“നീ ഇവിടെ നിന്ന് പൊക്കോ…ഇത് നമ്മുടെ കുടുംബകാര്യമാണ്…അവളുടെ കാര്യം അവളുടെ നമ്മൾ നോക്കിക്കോളും…മാറെടാ…”
ആദി എന്നാൽ ഒരു കുലുക്കവുമില്ലാതെ അവനെത്തന്നെ നോക്കി നിന്നു
“എന്താടാ…പറഞ്ഞ മനസ്സിലാകില്ലേ…”
അത് പറഞ്ഞു അശ്വിൻ ആദിയുടെ നെഞ്ചിൽ തള്ളാനായി കൈ ആദിയുടെ അടുത്തേക് കൊണ്ടുവന്നെങ്കിലും ആദി അത് കൈക്കുള്ളിൽ ആക്കിയിരുന്നു..
അവന് എന്താണ് നടക്കുന്നതെന്ന് മനസ്സിലാകുന്നതിന് മുന്നേ ആദി അവന്റെ കൈ തിരിച്ചിരുന്നു…
വലത് കൈ ആദിയുടെ കയ്യിൽ നിന്നുമെടുക്കനായി ഇടത് കൈകൊണ്ട് ആദിയെ ഇടിക്കാൻ നോക്കിയെങ്കിലും അതിൽ നിന്നും മാറിയ ആദി അവന്റെ മുട്ടിൽ തന്നെ ചവുട്ടി…
ബാലൻസ് ഇല്ലാതെ അവൻ ആദിയുടെ മുന്നിൽ മുട്ടിലായി ഇരുന്നുപോയിഎം.…അവന്റെ വലത് കൈ അപ്പോഴും ആദി തിരിച്ചു പിടിച്ചിരുന്നു…
ഇതെല്ലാം ഒരു നിമിഷം കൊണ്ടായിരുന്നു നടന്നത്…നന്ദനും മാധവും അവിടെ ഉള്ളവരും എല്ലാം ഒരു നിമിഷം പകപ്പോടെ ആദിയെ നോക്കി…
“ആഹ്ഹ വിടെടാ..
വിടെടാ നായേ…ആഹ്ഹ് “
അവൻ വേദന കൊണ്ട് പുളഞ്ഞെങ്കിലും ആദി അവന്റെ കൈ പിന്നെയും പിന്നിലേക്ക് തിരിക്കുവാണ് ചെയ്തത്…
അവൻ വേദന കൊണ്ട് കരഞ്ഞു പോയിരുന്നു…ആദിയുടെ മുഖത്ത് അപ്പോഴും ഒരു ഭാവവ്യത്യാസവും ഇല്ലായിരുന്നു..
എന്നാൽ അവന്റെ കണ്ണുകൾ…. അതിലെ ചുകപ്പ്…അവരെയെല്ലാവരെയും ഒരു നിമിഷം അത് പേടിപ്പിച്ചു
അവന്റെ കൂടെ വന്ന പ്രായമുള്ള ആൾ മുന്നോട്ടെക് വരാൻ നോക്കിയതും ആദി കൈ ഒന്നുകൂടെ പിന്നോട്ടിക്ക് ആക്കി…കൈ അനക്കുംതോറും അവൻ വേദന കൊണ്ട് പിടഞ്ഞു
“ഇപ്പൊ…. തന്റെ മോനെയുംകൊണ്ട് ഇവിടെനിന്നു പൊക്കോണം…ഇല്ലെങ്കിൽ…മോനെ ജീവനോടെ കാണാൻ പറ്റിയെന്നു വരില്ല…”
അത് പറഞ്ഞു കൈ വിട്ടതും അവൻ വേദന കൊണ്ട് ഞെരുങ്ങി താഴെ വീണു…
നന്ദനും മാധവും ഒരു നിമിഷം ആദിയെ എന്താണ് നടന്നതെന്ന പോലെ നോക്കി നിന്നു പോയിരുന്നു….
