ഭക്ഷണം കഴിച്ചു കഴിഞ്ഞ് വെള്ളവും കുടിച്ച് മുഖം കഴുകി അവൾക്കൊരുമ്മയും കൊടുത്ത് ഉമ്മറത്തേക്ക് നടന്നു
വണ്ടിയിൽ കയറാൻ തുടങ്ങേ ഉപ്പയും റാഷിയും വന്നു റാഷിക് നേരത്തെ ഞാൻ പറഞ്ഞത് ഇഷ്ടമായില്ലെന്ന് തോന്നുന്നു അവൻ വണ്ടിയും നിർത്തി മൈന്റ് ചെയ്യാതെ അവന്റെ മുറിയിലേക്ക് പോയി
അസ്സലാമു അലൈകും…
വ അലൈകും അസ്സലാം… ഉപ്പ എവിടുന്നാ…
പള്ളിയിൽ പോയതാ… നീ എങ്ങോട്ടാ…
ഒന്ന് കവല വരെ…
ഉപ്പാക്ക് ഒപ്പം കോലയിൽ കയറി അകത്ത് ഇത്തയും ഉമ്മയും ഫൗസിയും ഖുർആൻ ഓതുന്നത് കേട്ട് അടുക്കളയിൽ ചെന്ന് ചായയുണ്ടാക്കി ഒരു ഗ്ലാസ് ഉപ്പാക്ക് കൊടുത്ത് നിലത്തിരുന്നു ചായ കുടിച്ചുകൊണ്ട്
ഉപ്പ പണിക്കാരോട് കുളിക്കാനും അലക്കാനും പുഴയിൽ പോവണ്ട വേണോങ്കിൽ കുളത്തിലോ ബാത്റൂമിലോ കുളിച്ചോളാൻ പറയുമോ… പുഴയിൽ പെണ്ണുങ്ങൾ കുളിക്കുകയും അലക്കുകയും ചെയ്യുന്നതല്ലേ
അത് ഞാൻ പറഞ്ഞേക്കാം… മീൻ കുഞ്ഞുങ്ങളെ നോക്കാൻ പോയപ്പോ ഞങ്ങൾ വേറൊരു ഫാമിൽ പോയായിരുന്നു അവിടെ പല ജാതി കോഴിയും താറാവും പ്രവും മുയലും ആടുമൊക്കെ ഉണ്ട് നമുക്കും അതുപോലെ ചെയ്താലോ
ചെയ്യാം… ആദി എവിടുന്നോ പുല്ലിന്റെ തണ്ട് കൊണ്ടുവരാം എന്ന് പറഞ്ഞിട്ടുണ്ട്… നാളെ പണിക്കാരോട് അതൊന്നു കുഴിച്ചിടാൻ പറയണം… മുളച്ച ശേഷം ചാണകം കലക്കി ചുവട്ടിൽ ഒഴിച്ചുകൊടുത്താൽ മതി… അതാവുമ്പോ അരിഞ്ഞെടുക്കാൻ എളുപ്പമാ…
മ്മ്… നാളെ തെങ്ങ് കയറാൻ രെജീഷ് വരാന്ന് പറഞ്ഞു… അവര് ബംഗാളികളെ കൊണ്ട് കയറ്റിച്ചിട്ട് തെങ്ങൊന്നും വൃത്തിയാക്കാത്ത കൊണ്ട് അവർക്കിച്ചിരി പണി കൂടും…
മ്മ്… രാജീശൊക്കെ ആവുമ്പോ വൃത്തിക്ക് ചെയ്തോളും… തേങ്ങ പച്ച കൊടുക്കുകയാണോ…
അല്ലാതെ എന്ത് ചെയ്യും അട്ടമില്ലല്ലോ(അടുപ്പിന് മുകളിലെ പുകകൂട്)… തേങ്ങ എടുത്തിടാൻ സൗമിനി ആരോടോ വരാൻ പറയാം എന്ന് പറഞ്ഞു…
മ്മ്… എത്ര തേങ്ങ കാണും…
കഴിഞ്ഞവട്ടം ഇളപ്പം അടക്കം വെട്ടിയ കൊണ്ട് അധികമൊന്നും കാണില്ല എന്നാലും മൊത്തത്തിൽ ഒരു ഇരുപതൊക്കെ കാണുമായിരിക്കും… പൊളിക്കാൻ ബാസ്ക്കരനെ ഏൽപ്പിച്ചിട്ടുണ്ട്…
