ആദി : എങ്കിൽ നിന്റെ തലമണ്ടക്കിട്ട് ഞാൻ നല്ലത് തരും നീ പോയാൽ ഞാൻ സന്തോഷത്തോടെ ഇരിക്കുമെന്ന് നിനക്ക് തോന്നുന്നുണ്ടോ ഉണ്ടെങ്കിൽ നീ എന്നെ മനസ്സിലാക്കിയിട്ടില്ലെന്നാ അതിനർത്ഥം എന്റെ ജീവിതത്തിൽ നീ മാത്രമേ ഉണ്ടാകു ഇനി യിപ്പോൾ നീ എന്നെ വിട്ട് പോയാലും അത് അങ്ങനെ തന്നെയായിരിക്കും ഞാൻ വേറെ ഒരു പെണ്ണിന്റെയും പുറകേ പോകില്ല എന്താ സന്തോഷമായോ
രൂപ : സന്തോഷമോ
ആദി : പിന്നല്ലാതെ എന്റെ വായിന്നു ഇതൊക്കെ കേൾക്കാനല്ലേ നീ ഇങ്ങനെ ഓരോന്ന് ചോദിക്കുന്നത് എനിക്കിതൊന്നും മനസ്സിലാകില്ലാ എന്നാണോ നിന്റെ വിചാരം
ആദി : നീ..
രൂപ മറുപടി പറയാനാകാതെ കുഴഞ്ഞു ഇത് കണ്ട ആദി പതിയെ റൂമിനു പുറത്തേക്കു ഒന്ന് എത്തിനോക്കി
രൂപ : എന്താ അവിടെ നോക്കിയത്
ആദി : അമ്മ എങ്ങാനും വരുന്നുണ്ടോന്ന് നോക്കിയതാ
രൂപ : അമ്മ വന്നാൽ എ….
രൂപ പറഞ്ഞു തീരുന്നതിന് മുൻപ് ആദി അവളുടെ ചുണ്ടിൽ മുത്തമിട്ടു 😘
“ആദി നീ അവിടെ എന്തെടുക്കുവാ അവളെയും കൊണ്ട് വേഗം കഴിക്കാൻ വന്നേ ”
പെട്ടെന്നാണ് അമ്മ അവരെ വിളിച്ചത്
ആദി : ടീ വേഗം വാ അമ്മ വിളിക്കുന്നു
ഇത്രയും പറഞ്ഞു ആദി റൂമിന് പുറത്തേക്കു നടന്നു പെട്ടെന്നുള്ള നെട്ടലിൽ നിന്ന് മുക്തയായ രൂപയും അവനു പിന്നാലെ പുറത്തേക്കു നടന്നു
അമ്മ : നിങ്ങൾക്കൊന്നും കഴിക്കണ്ടേ പിള്ളേരെ വാ വന്നിരുന്ന് കഴിക്ക്
അമ്മ രണ്ടു പേർക്കും ചോറ് വിളമ്പി
അമ്മ : മോൾക്ക് ഇപ്പോൾ വിഷമമൊന്നും ഇല്ലല്ലൊ അല്ലേ
ആദി : ഇല്ലമ്മേ വിഷമമൊക്കെ ഞാൻ മാറ്റിയിട്ടുണ്ട്
ഇത്രയും പറഞ്ഞു ആദി പതിയെ ചിരിച്ചു
അമ്മ : മിണ്ടാതിരിക്കാതി നിന്നോട് ചോദിക്കുമ്പോൾ നീ പറഞ്ഞാൽ മതി
രൂപ : എനിക്ക് കുഴപ്പമൊന്നും ഇല്ലമ്മേ
അമ്മ : എങ്കിൽ മുഴുവനും കഴിക്ക്
അല്പനേരത്തിനുള്ളിൽ ഇരുവരും ഭക്ഷണം കഴിച്ചു
അമ്മ : മോളെ പ്ലേറ്റ് അവിടെ ഇരുന്നോട്ടെ ഞാൻ കഴുകാം
രൂപ : സാരമില്ല അമ്മേ
ഇത്രയും പറഞ്ഞു രൂപ തന്റെയും ആദിയുടെയും പ്ലേറ്റുമായി കിച്ചണിലേക്ക് നടന്നു ശേഷം അത് കഴുകാൻ തുടങ്ങി പെട്ടന്നാണ് അവിടേക്ക് ആദി യെത്തിയത്
