“ങേ… എനിക്ക് അടുക്കളെലേക്കു വരാനും പാടില്ലേ…. ??? ശേ…”
“അതിലെം ഇതിലേം മണപ്പിച്ചു നടക്കാതെ പോയി കിടന്നുറങ്ങാൻ നോക്കടാ…”
“ശേ.. ഈ അമ്മക്കിതെന്ത്….”
അവൻ വിലാസിനിയെ ഒരു നോട്ടം നോക്കി തിരിച്ചു പോയി…
അവൾക്കു ചിരി വന്നെങ്കിലും ഉള്ളിലൊതുക്കി മിണ്ടാതെ നിന്നു…
“മോള് അകത്തേക്ക് ചെന്നിട്ടു അവനോടു ഇങ്ങോട് വരാൻ പറ….”
അവൾ തലയാട്ടി…
“തങ്ക ഭസ്മ കുറിയിട്ട തമ്പുരാട്ടി.. നിന്റെ…”
പാട്ടും പാടി കട്ടിലിൽ കിടന്ന അവനരികിലേക്കു പാലുമായി അവൾ വന്നു…
“ഈശ്വരാ പാല്…….”
“അമ്മ അങ്ങോടു ചെല്ലാൻ പറഞ്ഞു….”
“എന്നോടോ…”
“അവൾ തലയാട്ടി…”
ദേവൻ അടുക്കളയിലേക്കു ചെന്നു…
“എന്തിരമ്മ വിളിപ്പിച്ചത്… ???”
“എന്താ നിന്റെ ഉദ്ദേശം ???”
“എന്തുദ്ദേശം…”
ഒന്നും അറിയാത്ത പോലെ അവൻ നിന്നു പരുങ്ങാൻ തുടങ്ങി…
“നീ ഇതുവരെ അവളോട് മിണ്ടിയോ ??”
“അത്… എല്ലാരും ഉള്ളോണ്ട്….”
“ബെസ്റ്റ്….”
“അല്ലമ്മ.. മിണ്ടാലോ.. സമയം ഇണ്ടല്ലോ…”
“ഈ പാതിരാത്രിയോ… ??”
വിലാസിനി കയ്യും കെട്ടി നിന്നു…
“ഈ ആദ്യരാത്രിയെ കുറിച്ച് മക്കൾക്കു വെല്ല ബോധവും ഉണ്ടോ ആവോ… ??”
“ഹാ.. അമ്മ ഇതെന്തിരമ്മാ.. ഒരു മോനോട് അമ്മ ചോദിക്കണ ചോദ്യമാണോ ഇതൊക്കെ…”
“അയ്യേ ഈ അമ്മക്കൊരു നാണോം ഇല്ല…”
“”ദേ ചെറുക്കാ നിന്നു കിണുങ്ങിയ കിറിക്കിട്ടു കുത്തും ഞാൻ പറഞ്ഞേക്കാം…”
“ഞാൻ ഇപ്പൊ എന്നാ ചെയ്യണം എന്ന അമ്മ പറയുന്നേ…
നിലത്തിറങ്ങി കിടക്കണോ… ??”
“ഓഹ്.. ഇവനോടൊക്കെ പറയാൻ പോയ എന്ന പറഞ്ഞാ മതീലോ…”
വിലാസിനി ഇറങ്ങി പോവാൻ തുടങ്ങി..
“അമ്മാ അമ്മാ.. പോവല്ലേ പോവല്ലേ… പ്ലീസ് പ്ലീസ്… എന്നാന്നു വെച്ച തെളിച്ചു പറ.. മനസ്സിലാവാത്തോണ്ടാ…”
“എന്റെ പൊന്നു പൊട്ടൻ ചെറുക്കാ ആ കുട്ടിക്ക് പെട്ടന്നിങ്ങോട് വന്നതിന്റെ ഒരു പേടിയും അങ്കലാപ്പും ഒക്കെ ഒണ്ടു…
ആദ്യം നീ പോയി അതിനോട് മനസ്സ് തുറന്നൊന്നു സംസാരിക്കു…”
“അത്രേ ഉള്ളോ… അത് ഞാൻ സംസാരിച്ചോളാം…”
വിലാസിനി വീണ്ടും കൈ കെട്ടി നിന്നു അവനെ നോക്കി…
“ഹോ…. നിന്നെയൊക്കെ….. ഞാൻ പറയുന്നില്ല..
ആ പിന്നെ എന്നാ കാണിച്ചാലും വാതില് കുറ്റിയിട്ടേക്കണം..
