അടുത്ത് തട്ടിമുട്ടി ഇരിക്കുന്നതും ഒപ്പം കട്ടിലിൽ കിടക്കുന്നതും ഒക്കെ അവൾക്ക് ഒരു സ്വാഭാവിക കാര്യമായിരുന്നു. ഞാൻ കൈ അറിയാതെയെന്ന പോലെ അവളുടെ മുലകളിൽ തൊട്ടാൽ പോലും അവൾ എന്തെങ്കിലും ഭാവമാറ്റം കാണിക്കില്ലായിരുന്നു. ഞാൻ അവളുടെ മുന്നിൽ നിന്ന് ഡ്രെസ്സ് മാറുമ്പോൾ അവൾ നോക്കാറുപോലും ഇല്ല. എന്നെ കാണാൻ കൊള്ളാഞ്ഞിട്ടാവും എന്ന് എൻ്റെ മനസ്സ് പറയും. അവളാണെൻ്റെ പ്രണയവും പ്രണയനൈരാശ്യവും ഹൃദയവും ഹൃദയവേദനയും. എത്രതവണ അവളുടെ മടിയിൽ കിടന്ന് സംസാരിച്ചിരിക്കുന്നു, അറിയാതെയെന്നപോലെ എത്രതവണ അവളുടെ വയറ്റിൽ ചുണ്ടമർത്തിയിരിക്കുന്നു, ഒരിക്കലെങ്കിലും എന്തെങ്കിലും ഒരു പ്രതികരണം.. ഒന്നും ഉണ്ടായിട്ടില്ല.
ഞാൻ പതിയെ മുറിയിലേയ്ക്ക് ഒതുങ്ങാൻ തുടങ്ങി. ഓഫീസ് , റൂം അല്ലാതെ മറ്റെവിടെയും പോകാതായി. ജോലിയിൽ ശ്രദ്ധ കുറഞ്ഞു. മനസ്സിൽ വാണി മാത്രമായി. കിട്ടാൻ പോകുന്നില്ല എന്ന് എത്രതവണ എന്നോട് തന്നെ ഞാൻ പറഞ്ഞു, എന്നെ എനിക്ക് തന്നെ വിശ്വാസമില്ലാതെയായി. ഒരുദിവസം ഉണരുമ്പോൾ എന്നെ നോക്കിനിൽക്കുന്ന അവളെ കാണും, ഒരുദിവസം ഞാൻ ഡ്രെസ്സ് ചെയ്യുമ്പോൾ അവൾ എൻ്റെ പിന്നിൽ വന്ന് എന്നെ വാരിപ്പുണരും.. ഞാൻ എന്നോട് തന്നെ പറഞ്ഞുകൊണ്ടിരുന്നു.
വൈകിട്ട് വാണി ഓഫീസിൽ നിന്ന് വന്നത് വലിയ ഉത്സാഹത്തിലായിരുന്നു.
“പല്ലൂ, റെഡിയാവ്, നമ്മൾക്ക് എം ജി റോഡിൽ പോവാം.. ന്യൂ ഇയർ ആഘോഷത്തിന്”
“ഞാനില്ല വാണീ.. ഒരു മൂഡില്ല”
“അങ്ങനെ പറഞ്ഞാൽ പറ്റില്ല, കിഷോറും ഫ്രണ്ട്സും വരുന്നുണ്ട്”
“അതാരാ?”
പെട്ടന്ന് അവളുടെ മുഖത്തെ തിളക്കം ഞാൻ കണ്ടു. “വെൽ, അവൻ.. “, അവൾ
നാണിച്ചു.
“ബോയ് ഫ്രണ്ടാണോ? ഇതൊക്കെ എപ്പോ? പറഞ്ഞില്ലല്ലോ..”
“കുറച്ച് നാളായി ഇങ്ങനെ പോകുന്നു. ഇന്നാ അവൻ കൺഫേം ചെയ്തത്..”
“ഓ, അപ്പോ നിനക്കായിരുന്നോ ക്രഷ്?”
“രണ്ടാൾക്കും.. നീ വരണം, പ്ലീസ്.. എനിക്ക് ഒറ്റയ്ക്ക് പോകാൻ വയ്യ, ഞങ്ങളുടെ ആദ്യത്തെ ഔട്ടിങ്ങ്..”
ഞാൻ സമ്മതിച്ചു. ജീൻസും ടീഷർട്ടും ഇട്ട് അഞ്ച് മിനിറ്റിൽ റെഡിയായി ഇറങ്ങാൻ പോയപ്പളാണ് അവളുടെ മുഖം വാടിയത്. “ഈ ഡ്രെസ്സിലോ ! നീയെന്താ ഇൻ്റർവ്യൂവിന് പോകുവാണോ..”
