രണം 2

Ranam Part 2 | Author : Vishnu

[ Previous Part ] [ www.kambi.pw ]

---

 

ആദ്യ ഭാഗ്യത്തിന് നൽകിയ സപ്പോർട്ടിനു നന്ദി…നിങ്ങളുടെ സപ്പോർട്ടാണ് എനിക്ക് കഥ എഴുതാൻ ഉള്ള ആവേശം തരുന്നത്..

നിങ്ങൾടെ അഭിപ്രായം കമന്റ്‌ ആയും നിങ്ങളുടെ സ്നേഹം ലൈക്‌ ആയും. തരുമെന്ന പ്രതീക്ഷയിൽ ഞാൻ അടുത്ത ഭാഗം തരുകയാണ്

നിങ്ങൾ കൂടെ ഉണ്ടാകണം…നിങ്ങലുടെ അഭിപ്രായങ്ങൾ ആണ് എന്റെ സന്തോഷം

എന്ന് വിഷ്ണു ❤️

—–

രണം 2

അവർ രണ്ടു പേരും ഒരു നിമിഷം അങ്ങനെ തന്നെ നിന്നു…അവൾ എന്നാൽ അവരെ മൈൻഡ് കൂടെ ആക്കാതെ ആണ് പോയത്…

അവർ കുഴപ്പം ഇല്ല എന്ന് ആശ്വസിച്ച് തിരിച്ചു പോകാം എന്ന് കരുതിയ നിമിഷം ആണ് ശ്രുതി അവർ അത് വച്ച സ്ഥലത്ത് ഇരിക്കാതെ മറ്റൊരു ടേബിളിലേക്ക് പോയത്..

ആ നിമിഷം മാധവിന് മനസ്സിലായി…കാര്യം കൈയിൽ നിന്നും പോയെന്ന കാര്യം…പെട്ടെന്ന് തന്നെ അത് തിരിച്ചെടുക്കാമെന്ന ചിന്ത വന്നെങ്കിലും അത് വൈകിപോയിരുന്നു…

മറ്റൊരാൾ ആ സീറ്റിലേക് വന്നിരുന്നു.

ആദിയും മാധവും എന്ത് ചെയ്യുമെന്ന് ഒരു നിമിഷം പകച്ചുപോയിരുന്നു…അവരുടെ ഓഫീസിൽ തന്നെ വർക്ക്‌ ചെയുന്ന രഞ്ജൻ ആയിരുന്നു അവിടെ ഇരുന്നത്..

അയാൾ ആ നോട്ട് കണ്ടില്ല എന്ന് ഒരു നിമിഷം ആശ്വസിച്ച് അവർ പോകാൻ നോക്കിയ സമയം ആണ് അയാൾ ആ നോട്ട് എടുത്തതും വായിച്ചതും..

അയാൾ ആ നിമിഷം ഒന്ന് ചുറ്റും നോക്കി.. ശേഷം ശ്രുതിയെ അത് കാണിച്ചു എന്തോ സംസാരിക്കുന്നതുമൊക്കെ അവർ കാണുന്നുണ്ട്..

എന്നാൽ അത് കഴിഞ്ഞു ശ്രുതിയുടെ നോട്ടം ചെന്നതും അവരുടെ അടുത്തേക് ആയിരുന്നു..

അപ്പോഴേക്കും രണ്ടു പേരും അവിടെ നിന്നും മുങ്ങിയിരുന്നു…അവരുടെ മാസ്റ്റർ പ്ലാൻ ഫ്ലോപ്പ് ആയി മാറിയത് കൊണ്ട് തന്നെ അവിടെ നിന്നു രക്ഷപെടുക എന്നലത്തെ വേറെ വഴി ഇല്ലായിരുന്നു…

—–

“അവൾക്ക് മനസ്സിലായെന്ന തോന്നുന്നത്…”

ഓഫീസിനു മുൻ വശത്തായുള്ള ചായ കടയിൽ ചായ കുടിച്ചു കൊണ്ടിരുന്ന സമയമാണ് നന്ദൻ ആദിയെ നോക്കിയത് പറഞ്ഞത്..

