താമസിക്കുന്നിടത്ത് എത്തിയിട്ട്, ഒറ്റക്കിരുന്ന് ഞാൻ
കുറെ നേരം കരഞ്ഞു. ഇത് വരെ ജീവിതത്തിൽ അനുഭവിച്ചിട്ടില്ലാത്ത ഒരു വിഷമം.
നിമ്മി ഫോൺ വിളിച്ച് കുറെ നേരം സംസാരിച്ചു, വീണ്ടും കുറെ പഠിപ്പിക്കാൻ നോക്കിയിട്ട് ഞങ്ങൾ ഫോൺ വിളിച്ച് കൊണ്ട് തന്നെ ഉറങ്ങി.
രാവിലെ ഞാൻ ഇൻ്റർവ്യൂ നടക്കുന്നിടത്തേക്ക് നടന്നാണ് പോയത്, ഞാൻ താമസിക്കുനിടത്ത് നിന്ന് വലിയ ദൂരം ഇല്ലായിരുന്നു.
അവിടെ എത്തിയപ്പോൾ അധികം ആൾക്കാർ ഇല്ല, ഓരോരുത്തർ കേറി പെട്ടെന്ന് തന്നെ ഇറങ്ങി പോകുന്നു. എന്റെയൂഴം ആയി. ഞാൻ കേറി ചെന്നു, കുറച്ച് ചോദ്യങ്ങൾ ഒക്കെ ചോദിച്ചു, ഞാൻ മറുപടി പറഞ്ഞു, ഒരുപാട് യാത്ര ചെയ്യേണ്ടി വരും എന്ന് പറഞ്ഞു. ഞാൻ അധികം താല്പര്യം ഇല്ലാതെയാണ് സംസാരിച്ചത്. പക്ഷെ കുറെ നേരം അവിടെ ഇരുന്ന് സംസാരിച്ച പോലെ എനിക്ക് തോന്നി.
ഞാൻ അവിടുന്ന് ഇറങ്ങി താമസിക്കുന്നിടത്ത് ചെന്ന് എല്ലാം വേഗം പാക്ക് ചെയ്ത് ഇറങ്ങി.
നിമ്മി വിളിച്ച് ചോദിച്ചു എങ്ങനെ ഉണ്ടായിരുന്നു ഇന്റർവ്യു എന്ന്.
ഞാൻ പറഞ്ഞു എനിക്ക് അറിയില്ല, അവർ എന്തായാലും അറിയിക്കും എന്ന്.
തിരിച്ച് വരുമ്പോൾ മുഴുവൻ, അഥവാ ജോലി കിട്ടിയാൽ അവളെ പിരിഞ്ഞിരിക്കേണ്ടി വരുമോ എന്ന പേടിയും വിഷമവുമായിരുന്നു
ഞാൻ വീട്ടിൽ എത്തിയപ്പോ പാതിരാത്രിയായി.
ഡോറിന്റെ അടുത്ത് എത്തിയപ്പോ തന്നെ നിമ്മി വാതിൽ തുറന്നു.
അവൾ എന്റെ കയ്യിൽ നിന്ന് എല്ലാം മേടിച്ച് അകത്ത് വെച്ചു.
ഞാൻ വാതിൽ അടച്ചു.
അവൾ എന്നെ കൈ നീട്ടി വിളിച്ചു, ഞാൻ അവളുടെ കയ്യിലേക്ക് വീണ്, അവളുടെ മുലയിൽ എന്റെ തല ചാരി കെട്ടിപ്പിച്ചു.
ഷീണിച്ച് പോയോടാ ചക്കരെ…
അവൾ ചോദിച്ചു.
എന്റെ മനസ്സ് നിറഞ്ഞു.
പിറ്റേ ദിവസം ഞങ്ങൾ രണ്ടും തിരിച്ചു് ജോലിക്ക് കേറി, അശ്വതി എന്നോട് സുഖാന്വേഷണം നടത്താൻ വന്നു, ഞാൻ ഇന്റർവ്യൂവിന്റെ കാര്യം ഒന്നും പറഞ്ഞില്ല.
രണ്ട് മൂന്ന് ദിവസം കഴിഞ്ഞപ്പോൾ എല്ലാം പഴയപടിയായി, ഞങ്ങൾ വീണ്ടും കളിയും ചിരിയുമായി നടന്നു.