മിനി സ്കർട്ടും പൊക്കിൾ കാണാവുന്ന ബ്ലൗസും ഇട്ട് അവൾ രണ്ട് കയ്യും എളിയിൽ കുത്തിനിന്ന് എന്നോട് അത് ചോദിച്ചപ്പോൾ ഞാൻ അവളെ ഒന്നുകൂടി നോക്കി. എൻ്റെ നെഞ്ച് അടർന്ന് വീഴുമെന്ന് തോന്നി. അവൾ തന്നെയാണ് അലമാരയിൽ നിന്ന് മുട്ടിനു മുകളിൽ വരെയുള്ള ഒരു ഫ്രോക്ക് എടുത്ത് കൊണ്ടുവന്നത്. എൻ്റെ ടീഷർട്ട് അവൾ തലയിലൂടെ ഊരിയെടുത്തപ്പോളും ജീൻസിൻ്റെ ബട്ടൻ അഴിച്ച് സിബ്ബ് തുറന്ന് അത് വലിച്ചൂരിയപ്പോളും ഞാൻ മരപ്പാവ പോലെ നിൽക്കുകയായിരുന്നു.
“നിൻ്റെയൊരു ബ്രാ! ഇത് ഇങ്ങനെ ഇട്ടിട്ട് വല്ല കാര്യവുമുണ്ടോ !” അവൾ എൻ്റെ രണ്ട് മുലകളും കൈവെള്ളയിൽ ആക്കി അല്പം പൊക്കി. പിന്നെ എൻ്റെ പിന്നിൽ ചെന്ന് ബ്രായുടെ വള്ളിയുടെ നീളം അഡ്ജസ്റ്റ് ചെയ്തു. അവൾ പിന്നിലേയ്ക്ക് മാറിയപ്പോൾ എൻ്റെ കണ്ണിൻ്റെ കോണിൽ ഒളിച്ച് നിന്ന കണ്ണീർത്തുള്ളി ഒരെണ്ണം കവിളിലേയ്ക്ക് ഒഴുകി.
“ഇപ്പോ നോക്ക്”, എന്നെ കണ്ണാടിയുടെ നേരെ തിരിച്ചുനിർത്തി അവൾ പറഞ്ഞു. ഞാൻ ചിരിക്കാൻ ശ്രമിച്ചു. പിന്നെ ഫ്രോക്ക് എടുത്ത് ധരിച്ചു. അവൾ തന്നെയായിരുന്നു എൻ്റെ മുടി ചീകിയൊതുക്കി ഒരു ക്ലിപ്പ് ഇട്ട് തന്നത്.
“വാണീ, ഒരു മിനിറ്റ്, ഞാനൊന്ന് ലൂവിൽ പോയി വരാം”, ഓടി ബാത്ത്റൂമിൽ കയറി വാതിലടച്ച് ടാപ്പ് ഓൺ ചെയ്ത് ഞാൻ പൊട്ടിക്കരഞ്ഞു. പിന്നെ മുഖം കഴുകി പുറത്തിറങ്ങി. അവൾ അക്ഷമയായി നിൽക്കുകയായിരുന്നു. പോകുന്ന വഴിയിൽ എല്ലാം അവൾ വളരെ ആവേശത്തോടെ സംസാരിച്ചുകൊണ്ടിരുന്നു. എൻ്റെ മനസ്സ് മറ്റെവിടെയോ ആയിരുന്നു. ഞാൻ അവളുടെ ചുണ്ടുകളെ തന്നെ നോക്കിയിരുന്നു.
പാർട്ടി നടക്കുന്ന സ്ഥലത്തെത്തിയപ്പോൾ അവിടെയെല്ലാം വളരെ ക്രൗഡഡ് ആയിരുന്നു. ഞങ്ങൾ ഒരു സൈഡീലാണ് നിന്നത്. അതിനടുത്ത് തന്നെ ഒരു പോലീസ് വാഹനവും ഉണ്ടായിരുന്നു.
“ഇവരെ കാണുന്നില്ലല്ലോ.. എവിടെയാണോ ആവോ..”, പാട്ടിൻ്റെ ശബ്ദത്തിനു മേലെ സംസാരിക്കാൻ ശ്രമിച്ചിട്ടാവണം, വാണി അലറുന്നത് പോലെ എനിക്ക് തോന്നി. സമയം കഴിയുംതോറും തിരക്ക് കൂടിവരികയായിരുന്നു. ഇരുവശത്തുനിന്നും ഉള്ളവർ മേത്ത് വന്ന് മുട്ടാനും തട്ടാനും ഒക്കെ തുടങ്ങിയപ്പോൾ ആകെ അൺകംഫർട്ടബിൾ ആയിവരുന്നുണ്ടായിരുന്നു. അപ്പോൾ ഡിജെ “ആയ് മാക്കറീന..” പ്ലേ ചെയ്യാൻ തുടങ്ങി. എല്ലാവരും മാക്കറീന ഡാൻസിൽ ആയിരുന്നു. മിനി സ്കർട്ടിൽ ഡാൻസ് കളിക്കുന്ന വാണി അവളുടെ അരക്കെട്ട് വട്ടം കറക്കിയപ്പോൾ മറ്റോന്നും ചിന്തിക്കാതെ ഞാൻ അവളെ പിന്നിൽ നിന്ന് കെട്ടിപ്പിടിച്ച് ഡാൻസ് ചെയ്യാൻ തുടങ്ങി. പക്ഷേ അപ്പോളേയ്ക്കും പിന്നിൽ നിന്നവൻ എൻ്റെ മുലയിൽ പിടിച്ചമർത്തി. ഞാൻ ഒന്നും ആലോചിക്കാതെ തിരിഞ്ഞ് അവൻ്റെ മുഖത്ത് ആഞ്ഞടിച്ചു.