ഞങ്ങൾ ഒരുമിച്ചിരുന്ന് കഴിച്ചിട്ട് ട്രിപ്പ് പ്ലാൻ ചെയ്യാൻ തുടങ്ങി.
എൻ്റെ മനസ്സിൽ ഒരുപാട് സ്വപ്നങ്ങൾ തെളിഞ്ഞു, അവളെ എൻ്റെ പെണ്ണായി കൊണ്ട് നടക്കാൻ എനിക്ക് കൊതിയായി.
ഉടനെ ഫോൺ ശബ്ദിച്ചു, ഒരു ഇമെയിൽ വന്നതാണ്. ഞാൻ അത് തുറന്നു.
അത് വായിചിട്ട് എൻ്റെ നെഞ്ചിൽ കനൽ വിതറിയ പോലെ തോന്നി
ഞാൻ കുറെ മുൻപ് ജോലിക്ക് അപ്പ്ലൈ ചെയ്ത കമ്പനിയിൽ നിന്നാണ്, ഇന്റർവ്യൂ ലെറ്റർ ആണ്. എന്റെ മുഖം മാറിയത് കണ്ട് നിമ്മി എന്നെ നോക്കി.
എന്നാടാ, എന്നാ പറ്റി?
ഒരു മെയിൽ വന്നെടി ഞാൻ നേരത്തെ ജോലിക്ക് അപ്പ്ലൈ ചെയ്ത കമ്പനിയിൽ നിന്നാ.
ആഹാ, അതിനെന്നാ? നല്ല കാര്യം അല്ലെ
ഈ സാറ്റർഡേയാ അവർ ഡേറ്റ് തന്നേക്കുന്നെ.
നീ പോയി നോക്ക് ജോകുട്ടാ, നമ്മുക്ക് കറക്കം വേറെ ഒരു ദിവസത്തേക്ക് മാറ്റി വെക്കാം.
ഞാൻ ഒന്ന് ആലോചിക്കട്ടെ.
അവൾ കൈ നീട്ടി, ഞാൻ ഫോൺ അവൾക്ക് കൊടുത്തു, അവൾ അത് വാങ്ങി വായിച്ച് നോക്കി.
എടാ, ഈ കമ്പനിയോ! ഇവിടെ ഇന്റർവ്യു കിട്ടിയിട്ട് പോവാതെ ഇരുന്നാൽ ശെരിയാവത്തില്ല. കറക്കം ഒക്കെ പിന്നെ.
ഡി നമ്മൾ ആഗ്രഹിച്ച് പ്ലാൻ ചെയ്തതല്ലേ.
നീ അതിന് മുമ്പേ ആഗ്രഹിച്ച് പഠിച്ചതല്ലേ ജോലിക്ക് വേണ്ടി, എന്നും പാർട്ടൈം പണി ചെയ്ത് നടന്നാ മതിയോ?
ശെരി നീ ചൂടാവണ്ട ഞാൻ പൊക്കോളാം.
അല്ലേ… ചൂടായെന്നോ? ഞാൻ ഒള്ള കാര്യമാ പറഞ്ഞേ.
വെല്യ ഔദാര്യം പോലെയാ പറയുന്നേ ‘ഞാൻ പൊക്കൊണാം’ പോലും.
ചുമ്മാ അവിടെ പോയി തല കാണിച്ചാൽ ജോലി തരാൻ നിന്റെ അമ്മായിയപ്പൻ ആന്നോ അവിടെ ഇരിക്കുന്നെ.
മര്യാദക്ക് പഠിച്ചത് ഒക്കെ റിവൈസ് ചെയ്ത്, ഇന്റർവ്നും പ്രിപേർ ചെയ്തിട്ട് പോയാ മതി.
ആ ശെരി തമ്പുരാട്ടീ.
എനിക്ക് അവളുടെ ദേഷ്യം കാണാൻ ഭയങ്കര ഇഷ്ട്ടമാ.
പക്ഷെ എന്റെ ഉള്ളിലെ പേടി, ജോലി കിട്ടിയാൽ ഞാൻ അവളെ പിരിഞ്ഞ് പോകേണ്ടി വരുമോ എന്നാണ്.
എന്റെ മനസ്സ് വായിച്ചത് പോലെ അവൾ പറഞ്ഞു.
