ആദി : രൂപേ നീ എന്താ ചെയ്യുന്നെ
രൂപ : എന്തിനാടാ 😭…
ആദി : രൂപേ ഞാൻ അറിയാതെ പറഞ്ഞു പോയതാ നിന്നെ ഇവിടെ…
രൂപ : സാരമില്ല എനിക്ക് മനസ്സിലാകും
ആദി : രൂപേ ആ ബാഗ് അവിടെ വെക്ക്
രൂപ : ഇല്ലടാ എന്നെ മറന്നേക്ക് കള്ളങ്ങളുടെ പുറത്ത് നമുക്ക് ഒരു നിലനിൽപ്പ് ഉണ്ടാകില്ല ഞാൻ നിന്നെ പെട്ടെന്നു മറക്കും നീ എന്നെയും മറക്കണം എന്നിട്ട് നിന്നെ കാത്തിരിക്കുന്ന ആ കുട്ടിയെയും കല്യാണം കഴിച്ചു ജീവിക്കണം
ഇത് കേട്ട ആദി വേഗം തന്റെ അമ്മയുടെ അടുത്തേക്ക് ഓടി
ആദി :അമ്മേ അവള് പോകുവാണെന്ന് ഞാൻ അല്ലേ എല്ലാ തെറ്റും ചെയ്തത് പ്ലീസ് അവളോട് പോകല്ലേന്ന് പറ അവൾക്ക് പോകാൻ ഒരു സ്ഥലവുമില്ല അമ്മേ
എന്നാൽ ആദിക്ക് അമ്മ ഒരു മറുപടിയും നൽകിയില്ല പെട്ടെന്നാണ് രൂപ ബാഗുമായി റൂമിനു പുറത്തേക്കു വന്നത് അമ്മയെ ഒന്നും നോക്കിയ ശേഷം അവൾ പതിയെ വീടിനു പുറത്തേക്കിറങ്ങാൻ തുടങ്ങി
അമ്മ : നിനക്ക് തോന്നുബോൾ പോകാനും വരാനും ഇതെന്താ വല്ല സത്രവുമാണോ
രൂപ :അമ്മേ ഞാൻ..
അമ്മ : നീ എങ്ങോട്ടാ ഈ പോകുന്നെ
രൂപ : പേടിക്കണ്ട ഞാൻ ഒരു കടും കയ്യും ചെയ്യില്ല ഞാൻ തിരിച്ചു വീട്ടിലേക്ക് പോകുവാ
ആദി : നിനക്കെന്താ രൂപേ ആ പിശാചുക്കളുടെ അടുത്തേക്ക് വീണ്ടും പോകാൻ പോകുകയാണോ 😡
അമ്മ : വാ അടക്കെടാ ഞാൻ അവളോട് സംസാരിക്കുകയല്ലേ… അവിടേക്ക് തിരിച്ചു പോയാൽ നിന്നെയവർ കയറ്റുമെന്ന് തോന്നുന്നുണ്ടോ
എന്നാൽ രൂപ അതിന് മറുപടി ഒന്നും നൽകിയില്ല
അമ്മ : നീ ഇവിടെ വന്നത് എന്റെ അനുവാദത്തോട് കൂടിയല്ല പക്ഷെ പോകുന്നതിന് എന്റെ അനുവാദം വേണം ആ ബാഗ് ഒക്കെ തിരിച്ചു കൊണ്ടു വച്ചേ
രൂപ : അമ്മേ
അമ്മ : ഞാൻ പറഞ്ഞില്ലേ മോള് ഒരു തെറ്റും ചെയ്തിട്ടില്ല എല്ലാം ധാ ഇവൻ കാരണമാ നിനക്കെന്നോട് സത്യം പറഞ്ഞാൽ എന്തായിരുന്നെടാ പ്രശ്നം
ആദി : അമ്മ സമ്മതിച്ചില്ലെങ്കിലോ എന്ന് കരുതി
അമ്മ : അത്രക്ക് ദുഷ്ടയാണോടാ ഞാൻ മോളെ നീ ഇങ്ങ് വാ ഇനി ഒരിടത്തേക്കും പോകണ്ട ഇനിമുതൽ ഇതാണ് നിന്റെ വീട്….നീ എന്താ ഞാൻ പറഞ്ഞാൽ കേൾക്കില്ലെ ഇങ്ങോട്ട് വരാൻ
ഇത് കേട്ട രൂപ പതിയെ അമ്മയുടെ അടുത്തേക്ക് എത്തി
