ഞാൻ പെട്ടെന്ന് അവളെ നോക്കി ചിരിച്ചു കാണിച്ചു,
പെട്ടെന്നെന്തോ അബദ്ധം പറ്റിയപോലെ അവളുടെ മുഖം വലിഞ്ഞു,
എനിയ്ക്കും തിരിച്ചു ഒരു ചിരി നൽകിയെന്ന് വരുത്തി അവൾ മുഖം മാറ്റി.!
പിന്നെയും അവൾ ഇടയ്ക്കിടയ്ക്ക് എന്നെ നോക്കുന്നുണ്ടെന്നു എനിയ്ക്കു മനസിലായി.!
ഈ പെണ്ണിനിതെന്തു പറ്റി.?
ഇത്രനേരം നല്ല ചുറുചുറുക്കും ചങ്കൂറ്റവും ആയിരുന്നല്ലോ,
ഇപ്പൊ പെട്ടെന്ന് എവിടുന്ന് ഇങ്ങനെ നാണം വന്നു.?
ഞാൻ നോക്കുമ്പോൾ അവൾ പെട്ടെന്ന് നോട്ടം മാറ്റാൻ ശ്രെമിക്കുന്നുണ്ടെന്നു എനിയ്ക്കു മനസിലായി,!
ഈ പെണ്ണുങ്ങൾ ഇങ്ങനെ ഇത്ര പെട്ടെന്ന് മാറുന്നെതെങ്ങനെ ആണോ എന്റെ ദൈവമേ,!
ഭക്ഷണമെല്ലാം കഴിഞ്ഞു കുറച്ചുനേരം സൊറ പറഞ്ഞു എല്ലാവരും പിരിഞ്ഞു,
ഞാൻ അപ്പോഴും എന്നെ ഇടയ്ക്കിടയ്ക്ക് നോക്കുന്ന ചിന്നുവിനെ ശ്രെദ്ധിച്ചിരുന്നു,
ഈ പെണ്ണിന്റെ മനസ്സിൽ എന്താണെന്നു ഒരു പിടിയും കിട്ടുന്നില്ലാലോ ദൈവമേ,
ഞാൻ വേഗം റൂമിലേയ്ക്ക് കയറി ,
വെറുതെ കട്ടിലിൽ ഓരോന്ന് ആലോചിച്ചു ഇരുന്നു
ഇനി ഈ വിപിയുടെയും ആൽബിയുടെയും പ്ലാൻ എന്താണാവോ.?
കുറച്ചു നേരം കഴിഞ്ഞപ്പോഴേക്കും,
വീണ റൂമിലേയ്ക്ക് വന്നു,
ഞാൻ അപ്പോഴാണ് എന്റെ വീടല്ലാലോ ഇതെന്ന് ഓർത്തത് തന്നെ ,
എന്റെ റൂമിൽ അവൾ കട്ടിലിലും ഞാൻ ദിവാൻ കോട്ടിലുമാണ് കിടപ്പൊക്കെ,
പക്ഷെ ഞാൻ റൂം മൊത്തം നോക്കി,
ഈ കിടക്കുന്ന വലിയ കിംഗ് സൈസ് ബെഡ് അല്ലാതെ വേറൊന്നുമില്ല ഇവിടെ.,
വന്ന പാടെ അവൾ വന്നു ബെഡിന്റെ ഇടതുവശം കയ്യടക്കി,.
ഞാൻ അവളെ ഒരു ചോദ്യഭാവത്തിൽ നോക്കി
എന്ത് പറ്റി.? എന്താ അങ്ങനെ നോക്കുന്നെ.?
അല്ല എന്റെ റൂമിലായിരുന്നേൽ ഞാനിപ്പോ ദിവാൻ കോട്ടിലേയ്ക്ക് മാറി കിടന്നേനെ,
പക്ഷെ ഇവിടെ അതൊന്നുമില്ലാലോ,
ഞാനപ്പോ എവിടെയാ കിടക്കണേ.?
ഞാൻ അവളുടെ മുഖത്തേയ്ക്കു നോക്കാതെ പറഞ്ഞു
വേറെ എവിടെയും കിടക്കേണ്ട,
നമ്മുക്ക് രണ്ടാൾക്കും ആവശ്യത്തിന് കൂടുതൽ സ്ഥലം ഈ കട്ടിലിൽ തന്നെ ഉണ്ടല്ലോ,.
