മിണ്ടാതിരുന്നോണം…
പ്രീതീ… ഒന്ന് ചതച്ചു വെക്ക്…
ശെരി…
കുഞ്ഞിനേയും കൊണ്ട് പുറത്തേക്കിറങ്ങി
അച്ചൂ… മോന് അമ്മേനെ കാണണ്ടേ…
മ്മ്…
നമുക്ക് മിട്ടായിയോക്കെ വാങ്ങി അമ്മേടെ അടുത്തേക്ക് പോവാം…
അമ്മ എവിടെയാ…
അമ്മ മാമീടെ വീട്ടിലുണ്ട്… അവിടെ മോനേ നോക്കാൻ മമ്മിമാരും അമ്മയും മോന് കളിക്കാൻ ഫ്രണ്ട്‌സും എല്ലാമുണ്ട്…
അവന്റെ കവിളിൽ ഉമ്മ വെച്ച് അവനെ കളിപ്പിച്ചോണ്ട് നിൽക്കെ പ്രിയ വാച്ച് കെട്ടികൊണ്ട് പുറത്തേക്ക് വന്നു
പുറകിലെ ഗ്രില്ലും ഡോറും ലോക്ക് ചെയ്തിട്ടുണ്ട്…
നീ ഇവനെ കൂട്ടി പോയൊന്ന് കറങ്ങിയിട്ട് എന്തേലുമൊക്കെ വാങ്ങി കഴിച്ചിട്ട് ഞാൻ വിളിക്കുമ്പോ വന്നാ മതി
അവളെ നമ്പർ വാങ്ങി മോനേ അവളുടെ കൈയിൽ കൊടുത്തു ചുറ്റും നോക്കി അവർ വണ്ടി എടുത്തു പോയ പിറകെ അഅടുക്കളയിൽ ച്ചെന്ന് കൊടുവാളെടുത്ത് പുറത്തിറങ്ങി മുറ്റത്തെ പേര മരത്തിൽ നിന്നും ലാത്തി വണ്ണമുള്ള കമ്പ് മുറിച്ചെടുത്ത് അകത്തേക്ക് കയറിമുൻ വാതിൽ അടച്ചു ലോക്ക് ചെയ്തു കമ്പിനെ ഒരു നാലടി നീളം വെച്ച് മുറിച്ചു
പ്രിയയോട് കിട്ടിയതിൽ പേടിച്ച് അവളിരുത്തിയിടത്തുനിന്നുമനങ്ങാതെ ഇരിക്കുന്ന അവരെ മൂന്ന് പേരെയും നോക്കി സോഫയിലേക്കിരുന്നവരെ നോക്കി
തള്ള : ആരാ… ആരാ നിങ്ങൾ…
ചോദ്യം ഞാൻ ചോദിക്കും… ചോദിക്കുന്നതിന് പെട്ടന്ന് സത്യം പറയുന്നതാവും നിങ്ങൾക്ക് നല്ലത്… ചോദിക്കുന്നതിനുള്ള ഉത്തരമല്ലാതെ ഒറ്റ ശബ്ദം പുറത്ത് വന്നാൽ കിട്ടുന്ന അടിയുടെ എണ്ണം കൂടും…
ആരാ മോന്റെ കവിളിൽ അടിച്ചത്…
തള്ള : അതിവന്റെ കെട്ടിയോളാ… അവളിന്നലെ രാത്രി ഒളിച്ചോടിപോയി…
അവരെ മൂന്നുപേരെയും നോക്കി ചിരിച്ചുകൊണ്ട് എഴുന്നേറ്റു തള്ളയുടെ നേരെ ചെന്നു മൂന്നുപേരെയും നോക്കി കൊണ്ട്
സാധാരണ ഞാൻ പെണ്ണുങ്ങളെ മേൽ കൈവെക്കാറില്ല നീ എന്നോട് ഇരന്നത് കൊണ്ട് തരുവാ
വടി ഉയർന്നു താണു
അമ്മേ… അയ്യോ…
(വിരൽ ചുണ്ടിനു കുറുകെ വെച്ചു)ചുപ്… ഒറ്റ ശബ്ദം പുറത്തുവരുത്
വടി ഉയർന്നു താണ്കൊണ്ടിരിക്കെ സാരി കടിച്ച് പിടിച്ചുകൊണ്ട് ശക്തമായി മൂളികൊണ്ടിരുന്നു
അടുക്കളയിൽ നിന്നും ഒരു ജഗിൽ വെള്ളമെടുത്തു കൊണ്ട് കൊടുത്ത് തള്ള അത് കുടിക്കുന്നത് നോക്കി സോഫയിലിരുന്നു
