ഹരി : താങ്ക്സ് എന്തിനാ..
വീണ : എന്നെങ്കിലും ഇതുപോലെ അവസരം കിട്ടുവാണേൽ, ഇത് പോലെ പുറത്ത് കൊണ്ട് പോവാൻ, ഇനി ഹരി വരുമോ..
ഹരി ഒന്ന് ആലോചിച്ച ശേഷം : ചാൻസ് കുറവാണു…
വീണ ഹരിക്ക് നേരെ തിരിഞ്ഞ് ഇരുന്ന ശേഷം: അതെന്താ ഹരി.. ഞങ്ങളുടെ കൂടെ, ഇഷ്ടായില്ലേ.
ഹരി ചിരിച്ചു കൊണ്ട്: എന്റെ സന്തൂർ മമ്മി, ഞാൻ വളരെ ഹാപ്പി ആണ്. ദേവൂട്ടീടെ സന്തോഷം കണ്ടിട്ട്, ഞാൻ ഹാപ്പി ആവാതിരിക്കും എന്ന് ചേച്ചിക്ക് തോന്നുന്നുണ്ടോ. ആ ചിരി കാണാൻ, കളി കാണാൻ, എല്ലാ ദിവസവും നിങ്ങളെ രണ്ടു പേരെയും പുറത്തു കൊണ്ട് പോവാൻ ഞാൻ റെഡി ആണ്.
വീണ : പിന്നെന്താ പ്രശ്നം??..
ഹരി : ഇന്ന് ചിലവാക്കിയത് ഒക്കെ ചേച്ചി അല്ലെ. ഒരു വില കുറഞ്ഞ ഡ്രസ്സ് ദേവൂട്ടിക്ക് ഞാൻ വാങ്ങിയതല്ലാതെ..
വീണ : അതിനെന്താടാ.. നിനക്ക് ഉണ്ടാവുമ്പോൾ നന്നായി ചെയ്താൽ മതി..
ഹരി ചിരിച്ചു കൊണ്ട് : അതെന്നാണാവോ ഉണ്ടാവാൻ പോവുന്നത്..
ഹരി വീണയുടെ കയ്യിൽ പിടിച്ച് കൊണ്ട് : ഞാൻ ഇറങ്ങട്ടെ.. നേരത്തെ പോയി, സന്തൂർ മമ്മിടെ ബര്ത്ഡേക്ക് ഉള്ള പരിപാടികൾ ചെയ്യാൻ ഉള്ളതാണ്.
വീണ ഹരിയുടെ കയ്യിൽ വട്ടം ഇട്ട് ചുറ്റി പിടിച്ചു തന്റെ മുഖം ഹരിയുടെ ഷോൾഡറിൽ വച്ചു കൊണ്ട് പറഞ്ഞു : കുറച്ചു നേരം കൂടി ഇരിക്കെടാ.. എന്നും ഇങ്ങനെ ഒറ്റക്കിരുന്നു മടുപ്പാണ്…
വീണ കണ്ണുകൾ മെല്ലെ അടച്ചു…
പിന്നെ ഹരിക്ക് ഒന്നും പറയാൻ തോന്നിയില്ല വീണയോട്… വീണ അതെ ഇരുപ്പ് ഇരുന്നു ഇളകാതെ, ഹരിയുടെ കയ്യിൽ ചുറ്റി പിടിച്ചു കൊണ്ട്.
വീണയുടെ ദേഹത്ത് നിന്നും വന്ന വിയർപ്പിന്റെയും, ജാസ്മിൻ പെർഫ്യൂംയിന്റെയും ഇട കലർന്ന മണം ഹരിയുടെ മൂക്കിലൂടെ തുളച്ചു കയറി തുടങ്ങി, അന്ന് പാർട്ടിയിലെ പോലെ തന്നെ…
ഹരി തന്റെ മനസ്സിന്റെ ചിന്തകളെ മാറ്റാൻ ആയി, ഫോൺ എടുത്ത്, ഇന്നെടുത്ത ഫോട്ടോകൾ ഓരോന്നായി സ്ക്രോൾ ചെയ്തു നോക്കി.. വീണയും കണ്ണ് തുറന്നു നോക്കി, അതെ ഇരിപ്പിൽ തന്നെ ഫോണിലേക്കു നോക്കി കൊണ്ടിരുന്നു.
