എടി മണ്ടൂസേ, നിന്റെ ഏഴയലത്ത് വരത്തില്ല അവൾ, അല്ലേൽ തന്നെ നീ ഉള്ളപ്പോ എനിക്ക് എന്തിനാ വേറെ ഒരു പെണ്ണ്.
അത് കേട്ടപ്പോൾ അവളുടെ മുഖം തെളിഞ്ഞു.
നിനക്ക് എന്ത് വേണേലും ഞാൻ ചെയ്ത് തരും കേട്ടോ, എന്നോട് പറഞ്ഞാ മതി, ഒരു മടിയും വിചാരിക്കേണ്ട, നിന്റെ സ്വന്തമാ.
ഞാൻ അവളെ അമർത്തി ചുംബിച്ചു.
പിന്നെ, നിനക്ക് എന്തൊക്കെയാ ഇഷ്ട്ടം എന്ന് പറ, ഞാൻ എന്തൊക്കെയാ നിനക്ക് ചെയ്ത് തരണ്ടേ?
എനിക്ക് നീ എന്ത് ചെയ്താലും ഇഷ്ടമാ, നീ സുഖിച്ച് പുളയുന്നത് കാണാൻ ഭയങ്കര ഇഷ്ടമാ.
എന്നാലും നിനക്ക് ഏറ്റവും ഇഷ്ടമുള്ള കാര്യം പറ നിമ്മി.
അങ്ങനെ ചോദിച്ചാ എനിക്ക് പറയാൻ അറിയതില്ല, ഓരോ നേരത്ത് ഒരോ മൂടാ, നീ ടെൻഷൻ അടിക്കേണ്ട ഞാൻ എനിക്ക് വേണ്ടത് ഒക്കെ ചോദിച്ച് മേടിച്ചോളാം.
ചോദിച്ചാ മതി എന്തും തരാൻ ഞാൻ ഇവിടെ റെഡിയാ.
എനിക്ക് നിന്നോട് ഇങ്ങനെ കൊഞ്ചി, നിന്നെ തോണ്ടി, ചിരിച്ച് കളിച്ച് ഇരിക്കാൻ ഭയങ്കര ഇഷ്ടമാ.
ഇരുന്നോ, എത്ര നേരം വേണേൽ ഇരുന്നോ.
എൻ്റെ ജീവിതകാലം മൊത്തം ഇരിക്കണമെന്നാഡാ ആഗ്രഹം.
ഞാൻ അവളെ മുറുക്കെ കെട്ടിപ്പിടിച്ചു, അവൾ എൻ്റെ നെഞ്ചിൽ അവളുടെ മുഖം പൂഴ്ത്തി. ഞാൻ അവളുടെ ഉച്ചിയിൽ പതിയെ തലോടി.
ഞങ്ങൾ അങ്ങനെ തന്നേ കിടന്ന് ഉറങ്ങിപ്പോയി, മുറിയിലെ ലൈറ്റ് പോലും അണച്ചില്ല.
രാവിലെ വരെ നല്ല സുഖമായി ഉറങ്ങി, നേരം വെളുത്തത് അറിഞ്ഞുപോലുമില്ല, ഞാൻ സമയം നോക്കി ഞെട്ടി എഴുന്നേറ്റു.
ഞാൻ അവളെ കുലുക്കി വിളിച്ചു.
നിമ്മി… എണീക്ക് സമയം ഒത്തിരിയായി.
അവൾ കണ്ണ് തുറന്ന് എന്നെ നോക്കി ചിരിച്ചു, ഞാൻ അവളെ ഫോണിൽ സമയം കാണിച്ചു.
അയ്യോ, ഇത്രേം സമയമായോ? അവൾ ചാടി എണീറ്റു.
ഞങ്ങൾ രണ്ടും ധൃതി പിടിച്ച് ഫ്രെഷായി, ഇന്ന് ഒരുമിച്ചാണ് ഷിഫ്റ്റ്.
പെട്ടെന്ന് റെഡിയായത് കൊണ്ട് ധൃതിയിൽ ഓടേണ്ടി വന്നില്ല.
ഞങ്ങൾക്ക് അങ്ങനെ ഒരേ ഷിഫ്റ്റ് വരുന്ന പതിവില്ല, അതുകൊണ്ട് ഇന്ന് ഒരുമിച്ച് ഇറങ്ങാനും, തിരിച് വരാനും പറ്റും.
ഞങ്ങൾ വീട് പൂട്ടി ഇറങ്ങി, അവൾ എന്നോട് ചേർന്ന് നടന്നു. ഞാൻ അവളെ നോക്കി, അവളുടെ മുഖത്ത് ഭയങ്കര സന്തോഷം.