നിന്റെ അനിയൻ ഇതിലെ തലങ്ങും വിലങ്ങും കറങ്ങി നടക്കണ്ടു…”
വിലാസിനി പുറത്തേക്കു നടന്നു…
ദേവൻ അകത്തു കയറി കതകടച്ചു…
ഹാളിലൂടെ തലങ്ങും വിലങ്ങും നടക്കുന്ന അനിയനെ കണ്ട വിലാസിനി
“ഉറങ്ങാറായില്ലേടാ ???”
“ഈ അമ്മക്കെന്തിര്….”
“അകത്തു പോടാ…”
“ഏഹ്…”
“അകത്തു പോവാൻ…”
വിലാസിനിയെ സംശയത്തോടെ നോക്കി അനിയൻ മുറിയിൽ കയറി..
മുറി വിലാസിനി പുറത്തു നിന്നും പൂട്ടി ….
“മക്കള് അവിടെ കിടക്കു.. രാവിലെ തുറന്നു വിടാം…”
“അനിയനും അമ്മേം വഴക്കു കൂടുന്നതാ.. അവൻ മഹാ വികൃതിയന്നേ…”
അവൾ തലയാട്ടി…
“പിന്നെ… ഒരു കാര്യം ചോദിച്ച എന്തേലും തോന്നുവോ ???”
അവളുടെ മുഖം വാടി..
ദേവൻ ഒന്ന് ആശ്വസിച്ചതും അവൾ ദേവന്റെ കാലിലേക്ക് വീണു കൈകൾ പാദങ്ങളിൽ തൊട്ടു.. അവൻ ചാടി കട്ടിലിൽ കയറി…
“നീ എന്ത് തേങ്ങയാടി ഈ കാണിക്കുന്നേ… ???”
“ഭർത്താവിനെ ദൈവത്തെ പോലെ കാണണം എന്നാ അമ്മുമ്മ പറഞ്ഞേക്കുന്നെ…”
“ആരുടേ അമ്മുമ്മ ??”
“എന്റെ അമ്മുമ്മ …”
“ആ ബെസ്റ്റ് ദൈവോം ഭക്തയും… ഇവിടെ അതൊന്നും വേണ്ട.. നീ നിവർന്നെ”
അവൾ നിവർന്നു…
ദേവൻ മെല്ലെ കട്ടിലിൽ നിന്നും താഴെ ഇറങ്ങി…
“ഇനി വേറെ വല്ലോം നിന്റെ അമ്മുമ്മ പറഞ്ഞു തന്നിട്ടുണ്ടോ ???”
“ഇല്ല….”
“അതെ… ഇവിടെ അച്ഛനും അമ്മയും ഒരുപോല ജീവിച്ചു ഞങ്ങൾ കണ്ടേക്കുന്നെ…
നമ്മള് തമ്മിലും അത് മതി…
കുടുംബത്തിലെ കാര്യമാണെങ്കിൽ അച്ഛൻ അമ്മയോടും കൂടി അഭിപ്രായം ചോദിച്ചിട്ടേ എന്തും ചെയ്തിരുന്നുള്ളു….
സ്വന്തം കാര്യങ്ങളിൽ അവരവർക്കു അവരവരുടെ സ്വാതന്ത്ര്യം ഉണ്ട്…”
“ഞാൻ ഇങ്ങനൊന്നും കണ്ടിട്ടില്ല….”
“ആരേലും പ്രേമിച്ചിട്ടുണ്ടോ ???”
“ഇല്ല….”
“എന്തെ ???”
“ആരും ഇഷ്ടാന്നു പറഞ്ഞിട്ടില്ല….”
“അങ്ങോടു ആരോടും തോന്നിയിട്ടില്ലേ ??”
അവൾ അവനെ നോക്കി
“ഞാൻ ആരെയെങ്കിലും പ്രേമിച്ചിട്ടുണ്ടോ എന്നറിയണ്ടേ ???”
“വേണ്ട..”
“അതെന്ന വാർത്താനാ അത്…”
“അറിഞ്ഞിട്ടു ഇപ്പൊ എന്തിനാ… വിഷമിക്കാനോ ???”
“ആ അതും ശരിയാ…”
“ഇനി വേറാരെലും പ്രേമിക്കുവോ ???”
“അതെന്തൊരു ചോദ്യമാണ് പെണ്ണെ ?”
“പിന്നെ…”
“ഉം…”
“അതിപ്പോ… ഈ ബാക്കി കാര്യങ്ങളെ കുറിച്ച്…”
“എന്ത് കാര്യങ്ങളെ കുറിച്ച്..???”
“അല്ല ഈ ഭാര്യേം ഭർത്താവും തമ്മിലുള്ള….”
“അതല്ലേ ഞാൻ പറഞ്ഞെ ഭർത്താവിനെ ദൈവത്തെ പോലെ കാണണം എന്ന്…”
“ഓഹ്.. എന്റെ പെണ്ണെ..
