“ഓ ഓഹോ ..അങ്ങനെ “
ഞാൻ തലയാട്ടി ചിരിച്ചു .
മഞ്ജുവും ചിരിച്ചു .
“ഈ ടൈമില് നല്ല ദേഷ്യം വരും ..നീ കൂടുതൽ ഒലിപ്പിക്കാൻ നിക്കണ്ട “
മഞ്ജു ഒരു വാണിങ് പോലെ പറഞ്ഞു .
ഞാൻ ഒന്നും മിണ്ടിയില്ല..പകരം ഒന്ന് പുഞ്ചിരിച്ചു . പത്തു മിനുട്ടിനുള്ളിൽ ഞങ്ങൾ മഞ്ജുവിന്റെ വീട്ടിൽ എത്തി . വണ്ടി നിർത്തി മഞ്ജു ആദ്യം ഇറങ്ങി പിന്നാലെ ഞാനും .
അപ്പോഴേക്കും അത്യാവശ്യം ഇരുട്ട് പരന്നിരുന്നു. സമയം ഏഴര എട്ടുമണി ഒക്കെ ആയിട്ടുണ്ടാകും .
“നീ ഇനി എങ്ങോട്ടാ..പോകാൻ നോക്കെടാ “
അവൾക്കു പിന്നാലെ ഉമ്മറത്തേക്ക് കയറാൻ തുടങ്ങിയ എന്നെ തിരിഞ്ഞു നോക്കികൊണ്ട് മഞ്ജു പറഞ്ഞു.
“ചായ കിട്ടോ ? അതൂടെ കഴിഞ്ഞിട്ട് പൊവ്വം “
ഞാൻ കള്ളച്ചിരിയോടെ ചോദിച്ചു .
“ഇത് ഹോട്ടൽ ഒന്നുമല്ല…നീ ചോദിക്കുമ്പോ ചായ കിട്ടാൻ “
മഞ്ജു ഇടുപ്പിൽ രണ്ടു കയ്യും ചേർത്തുകൊണ്ട് പറഞ്ഞു. പിന്നെ മുഖം വീർപ്പിച്ചുകൊണ്ട് ഉമ്മറത്തെ വെളിച്ചം തെളിച്ചു.
“അപ്പൊ പോണമല്ലേ ..”
ഞാൻ തിരക്കി..
“ആഹ്…നേരം കുറെ ആയി..ചുമ്മാ ആൾക്കാരെ കൊണ്ട് അതും ഇതും പറയിപ്പിച്ചു എന്നെ നാണം കെടുത്തരുത് ..ആ തള്ള എങ്ങാനും കണ്ടു വന്ന പിന്നെ ഞാൻ നൂറു കള്ളം പറയേണ്ടി വരും “
മഞ്ജു ചുറ്റിനും നോക്കികൊണ്ട് പറഞ്ഞു..
“അനിയൻ വന്ന നാട്ടുകാർക്ക് എന്താ കുഴപ്പം”
ഞാൻ ചിരിയോടെ തിരക്കി..
“ഓ പിന്നെ ..എടാ നീ കളിക്കാതെ പോയെ..പ്ലീസ് ..”
മഞ്ജു കെഞ്ചി .
“മ്മ്..മ്മ്..ഞാൻ പൊക്കോളാം ..പിന്നെ നാളെ കോളേജിൽ വരില്ലേ ?”
ഞാൻ തിരിഞ്ഞിറങ്ങികൊണ്ട് ചോദിച്ചു.
“നോക്കട്ടെ…ചെലപ്പൊഴേ വരുള്ളൂ “
മഞ്ജു എന്നെ നോക്കി മാറിൽ കൈപിണച്ചു നിന്നുകൊണ്ട് പറഞ്ഞു.
“എന്ന ഞാനും ലീവ് ആക്കും “
ഞാനും വിട്ടില്ല..അവളതു കേട്ടു ചിരിച്ചു. ഞാൻ അപ്പോഴേക്കും ബൈക്കിൽ കയറി കഴിഞ്ഞിരുന്നു . ഞാൻ അവളെ നോക്കി ചിരിച്ചു കാണിച്ചുകൊണ്ട് അവിടെ നിന്നും ഇറങ്ങി .