അല്ലെങ്കിൽ തന്നെ മനു എന്തിനാ മാറി കിടക്കുന്നെ,
എന്റെ കൂടെയല്ലേ കിടക്കേണ്ടത്.?
അവൾ പറയുന്നത് കേട്ട് വിശ്വസിക്കാൻ പറ്റാതെ ഞാൻ അവളെ നോക്കി,
അവൾ അപ്പോഴും എന്റെ മുഖത്തേയ്ക്കു തന്നെ ഉറ്റു നോക്കികൊണ്ടിരിക്കായിരുന്നു.!
എന്റെ നെഞ്ചിലെ എവിടെയെല്ലാമോ നനവ് പടരുന്നതായി ഞാൻ ഞെട്ടലോടെ തിരിച്ചറിഞ്ഞു,
ഇവൾ ശെരിക്കും മാറിയോ.?
എന്നോട് ഇപ്പോൾ ഇവൾ ഒരു രീതിയിലുമുള്ള എതിർപ്പുകൾ കാണിക്കുന്നില്ല,,..
എന്റെ മസസ്സിൽ പറഞ്ഞറിയിക്കാൻ പറ്റാത്ത ഒരു സുഖം വരുന്നു
ഞാൻ കേറി ആ ബെഡിന്റെ വലതു വശത്തു കിടന്നു,
അപ്പോഴും വീണ എന്നെ തന്നെ മിഴിവെട്ടാതെ നോക്കിയിരിക്കായിരുന്നു.!
മനു
അവളെന്നെ ആർദ്രമായി വിളിച്ചു
ഏഹ്മ്.. ഞാൻ അറിയാതെ വിളികേട്ടുപോയി
ഞാൻ ഒരു കാര്യം പറഞ്ഞാൽ എന്നോട് ദേഷ്യം തോന്നുമോ.?
വീണ ആമുഖമിട്ടുകൊണ്ടു എന്തോ പറയാനായി ഭാവിച്ചു
ഞാനോ ദേഷ്യപ്പെടാനോ എന്തിനു.. നീ കാര്യം പറ..!
ഞാൻ അക്ഷമനായി അവളെ നോക്കി
ഇത് അങ്ങനെത്തെ ഒരു കാര്യമാ അതാണ്,,.
അവൾ എന്തോ പറയാൻ പാടുപെടുന്ന പോലെ എനിയ്ക്കു തോന്നി
വെറുതെ വലിച്ചു നീട്ടാതെ കാര്യം പറ വീണേ..!
ഞാൻ ബെഡിന്റെ തലയിലേയ്ക്ക് ചാരിയിരുന്നു അവളെ നോക്കി
അത് പിന്നെ വിനു അഭിരാമി ചേച്ചിയെ വിളിച്ചിരുന്നു,.
അവനെന്തിനാ ചേച്ചിയെ വിളിച്ചേ..?
ഞാൻ പിന്നെയും ഒന്നുകൂടി നേരെ ഇരുന്നു അവളെ നോക്കി
എന്നിലൂടെ അവൻ ഇവിടെയുള്ള എല്ലാരുമായി പരിചയം ആയിരുന്നു,
അതിൽ ഏറ്റവും കൂടുതൽ കമ്പനി ചേച്ചിയുമായി ആയിട്ടാണ്,.
അവൾ അത്രയും പറഞ്ഞു പിന്നെയും എന്നെ നോക്കി
ഏഹ്മ് എന്നട്ട്..?
അല്ല അവൻ ചേച്ചിയോട് എന്തെക്കൊയോ പറഞ്ഞു തെറ്റിദ്ധരിപ്പിച്ചേക്കാണ്,
ഞാനിപ്പോൾ അവന്റെ നമ്പർ ബ്ലോക്ക് ചെയ്തേക്കാണ്,
അതാണെന്ന് തോന്നുന്നു ചേച്ചിയെ വിളിച്ചേ,
ചേച്ചിയാണേൽ അവനോട് ഒരു സോഫ്റ്റ് കോർണർ ഉള്ളപോലെയാണ് സംസാരിച്ചത്,
അവൻ ഇപ്പൊ പറയാണ് മറ്റെന്നാൾ എന്നെയൊന്നു കാണാൻ പറ്റുമോ എന്ന്, ഞാൻ എന്താണ് ചെയ്യണ്ടത്.?