ആദി : രൂപേ ഫസ്റ്റ് കിസ്സ് എങ്ങനെ ഉണ്ടായിരുന്നു 😁
രൂപ : പോടാ പട്ടി അവന്റെ ഒരു വഷളൻ ചിരി നിനക്ക് ഞാൻ വെച്ചിട്ടുണ്ട്
ആദി : ഇഷ്ടം കൊണ്ട് ചെയ്തതല്ലേടി
രൂപ : നീ പോയെ ആദി
ആദി : ശെരി പോകുവാ പിന്നെ നിനക്ക് എന്തെങ്കിലും വേണോ
രൂപ : എന്ത് വേണോന്ന്
ആദി : എടി ഞാൻ പുറത്തോട്ട് പോകുവാ പോയിട്ട് വരുബോൾ എന്തെങ്കിലും വാങ്ങണോന്ന്
രൂപ : എനിക്കിപ്പോൾ ഒന്നും വേണ്ട
ആദി : എന്നാൽ ശെരി
ഇത്രയും പറഞ്ഞു ആദി തിരിഞ്ഞു പെട്ടെന്നാണ് എന്തോ ഓർത്തത് പോലെ രൂപ ആദിയെ വിളിച്ചത്
ആദി :എന്താടി
രൂപ : അത് പിന്നെ എനിക്കൊരു സാധനം വേണമായിരുന്നു
ആദി : അതല്ലേ ഞാൻ ചോദിച്ചത് എന്താ വേണ്ടത്
രൂപ : അത് പിന്നെ..
ആദി : നീ എന്തിനാടി പരുങ്ങുന്നെ
രൂപ : ടാ എനിക്കെ ഒരു പേട് വാങ്ങിയിട്ട് വരുവോ
ആദി : ഓഹ് ഇതാണോ കാര്യം ഇതിനെന്തിനാ നീ നാണിക്കുന്നെ ഞാൻ വരുബോൾ വാങ്ങിയിട്ട് വരാം
ഇത്രയും പറഞ്ഞു ആദി ഹാളിലേക്ക് എത്തി
ആദി : അമ്മേ ഞാൻ ഒന്ന് പുറത്തു പോയിട്ട് വരാം എന്തെങ്കിലും വാങ്ങാൻ ഉണ്ടോ
അമ്മ : വരുമ്പോൾ അപ്പത്തിന്റെ മാവ് കിട്ടുമെങ്കിൽ വാങ്ങിയിട്ട് വാ രാത്രി അപ്പം ഉണ്ടാക്കി തരാം
ആദി : ഉം ശെരി
ഇത്രയും പറഞ്ഞു ആദി വീടിനു പുറത്തേക്കിറങ്ങി
അല്പസമയത്തിനു ശേഷം രൂപ റൂമിൽ തന്റെ ഡ്രസ്സുകൾ അടുക്കി വെക്കുന്ന തിരക്കിൽ പെട്ടെന്നാണ് അമ്മ അവിടേക്ക് എത്തിയത്
അമ്മ : മോൾക്ക് ഇത്ര ഡ്രസ്സേ ഉള്ളോ
രൂപ : വേറെയും ഉണ്ടായിരുന്നു അവിടുന്ന് വന്നപ്പോൾ ഇത്രയേ എടുക്കാൻ പറ്റിയുള്ളു
അമ്മ : അത് ശെരിയാ അല്ലെങ്കിൽ തന്നെ ഈ ബാഗിൽ എത്ര ഡ്രസ്സ്‌ കൊള്ളും അല്ല മോൾക്ക് ഈ ഷർട്ടും പാന്റുമാണോ കൂടുതൽ ഇഷ്ടം
രൂപ : അങ്ങനെയൊന്നുമില്ല ആന്റിയോട് ഡ്രെസ്സിനെ പറ്റിയൊന്നും എനിക്ക് പറയാൻ പറ്റില്ലായിരുന്നു അതുകൊണ്ട് തന്നെ ആന്റിയുടെ മോന് വേണ്ടാത്തതൊക്കെ ഞാൻ എടുക്കും എന്നുകരുതി അത് അത്ര പഴയതൊന്നുമായിരിക്കില്ല അവൻ ഒരു ഡ്രസ്സ്‌ രണ്ടോ മൂന്നോ തവണയേ ഇടു പിന്നെ ഇട്ടിട്ട് ഇതിപ്പോൾ എനിക്ക് ശീലമായി
