കുമാരൻ അ തെരുവിൻ്റെ നടുവിൽ മുകളിലേക്ക് പടികൾ ഉള്ള ഒരു കെട്ടിടത്തിൻ്റെ 2ആം നിലയിലെ മുറി കാണിച്ചു. 20 പടി കയറി മുറിയുടെ മുന്നിലെ 5 അടി ബാൽക്കണി കഴിഞ്ഞു ഡോറിൻ്റെ മുന്നിൽ എത്തും. കേറി വരുമ്പോൾ ഇടത്തേക്ക് കിച്ചൺ വലത്തേക്ക് ടിവി ഒക്കെ വയ്ക്കാവുന്ന ഒരു സ്ഥലം. വാതിൽ അടച്ചാൽ ഒരു ഹാൾ പോലെ തോന്നും.അതിനു മുന്നിൽ ഒരു മുറി ആ മുറിയിൽ ഒരു അറ്റാച്ച്ഡ് ബാത്ത്റൂം. ബാത്ത്റൂം വളരെ വിശാലമാണ് .ഷവറും യൂറോപ്യൻ ക്ലോസറ്റും ഉണ്ട്.ഷവറിൽ വെള്ളം പ്രതീക്ഷിക്കേണ്ട എന്ന് കുമാരൻ പറഞ്ഞു. ക്ലോസറ്റിന് മാത്രം വെള്ളം ഉണ്ട്. കംപ്ലൈൻ്റ് വന്നിട്ട് ലു ബ്ദനായ ഓണർ ശരിയാകാതെ വച്ചിരിക്കുകയാണ്. അവിടെ കുളിക്കാനും കുടിക്കാനും ഉള്ള വെള്ളം രാവിലെ 6മുതൽ 8 വരെയേ പൈപ്പിൽ കിട്ടു. വീടിനു മുന്നിലാണ് പൈപ്പെങ്കിലും അതിൻ്റെ മുന്നിൽ പെണ്ണുങ്ങൾ രാവിലെ മുഴുവൻ അടിയാണ്.
മുറിക്ക് ചുറ്റും ഉള്ള ബാൽക്കണി നടന്നു നോക്കി പുറത്ത് നിന്നും ഒരു മുറി പൂട്ടി ഇട്ടിരിക്കുന്നു .അത് 10അടി നീളവും വീതിയും ഉള്ള ഒരു മുറി ആണ്. അതിൽ പഴയ സാധനങ്ങൾ കൂട്ടി ഇട്ടിരിക്കുന്നത് അവൻ കണ്ടു. ബാൽക്കണി ഉടെ പടിഞ്ഞാറെ വശത്ത് മുകളിലേക്ക് ഒരു ഗോവണി കണ്ടു. കയറി നോക്കിയപ്പോൾ അവിടെ പണി തീരാത്ത ഒരു നില ആണെന്ന് മനസ്സിലായി. തുണി ഇവിടെ ഉണക്കാനിടാം.വിൻഡോസ് വെയ്ക്കാൻ ഉണ്ടാക്കിയ കട്ടിംഗ് കളിലൂടെ നോക്കിയാൽ സ്ഥലത്തിൻ്റെ ഒരു ആകാശദൃശ്യം കാണാം. പ്രദേശത്തെ ഏറ്റവും ഉയരം കൂടിയ കെട്ടിടം ഇതാണ്. സ്ഥലം ഇഷ്ടപ്പെട്ടു വാടകയും ഓക്കേ. വീടിനു വേണ്ട സാധനങ്ങൾ വാങ്ങി. ഒരു 2nd ഹാൻഡ് ബൈക്കും. ഫർണീച്ചർ മുകളിൽ കയറ്റാൻ ജോലിക്കരോടൊപ്പം കുമാരനും ദിലീപും കൂടി. ആരോഗ്യം അത്ര പന്തി അല്ലാത്തത് കൊണ്ട് രാംനാഥ് ചെറിയ സാധനങ്ങൾ എടുക്കാൻ ആണ് സഹായിച്ചത്. പണി കഴിഞ്ഞപ്പോൾ ദാസൻ അയാൾക്ക് 1000 രൂപ കൊടുത്ത്. സന്തോഷത്തോടെ അയാൾ പോയി. നന്ദിനി അടുക്കളയിൽ സാധനങ്ങൾ അടുക്കുക ആയിരുന്നു. പടിയിറങ്ങി പോകുന്ന അയാളെ നോക്കി കുമാരൻ പറഞ്ഞു.
“നേരെ കാമാട്ടിപ്പുര യിലേക്കാണ്. അവിടെ സ്ഥിരം കുറ്റി ഉണ്ട്.”
“കാമാട്ടിപ്പുര യോ?”
“അതിവിടുത്തെ ‘ ഡ്രൈവിംഗ് സ്കൂൾ ‘ ആണ് മാഷേ.രാംനാതിന് കുടുംബക്കാർ ആരും ഇല്ല. അയാൾക്ക് കിട്ടുന്ന പണം അയാൾ നല്ല ഭക്ഷണം വാങ്ങും ,തുണി വാങ്ങും, ബാക്കി് ഡെയ്ലി കാമാട്ടിപ്പുരയിലെ പെണ്ണുങ്ങൾക്ക് കൊടുക്കും. അയാള് അവിടെ സ്ഥിരം ആണ്. എന്നും പോകും. ”
“എന്നും പോകാൻ മാത്രം കാശ് എങ്ങനെ?”