ജോമോനെ, നിനക്ക് എന്നെ വേണമെങ്കിൽ. ലോകത്തിന്റെ ഏത് കോണിൽ ഇരുന്ന് നീ വിളിച്ചാലും ഞാൻ അവിടെ വരും.
ഞാൻ അവളെ പിടിച്ച് വലിച്ചടുപ്പിച്ച്, കെട്ടിപിടിച്ച് മുഖത്ത് നിറയെ ഉമ്മ വെച്ചു. I Love you എൻ്റെ പെണ്ണേ.
I Love you കുട്ടാ.
ഡാ, നമ്മുക്ക് ഇവിടെ ഇങ്ങനെ കഴിഞ്ഞാൽ മതിയോ? നന്നായി ജീവിക്കണ്ടേ?
നിൻ്റെ കൂടെ എവിടെ ജീവിച്ചാലും സ്വർഗമാടി.
പോടാ, നി ഇത് കുറച്ച് സീരിയസ് ആയി എടുക്ക് എൻ്റെ ജോമോനെ.
ആ ഡി, ഞാൻ പഠിച്ചിട്ട് പൊക്കോളം.
അവൾ എന്നെ മുറുക്കെ കെട്ടിപിടിച്ചു.
പിന്നെ അങ്ങോട്ട് രണ്ട് ദിവസം ഞങ്ങൾ ലീവ് പറഞ്ഞ്. ഞാൻ പഠിക്കാനും അവൾ എന്നെ ഇന്റർവ്യൂവിന് പ്രിപേർ ചെയ്യാനും തുടങ്ങി.
നിമ്മി പഠിത്തത്തിൽ പുറകോട്ട് ആന്നെലും, ആൾകാരോട് സംസാരിക്കാനും അവരെ മനസ്സിലാക്കി ഇടപെഴുകാനും അവൾക് നല്ല പോലെ അറിയാം.
അവൾ എന്നെ ഇരുത്തി മോക്ക് ഇന്റർവ്യു എടുത്തു. എവിടെ എപ്പോ ഏത് ടോണിൽ സംസാരിക്കണം എന്ന് അവൾ എന്നെ പഠിപ്പിക്കാൻ നോക്കി. പക്ഷേ എനിക്ക് അവളെ നോക്കി ഇരിക്കാനും അവളുടെ വർത്തമാനം കേൾക്കാനുമാണ് താൽപര്യം.
പഠിച്ച് ഷീണിച്ച് അവളെ കളിച്ച് കിടന്നുറങ്ങാൻ ഒരു പ്രേത്യേക സുഖമായിരുന്നു.
ഇന്റർവ്യു നല്ല ദൂരെയാണ്, തലേ ദിവസം പോയി അവിടെ തങ്ങിയാലെ സമയത്ത് എത്താൻ പറ്റു. നിമ്മി എനിക്ക് വേണ്ടിയത് ഒക്കെ പാക്ക് ചെയ്ത് തന്നു, എനിക്ക് അപ്പോതൊട്ട് നല്ല വിഷമമായി തുടങ്ങി.
ജോമോനെ ഞാൻ നാളെ ജോലിക്ക് കെറുവാ കേട്ടോ, വെറുതെ ഇവിടെ ഇരുന്നാ ബോർ അടിക്കും.
ആ ശെരി ഡി.
നീ ഇങ്ങനെ മൂങ്ങയെ പോലെ ഇരിക്കാതെ, എനിക്കും വിഷമമാ നിന്നെ ഇങ്ങനെ കാണുമ്പോ.
ഞാൻ ചിരിച്ചിട്ട് അവളെ കെട്ടിപിടിച്ചു.
അവൾ എൻ്റെ മുഖം ഉമ്മ കൊണ്ട് പൊതിഞ്ഞു.
പക്ഷേ അവളുടെ കണ്ണ് നനഞ്ഞിരുന്നു.
അന്ന് ഉറങ്ങുമ്പോൾ, അവൾ ഏങ്ങലടിക്കുന്നത് ഞാൻ സ്വപ്നത്തിലോ, ഉറക്കത്തിലോ കേട്ടു.
രാവിലെ ഞാൻ റെഡിയായി ഇറങ്ങി, നിമ്മി എനിക്ക് ഒരുമ്മ തന്ന് ടാക്സിയിൽ കയറ്റി, കൺമറയുന്നത് വരെ കൈ വീശി കാണിച്ചവൾ. എൻ്റെ കണ്ണ് നിറഞ്ഞൊഴുകി.