——
രാത്രി ആയതും ശ്രുതിയുടെ ഹെൽത്തിൽ മാറ്റാമുണ്ടെന്ന് കണ്ടതും അവളെ ഒരു റൂമിലേക്കു മാറ്റിയിരുന്നു..
കൂടെയുള്ള ഒരാൾക്ക് കൂടെ കിടക്കാനുള്ള സൗകര്യം ആ റൂമിൽ ഉണ്ടായിരുന്നു…എല്ലാം ശരിയാക്കിയതും പൈസ അടച്ചതുമെല്ലാം ആദി തന്നെ ആയിരുന്നു…
റൂമിൽ ആക്കിയ ശേഷവും ആദിയെയും നന്ദനെയും മാധവിനെയുമൊക്കെ കണ്ടെങ്കിലും അവൾ ആരോടും ഒന്നും മിണ്ടാതെ കിടന്നു..
അവളോട് ഓരോന്ന് ചോദിച്ചാൽ പോലും അവൾ ഒന്നും മിണ്ടുന്നില്ലായിരുന്നു…
ആദി എന്നാൽ അകത്തു ഇരിക്കാതെ പുറത്തിരുന്നു ഓരോ ആലോചനയിൽ മുഴുകി…
അപ്പോഴാണ് നന്ദനും മാധവും അവിടേക്കു വന്നത്
“നിങ്ങൾ ഫ്ലാറ്റിലേക് ചെന്നോ…ഇവിടെ എല്ലാവർക്കും ഇരുന്നാൽ ബുദ്ധിമുട്ടല്ലേ…ജോലിയും ഉണ്ട്.. നിങ്ങൾ പൊക്കോ…ഞാൻ ഇല്ലേ.. “
“തത്കാലം നീ അതൊന്നും ആലോചിക്കേണ്ട…നമ്മൾ എത്ര ദിവസം വേണമെങ്കിലും ലീവ് എടുത്തോളാം…
എന്തെങ്കിലും പ്രശ്നം വന്നാൽ നീ മാത്രം കഷ്ടപ്പെടേണ്ട…”
ആദി അതിനൊന്നും പറഞ്ഞില്ല…
അപ്പോഴാണ് ഒരു പെൺകുട്ടി അവരുടെ അടുത്തേക് നടന്നു വരുന്നത് കണ്ടത്..
അവളുടെ മുഖത്ത് നല്ല ടെൻഷൻ അവർ മൂന്ന് പേരും ശ്രദ്ധിച്ചു…
“ആദി…. “
അവൾ ഒരു ചോദ്യം പോലെ അവരെ നോക്കി ചോദിച്ചതും ആദി മുന്നോട്ടെക് വന്നു
“അതെ…എന്താ.. “
അവൾ അപ്പോൾ കൈ നീട്ടി…
“ഞാൻ ആതിര…ശ്രുതിയുടെ കസിൻ ആണ്…”
ആദി മടിച്ചു കൊണ്ട് ആണെങ്കിലും അവൾക് കൈ കൊടുത്തു
“ചേച്ചിയെ റൂമിലേക്കു മാറ്റിയെന്ന് താഴെ നിന്നും പറഞ്ഞു…അറിയാൻ വൈകി അല്ലെങ്കിൽ പെട്ടെന്നു തന്നെ വരാൻ ശ്രമിക്കുമായിരിന്നു..
ചേച്ചി അകത്തില്ലേ.. ഞാൻ ഒന്ന് കണ്ടോട്ടെ…”
“മ്മ്മ്മ് “
ആദി മൂളിയപ്പോൾ അവൾ ഒരു ആശ്വാസത്തോടെ അകത്തേക്ക് കയറി ഡോർ അടച്ചു…
“ഡാ…ഇനി ഇവളും എന്തെങ്കിലും പുലി വാൽ ആകുമോ…. നേരത്തെ ഒരുത്തൻ വന്നത് കണ്ടില്ലേ…”