എന്നെ നീ മനുഷ്യനായിട്ടു കണ്ടാൽ മതി..
ഭാര്യ എന്ന് വെച്ചാൽ ഭർത്താവിന്റെ ഒപ്പം ജീവിക്കണ്ടവൾ ആണ് അല്ലാതെ അടിമയായി ജീവിക്കണ്ടവൾ അല്ല…”
“ചേട്ടൻ കഥ ഒക്കെ എഴുതുവോ.. കേട്ടിട്ട് സിനിമ ഡയലോഗ് പോലുണ്ടല്ലോ….”
“ഊതല്ലേ .. നീ ഊതല്ലേ ….”
“ഞാൻ കാര്യായിട്ട് പറഞ്ഞതാ….”
അവൻ താഴേക്കും നോക്കി ഇരുന്നു
“ഇതൊക്കെ പറയാനല്ലേ ചേട്ടാ പറ്റു….
ഞാൻ ഇതുവരെ ഇങ്ങനൊരു ഭാര്യയെയും ഭർത്താവിനേം കണ്ടിട്ടില്ല…”
“അത് നീ ജീവിതങ്ങൾ കാണാത്തൊണ്ട…”
മുഖത്ത് നോക്കാതെ ദേവൻ മറുപടി പറഞ്ഞു..
“രാവിലെ എണീക്കുമ്പോൾ ചേട്ടൻ എനിക്ക് ചായ ഇട്ടു തരുവോ ???”
“ങേ…!!!!”
ഞെട്ടലോടെ അവൻ അവളെ നോക്കി
“അയ്യടി മനമേ.. അവളുടെ പൂതി നോക്കിയേ.. ഇന്നുവരെ എന്റമ്മക്കൊരു ചായ ഞാൻ ഇട്ടു കൊടുത്തിട്ടില്ല.. പിന്നാ നിനക്ക്…”
“അപ്പൊ പിന്നെ ഈ പറഞ്ഞ തുല്യതയിൽ എന്താ ചേട്ടാ ഉള്ളത്…
ഞാൻ പറഞ്ഞില്ലേ ഇതൊക്കെ പറയാനെ കൊള്ളത്തുള്ളു…”
നിനക്ക് ആരാ ഈ സമീറ എന്ന് പേരിട്ടത് അച്ഛനും അമ്മയും അച്ഛന്റെ പേര് സഹദേവൻ എന്നല്ലേ
ആ
അതിന്റെ സ എടുത്തു അമ്മയുടെ പേര് മീര എന്നല്ലേ അതിന്റെ മീര എടുത്തു
അങ്ങനെ സമീറ
ആഹാ അത് കൊള്ളാല്ലോ
“എന്നാ പിന്നെ നമുക്ക്…”
അവൻ നാണത്തോടെ അവളെ നോക്കി
“ശരിയാ.. നമുക്കുറങ്ങാം ചേട്ടാ…. നല്ല ക്ഷീണം…”
“അല്ല.. ഉറങ്ങാൻ പോവാണോ…”
“സാധാരണ രാത്രിയിൽ ഉറങ്ങല്ലേ ചെയ്യാറ് ???”
“അതതേ… പക്ഷെ ഇന്ന് നമ്മുടെ ആദ്യ രാത്രി അല്ലേ… അപ്പൊ…”
“അപ്പൊ ഉറങ്ങാൻ പാടില്ലേ….”
“എന്റെ ശ്രീ നിന്റെ പേടി ഒക്കെ പോയെന്നു എനിക്ക് മനസ്സിലായി..
എന്നെ ഇങ്ങനെ പൊട്ടൻ കളിപ്പിക്കല്ലേ… ഞാൻ പറയുന്ന എന്നാന്നു നിനക്കറിയാലോ…”
“നമ്മളിന്ന് രാവിലെ അല്ലേ ചേട്ടാ ആദ്യായിട്ടു കണ്ടത്….”
“അയിന്…”
“ഇന്ന് രാത്രിയിൽ തന്നെ എങ്ങനാ….”
“ഞാൻ നിന്റെ ഭർത്താവാണ്…
ഭർത്താവിന്റെ ഇഷ്ടങ്ങൾ മാനിക്കുന്നവൾ കൂടി ആവണം ഭാര്യ…”
“കുറച്ചു മുൻപ് ചേട്ടനല്ലേ പറഞ്ഞെ ഭാര്യയുടെ അഭിപ്രായം കൂടി ചോദിച്ചിട്ടു കാര്യങ്ങൾ ചെയ്യുന്നവൻ ആണ് ഭർത്താവന്നു…”
“ഉവ്വോ.. ഞാൻ അങ്ങനെ പറഞ്ഞോ…”
