കുട്ടികളെവിടെ
വല്ലിത്ത : അവർ അഫിന്റെ ഒപ്പം പോയി കുറച്ചുകഴിഞ്ഞു കൂട്ടാൻ ഇവനെ പറഞ്ഞയക്കാം എന്നുകരുതി
ഉമ്മ : ഇനി ഏതായാലും നീ തന്നെ പോയി കൂട്ടിയിട്ട് പോര്
മ്മ്… നാളെ ആശുപത്രീൽ പോവേണ്ടതാ അതിന് മുൻപ് എല്ലാ വീട്ടിലും കയറി ഇറങ്ങണം നാളെ കഴിഞ്ഞാൽ എപ്പോഴാ പറ്റുകയെന്നറിയില്ല
ഇത്ത : ഞാനും ചോദിക്കാനിരിക്കുകയായിരുന്നു ഇന്നലെ അവിടെ വെച്ചോന്ന് കണ്ടതല്ലേ ഇന്നലെ വന്നിട്ട് ഇതുവരെ അങ്ങോട്ടൊന്നും പോയില്ലെന്നുപറഞ്ഞാൽ
വല്ലിത്ത : എന്നാ വൈകണ്ട ഇപ്പൊത്തന്നെ ചെല്ല് പോയി വന്നിട്ട് വേണം പിള്ളേരെ കൂട്ടാൻ പോവാൻ
മ്മ്… പോവാം… ഉപ്പ എവിടെ…
വല്ലിത്ത : കിടക്കുകയാ…
എന്ത് പറ്റി
വല്ലിത്ത : ചോദിച്ചപ്പോ ഒന്നുമില്ലെന്ന് പറഞ്ഞു
മ്മ്… (ഉപ്പാക്ക് അടുത്തേക്ക് നടന്നു)
എന്ത് പറ്റി
ഒന്നുമില്ലടാ ഞാൻ വെറുതെ കിടന്നതാ
മ്മ്… ഇത്താന്റെ കാര്യം ആലോചിച്ചുള്ള ടെൻഷൻ ആണോ
ഉപ്പ എന്റെ മുഖത്തേക്ക് നോക്കി
ഇന്നിപ്പോ അവനാവശ്യപ്പെടുന്നത്രയും കൊടുക്കാൻ എനിക്ക് പറ്റും പക്ഷേ ഞാൻ കൊടുക്കില്ല,ആദ്യം അവനെ നാട്ടിലെത്തിക്കണം അത്കഴിഞ്ഞിത്താന്റെ ഡിവോഴ്സ് അത് കഴിഞ്ഞു എന്റെ പെങ്ങളെ തൊട്ടാൽ ഞാനെന്ത്ചെയ്യുമെന്ന് അവനെ ഞാനറിയിക്കും, അവൾക്ക് അവളെ സ്നേഹിക്കാൻ കഴിയുന്നൊരുത്തനെ കണ്ടുപിടിക്കാം അവന് വേണ്ടി എന്തും ചെയ്തും കൊടുക്കാം
ഒന്നും മിണ്ടാതെ ഇരിക്കുന്ന ഉപ്പാനെ നോക്കി
ഉപ്പാ…ഞാൻ കാരണം ഇങ്ങളെ കാല് പോയി കാലിൽ വന്ന പഴുപ്പിന്റെ വേദനയിൽ പോലും നിങ്ങളെ കണ്ണ് കലങ്ങി ഞാൻ കണ്ടിട്ടില്ല ഇത്താനെ വേദനിപ്പിച്ച് നിങ്ങളെ കരയിച്ച അവൻ ജീവിതകാലം മുഴുവൻ അതോർത്ത് കരയും കരയിക്കും ഞാൻ
ഒന്നും വേണ്ട പകയും പ്രതികാരോം ഒന്നും വേണ്ട
പകയും പ്രതികാരവുമല്ല ഇനി അവൻ ഒരുപെണ്ണിന്റെ മേലും കൈ വെക്കരുത് അവൻ മാത്രമല്ല അവൻ അനുഭവിക്കുന്നത് കാണുന്ന ഒരുത്തനും ഇനി പെണ്ണിന്റെ മേൽ കൈ വെക്കരുത്
പറഞ്ഞിട്ട് കാര്യമില്ല എന്ന് കരുതിയത് കൊണ്ടാവണം എന്നെ നോക്കി ഇരുന്നതല്ലാതെ ഒന്നും പറഞ്ഞില്ല
ഞാനിന്ന് സ്ഥലത്തിന്റെ കാര്യം സംസാരിക്കാൻ പോയിരുന്നു
എന്തായി…
നമ്മൾ ഉദ്ദേശിച്ച പോലെ എഴുപത്തി അഞ്ചിന് ഉറപ്പിച്ചു അഡ്വാൻസ് കൊടുത്തു
