“ഡാ…പോയി നോക്കിയേ ആരാ അതെന്ന്…. “
നന്ദൻ അകത്തു നിന്ന് വിളിച്ചു പറയുന്നത് കേട്ട് ആദി എഴുനേറ്റു ഡോറിനു അടുത്തേക് നടന്നു ഡോർ തുറന്നതും ഒരു നിമിഷം സ്റ്റക്ക് ആയി നിന്നു…
“ഡാ പോകാം…”
അത് പറഞ്ഞു ഒരു ടീഷർട്ടും ഷോർട്സും ഇട്ടു അകത്തേക്കു വന്ന മാധവ് കാണുന്നത് ഡോർ തുറന്നു തരിച്ചു നിൽക്കുന്ന ആദിയെ ആയിരുന്നു..
എന്നാൽ ഡോറിന് അപ്പുറത്തുള്ള ആളെ കണ്ടതും അവനും തരിച്ചുനിന്നു..
ശ്രുതി…
ആദിയും ഒരു നിമിഷം അങ്ങനെ തന്നെ തരിച്ചു നില്കുകയായിരുന്നു…
ഒരു ടോപ്പും പാന്റ്സും ആയിരുന്നു ഡ്രസ്സ്.. കയ്യിൽ ഒരു കാസറോളും ഉണ്ടായിരുന്നു…അവളും ആദിയെ ഒന്ന് തുറിച്ചു നോക്കിയ ശേഷം ആ പത്രം അവന്റെ കയ്യിലെക് വച്ചു കൊടുത്തു..
“നിങ്ങൾ ആയിരുന്നോ പുതിയ ആൾകാർ…എന്താ എന്നെ ശല്യം ചെയ്യാൻ വേണ്ടിയാണോ ഇങ്ങോട്ടേക്കും വന്നു കയറിയത്.. “
അതിന് ആദി ഒന്നും മിണ്ടിയില്ല.. മിണ്ടാൻ കഴിഞ്ഞില്ല
“ഏയ് അപ്പുറത്തെ ഫ്ലാറ്റിലെ ആൾകാർ ചെറിയ തെറ്റിദ്ധാരണ കൊണ്ട് പുറത്ത് ആക്കി.. അത് കൊണ്ട് ഇങ്ങോട്ട് വന്നതാ…സത്യം ആയിട്ടും ഒരു പ്രശ്നവും തനിക് ഉണ്ടാകില്ല “
അത് പറഞ്ഞു മാധവ് ഡോറിന് അടുത്തേക് വന്നു ആ പാത്രം എടുത്തു
അവൾ അപ്പൊ ഒന്നും തിരിച്ചു പറയാതെ അവിടെ നിന്നും പോയിരുന്നു…അവൾ പോയ സമയം മാധവും ആദിയും ഒന്ന് പുറത്തേക് നോക്കി..
അവരുടെ തൊട്ട് അപ്പുറത്തെ ഫ്ലാറ്റിൽ തന്നെ ആയിരുന്നു അവൾ കേറി പോയത്
“തേഞ്ഞു…. ഇനി എന്ത് ചെയ്യും “
“നീ ഇനിയാ ഡ്രോൺ പുറത്ത് എടുക്കേണ്ട…ഇനി വീട് മാത്രമല്ല.. ജോലിയും പോകും…”
“അത് പറപ്പിച്ചില്ലേലും പൊകുലേ..”
അതിനു ആദിക്ക് മറുപടി ഉണ്ടായിരുന്നില്ല…
——
അവര്ക് കിട്ടിയ ഭക്ഷണം ഒക്കെ കഴിച്ചു തീർന്ന സമയമാണ് മാധവ് അവനെ പുറത്തേക് എടുത്തത്…പേരുപോലും ഇല്ലാത്ത ഒരു റം…
ആദി ആ കുപ്പി ഒന്ന് മൊത്തത്തിൽ നോക്കി
“എന്താടാ സാധനം ഇത്…പേരൊന്നും ഇല്ലാലോ…”
“മോനെ…ഇത് ഗോവ പോയപ്പോ ഒപ്പിച്ച സാധനം ആണ്…അടിച്ച…ഹോ…എല്ലാം പറക്കും…”
അത് പറഞ്ഞു മാധവ് അത് മൂന്ന് ഗ്ലാസിൽ ആയി ഒഴിച്ചു നന്ദനും ആദിയും ഓരോ ഗ്ലാസ് എടുത്തു
“ചിയേർസ്…”
അത് പറഞ്ഞു മൂന്നു പേരും ഒരു ഗ്ലാസ് പെട്ടെന്ന് തന്നെ അകത്താക്കി..