“ടോപ് ക്ലാസ്സ് പെണ്ണുങ്ങൾക്ക് നല്ല റേറ്റ് ആകും. പക്ഷേ അല്പം ഉടഞ്ഞ പെണ്ണുങ്ങൾക്ക് റേറ്റ് കുറവാണ്. പിന്നെ നമ്മുടെ രാംനാതിന് ഈ 2nd ക്ലാസ്സ് ഐറ്റ്ങ്ങളെ കളിക്കാൻ ഫീസ് പാതി മതി. അയാളുടെ കുടുംബത്തിൻ്റെ സ്ഥലം കുറെ വർഷങ്ങൾക്ക് മുൻപ് ഫ്രീ ആയി കൊടുത്താ ഈ പരിപാടി അവടെ തോടങ്ങിയത്. അതുകൊണ്ട് ഒരു ഇളവ്. പക്ഷേ ടോപ് ക്ലാസ്സിനു ഫുൾ കൊടുക്കണം. ടോപ്പ് ക്ലാസ്സിൽ ഒരുത്തി ഇയാളോട് പകുതിയേ വാങ്ങൂ. മിക്കവാറും അവളുടെ അടുതായിരിക്കും പോയത്.”
“അതാരാ?”
“രേണു, ചരക്കാ. 20,21 വയസ്സ് കാണും.മലയാളിയാണ്. പ്രേമിച്ചു ഒളിച്ചോടി വന്നതാ. കാമുകൻ വെടി കൊണ്ട് കാഞ്ഞു . കുറേ നാള് അവള് കഷ്ടപെട്ടപ്പോൾ അവൾക്ക് രാംനാഥ് പൈസയും ഭക്ഷണവും ഒക്കെ കൊടുത്തു. പക്ഷേ ഗുണ്ട ഖാലിദ് ഹംസ അത് തടഞ്ഞു. ജീവിക്കാൻ വഴി ഇല്ലാതായപ്പോൾ അവള് തന്നെയാ കാമാട്ടിപ്പുരയിൽ ചെന്ന് ചേർന്നത്. പക്ഷേ നന്ദി ഒള്ളത് കൊണ്ട് അവള് അവന് ഡിസ്കൗണ്ട് കൊടുത്തു. അല്ലത്തവൻ പോയാൽ കീശ കാലി ആകും.”
“ചേട്ടാ മനസ്സിലായില്ല ,ആരാ ഹംസ? അയാള് എന്തിനാ ഇവളെ സഹായിക്കുന്നത് തടയുന്നത്”
” സാറേ ശ്രദ്ധിച്ചു കേട്ടോ ഇവിടെ ജീവിക്കാൻ ചില കാര്യങ്ങള് അറിഞ്ഞിരിക്കണം . ഈ നാട് ഇപ്പോൾ ഖാലിദ് ഹംസ എന്ന ഗുണ്ടയുടെ കീഴിൽ ആണ്. അവൻ ഒരു തമിഴൻ ആണ്. മലയാളം ഒക്കെ അറിയാം. ലോക്സഭാ എംപി ബൈരോൺ ഷേഖാവത് എന്ന് കേട്ടിട്ടില്ലേ,കോടീശ്വരൻ. സാർ ജോലി ചെയ്യുന്ന കമ്പനി ഉൾപ്പടെ അനവധി ബിനാമി സ്ഥാപനങ്ങൾ അയാൾക്ക് ഒണ്ട്. അയാളുടെ വലം കൈ ആണ് ,ഹംസ. ഈ നാട്ടിലെ വോട്ട് കൊണ്ടാണ് അയാള് ജയിക്കുന്നത്. ഇവിടെ ഇലക്ഷന് വോട്ട് ചെയ്യുന്നത് ടൗണിൽ ഹംസയുടെ മുന്നിൽ വച്ച മെഷീനിൽ ആണ്. രാജ്യവും രാജാവും എല്ലാം ഇവന്മാർ തന്നെ. ഇവിടെ പോലീസ് വരുന്നത് കാമാട്ടിപ്പുരയിലെ പെണ്ണുങ്ങളുടെ കൂടെ കിടക്കാൻ വേണ്ടി മാത്രം ആണ്. ഇനി രേണുവിൻ്റെ കാര്യം , അവളുടെ ഭർത്താവ് സാജിദ് ഇവിടെ വന്ന് ഒരു ഹോട്ടൽ തുടങ്ങി . അവർ നാട്ടിൽ നിന്ന് ഒളിച്ചോടി വന്നതായിരുന്നു .ഹംസ പറഞ്ഞ ഹഫ്ത കൃത്യമായി കൊടുക്കാനും തുടങ്ങി. പക്ഷേ രേണുവിൻ്റെ കണ്ടപ്പോൾ ഹംസയുടെ വിധം മാറി. പല രീതിയിലും അവൻ അവരെ ഉപദ്രവിക്കാൻ തുടങ്ങി. ഹഫ്ത വല്ലാതെ കൂട്ടി. ഇവരുടെ വീടിന് മുന്നിൽ രാത്രി ശിങ്കിടികളും വിട്ട് ബഹളം വച്ചു. സഹികെട്ട് അവൻ ഒരു ദിവസം ഹംസയെ നടു റോട്ടിൽ വച്ച് തെറി വിളിച്ചു. അപ്പോ തന്നെ അവനെ തീർക്കും എന്നാണ് ഞാൻ വിചാരിച്ചത്. അന്നവൻ ഹീറോയായി പോയി. പിറ്റേന്ന് രാത്രി അതെ സ്ഥലത്ത് സാജിദ് ചത്ത് കിടന്നു.”