സന്ധ്യ അവളെ നോക്കി തലയാട്ടിയ ശേഷം മോനുമായി തങ്ങളുടെ മുറിയിലേക്ക് കയറി.
തന്റെ ബാഗ് ഉം എടുത്തു മുന്നോട്ടു നീങ്ങാൻ തുടങ്ങുന്ന നിഥിനെ അവൾ ബാഗ് താൻ എടുത്തോളാം എന്ന രീതിയിൽ ഒന്ന് പറഞ്ഞെങ്കിലും അത് കണ്ണ് ചിമ്മി നിരസിച്ചുകൊണ്ട് നിധിൻ അവളുടെ ബാഗുമായി താഴെ ഉള്ള മുറിയിലേക്ക് കയറി.
“അമ്മയുടെ മുറി അടുത്ത് തന്നെയാ…രാത്രി എന്തേലും ആവശ്യം ഉണ്ടേൽ വിളിച്ചോട്ടോ മടിയൊന്നും വിചാരിക്കേണ്ട…അല്ലെങ്കിൽ മുകളിൽ ഞങ്ങളുടെ മുറിയുണ്ട്…”
നടക്കും വഴി നിധിൻ പറഞ്ഞു.
അവനു പിറകെ അനഖയും നടന്നു.
ഒരു മുറിയുടെ ഡോർ തുറന്നു അവളുടെ ബാഗ് അകത്തേക്ക് വച്ച് നിധിൻ തിരിഞ്ഞു.
എഡ് ഷീറന്റെയും സയിൻ മാലിക്കിന്റെയും വെട്ടിയെടുത്ത ഫോട്ടോകൾ ഭിത്തിയിൽ ഒട്ടിച്ചും ചിത്രശലഭങ്ങളുടെയും പൂക്കളുടെയും ചിത്രങ്ങളും ഭിത്തിയിൽ നിറക്കൂട്ടിൽ ചാലിച്ച് പടർത്തിയിരിക്കുന്നതവൾ കൗതുകത്തോടെ നോക്കി നിന്നു.
“സന്ധ്യ പറഞ്ഞു കാണുമല്ലോ എനിക്ക് ഒരനിയത്തിയുണ്ട്…
ആളുടെ റൂമാ… പേടിക്കണ്ട ഈ കാട്ടിക്കൂട്ടലൊക്കെ ഉള്ളൂ ആള് പാവാ…
അനഖയുടെ കാര്യങ്ങളൊക്കെ സന്ധ്യ പറഞ്ഞു, വിഷമിക്കണ്ടാട്ടോ…നമ്മുക്ക് എല്ലാം ശെരിയാക്കാം….
താനിപ്പോൾ ഒന്ന് ഫ്രഷ് ആയി വാ അത്താഴം കഴിക്കണ്ടേ.. …..”
അവളെ നോക്കി ചിരിയോടെ പറഞ്ഞു നിധിൻ റൂം വിട്ടു പുറത്തേക്കിറങ്ങി.
“ആഹ് അതെ…ഡ്രസ്സ് ഇനി ഏതേലും വേണോങ്കിൽ ആഹ് ഷെൽഫിൽ നിത്യേടെ ഡ്രസ്സ് കാണും തനിക്ക് ചേരുവാണേൽ എടുത്തിട്ടോളൂ…”
പറഞ്ഞ ശേഷം നിധിൻ പുറത്തേക്ക് നടന്നു.
വാതിൽ ചാരിയ അനഘ മുറിയിലാകെ ഒന്ന് കണ്ണോടിച്ചു.
ഭിത്തിയിൽ ഒരു സുന്ദരിയുടെ ഫോട്ടോ തൂക്കിയിരുന്നു.
കുസൃതി നിറഞ്ഞ മുഖമുള്ള ഒരു പെണ്ണിന്റെ.
അതാവും നിത്യയെന്നു അവൾ ഊഹിച്ചു.
ബാഗ് തുറന്നു മാറാനുള്ള ഡ്രെസ്സും തോർത്തും എടുത്തു അവൾ ബാത്റൂമിൽ കയറി.
********************************
“മോനെന്ത്യെഡോ….”
റൂമിൽ എത്തിയ നിധിൻ തനിച്ചു നിൽക്കുന്ന സന്ധ്യയെ നോക്കി ചോദിച്ചു.