“ഹോ…എന്തോന്നാടാ ഇത്…കത്തിപോയലോ “
അത് കേട്ട മാധവ് ചിരിച്ചു
“ഇനി എന്തൊക്കെ കത്താൻ ഇരിക്കുന്നു “
അത് പറഞ്ഞു അവൻ അടുത്ത പെഗ്ഗും ഒഴിച്ചു…കുറച്ചു സമയം കൊണ്ട് തന്നെ ആ കുപ്പി അവർ മൂന്നു പേരും തീർത്തിരുന്നു…
——
“അളിയാ…നീ എന്നാലും എങ്ങനെ എവിടെയെത്തി…”
അടിച്ചു പാതി ബോധത്തിൽ ആയിരുന്ന മൂന്നു പേരും എങ്ങനെയോ ടെറസിൽ എത്തിയിരുന്നു…. അവിടെ മലർന്ന് കിടന്ന സമയമാണ് നന്ദൻ ആദിയോട് അത് ചോദിച്ചത്…
ആദി എന്നാൽ ഒന്ന് ചിരിച്ചു
“അതോ…. എനിക്കൊരു കൂട്ടുകാരനുണ്ട്.. ഡേവിഡ്…എൻറെ കൂടെയാണ് കോളേജിൽ ഒക്കെ പഠിച്ചത്..
അവന്റെ ചേട്ടൻ ഡിക്സൺ ഈ അനുരാധ മാഡത്തിന്റെ ബെസ്റ്റ് ഫ്രണ്ട് ആണ്
അപ്പോ ഞാൻ ഡേവിഡ്നോട് ഒരു സഹായം ചോദിച്ചു…അവൻ ചേട്ടനോട് എന്നെ പറ്റി പറഞ്ഞു…
ആൾ പിന്നെ അവൻ പറഞ്ഞ എന്തും ചെയ്യുമെന്ന കെട്ടിട്ടുള്ളത്…അതെ പോലെ തന്നെ എന്റെ കാര്യം ശരിയാക്കി തന്നു…സിമ്പിൾ “
അത് കേട്ടപ്പോൾ മാധവ് അവനെ നോക്കി
“മ്മ്മ് ഡേവിഡ് നോട് ഞാൻ ഒരു സഹായം ചോദിച്ചതാ തെണ്ടി കേട്ടില്ല…അല്ലേലും ഞാൻ ചോദിക്കുന്നതിനു ഒരു വിലയും ഇല്ലല്ലോ “
“ആഹ് നിന്നെ സഹായിച്ച ഈ നാട്ടിൽ പിന്നെ അവന് കാൽ കുത്താനാകില്ല എന്ന് അറിയാം…അതുകൊണ്ട് തന്നെ “
അത് കേട്ട് നന്ദൻ പൊട്ടി ചിരിക്കാൻ തുടങ്ങി…. അത് കേട്ട് മാധവ് കുറച്ചു നേരം ഒന്നും മിണ്ടിയില്ല
“ഡാ ആദി…. ഒരു കാര്യം…സത്യസന്ധമായി ചോദിക്കട്ടെ…നിനക്ക് ശ്രുതിയോട് എന്തെങ്കിലുമുണ്ടോ…”
അത് കേട്ടതും ആദി എഴുനേറ്റു അവർക്ക് മുന്നിൽ ആയി നിന്നു
“പോടാ…എനിക്കോ…അവളോടൊ നിനക്ക് വട്ടാണോ…. എന്തെങ്കിലും ഉണ്ടോ എന്ന്..
എടാ നിന്റെ ആ പരട്ട സ്കൂട്ടർ കാരണം അവളുടെ മേലെ ചായ മറിഞ്ഞു…ഇത് ഇത്ര വലിയ പ്രശ്നമാണോ…എനിക്ക് അറിയില്ല…