“ഡീ ഡീ ..നീ പോയെ ..കണ്ടാ അതിന്റെ മുഖം മാറി ..”
ഞാൻ റോസ് മോളുടെ കവിളിൽ പയ്യെ ചുംബിച്ചുകൊണ്ട് പറഞ്ഞു .
“അച്ചോ ..അമ്മായിടെ സ്വത്തു മോള് പേടിച്ചോ…”
അഞ്ജു അതുകേട്ടു ചിരിച്ചു കൊച്ചിന്റെ കൈപിടിച്ച് ചിണുങ്ങി . പിന്നെ അതിന്റെ കവിളിൽ ഒരുമ്മയും കൊടുത്തു .
“എടി അഞ്ജു…നീ കിടക്കല്ലേ ..എനിക്ക് കുറച്ചു വിശേഷം ഒകെ പറയാൻ ഉണ്ട് ..”
കുളിക്കാനുള്ള തയ്യാറെടുപ്പെന്നോണം ടവൽ എടുത്തു പിടിച്ചുകൊണ്ട് മഞ്ജുസ് പറഞ്ഞു .
“ഓ..ടൂർ പോയ കഥ അല്ലെ . അതൊക്കെ ഞാൻ സൗകര്യം പോലെ പിന്നെ കേട്ടോളം ”
അഞ്ജു ചിരിച്ചുകൊണ്ട് പറഞ്ഞു . പിന്നെ മൂടും തട്ടി ഞങ്ങളുടെ റൂമിൽ നിന്ന് പുറത്തേക്കിറങ്ങി .
“ഡാ …”
അഞ്ജു റൂം വിട്ടു പോയതും മഞ്ജുസെന്നെ അധികാര സ്വരത്തിൽ വിളിച്ചു .
“എന്തേടി ?”
ഞാൻ തിരിച്ചു ചിരിയോടെ തിരക്കി .
“ചുമ്മാ..ഇങ്ങു വാ …”
ടവൽ ബെഡിലേക്കിട്ടു മഞ്ജുസ് എന്നെ കൈമാടി വിളിച്ചു .
അതോടെ ഞാൻ റോസ് മോളെയും ഒരു കയ്യിൽ പിടിച്ചുകൊണ്ട് അവളുടെ അടുത്തേക്ക് നീങ്ങി . ഞാൻ അവൾക്കു മുൻപിലെത്തിയതും മഞ്ജുസ് എന്റെ കവിളിൽ പയ്യെ മുത്തി . അതോടെ വലതുകൈകൊണ്ട് മഞ്ജുസിനെ ഞാൻ എന്നിലേക്ക് ചേർത്തുപിടിച്ചു . ഇടതു കയ്യിൽ ഞാൻ റോസ് മോളെയും പിടിച്ചിട്ടുണ്ട് .
“നല്ല ന്യാറ്റം ഉണ്ട് മിസ്സെ..”
അവളെ ചേർത്ത് പിടിച്ചപ്പോൾ കിട്ടിയ വിയർപ്പിന്റെ സ്മെല് ഓർത്തു ഞാൻ ചിരിയോടെ പറഞ്ഞു .
“സോ വാട്ട് ? ”
മഞ്ജുസ് എന്നെ മുഖം ഉയർത്തി നോക്കി . ഞങളുടെ ഈ സംസാരം ഒക്കെ എന്റെ ഒക്കത്തിരുന്നുകൊണ്ട് റോസ് മോളും പുരികം ചുളിച്ചുകൊണ്ട് നോക്കുന്നുണ്ട് . അച്ഛനും അമ്മയും റൊമാൻസ് കളിക്കുന്നത് അവൾക്കു മനസിലാകുന്നുണ്ടോ എന്തോ ? !
“നീ എന്താടി പൊന്നൂസേ നോക്കണേ ? ”
റോസമ്മയുടെ നോട്ടം കണ്ടു മഞ്ജുസും ചിരിച്ചു .
“നീ എന്നെ എന്താ കാട്ടണേന്നു നോക്കുവാ അവള് ,അല്ലെ റോസ് മോളെ ?”
ഞാൻ കൊച്ചിന്റെ നോക്കി ചിണുങ്ങി .
“മ്മ …മാ അ..മ്മ…”
റോസിക്കുട്ടി മഞ്ജുസിന്റെ ചോദ്യം കേട്ട് അവൾക്കു നേരെ കൈചൂണ്ടി ചിരിച്ചു .