ജോകുട്ടാ എനിക്ക് നിന്റെ കൈ പിടിച്ച് നടക്കണം എന്നൊക്കെയുണ്ട്, പക്ഷെ ഇവിടെ നമ്മളെ അറിയാവുന്നവർ ഉള്ളതല്ലേ, ആരേലും കണ്ടാൽ ശെരിയാകില്ല അതാ.
സാരമില്ലടി, നമ്മക്ക് നമ്മളെ ആരും അറിയാത്ത സ്ഥലത്ത് പോയി കൈ പിടിച്ച് ഒക്കെ നടക്കാം.
ഞാൻ അത് പറയാൻ ഇരിക്കുവാരുന്നു, നമ്മുക്ക് എവിടേലും ഒന്ന് കറങ്ങാൻ പോവാം?
അ പോവാല്ലോ. പക്ഷെ, ഞാൻ ഉദേശിച്ചേ ഇവിടുന്ന് തന്നെ മാറിയാലോ എന്നാ.
അത് കൊള്ളാം നല്ല ഐഡിയയാ, പക്ഷെ ഇത് നല്ല സ്ഥലം ആരുന്നു.
അല്ല ഞാൻ ചോദിക്കട്ടെ, വേറെ എവിടേലും ചെന്നാൽ ഞാൻ നിന്റെ ആരാ എന്ന് പറയും?
എന്റെ പെണ്ണുംപിള്ള ആന്നെന്നു പറയും, എന്താ? എന്തേലും ബുദ്ധിമുട്ട് ഉണ്ടോ?
ഏയ് ഒരു ബുദ്ധിമുട്ടും ഇല്ല.
അവൾ കുറച്ച് നാണത്തോടെ പറഞ്ഞു.
അപ്പൊ ഈ വീക്കെൻഡ് വെള്ളമടി ഒന്നും വേണ്ട, കറക്കം മതി. നീ ഒരു സ്ഥലം കണ്ട് പിടിക്ക് കേട്ടോ ഞാൻ പറഞ്ഞു.
സ്ഥലം ഞാൻ നോക്കാം,
പക്ഷെ…
ജോമോനെ, നമ്മുക്ക് ഇനി വെള്ളമടി ഒന്നും വേണ്ട, അതങ്ങ് നിർത്താം.
എന്നാ പറ്റിയെടി?
നമ്മടെ ആരോഗ്യം കൂടെ ശ്രദ്ധിക്കണം, വെള്ളമടിച്ച് വല്ല അസുകോം പിടിച്ചാലോ. എനിക്ക് കുറെ നാൾ നിന്റെ കൂടെ ജീവിക്കണമെടാ.
ഞാൻ അവൾടെ മുഖത്ത് നോക്കി ചെറുതായി ചിരിച്ചു.
എന്നാടാ ചിരിക്കുന്നെ?
ചുമ്മാ ചിരിച്ചാ, ഇവിടെ ആരും ഇല്ലാരുന്നേൽ പിടിച്ച് ഒരു ഉമ്മ തന്നേനേം ഞാൻ.
അവളുടെ മുഖം ചുവന്ന് തുടുത്തു.
ബോൾഡായിരുന്ന അവളുടെ ഇപ്പോളത്തെ മാറ്റം എന്നെ അതിശയിപ്പിച്ചു, എനിക്കും വന്ന മാറ്റങ്ങളെ
പറ്റി ഞാൻ ചിന്തിച്ചു.
ഞാൻ അവളെ നോക്കി, അവൾ ഏതോ സ്വപ്ന ലോകത്ത് മുഴുകി നടക്കുവാണെന്നു എനിക്ക് അവളുടെ മുഖം കണ്ടപ്പോ തോന്നി, പക്ഷെ അവളുടെ മുഖത്ത് നല്ല സന്തോഷവും പ്രസരിപ്പും.
ഓരോന്ന് ഓർത്ത് നടന്ന് ജോലിക്ക് എത്തിയത് അറിഞ്ഞില്ല.
നിമ്മി എന്റെ ബാഗും വാങ്ങി ചേഞ്ചിങ് റൂമിൽ കൊണ്ട് വെച്ചു, നല്ല തിരക്ക് ഉള്ളത് കാരണം ഞാൻ ഉടനെ തന്നെ ജോലിക്ക് കേറി.
ഇടക്ക് ഞാൻ അവളെ ശ്രെദ്ധിക്കുന്നുണ്ടാരുന്നു അവൾ ഇപ്പോളും ബോൾഡ് തന്നെയാ, എന്റെ അടുത്ത് ഉള്ള പെരുമാറ്റം മാത്രമേ മാറിയിട്ടുള്ളു.