മ്മ്… ഇത്രേം പൈസക്ക് പെട്ടന്ന് ഇപ്പൊ എന്ത് ചെയ്യും
നാളെ കഴിഞ്ഞാൽ പൈസയുടെ കാര്യം പ്രശ്നമില്ല പക്ഷേ…ഉപ്പ… ഞാൻ…
എന്താടാ…
ഞാൻ ചോദിക്കുന്നത് കേട്ട് ഉപ്പ വേറൊന്നും വിചാരിക്കരുത്
എന്ത് വിചാരിക്കാൻ നീ കാര്യം പറ
അത്… ഈ വീടും സ്ഥലവും എനിക്ക് എഴുതിത്തരാമോ
(ഒരു ചിരിയോടെ) ഇതല്ലേലും നിനക്കുള്ളതല്ലേ അവർക്ക് രണ്ടാൾക്കും എന്നെകൊണ്ട് കൊടുക്കാൻ പറ്റുന്നതൊക്കെ ഞാൻ കൊടുത്തു ഇതിൽനിന്ന് അഞ്ചു സെന്റ് വീതം അവർക്കും ബാക്കി പതിനഞ്ചും വീടും നിനക്കും തരാൻ ഞാൻ തീരുമാനിച്ചതാ
അതല്ലുപ്പാ അവർക്ക് അഞ്ചാക്കണ്ട അതിൽ അതികം തന്നെ ഞാൻ വാങ്ങികൊടുക്കും പക്ഷേ ഇത് എന്റെ പേരിൽ ആക്കി കിട്ടണമായിരുന്നു
ആയിക്കോട്ടെ നീ അതിന് എന്താ വേണ്ടേ എന്നുവെച്ചാൽ ചെയ്തോ
ശെരി ഉപ്പാ…ഞാനിറങ്ങുകയാ വെറുതെ ഓരോന്നാലോചിച്ചു ടെൻഷൻ ആവണ്ട
ചിരിയോടെ
നേരത്തെ പറഞ്ഞേൽപ്പിച്ചകൊണ്ട് ആദി വണ്ടിയിൽ നിന്നും കവറുകളെല്ലാം എടുത്തു വീട്ടിൽ വെച്ചിരുന്നു ഗിഫ്റ്റ് ബോക്സുകളടങ്ങിയ കവറും എടുത്ത് എല്ലാരുടെ വീട്ടിലും പോയി അവരോടെല്ലാം അല്പം സംസാരിച്ചു അവർക്ക് കൊണ്ട് വന്നത് കൊടുത്ത് തിരികെ വീട്ടിലെത്തുമ്പോയേക്കും സമയം പത്തുമണി കഴിഞ്ഞു പിള്ളേരെ കൂട്ടാൻ പോവാൻ വേണ്ടി വണ്ടിക്ക് അടുത്തു ചെന്നു മുതുകിൽ തലോടിയശേഷം അവന്റെ മേലേക്ക് കയറിയിരുന്നു ആക്സിഡന്റ്റിനു ശേഷം അവനെ എവിടെയും കൂട്ടാത്തതിൽ പരിഭവം കാണിക്കാതെ ആദ്യ വിളിയിൽ തന്നെ അവൻ ഉണർന്നു ഉച്ചത്തിലുള്ള അവന്റെ അട്ടഹാസം കാതുകളിൽ പതിഞ്ഞു വീണ്ടും വീണ്ടും അവന്റെ അട്ടഹാസം കേൾക്കാനായി അവനെ ഇക്കിളിയിട്ടുകൊണ്ടിരുന്നത് കേട്ട് പുറത്തേക്ക് വന്ന ഇത്തമാരും ഉമ്മയും ഉപ്പയും അവന്റെ ടാങ്കിൽ തലോടിക്കൊണ്ട് പുഞ്ചിരിയോടെ അവനെ ഇക്കിളിയിടുന്ന എന്നെ തന്നെ നോക്കി നിൽക്കെ ഇത്തമാർ സന്തോഷത്തോടെ ഇറങ്ങി അടുത്തേക്ക് വന്നുകൊണ്ട് ഇരു വശത്തുനിന്നും എന്നെ കെട്ടിപിടിച്ചു കൊണ്ട് കവിളുകളിൽ ഉമ്മ നൽകി
ഇത്ത : നിന്റെ ഈ ചിരിയും ഇവന്റെ ശബ്ദവും കേട്ടിട്ട് എത്രനാളായി
വല്ലിത്ത : ഇപ്പോഴാ നീ ഞങ്ങടെ ആ പഴയ അനിയൻ ആയത്
ചിരിച്ചുകൊണ്ട് രണ്ടുപേരെയും കൈ ചുറ്റി ചേർത്തുപിടിച്ചു കവിളിൽ ഉമ്മ നൽകി