അമ്മ : ഇന്നിവിടെ നടന്നതിനെ കുറിച്ച് ആലോചിച്ചോന്നും മോള് വിഷമിക്കണ്ട ഒരു വീടാകുമ്പോൾ ചെറിയ വഴക്കൊക്കെ ഉണ്ടാകില്ലേ അങ്ങനെ കരുതിയാൽ മതി ഏട്ടന്റെ ദേഷ്യമൊക്കെ ഒന്ന് തണുത്തിട്ട് ഞാൻ തന്നെ പോയി കാര്യങ്ങളൊക്കെ പറഞ്ഞു മനസ്സിലാക്കികൊള്ളാം ഇവൻ പറഞ്ഞതു പോലെ ഏട്ടന് അങ്ങനെ അധിക നാളൊന്നും ഞങ്ങളോട് പിണങ്ങിയിരിക്കാൻ പറ്റത്തില്ല
ഇത്രയും പറഞ്ഞു അമ്മ രൂപയെ പതിയെ കെട്ടിപിടിച്ചു ശേഷം അവളുടെ തലയിൽ തലോടി
അമ്മ : ഈ ചെറുക്കൻ കാരണം ഞാൻ എന്റെ കൊച്ചിനെ ഒരുപാട് വിഷമിപ്പിച്ചു മോള് വേഗം ബാഗ് ഒക്കെ തിരിച്ചു കൊണ്ടു വച്ചിട്ട് വന്നേ ഞാൻ ചോറെടുത്ത്‌ വെക്കാം
ഇത്രയും പറഞ്ഞു അമ്മ രൂപയെ റൂമിലേക്ക് അയച്ചു
ആദി : താങ്ക്സ് അമ്മ
അമ്മ : അവന്റെ ഒരു താങ്ക്സ് നീ ഒറ്റൊരുത്തനാ കാര്യങ്ങൾ ഇത്രത്തോളം എത്തിച്ചത് ഇത്രയും അനുഭവിച്ച ആ കൊച്ചിനെ ഇവിടെ കൊണ്ടുവന്ന് വീണ്ടും കരയിച്ചില്ലേ
ആദി : വേണോന്ന് വെച്ചിട്ടല്ലൊ അമ്മേ
അമ്മ : പോ പോയി ആ കൊച്ചിനെ ഒന്ന് സമാധാനപ്പെടുത്ത്
ഇത് കേട്ട ആദി റൂമിലേക്ക് നടന്നു റൂമിലേക്ക് എത്തിയ അവൻ കണ്ടത് കയ്യിൽ ബാഗുമായി എന്തോ ചിന്തിച്ചു നിൽക്കുന്ന രൂപയെയാണ് ആദി വേഗം ബാഗ് പിടിച്ചു വാങ്ങി താഴേക്കു വച്ചു
ആദി : ഇത്രമാത്രം ചിന്തിക്കാൻ ഇപ്പോൾ ഇവിടെ എന്താ ഉണ്ടായത്
എന്നാൽ ആദിയുടെ ചോദ്യം ശ്രദ്ധിക്കാതെ രൂപ ബെഡിലേക്ക് ഇരുന്നു
ആദി : ഓഹ് പിണങ്ങി അല്ലേ.. ഞാൻ മനഃപൂർവം പറഞ്ഞതല്ലെടി പെട്ടെന്ന് ആ സിറ്റുവേഷനിൽ വായിൽ വേറെ കള്ളമൊന്നും വന്നില്ല സോറി..
എന്നാൽ അപ്പൊഴും രൂപ ഒരു മറുപടിയും നൽകിയില്ല
ആദി : എടി നിനക്ക് വേണ്ടിയല്ലേ ഞാൻ അങ്ങനെയൊക്കെ പറഞ്ഞത് അമ്മയുടെ മുന്നിൽ അത് പറയുമ്പോൾ എന്റെ എന്റെ മാനസികാവസ്ഥ എന്തായിരുന്നെന്ന് നിനക്കറിയാമോ അല്ല നീ എന്തിനാ അതൊക്കെ അറിയുന്നത് അല്ലേ എനിക്ക് എന്തെങ്കിലും പറ്റിയാലും എത്ര സങ്കടം വന്നാലും നിനക്ക് അതിൽ ഒരു പ്രശ്നവും ഇല്ലല്ലൊ
ഇത് കേട്ട രൂപ ആദിയെ കടുപ്പിച്ചൊന്ന് നോക്കി
ആദി : എന്തിനാടി കണ്ണുരുട്ടുന്നെ ഞാൻ സത്യമല്ലെ പറഞ്ഞത് എന്തായിരുന്നു കുറച്ചു മുൻപ് നീ എന്നെ മറക്കണം ഞാൻ നിന്നെ വേഗം മറക്കും നീ വേണമെങ്കിൽ മറന്നോ നീ പറയുമ്പോൾ മറക്കാൻ എനിക്ക് സൗകര്യമില്ല
രൂപ : ഞാൻ..