മഞ്ജു ഉള്ളു തുറന്നു സംസാരിക്കാൻ ഒകെ തുടങ്ങിയിട്ടുണ്ട്. എന്തോ അടുപ്പം ഞങ്ങൾക്കിടയിൽ വളരുന്നുണ്ട് എന്നെനിക്കു തോന്നി ..മനസ് വല്ലാതെ തണുത്ത പോലെ…
ഞാൻ നേരെ വീട്ടിലേക്കാണ് പോയത് . അമ്മയും അഞ്ജുവും ടി.വി കണ്ടോണ്ട് ഇരിപ്പായിരുന്നു . ഞാൻ കയറി അകത്തേക്ക് പോകാതെ നേരെ ഉമ്മറത്ത് തന്നെ ഇരിപ്പുറപ്പിച്ചു . അത് കണ്ടെന്നോണം അമ്മ അങ്ങോട്ടേക്ക് വന്നു.
“ചായ വേണോടാ നിനക്ക് ?”
‘അമ്മ ഉമ്മറത്തു ഇരുന്നു മൊബൈലും നോക്കി ഇരിക്കുന്ന എന്റെ അടുത്തേക്ക് നടന്നു വന്നുകൊണ്ട് തിരക്കി. ഒരു നൈറ്റി ആണ് അമ്മയുടെ വേഷം .
“വേണ്ട…”
ഞാൻ പറഞ്ഞു.
“മ്മ്…എന്താ തറവാട്ടിലെ ഒകെ പാട്..?”
അമ്മ സ്വന്തം വീട്ടിലെ വിശേഷങ്ങൾ അറിയാനുള്ള ആകാംക്ഷയിൽ തിരക്കി.
“ആ തരക്കേടില്ല..പിന്നെ കൃഷ്ണൻ മാമ അടുത്ത ആഴ്ച ചിലപ്പോ ഇങ്ങോട്ടു വരും എന്ന് പറഞ്ഞു .”
ഞാൻ മറുപടി നൽകി.
“മ്മ്..”
അമ്മ മൂളി..
“ഇങ്ങളോട് അവിടെ ചെന്ന് ഒരീസം നിക്കാൻ അമ്മുമ്മ പറഞ്ഞു..ബിന്ദു അമ്മായിയും പരിഭവത്തിലാ .അഞ്ജു അങ്ങോട്ട് ഇപ്പൊ കടക്കുന്നില്ല എന്നാണ് പരാതി “
ഞാൻ ചിരിച്ചുകൊണ്ട് പറഞ്ഞു.
“ആഹ്..ഇപ്പൊ പഴേ പോലെ നേരം കിട്ടണ്ടേ…അവർക്കൊക്കെ പറഞ്ഞ മതി “
അമ്മ ആരോടെന്നില്ലാതെ പറഞ്ഞു.
സ്വല്പ നേരം ഞങ്ങൾ അങ്ങനെ വർത്താനം പറഞ്ഞിരുന്ന ശേഷം ഞാൻ അകത്തേക്ക് കയറി . അഞ്ജു അവിടെ ഇരുന്നു ഏതോ ഹിന്ദി റൊമാന്റിക് പടം കാണുകയാണ് .
സോഫയിൽ ചാരി ഇരുന്നു കാലൊക്കെ സോഫയിലേക്ക് കയറ്റി വെച്ചാണ് ഇരിപ്പ്. ടി-ഷർട്ടും ട്രാക്ക് സ്യുട് ഉം ആണ് വേഷം . ഞാൻ അവളുടെ അടുത്തേക്ക് ചെന്ന് ഇരുന്നുകൊണ്ട് ടി.വി യിലേക്ക് നോക്കി. അവനെന്നെ ചെരിഞ്ഞു പുച്ഛത്തോടെ നോക്കി..അത് പതിവ് ആണ്..
“മ്മ്..എന്താ ?”
അവൾ തിരക്കി..
“മാറ്റെടി”
ഞാൻ പതിയെ പറഞ്ഞു.
“സൗകര്യമില്ല..”
അവൾ പറഞ്ഞുകൊണ്ട് റിമോർട്ട് ചന്തിക്കു പുറകിലേക്ക് ഒളിപ്പിച്ചു .
“ഇന്ന് മാച്ച് ഉള്ളതാ..മര്യാദക്ക് അതിങ്ങു തന്നോ “
ഞാൻ ചൂടായി.
“പോയി പണി നോക്കെടോ..അല്ലെങ്കിൽ ക്ളബിൽ ഇരുന്നല്ലേ നീ കളി കാണുന്നെ ..ഇന്നെന്താ പുതുമ “