“താഴെ അമ്മയുടെ അടുത്തേക്ക് പോയിട്ടുണ്ട്…”
ടോപ് ഊരുന്നത് കണ്ട നിധിൻ വാതിൽ ചാരി അവളുടെ അടുത്തേക്ക് വന്നു.
തലയിൽ ഒന്ന് കുടുങ്ങിയ ചുരിദാറിനെ ഊരിയെടുക്കാൻ അവളെ സഹായിച്ച നിഥിന്റെ ചുണ്ടിൽ ചുംബിച്ചുകൊണ്ട് സന്ധ്യ കെട്ടിപ്പുണർന്നു.
നഗ്നമായ ഇടുപ്പിൽ കൈയ്യുരച്ചുകൊണ്ട് നിധിൻ അവളെ നെഞ്ചിലേക്ക് ചേർത്തു.
“കള്ളന് കൊതിയുണ്ടെന്നറിയാം….രാത്രി ഞാൻ തീർത്തു തരാട്ടോ…”
അവന്റെ നെഞ്ചിലൂടെ ചുണ്ടുരച്ചുകൊണ്ട് സന്ധ്യ കുറുകി.
“എന്റെ മോളിപ്പോൾ കുളിക്ക്…എന്നിട്ടു വല്ലോം കഴിക്ക്….എന്നിട്ടു കൊഞ്ചാം…”
സന്ധ്യയുടെ തോളിൽ കൈ വച്ച് ഉന്തി അവളെ ബാത്റൂമിലേക്ക് ആക്കിക്കൊണ്ട് നിധിൻ ചിരിയോടെ പറഞ്ഞു.
ചിണുങ്ങികൊണ്ട് സന്ധ്യ അകത്തു കയറിയപ്പോൾ അവൾക്ക് മാറാനുള്ള ഡ്രസ്സ് എടുത്തു വെച്ച് നിധിൻ താഴേക്ക് നടന്നു.
********************************
ഡൈനിങ്ങ് ടേബിളിലേക്ക് ഓരോ പാത്രങ്ങൾ നിധിനും അമ്മയും നിരത്തുമ്പോഴാണ് അനഘ വന്നത് ഒരു നൈറ്റ് പാന്റും നീളം കൂടിയ ബനിയനും ധരിച്ചു ഈറൻ മുടി വിടർത്തിയിട്ട് അവിടേക്ക് വന്ന അനഖ അവരുടെ ഒപ്പം കൂടി.
സോഫയിൽ ഫോണിൽ കളിക്കുന്ന അമ്പാടി അവളെ നോക്കി ഒരു കുഞ്ഞു ചിരി ചിരിച്ചു വീണ്ടും തല ഫോണിലേക്ക് പൂഴ്ത്തി.
“ആഹാ നീ പണി തുടങ്ങിയോ…”
മുടിപൊതിഞ്ഞു ഉയർത്തി കെട്ടിയിരുന്ന ടവ്വൽ ഇളക്കി തോർത്തിക്കൊണ്ട് സന്ധ്യ മുകളിൽ നിന്നിറങ്ങുമ്പോൾ താഴെ ഓരോന്നും എടുത്തു വെക്കുന്ന അനഖയെ കണ്ട് സന്ധ്യ ചിരിച്ചു.
മറുപടി അനഖയും ഒരു ചിരിയിൽ ഒതുക്കി.
അമ്പാടിയുടെ കയ്യിൽ നിന്നും ഫോൺ വാങ്ങി മാറ്റിവെച്ചു സന്ധ്യ അവന്റെ പ്ലേറ്റ് എടുത്തു വിളമ്പി അവനെ ഊട്ടാൻ തുടങ്ങി.
ഫോൺ മാറ്റിയതിന്റെ ദേഷ്യം ആദ്യം കാണിച്ചെങ്കിലും സന്ധ്യയുടെ കൊഞ്ചിക്കലിലും സ്നേഹത്തിലും അടങ്ങിയ അമ്പാടി അതോടെ നേരെ ഇരുന്നു ചോറുണ്ട് തുടങ്ങി.
“ഇരിക്ക് മോളെ…”
അമ്മയുടെയും മകന്റെയും ചിരിയും കളിയും നോക്കി നിന്ന അനഖ അമ്മയുടെ വിളി കേട്ടാണ് തിരിഞ്ഞത്.