മ്മ്… നമുക്കൊരു ചേക് (തേങ്ങ വെട്ടി ഉണക്കുന്ന പുകപ്പുര) ഉണ്ടാക്കിയാലോ…
നല്ലതാ… അതാവുമ്പോ ആർക്കേലും പണിയും ആവും… മടലും ചിരട്ടയും ഒക്കെ വേറെ കൊടുക്കുകേം ചെയ്യാം നമ്മുടെ ആവശ്യത്തിന് വെളിച്ചെണ്ണയും ആക്കാം…
മ്മ്… പച്ചക്കറി ഉണ്ടാക്കാൻ ഷെഡ് കെട്ടാൻ ഷാജിയേട്ടനോട് പറയണം അതിന് പുറകിലെ രണ്ട് കണ്ടത്തിലെ തെങ്ങും കവുങ്ങും കളഞ്ഞ് നിരപ്പാക്കണം ആദ്യം… അതാവുമ്പോ മഴയത്തും വെയിലത്തും ഒക്കെ ആവശ്യമുള്ള പച്ചക്കറി അതിലുണ്ടാക്കാം…
മ്മ്…
ഇത്ത : എന്താ രണ്ടാളും വലിയ ചർച്ചയിലാണല്ലോ…
ഇത്താക്ക് ഒപ്പം വന്ന പിള്ളാർക്ക് ചോക്ലേറ്റ് കൊടുത്തു
ഉപ്പ : ഞങ്ങള് ഓരോന്ന് പറഞ്ഞിരിക്കുവായിരുന്നു… ഉപ്പാന്റെ മോള് സുന്ദരിയായല്ലോ…
ഇന്ന് കുളിച്ചു അതിന്റെയാ…
ഇത്ത : പോടാ…
പാത്തു : പാത്തൂട്ടിയാ സുന്ദരി എന്ന് പറഞ്ഞിട്ട്…
ഉപ്പ : ഉപ്പാപ്പാന്റെ പാത്തൂട്ടി സുന്ദരിയല്ലേ…
ആമി : ആമിയോ…
ഉപ്പ : ആമിമോളും സുന്ദരിയാ…
മുറ്റത്ത് വന്നു നിന്നവണ്ടികളിൽ നിന്നും അഫിയും ലെച്ചുവും റിയയും പ്രിയയും അമ്മുവും അച്ചുവിനെയും എടുത്ത് ഉമ്മച്ചിയും ഇറങ്ങി ഞാൻ ഉമ്മച്ചിയെ കണ്ട് എഴുനേറ്റ് നിന്നു
ഉപ്പാ അത് അഫിയുടെ ഉമ്മയാ…
ഇത്ത ഉമ്മച്ചിയെ കൂട്ടാൻ മുറ്റത്തേക്ക് ഇറങ്ങി ഉപ്പ ഗ്ലാസ്സ് താഴെവെച്ചു കസേരയുടെ കൈയിലും വടിയിലും പിടിച്ചുകൊണ്ട് എഴുനേൽക്കുന്നത് കണ്ട് ലെച്ചു ഓടിവന്ന് ഉപ്പാനെ താങ്ങി
ഉപ്പ : കുഴപ്പമില്ല മോളേ…
ഭാവി എം എൽ എ വോട്ട് പിടിക്കാനുള്ള സോപ്പിടലാ…
അവളെനെ നോക്കി കണ്ണുരുട്ടി ഉപ്പ ചിരിച്ചകൊണ്ട്
ഉപ്പ : ആണോ മോളേ…
ലെച്ചു : ദേ വാപ്പച്ചീ ഇതിന്റെ കൂടിച്ചേർന്ന് എന്നെ കളിയാക്കിയാൽ തള്ളി താഴെയിടുമേ ഞാൻ…
നീ ചെയ്യുമെടീ… നീയത് ചെയ്തില്ലേലേ അത്ഭുതമുള്ളൂ…
അവൾ ചവിട്ടികുലുക്കി അകത്തേക്ക് പോയി
ഇത്ത : (അകത്തേക്ക് നോക്കി) ഉമ്മാ… ഇതാരാ വന്നേന്ന് നോക്ക്…