ഒരാഴ്ച്ച കഴിഞ്ഞ് ഞാൻ ജോലിയിൽ നിക്കുമ്പോൾ എനിക്ക് ഒരു മെയിൽ വന്നു. ഇന്റർവ്യു കൊടുത്ത കമ്പനിയിൽ നിന്നാണ്. ഞാൻ അത് തുറന്നു. ജോബ് ഓഫർ ലെറ്റർ. എന്റെ ചങ്ക് കാളി.
എന്റെ നിപ്പും, മുഖ ഭാവവും കണ്ടിട്ട് നിമ്മി ഓടി വന്നു.
എന്നാ ജോകുട്ടാ?
അവർ ഓഫർ ലെറ്റർ അയച്ചു.
അവളുടെ മുഖത്ത് പെട്ടെന്ന് ഒരു ഞെട്ടൽ. ഞാനത് ഒട്ടും പ്രതീക്ഷിച്ചില്ല. അവൾ പെട്ടെന്ന് തന്നെ മുഖഭാവം മാറ്റി മുഖത്ത് ഒരു ചിരി വരുത്തി പറഞ്ഞു,
നീ എന്തിനാ ഓന്ത് ചപ്പിയ പോലെ നിക്കുന്നേ. ഇപ്പൊ ഒന്നും ആലോചിക്കേണ്ട, നമ്മുക്ക് ഇന്ന് നേരത്തെ ഇറങ്ങാം വെല്യ തിരക്ക് ഇല്ലെല്ലോ.
ഞങ്ങൾ രണ്ടും നേരത്തെ ഇറങ്ങി, വീട്ടിലേക്ക് പോവാതെ അടുത്തുള്ള ഒരു പാർക്കിലേക്കാണ് നടന്നത്. അവിടെ ഒരു വലിയ
മാറ്റത്തിൻ്റെ തണലിൽ ഒരു ഒഴിഞ്ഞ ബെഞ്ചിൽ ഞങ്ങൾ ഇരുന്നു.
നിനക്ക് വിഷമം ഉണ്ടോ നിമ്മി?
വിഷമം ഒക്കെ ഉണ്ട്, എന്നാലും നീ ഒന്ന് പോയി സെറ്റിൽ ആയിട്ട് പറയുമ്പോ, ഞാനും അങ്ങ് വരും.
നിനക്ക് ഞാൻ വരണം എന്നുണ്ടേൽ.
പോടീ പട്ടി, എന്നാ വർത്തമാനമാ ഈ പറയുന്നേ. എനിക്ക് നീ ഇല്ലാതെ പറ്റത്തില്ല.
ഞാൻ പൊട്ടിത്തെറിച്ച് പോയി.
അവൾ എന്റെ കയ്യിൽ പിടിച്ചു.
നീ വിഷമിക്കാതെ ജോകുട്ടാ നമ്മുക്ക് എന്തേലും വഴി ഉണ്ടാക്കാം.
അവർ എന്നെ എങ്ങനെ എടുത്തെന്നാ എന്റെ അതിശയം, ഞാൻ ആന്നേൽ വെല്യ താല്പര്യത്തോടെ അല്ല ഇന്റർവ്യു കൊടുത്തേം.
പറഞ്ഞ് കഴിഞ്ഞാണ് ഞാൻ ഓർത്തത്. അവളെ നോക്കുമ്പോൾ അവൾ
ദേഷ്യത്തിൽ എന്നെ തന്നെ തുറിച്ച് നോക്കി ഇരിക്കുന്നു.
ഒരൊറ്റ ഒരെണം അങ്ങോട്ട് തന്നാൽ ഉണ്ടെല്ലോ. എനിക്ക് എന്തുമാത്രം വിഷമം ഉണ്ടായിട്ടും ഞാൻ അതെല്ലാം മറച്ച് വെച്ചാ നിന്നെ പഠിപ്പിച്ച് പറഞ്ഞ് വിട്ടേ എന്ന് അറിയാമോ, അതിന്റെ ആത്മാർത്ഥത എങ്കിലും കാണിക്കേണ്ടെടാ നാറി.
സോറി ഡി, നിന്റെ അടുത്ത് നിന്ന് മാറി നീക്കണമെല്ലോ എന്ന് ഓർത്തപ്പോ…