രൂപ ചിരിച്ചുകൊണ്ട് മറുപടി നൽകി
കുറച്ചു മണിക്കൂറുകൾക്ക് ശേഷം ആദി വീട്ടിലേക്ക് തിരിച്ചെത്തി
ആദി : അമ്മേ ഇതാ മാവ്
അമ്മ : നീ ഇത് എവിടെ പോയി കിടക്കുവായിരുന്നെടാ
ആദി : ഒന്നു രണ്ട് പേരെ കാണാനുണ്ടായിരുന്നമ്മേ
അമ്മ : ശരി ശരി മാവ് ഇങ്ങെടുക്ക്
ആദി മാവ് അമ്മക്ക് നൽകി
അമ്മ : ടാ പിന്നെ ആ കൊച്ചിന് ഇടാൻ നല്ല ഡ്രസ്സ്‌ ഒന്നുമില്ല നിനക്ക് ഒരു രണ്ടെണ്ണം വാങ്ങി കൊടുത്തു കൂടായിരുന്നോ കൊണ്ട് നിർത്തിയാൽ മാത്രം പോര അവളുടെ കാര്യങ്ങൾ കൂടി നോക്കണം മനസ്സിലായോ
ആദി : ഞാൻ അത് ഓർത്തില്ലമ്മേ
അമ്മ : പൈസ വേണമെങ്കിൽ ഞാൻ തരാം നാളെ തന്നെ അവൾക്ക് കുറച്ചു ഡ്രസ്സ്‌ വാങ്ങിക്ക് കേട്ടോ
ആദി : ഉം പിന്നെ അവളെവിടെ ഇവിടെ യൊന്നും കണ്ടില്ലല്ലൊ
അമ്മ : അവള് നിന്റെ റൂമിൽ കാണും
ആദി : എന്റെ റൂമിലൊ
അമ്മ : ഉം അവളെന്തൊക്കെയൊ അടുക്കി പെറുക്കി വെക്കുന്നുണ്ട് ഞാൻ വേണ്ടെന്നു പറഞ്ഞിട്ട് കേൾക്കുന്നില്ല
ആദി : ഇവളെക്കൊണ്ട്…എന്തയാലും ഞാൻ പോയി നോക്കട്ടെ
ഇത് കേട്ട അമ്മ കിച്ചണിലേക്ക് നടന്നു ആദി തന്റെ റൂമിലേക്കും
റൂമിലേക്ക് എത്തിയ ആദി കണ്ടത് തന്റെ ബുക്കും മറ്റുമെല്ലാം അടുക്കി വെച്ച ശേഷം ബെഡ്ഡ് വിരിക്കുന്ന രൂപയെയാണ്
ആദി : എന്താടി ഈ കാണിച്ചത്
രൂപ : ഹോ വന്നോ എവിടെയായിരുന്നു ഇത്ര നേരം
ആദി : ആദ്യം നീ ഇത് പറ ഇവിടെയെന്താ പരുപാടി
രൂപ : നിനക്ക് കണ്ടൂടെ മനുഷ്യനായാൽ അല്പം വൃത്തി വേണം എല്ലാം കാട് പോലെ ഇട്ടിരിക്കുകയാ
ആദി : നിന്നെക്കൊണ്ട് തോറ്റല്ലൊടി ഇവിടെയിരുന്ന എന്റെ പ്ലേയറും ഡ്രില്ലുമെല്ലാം എവിടെ
രൂപ : എല്ലാം ആ ബോക്സിലോട്ട് മാറ്റിയിട്ടുണ്ട് എന്താ തമസിച്ചത് അത് പറ
ആദി : കുറച്ചുപേരെ കാണാൻ ഉണ്ടായിരുന്നു
രൂപ : നീ വൈകിയപ്പോൾ ഞാൻ ആകെ പേടിച്ചു
ആദി : എന്തിന്
രൂപ : നീ മാമന്റെ വീട്ടിലെങ്ങാൻ പോയോ വീണ്ടും പ്രശ്നം വല്ലതുമായോ ഇതൊക്കെയായിരുന്നു എന്റെ മനസ്സിൽ