ഇടയിൽ തന്റെ ഒരു ഫോട്ടോ കണ്ട്, അതിനെ തന്റെ വിരൽ കൊണ്ട് സൂം ചെയ്യിപ്പിച്ച ശേഷം വീണ തല അൽപം പൊക്കി പറഞ്ഞു : ഭംഗി ഉണ്ടല്ലേ എനിക്ക്…മൂക്കുത്തിക്ക് ഒരുപാട് താങ്ക്സ് ഉണ്ട്..
ഹരി തന്റെ മുഖം, വീണയുടെ തലമുടിയിലേക്ക് ചേർത്ത് വച്ചു പതിയെ ചോദിച്ചു : വേദന ഉണ്ടോ…
വീണ പതിയെ പറഞ്ഞു : ചെറുതായി, ഒരു നീറ്റം…
” ചോര ഒന്നും വരുന്നില്ലല്ലോ,,, നോക്കട്ടെ ” എന്ന് പറഞ്ഞു കൊണ്ട്, ഹരി, വീണയുടെ മുഖം പിടിച്ചു ഉയർത്തി തന്റെ കൈ കൊണ്ട്.
തന്റെ മുഖം, വീണയുടെ മുഖത്തിന്റെ തൊട്ടടുത്തു കൊണ്ടു പോയി, മൂക്കുത്തിയിൽ തന്നെ സൂക്ഷിച്ചു നോക്കി ഹരി.
ഹരിക്ക് വീണയുടെയും, വീണക്കു ഹരിയുടെയും ശ്വാസത്തിന്റെ ചൂട് മുഖത്ത് കൊള്ളുന്നത് അറിഞ്ഞു.
ഇരുകവിളും കൂട്ടി പിടിച്ചു ഇരിക്കുന്ന ഹരിയുടെ കൈ പത്തിയുടെ ചൂട് വീണ തന്റെ കവിളിൽ ഫീൽ ചെയ്തു.
തന്റെ മൂക്കുത്തിയിൽ വളരെ കെയറിങ്ങോടെ നോക്കിയിരിക്കുന്ന ഹരിയുടെ കണ്ണുകളിലേക്ക് ഇമ വെട്ടാതെ തന്നെ നോക്കി ഇരുന്നു വീണ..
ഹരി തന്റെ ചുണ്ട് അടുപ്പിച്ചു വീണയുടെ മൂക്കുത്തിയിൽ പതിയെ രണ്ടു മൂന്നു തവണ, ഊതി ചോദിച്ചു : ഇപ്പോഴും ഉണ്ടോ നീറ്റം..
വീണയിൽ നിന്നും ഉത്തരം ഒന്നും വന്നില്ല,, ഹരി വീണയുടെ കണ്ണുകളിലേക്ക് നോക്കി. കണ്ണുകളിൽ കണ്ട തിളക്കവും, വീണയുടെ ഉയർന്ന ശ്വാസ ഉച്ചസങ്ങളും, ഹരിയുടെ കണ്ണുകളെ വീണയുടെ ചുണ്ടിലേക്ക് നോക്കിപ്പിച്ചു.
അൽപം തുറന്ന ചുണ്ടുകൾ തന്റെ ചുണ്ടിനെ, അവിടേക്കു, ക്ഷണിക്കുന്ന പോലെ തോന്നി ഹരിക്ക്…
ഹരിയുടെ ഹൃദയ മിടിപ്പ് കൂടി വന്നു. ഹരി തന്റെ ചുണ്ടുകൾ വീണയുടെ ചുണ്ടു മായി കോർത്തു….
നീണ്ട ചുംബന പരമ്പര ആയിരുന്നില്ല. പകരം വീണയും, ഹരിയും കണ്ണുകൾ അടച്ചു കൊണ്ട് ചുണ്ടുകൾ കോർത്ത് അതെ ഇരിപ്പിൽ ഇരുന്നു കുറച്ചു നേരം.