വല്ലിത്ത : നീ പിള്ളേരെ കൂട്ടാൻ പോവുകയല്ലേ
മ്മ്…
വല്ലിത്ത : ഞാനും വരാം
ശെരി
ഒരു മിനുറ്റ് ഞാൻ വേഗം മാറ്റിവരാം
ഓടി അകത്തേക്ക് പോവുന്നതിനൊപ്പം ഉമ്മയും പുറകെതന്നെ ഉപ്പയും പോയി
വേറെ ഒരു ചുരിദാറുമിട്ടുകൊണ്ട് തിരികെ വന്ന വല്ലിത്ത വണ്ടിക്ക് പുറകിൽ കയറി പറമ്പിൽ നിന്നും റോഡിലേക്കുള്ള വരമ്പ് പോലുള്ള നടവഴിയിലൂടെ ഇരമ്പലോടെ അവൻ മുന്നോട്ട് കുതിക്കെ വല്ലിത്ത എന്നെ ഇറുക്കെ കെട്ടിപിടിച്ചു
(ഇത്ത മുഖമെന്റെ തോളിൽ വെച്ചുകൊണ്ട്)ഡാ…
മ്മ്…
ഇന്നൊരു സംഭവമുണ്ടായി
എന്തേ…
ഉമ്മ അവളോട് ഓരോന്നൊക്കെ ചോദിച്ചു ചോദിച്ചു പതിയെ നിനക്ക് വേണ്ടി അവളെ വീട്ടിൽ ചെന്ന് കല്യാണം ആലോചിക്കട്ടെ എന്ന് ചോദിച്ചു
ആഹാ… ഒരുദിവസം കാണുമ്പോയേക്ക് ഇത്രയൊക്കെ നടന്നോ
ഇന്നലെ നിന്റൊപ്പം അവൾ സ്റ്റേജിൽ നിന്നത് കണ്ട് രണ്ടാളും നല്ല ചേർച്ചയുണ്ടെന്നൊക്കെ ഇന്നലെ തിരിച്ചുവരുമ്പോ തന്നെ പറയുന്നുണ്ടായിരുന്നു… ഇന്നവളെ കണ്ടപ്പോ തൊട്ട് അവളെ പുന്നാരിച്ചു കൊണ്ടുനടക്കുവായിരുന്നു അതിനിടയിൽ നിനക്ക് ഗൾഫിൽ നല്ല ജോലിയാണെന്നും കല്യാണം കഴിഞ്ഞാൽ ഭാര്യയെ കൂടെ കൊണ്ടുപോവാൻ പറ്റുമെന്നും നീ നമ്മുടെ വീട് പൊളിച്ചു വലിയൊരു വീട് വെക്കാൻപോവുകയാണെന്നും നിനക്ക് ഒരു പെൺകുട്ടിയെയും ഇഷ്ടപെടാത്തത് കൊണ്ടാണ് കല്യാണം കഴിക്കാത്തതെന്നും നിന്റെ സ്വഭാവത്തെ പറ്റിയുമൊക്കെ പൊക്കിപറയുന്നുണ്ടായിരുന്നു അതിനെല്ലാം അവളും നല്ലപോലെ മറുപടിയൊക്കെ പറയുന്നത് കേട്ട് എല്ലാം കഴിഞ്ഞു വൈകീട്ട് വീട്ടിൽ ഇരിക്കുമ്പോഴാ അവളോട് ചോദിച്ചേ…
എന്നിട്ടവളെന്തു പറഞ്ഞു
അവളുടെ കല്യാണം കഴിഞ്ഞതാണെന്ന് പറഞ്ഞു… ഹഹഹ (ആർത്തു ചിരിച്ചുകൊണ്ട്) അപ്പൊ ഉമ്മാന്റെ മുഖമൊന്നു കാണണമായിരുന്നു ഒന്നും മിണ്ടാതെ ഒറ്റ പോക്കായിരുന്നു അടുക്കളയിലേക്ക് പിന്നെ എപ്പോഴത്തെയും പോലെ പിറുപിറുക്കലും കണ്ടിട്ടെനിക്ക് വന്നചിരി ഞാൻ എത്ര കഷ്ടപെട്ടാ പിടിച്ചുനിർത്തിയെ എന്നറിയുമോ. അവൾ പോയി കഴിഞ്ഞും അവളെ പറ്റി തന്നെ ആയിരുന്നു പിറുപിറുക്കൽ “അവളാരാ അവളില്ലേൽ എന്റെ മോന് വേറെ പെണ്ണ് കിട്ടില്ലേ അവളെ കല്യാണം കഴിഞ്ഞതാണ് പോലും” എന്നൊക്കെ ഒറ്റക്ക് നിന്നുള്ള നൊടിച്ചിൽ കണ്ടിട്ട് പാവം തോന്നി