ഇപ്പൊ പറ ആരാ അച്ചൂനെ തല്ലിയെ…
അടുത്തിരിക്കുന്ന ചെറുപ്പക്കാരിയെ കാണിച്ചു
മ്മ്…
ആരാ അമ്മുനെ പൂട്ടിയിട്ടേ…
തള്ള : ഇവൻ…
അവളെ കാണാഞ്ഞിട്ട് നിങ്ങളെ അയൽക്കാരൊന്നും ചോദിച്ചില്ലേ…
തള്ള : അങ്ങനെ ആരും വരികയൊന്നുമില്ല അടുത്ത വീട്ടിലെ ഒരുത്തി ചോദിച്ചപ്പോ അവൾ ബന്തു വീട്ടിൽ പോയെന്നു പറഞ്ഞു…
അപ്പൊ അച്ചൂനെ കൊണ്ടുപോവാഞ്ഞതെന്താന്ന് ചോദിച്ചില്ലേ…
തള്ള : അവൻ ഇവിടുള്ളത് ആർക്കും അറിയില്ല അവനെ ആ മുറിയിൽ നിന്ന് പുറത്തിറക്കാറില്ല…
മ്മ്… ഇവിടെ അടുത്തെവിടെയാ പെട്രോൾ പമ്പ്…
സനൂപ് : ഇവിടുന്ന് എട്ട് കിലോമീറ്ററുണ്ട്…
നിങ്ങൾക്ക് ഞാനൊരു കഥ പറഞ്ഞുതരാം… ശ്രെധിച്ചു കേൾക്കണം അത് കഴിഞ്ഞ് ഞാനൊരു ചോദ്യം ചോദിക്കും…
അവരെന്നെ നോക്കി
പണ്ട്… പണ്ടെന്നു പറഞ്ഞാൽ കുറേ വർഷം മുൻപ് ഞങ്ങളെ നാട്ടിൽ ഒരു സ്കൂളുണ്ട് സ്കൂളിൽ നാലാം ക്ലാസിൽ പഠിക്കുന്ന വളരെ വികൃതിയയൊരു ചെറുക്കനുണ്ട് എപ്പോഴും കുരുത്തക്കേട് കാണിക്കുന്നൊരു ചെറുക്കൻ അവനന്ന് സ്കൂൾ ഗ്രൗണ്ടിനു ചേർന്നുള്ള മാവിൽ കല്ലെറിഞ്ഞ് വീഴ്ത്തിയ മാങ്ങ ഒരു കുഞ്ഞു കുട്ടി ഓടിവന്നെടുത്തു
ഡി…
എന്താ…
തലക്ക് മുകളിൽ കൊമ്പ് പോലെ കുടുക്കി വെച്ച മുടിയും തുടുത്ത കവിളും വട്ടമുഖവും ഉണ്ട കണ്ണുകളും പുഴുവരിച്ച പല്ലും കാട്ടി അവൻ വിളിച്ച വിളിയോട് കിടപിടിക്കുന്ന ചബ്ദത്തോടെ തിരിച്ചു ചോദിച്ചു
എന്താന്നോ… ഞാനെറിഞ്ഞിട്ട മാങ്ങയാ… അതിങ് താ…
ഞാനെടുത്ത മാങ്ങയാ… ഞാൻ തരൂല…
അവളതും പറഞ്ഞു തിരിഞ്ഞു നോക്കാതെ ഓടി ഓട്ടത്തിനിടയിൽ അവൾ വീണത് കണ്ട് അവൻ ഓടിച്ചെന്ന് അവളെ പിടിച്ചുയർത്തി ചരളിലുരഞ്ഞു പൊട്ടിയ കാൽ മുട്ടും കൈകളും കണ്ട് കരയുന്ന അവളെ കോരിയെടുത്തവൻ പൈപ്പിനടുത്തേക്ക് നടന്നു കയ്യും കാലും കഴുകിക്കൊടുത്ത് അവളെ എടുത്ത് ടീച്ചർമാരെ അടുത്ത് കൊണ്ടുപോയി ടീച്ചർമാർ അവൾക്ക് മരുന്നൊക്കെ വെച്ചുകൊടുത്തുകഴിയും വരെയും അവിടെ നിന്ന അവന് താൻ കാരണമാണവൾ വീണതെന്ന സങ്കടമായിരുന്നു മരുന്ന് വെക്കുമ്പോ കരഞ്ഞെങ്കിലും മരുന്ന് വെപ്പ് കഴിഞ്ഞ് അവൾ ഉണ്ടക്കണ്ണുകൊണ്ടവനെ തുറിച്ചു നോക്കി അവനവളെ നോക്കി ചിരിച്ചു അവളും പതിയെ ചിരിച്ചു അവനവൾക്ക് അടുത്തേക്ക് ചെന്നു
എന്താ പേര്…