“പിന്നല്ലാതെ…ഉറപ്പായും അവൾക് മനസിലായിക്കാണും “

മാധവ് അത് പറഞ്ഞതും ആദി അവനെ കണ്ണുരുട്ടി നോക്കി.. ശേഷം ചായ കുടിക്കുന്നത് തുടർന്നു…

“ഞാൻ കേട്ടത് രഞ്ജൻ A&M നെ നോക്കി ഇറങ്ങിയിട്ടുണ്ടെന്നാണ്…നോക്കിക്കോ…അയാൾ പിന്നെ ഒരു പാവം മനുഷ്യൻ.. ആരോടും കമ്പനി പോലും കൂടാറില്ല.. അത് കൊണ്ട് കുഴപ്പമില്ല “

അത് കേട്ട നന്ദൻ ചിരിച്ചു…ആദി എന്നാൽ കണ്ണടച്ചു കുറച്ചു നേരം ഇരുന്നു

“ഞാൻ മിക്കവാറും രാജി വച്ച് നാട്ടിലേക് തിരിച്ചു പോകും.. എനിക്ക് വയ്യ “

അവൻ ആരോടെന്നില്ലാത്തപോലെ പറഞ്ഞു

——

നന്ദൻ ബാഗ് പാക്ക് ചെയ്തുകൊണ്ടിരിക്കുക ആയിരുന്നു…നല്ല ദേഷ്യത്തിൽ തന്നെ..

ഒന്നും പറയാതെ ഒരു സൈഡിൽ ബാഗ് പാക്ക് ചെയ്തു ആദിയും ഡോറിനടുത്തു ഒരു കുറ്റവാളിയെ പോലെ മാധവും ഒന്നും മിണ്ടാതെ നിൽക്കുന്നുണ്ടായിരുന്നു…

“ഡാ.. മനഃപൂർവം അല്ല…ഞാൻ അത് വെറുതെ ടെസ്റ്റ്‌ ചെയ്തു നോക്കിയതാ…അല്ലാതെ വേറൊന്നുമില്ല.. ഒന്ന് വിശ്വസിക്ക് “

മാധവ് അത് പറഞ്ഞതും നന്ദൻ അവനെ ദേഷ്യത്തിൽ നോക്കി

“അതെ…ക്യാമറ പിടിപ്പിച്ച ഡ്രോൺ അപ്പുറത്തെ ഫ്ലാറ്റിന്റെ ജനലിലൂടെ ഓടിച്ചുനോക്കിയത് ആണല്ലോ ടെസ്റ്റിംഗ്. “

ആദി അതിന്റെ കൂടെ തന്നെ മാധവിനെ നോക്കി പറഞ്ഞു…

“എടാ അത് പിന്നെ…പറ്റിപ്പോയി.. എന്നാലുമെന്താ ക്യാമറ വർക്ക്‌ ആകില്ല എന്ന് മനസ്സിലായില്ലേ…”

“അതെ അത് നീ ആ ഓൺർനോട് കൂടെ പറയാമായിരുന്നു.. ഇനി എന്ത് നോക്കി നിൽക്കാനാ.. വാ ഇറങ്ങാം…സാധനം ഒക്കെ പിക്കപ്പിൽ കയറ്റിയില്ലേ…”

അതിനു മാധവ് മൂളുക മാത്രം ചെയ്തു..
എന്നാൽ ബാക്കിയൊന്നും കേൾക്കാൻ നിൽക്കാതെ ആദി താഴേക്ക് ഇറങ്ങിയിരുന്നു..

വൈകുന്നേരം ജോലി കഴിഞ്ഞ് വന്ന സമയം ആണ് മാധവിനു അത് ചെയ്യാൻ തോന്നിയത്…ക്യാമറ വർക്ക്‌ ആകാത്തതുകൊണ്ട് ചെറിയ വിലയിൽ മേടിച്ചു കൊണ്ട് വന്ന ഡ്രോൺ…

അതിൽ അവൻ തന്നെ കുറെയധികം പരീക്ഷണങ്ങൾ ചെയ്തുകൊണ്ടിരുന്നു…

അവസാനം അവൻ അത് ആ ദിവസം ആണ് ടെസ്റ്റ്‌ ചെയ്തു നോക്കാൻ തോന്നിയതും…