചു പോകണ്ടാന്നു കരുതി എന്നെയൊള്ളു..ഇതിനോടൊപ്പം അയച്ചിരിക്കുന്നു പണം നിങ്ങൾ വരുകയാണെങ്കിൽ യാത്ര ചിലവിനു ഉപയോഗിക്കാം.. വരുന്നില്ലെങ്കിൽ നിങ്ങളുടെ വീട്ടു ചിലവിനു ഉപയോഗിച്ചു കൊള്ളുക.. സ്നേഹപൂർവ്വം പെരുമാൾ…
Nb: വരുന്നുണ്ട് എങ്കിൽ ഈ കത്ത് കിട്ടിയാലുടനെ മറുപടി അയക്കുക..
പത്മ ലെറ്ററും കൈയിൽ പിടിച്ച് അമ്പരപ്പോടെ നിന്നു.. എന്നിട്ട് പെട്ടന്ന് ചുറ്റും നോക്കി.. ഭാഗ്യം പോസ്റ്റ്മെൻ വന്നത് ആരും കണ്ടിട്ടില്ല…