ആദി :സത്യം പറയാല്ലൊ അഹങ്കാരത്തിന് കയ്യും കാലും വെച്ച സാധനമാ നീ എങ്ങനെയാ ദൈവമേ എനിക്ക് ഇവളെ ഇത്രയും ഇഷ്ടമായത്
ഇത് കേട്ട രൂപയുടെ കണ്ണുകൾ നിറഞ്ഞു
ആദി : ഓഹ് പൂങ്കണ്ണിര് തുടങ്ങി ദേഷ്യം കരച്ചിൽ ദേഷ്യം കരച്ചിൽ നിനക്ക് ഇതല്ലാതെ വേറെ ഒന്നും അറിയില്ലേ എന്ത് പറഞ്ഞാലും ഉടനെ തുടങ്ങിക്കൊളും
ഇത് കേട്ട രൂപ പതിയെ കണ്ണു തുടച്ചു
രൂപ : നീ പിന്നെ കരയാറില്ലല്ലൊ ക്ലാസ്സിൽ ഇരുന്ന് മോങ്ങിയത് എല്ലാവരും കണ്ടതാ
ആദി : ഇത്രയും നേരം നിനക്ക് മിണ്ടാൻ നാവില്ലായിരുന്നല്ലൊ ഇത്രപ്പെട്ടെന്ന് ഇതെവിടുന്നാടി പൊട്ടി മുളച്ചത്
രൂപ : എവിടുന്നായാൽ ഇയ്യാൾക്കെന്താ എനിക്ക് തോന്നുബോഴേ ഞാൻ മിണ്ടു
ആദി : വേണ്ടെടി നീ മിണ്ടുകേ വേണ്ട ഇനി നിന്നോട് ഞാനും മിണ്ടുന്നില്ല പിന്നെ ഇവിടുന്ന് പോകാമെന്നുള്ള മോഹമൊന്നും വേണ്ട നിന്നെ ഞാൻ ഒരു കോപ്പിലേക്കും വിടില്ല മനസ്സിലായോ
ഇത് കേട്ട രൂപ പതിയെ ബെഡിൽ നിന്നെഴുന്നേറ്റ് ആദിയുടെ അടുത്തേക്ക് എത്തി
ആദി : ( ദൈവമേ എന്നെ തല്ലാൻ എങ്ങാനും വരുവാണോ )
പെട്ടെന്ന് തന്നെ രൂപ ആദിയെ കെട്ടിപിടിച്ചു നെഞ്ചിൽ തല ചായ്ച്ച് നിന്നു ആദിപതിയെ തന്നിൽ നിന്ന് രൂപയുടെ കൈ വേർ പെടുത്താൻ ശ്രമിച്ചു കൊണ്ടേയിരുന്നു എന്നാൽ രൂപ കൂടുതൽ കൂടുതൽ ശക്തിയിൽ അവനെ മുറുകെ പിടിച്ചു
ആദി : വേണ്ട നീ പോയേ.. അഞ്ചു മിനിറ്റ് കഴിയുമ്പോൾ വീണ്ടും വഴക്കിടാൻ അല്ലേ
എന്നാൽ രൂപ മറുപടി ഒന്നും നൽകാതെ മുഖമുയർത്തി ആദിയെ നോക്കി നിന്നു
ആദി : നീ എന്താടി വല്ല പൂച്ചകുട്ടിയുമാണോ? ഉം ശെരി ഞാൻ ക്ഷമിച്ചു വാ വല്ലതും കഴിക്കാം
രൂപ : ക്ഷമിക്കാൻ ഞാൻ മാപ്പൊന്നും ചോദിച്ചില്ലല്ലൊ… ഞാൻ കാരണം നിന്റെ ജീവിതത്തിൽ ഒരു പ്രശ്നവും ഉണ്ടാകാൻ പാടില്ല അതുകൊണ്ടാ എന്നെ മറക്കാൻ പറഞ്ഞത് നിന്റെ നല്ലതിന് വേണ്ടി ഇനി വേണമെങ്കിലും ഞാൻ അത് പറയും