അമൃത… അച്ഛൻ അമൂന്ന് വിളിക്കും… ചേട്ടന്റെ പേരെന്താ…
ഷെബിൻ അഹമദ്… എല്ലാരും ഷെബിന്ന് വിളിക്കും…
മാങ്ങ…
അവൻ ഓടി ഗ്രൗണ്ടിൽ ചെന്നു മാങ്ങ കാണാഞ്ഞു മറ്റൊരു മാങ്ങ പറിച്ചു അവൾക്കു കൊണ്ടുകൊടുത്തു കണ്ണു ചിമ്മിക്കൊണ്ട് പുളിയുള്ള മാങ്ങ തിന്നുന്ന അവളെ നോക്കി
എത്രാം ക്‌ളാസിലാ…
ഒന്ന് ഇയിൽ… ചേട്ടനൊ…
നാല് എ യിൽ
അന്ന് മുതൽ അവർ കൂട്ടായി… കാലത്ത് അവളെ തോളിലിരുത്തി സ്കൂളിലേക്ക് കൊണ്ടുവരുന്ന അവളുടെ അച്ഛൻ അവൾക്കായി വാങ്ങികൊടുക്കുന്ന മിട്ടായികൾ അവൾ അവന് കൂടെ പങ്കിടാൻ മറന്നില്ല മാങ്ങയും പുളിയും ചാമ്പക്കയും കൊണ്ട് അവൻ അവൾക്കരികിൽ ചെന്നു അവൾ അവന്റെ കുഞ്ഞനിയത്തിയും അവനവളെ ചേട്ടനുമായി അവളെ അവൻ അമ്മു എന്ന് വിളിച്ചു സ്കൂളിലെ വികൃതി ചെക്കൻ അവനായിരുന്നെങ്കിൽ സ്കൂളിലെ വികൃതി പെണ്ണ് അവളായിരുന്നു ഏഴാം ക്ലാസിലെ പരീക്ഷ കഴിഞ്ഞ് അവൻ മറ്റൊരു സ്കൂളിലേക്ക് പോവുന്ന സങ്കടത്തിൽ കരഞ്ഞ അവൾക്ക് കാണാൻ വരുമെന്ന് വാക്കുകൊടുത്തവൻ വേറെ സ്കൂളിൽ പോയി പിന്നെയും സമയം കിട്ടുമ്പോയെല്ലാം അവനവൾക്ക് സമ്മാനങ്ങളുമായി ചെന്നു ഹൈ സ്കൂളിൽ വീണ്ടും അവർ ഒരേ സ്കൂളിലായെങ്കിലും ആറുമാസത്തിനു ശേഷം അവൾ കുടുംബത്തോടൊപ്പം മറ്റേതോ നാട്ടിലേക്ക് പോയി കാലങ്ങൾ കഴിഞ്ഞു അവന്റെ ഓർമകളിൽ ഇടയ്ക്കിടെ കയറി വരുന്ന അവളെ തിരഞ്ഞു ചെല്ലാൻ മാത്രമായി അവൻ സമയം കണ്ടെത്തിയില്ല
വർഷങ്ങൾക്കിപ്പുറം കരയുന്നവരുടെ കണ്ണീര് കഴുകാൻ കരയിപ്പിച്ചവരുടെ ചോര വേണം എന്ന പോലെ ചിന്തിക്കുന്ന അവൻ ഒരു രാത്രിയിൽ തന്റെ വണ്ടിയിൽ പോയികൊണ്ടിരിക്കെ വണ്ടിക്ക് മുന്നിൽ വന്നു ബോധം കേട്ട് വീണ പേ കോലത്തിന് തന്റെ അമ്മുവിന്റെ ചായ തോന്നിയ അവൻ അവളെ കൊണ്ടുപോയി വീട്ടിലാക്കി കണ്ണ് തുറന്ന അവൾ പറഞ്ഞാണ് അമ്മുവാണെന്നും അവൾക്കൊരു കുഞ്ഞുണ്ടെന്നും ഭർത്താവും വീട്ടുകാരും അവളെ പീഡിപ്പിച്ചുകൊണ്ടിരിക്കുകയാണെന്നും അവനറിയുന്നത്
അങ്ങനെ ഒരു സാഹചര്യം ഉണ്ടായാൽ അവൻ എന്താവും ചെയ്യുക…
അവർ പരസ്പരം നോക്കി ഭയത്തോടെ എന്നെ നോക്കി ചിരിയോടെ അവരെ നോക്കി തള്ളയോട്
നിനക്കെത്ര മക്കളാ…
തള്ള : ഇവര് രണ്ടാളും
വല്ലാതെ വഴുകി കേട്ടോ കട്ട വൈറ്റിംഗ് ആണിവിടെ