“ഉമ്മ്ഹ…. പൊന്നൂസ് അമ്മേനെ മറന്നോ ഡീ ?”
കൊച്ചിന്റെ മുഖത്ത് വല്യ ചിരി ഒന്നുമില്ലാത്ത കണ്ടു മഞ്ജുസ് ചിരിയോടെ ചോദിച്ചു ചിണുങ്ങി .
“ആദി എവിടെടാ ?”
റോസ് മോളെ കൊഞ്ചിച്ചുകൊണ്ട് മഞ്ജുസ് എന്നെ നോക്കി .
“ഉറങ്ങി ..നിന്നെ കാണാഞ്ഞിട്ട് കുറെ കിടന്നു കരഞ്ഞു ..”
ഞാൻ പയ്യെ പറഞ്ഞു .
“മ്മ്…പാവം ..”
മഞ്ജുസ് സ്വല്പം വിഷമത്തോടെ പറഞ്ഞു .
“എന്ത് പാവം..നീ അതിനെ വേറെ ആർക്കും കൊടുക്കാഞ്ഞിട്ട് , ഇപ്പൊ ആ സാധനം എന്റെ അടുത്തേക്ക് പോലും വരണില്ല”
ഞാൻ ആരോടെന്നില്ലാതെ പറഞ്ഞു .
“പോടാ…അവിടന്ന് ”
മഞ്ജുസ് ചിരിയോടെ പറഞ്ഞു റോസ് മോളെ കൊഞ്ചിച്ചു .
റോസ് മോള് ആണെങ്കിൽ മഞ്ജു വന്ന സന്തോഷത്തിൽ അവളുടെ മാറിലേക്ക് മുഖം പൂഴ്ത്തി കിടന്നു അവിടെ ചപ്പി തുടങ്ങി .
“ഇത് പാല് കുടിച്ചില്ലേ ഡാ ?”
കൊച്ചു അവളുടെ മുലയിൽ ചപ്പുന്നത് കണ്ടു മഞ്ജുസ് ചിരിയോടെ തിരക്കി .
“കുറച്ചൊക്കെ കുടിച്ചു . പക്ഷെ മുലപ്പാല് പോലെ അല്ലല്ലോ കുപ്പിപാല് ”
ഞാൻ അത് നോക്കി ചിരിച്ചു .
“മ്മ്…ഉവ്വ ഉവ്വ ..എന്നെക്കൊണ്ടൊന്നും പറയിക്കണ്ട ”
മഞ്ജുസ് അര്ത്ഥം വെച്ച് പറഞ്ഞതും ഞാൻ നാണത്തോടെ തല താഴ്ത്തി . അതിന്റെ റീസൺ ഒക്കെ ഞങ്ങൾക്കു അങ്ങോട്ടും ഇങ്ങോട്ടും അറിയാം !
“എടാ നീ ഇതിനെ പിടിക്ക് ..ഞാൻ പോയി കുളിക്കട്ടെ . ആകെ ടയേർഡ് ആണ് . കുളിച്ചിട്ട് വേണം വല്ലതും കഴിക്കാൻ..”
മഞ്ജുസ് പെട്ടെന്ന് എന്തോ ഓർത്തെന്ന പോലെ പറഞ്ഞു പിന്നെ കൊച്ചിനെയും എടുത്തു എഴുന്നേറ്റു .
പിന്നാലെ ഞാനും . കൊച്ചിനെ അവൾ എനിക്ക് തന്നെ തിരികെ നൽകി . മുല കുടിക്കാൻ വേണ്ടിയുള്ള ത്വരയിൽ റോസ് മോള് ആദ്യം ഒന്ന് വരാൻ മടിച്ചെങ്കിലും ഞാൻ കൈനീട്ടിയപ്പോൾ ഇങ്ങു കൂടെ പോന്നു !
“നീ ബാഗ് ഒന്നും എടുക്കുന്നില്ലേ മഞ്ജുസേ ?”
അവൾക്കൊപ്പം അകത്തേക്ക് നടക്കുന്നതിനിടെ ഞാൻ പയ്യെ തിരക്കി . റോസമ്മ എന്റെ തോളിൽ തന്നെ കിടപ്പുണ്ട് .
“അതിനി നാളെ എടുക്കാടോ. അതിൽ അല്ലേലും എന്റെ കുറച്ചു നാറിയ തുണി മാത്രേ ഉള്ളൂ ”
മഞ്ജുസ് ചിരിയോടെ പറഞ്ഞു എന്നോടൊപ്പം ഒട്ടിനടന്നു .