“പോടീ …അവളുടെ ഒരമ്മ ..അച്ഛൻ വന്നപ്പോ എന്നെ വേണ്ട അല്ലെടി ?”
മഞ്ജുസ് ചിണുങ്ങിക്കൊണ്ട് റോസിക്കുട്ടിയുടെ കവിളിൽ പിടിച്ചു വലിച്ചു . നല്ല സോഫ്റ്റ് ആയ അവളുടെ സ്കിൻ പയ്യെ വേദനിപ്പിക്കാതെ വലിച്ചു വിടുന്നത് മഞ്ജുസിനു വല്യ ഇഷ്ടമാണ് ! മഞ്ജുസ് അങ്ങനെ ചെയ്തതും റോസിക്കുട്ടി കൈകൊട്ടി ചിരിച്ചു .
“ഹീ..ഹീ ..”
റോസ് മോളുടെ ചിരി നോക്കി ഞാനും മഞ്ജുസും മുഖാമുഖം നോക്കി . പിന്നെ മഞ്ജുസിനെ ചേർത്ത് പിടിച്ചു ഞാനവളുടെ ചുണ്ടിൽ ഒന്ന് അമർത്തി മുത്തി . നേർത്ത ഉപ്പുരസമുള്ള ചുംബനം ! എന്റെ വലതു ഭാഗത്തു നിന്ന് എന്റെ കഴുത്തിൽ ഇരുകയ്യും ചുറ്റിപിടിച്ചു നിന്ന് മഞ്ജുസും ആ ചുംബനം ആസ്വദിച്ചു .
ഒന്നുമറിയാത്ത പ്രായം ആയതുകൊണ്ട് റോസി കുട്ടി എന്റെ ഒക്കത്തിരുന്നു ഞങ്ങളെ നോക്കി ചിരിക്കുന്നുണ്ട്. അവളെ ഞങ്ങള് മൈൻഡ് ചെയ്യാതായപ്പോൾ എന്റെ കവിളിലും മുടിയിലുമൊക്കെ കക്ഷി ചെറുതായി പിടിച്ചു ഞെക്കുന്നുണ്ട് .
“ചുമ്മാ ഇരിയെടി പൊന്നുസേ..അച്ഛൻ അമ്മയെ ഒന്ന് സ്നേഹിച്ചോട്ടെ…”
പെണ്ണിന്റെ കുറുമ്പ് കണ്ടു , മഞ്ജുസിന്റെ ചുണ്ടിലെ പിടിവിട്ടു ഞാൻ അവളെ നോക്കി ചിരിയോടെ പറഞ്ഞു .
ഞാൻ പെട്ടെന്ന് കിസ് നിർത്തിയതിൽ നിരാശ മഞ്ജുവിന്റെ മുഖത്തും ഉണ്ട് ! പിള്ളേരുണ്ടായതിൽ പിന്നെ ഞങ്ങൾക്ക് അങ്ങനെ സ്നേഹിക്കാൻ സമയം കിട്ടാറില്ല ! ഇടക്കൊന്നു ഗോദയിലേക്കിറങ്ങുന്ന സമയത്താകും ആരേലും ഒരാൾ ഉണരുന്നത് !
അതോടെ മഞ്ജുസും എന്നെ വിട്ടു മാറി . പിന്നെ ബെഡിലേക്കിട്ട ടവൽ എടുത്തുപിടിച്ചു റോസ്മോളെ നോക്കി .എന്റെ കവിളിൽ ചുംബിച്ചു കൊണ്ട് റോസമ്മ കൊഞ്ചുന്നുണ്ട് .
“ഈ സാധനത്തിനു ഇന്ന് ഉറക്കം ഒന്നും ഇല്ലേ ”
നേരത്തെയുള്ള റൊമാൻസ് മുറിഞ്ഞ വിഷമത്തിൽ സ്വല്പം ദേഷ്യം കലർന്ന സ്വരത്തിലാണ് മഞ്ജുസ് അത് പറഞ്ഞത് .
“എന്തുവാടി..അതെപ്പോഴെങ്കിലും ഉറങ്ങിക്കോളും ”
ഞാൻ മഞ്ജുസിന്റെ ദേഷ്യം കണ്ടു ചിരിയോടെ പറഞ്ഞു .