മോളെയും തോളിലിട്ട് ഞാൻ മഞ്ജുസിനൊപ്പം സ്റ്റെയർകേസ് കയറി . പടവുകൾ കയറി ഞങ്ങൾ മുകളിലെത്തുമ്പോൾ അഞ്ജു മൊബൈലും തോണ്ടി കട്ടിലിന്റെ ക്രാസിയിൽ ചാരി ഇരിപ്പുണ്ട് .
കട്ടിലിന്റെ തന്നെ തൊട്ടടുത്തുള്ള രണ്ടു തൊട്ടിലുകളിലൊന്നിൽ ആദികുട്ടനും സുഖമായി കിടന്നു ഉറങ്ങുന്നുണ്ട് .
ഞങ്ങളെ കണ്ടതും അഞ്ജു ബെഡിൽ നിന്ന് എണീറ്റ് താഴേക്കിറങ്ങി .
“ചെക്കൻ ഉറങ്ങിയോ ?”
ഞാൻ അവളോട് സ്വരം താഴ്ത്തി പയ്യെ ചോദിച്ചു .
“മ്മ്…അതൊക്കെ ഉറങ്ങിയിട്ട് കുറെ നേരം ആയി ”
അഞ്ജു പയ്യെ പറഞ്ഞു .
“ചേച്ചി എപ്പൊ എത്തി ?”
മഞ്ജു വന്നതൊന്നും അറിഞ്ഞില്ലെന്നു മട്ടിൽ അഞ്ജു ചോദിച്ചു .
“ഇപ്പൊ വന്നു കേറിയേ ഉള്ളു മോളെ ..”
മഞ്ജുസ് ടോപ്പിനു മീതെ ഇട്ടിരുന്ന ജാക്കെറ്റ് ഊരി മേശപ്പുറത്തേക്കിട്ടുകൊണ്ട് പറഞ്ഞു .
“മ്മ്..എന്ന ഞാൻ പോട്ടെ …ഇനിയിപ്പോ എന്റെ ആവശ്യം ഇല്ലല്ലോ ”
അഞ്ജു ചിരിയോടെ പറഞ്ഞു എന്റെ അടുത്തേക്ക് വന്നു .
“ഡീ പൊന്നുസേ…നീ അമ്മായിടെ കൂടെ വരണോ ? ”
അഞ്ജു എന്റെ അടുത്തെത്തി കയ്യിലിരുന്ന റോസ് മോളോടായി ചോദിച്ചു കൈനീട്ടി .
അതിനു വരില്ലെന്ന ഭാവത്തിൽ റോസ് മോളും ബലം പിടിച്ചുകൊണ്ട് എന്നെ അള്ളിപ്പിടിച്ചു .
“കണ്ടോ ചേച്ചി ..ഇവൾക്കിപ്പോ ആരേം വേണ്ട …”
റോസ് മോളുടെ ചിണുക്കം കണ്ടു അഞ്ജു മഞ്ജുസിനെ നോക്കി .
“ആഹ് ശരിയാ …ഞാൻ വന്നിട്ടും പെണ്ണിന് വല്യ മൈൻഡ് ഇല്ല . ”
മഞ്ജുസും ചിരിച്ചുകൊണ്ട് ബെഡിലേക്കിരുന്നു . പിന്നെ തൊട്ടിലിൽ ഉറങ്ങിക്കിടന്ന ആദികുട്ടന്റെ നെറ്റിയിൽ പയ്യെ ഒന്ന് ചുംബിച്ചു .
“അമ്മേടെ മുത്ത് ഉറങ്ങിയോടാ ?”
മഞ്ജുസ് സ്വകാര്യം പോലെ പറഞ്ഞു ആദിയെ നോക്കി ചിണുങ്ങി .
“എടി പെണ്ണെ …നിന്റെ അച്ഛനൊക്കെ രണ്ടീസം കഴിഞ്ഞാ അങ്ങ് പോകും . പിന്നെ ഞങ്ങളൊക്കെ തന്നെയേ ഉണ്ടാകൂ . അയ്യടാ അവളുടെ ഒരു പോസ് കണ്ടില്ലേ ..”
അഞ്ജു എന്റെ കയ്യിലിരുന്ന റോസ് മോളെ നോക്കി കണ്ണുരുട്ടി പേടിപ്പിച്ചു സ്വല്പം ഉറക്കെ പറഞ്ഞു . അത് കണ്ടിട്ടെന്നോണം കുഞ്ഞു എന്നെ നോക്കി ചുണ്ടു കടിച്ചു വിഷമിച്ചു . ആരെങ്കിലും ശബ്ദം ഉയർത്തിയാൽ ചീത്ത പറയുകയാണ് എന്ന് കരുതി റോസ് മോള് ചിണുങ്ങികൊണ്ട് ചുണ്ടു ഉളുമ്പും!