വീണ : രണ്ടാമത്തേതോ?.. അപ്പോൾ ഒന്നാമത് ആരാ?….
ഹരി ചിരിച്ചു കൊണ്ട് : ദോ, എന്റെ അടുത്ത് ഇരിക്കുന്നു…
വീണ : ഡാ….
ഹരി: പാർട്ടിയിൽ എന്തായിരുന്നു ലുക്ക്,,,, ഉള്ളത് പറയാല്ലോ ചേച്ചി, നിങ്ങടെ അത്രേ, ഭംഗിയുള്ള ചിരി വേറെ ഞാൻ കണ്ടിട്ടില്ല.
വീണയുടെ മുഖത്ത് ചിരി തെളിഞ്ഞു, വാ പൊത്തി പിടിച്ച് ചിരിച്ചു..
ഹരി : ഇത് ശരിയല്ലാട്ടോ,, ഇങ്ങനെ പൊത്തി പിടിച്ചാൽ ബാക്കി ഉള്ളവർ എങ്ങിനെയാ കാണുന്നത്.
വീണ: അങ്ങിനെ ഇപ്പോൾ ആരും കാണേണ്ട..
ഹരി : ഓ ആയിക്കോട്ടെ..
അഞ്ചു അങ്ങോട്ടേക്ക് നടന്നു വന്നു..
അഞ്ചു : ഹരി.. റിസൾട്ട് എന്നാ വരുന്നത്.
ഹരി : അറിയില്ലെടി..
അഞ്ചു വീണയെ നോക്കി : ചേച്ചി നമ്മൾ പാൻ ഇന്ത്യ ലെവലിലേക്ക് കാര്യമായി കടക്കാൻ പോകുകയാണ് എന്ന് കേൾക്കുന്നുണ്ടല്ലോ.
വീണ : മ്മ്.. കേട്ടത് ശരിയാണ്.. എല്ലാം തകൃതി ആയി നടക്കുന്നുണ്ട്.
അഞ്ചു ഹരിയോട് : കമ്പനി വിപുലീകരിച്ചാൽ, ന്യൂ ബ്രാഞ്ചെസ് വരും, പുതിയ സ്റ്റാഫുകൾ വേണ്ടി വരും. റിസൾട്ട് വന്നാൽ, നിനക്ക് ഇവിടെ തന്നെ നോക്കാലോ..
വീണ : മ്മ്… അത് ശരിയാ…
ഹരി : ഇവിടെ വേണ്ട എന്തായാലും, ശരിയാവില്ല. നമ്മുടെ മുഖത്ത് നോക്കി ചിരിക്കാൻ പോലും മടി ഉള്ളവരുടെ കൂടെ എങ്ങിനെ ജോലി ചെയ്യാനാ..
അഞ്ചു : അതാരാടാ.. ആയിഷ മാം ആണോ..
” ഡിംഗ് “… ഹരിക്കുള്ള ബെൽ അടിച്ചു..
ഹരി തന്റെ ഡയറി എടുത്ത് ഉടനെ കുതിച്ചു, ആയിഷയുടെ ഓഫീസിലേക്ക്..
ആയിഷ കൊടുത്ത ജോലി ചെയ്യുന്നതിനിടയിൽ ആണ്, ഹരിയുടെ ഫോണിൽ മെസ്സേജ് വരുന്നത്..
ജോലിക്കിടയിൽ തന്നെ ഫോൺ എടുത്തു നോക്കിയ ഹരി കണ്ടത്, വീണ ചേച്ചിയുടെ മെസ്സേജ് ആണ്. അതും ചേച്ചിയുടെ ഫോട്ടോ, ഇരുപതുകളിലെ വീണയുടെ ഫോട്ടോ.
ഹരി പറഞ്ഞ പോലെ, ചിരിച്ചു കൊണ്ട്, മുഖത്ത് ഒരു പൂ ചേർത്ത് പിടിച്ചു കൊണ്ട്, ഗാർഡനിൽ നിൽക്കുന്ന ഫോട്ടോ..
ഹരി താൻ ചെയ്തു കൊണ്ടിരുന്ന ജോലി നിർത്തി, ഫോട്ടോയെ അതി സൂക്ഷ്മം നോക്കി, ഫോട്ടോക്ക് ❤️ചിഹ്നം കൊടുത്ത്, വീണയെ നോക്കി .. തന്റെ ഹൃദയത്തിന്റെ ഭാഗത്ത് കൈ കൊണ്ട് തൊട്ട് ചിരിച്ചു.
രാത്രിയിൽ ഉറങ്ങുന്നതിനു മുൻപ് ഹരി വീണ്ടും വീണയുടെ ഫോട്ടോയിൽ തന്നെ നോക്കി കുറെ നേരം. ദുരുദ്വേശം ഒന്നും ഉണ്ടായിരുന്നില്ല ഹരിക്ക്, കാരണം, വീണയുടെ കഥ അറിയാമായിരുന്നു ഹരിക്ക്……..
….വീണ…വീണ വേണു.. ഇപ്പോൾ വീണ്ടും വീണ… വളരെ ഫ്രീ ആയി പെരുമാറുന്ന പ്രകൃതം, ദേവൂട്ടി ഉണ്ടാകുന്നതു മുപ്പത്തി അഞ്ചു വയസ്സിൽ. ഇനി ജീവിതം ദേവൂട്ടിക്ക് എന്ന് പറഞ്ഞു മാറ്റി വച്ചു വീണ.
ഭർത്താവ് വേണുവിന്റെ അവിഹിദം കണ്ടു പിടിച്ചതോടെ ആണ് ജീവിതം മാറി മറിഞ്ഞത്. എല്ലാറ്റിനും കാരണം, ദേവൂന്നോടുള്ള അമിത സ്നേഹം ആണ്, തന്നെ സ്നേഹിക്കാൻ, തന്നെ അപ്പാടെ മറന്നു, അതുകൊണ്ട് ആണ് താൻ ഈ ബന്ധത്തിൽ എന്നൊക്കെ ഉള്ള വിജയന്റെ തിരിച്ചുള്ള കുറ്റ പെടുത്തലുകൾ ഉൾകൊള്ളാൻ ആകാതെ ആണ് വീട് വീട്ടിറങ്ങുന്നത്.
അതിനിടയിലൂടെ തുടങ്ങിയ കേസ്. തന്റെ ജൂനിയർ ആയി ആദ്യ കാലത്ത്, താൻ പണി പഠിപ്പിച്ച, ആയിഷയുടെ നിർബന്ധ പ്രകാരം ആണ്, ഇന്ന് ഇപ്പോൾ ഉള്ള കമ്പനിയിൽ ജോയിൻ ചെയ്യുന്നത്. നടി ആശ അരവിന്ദിനെയോ, അനു നായരേയോ ആലോചിക്കാം.
” ഗുഡ് നൈറ്റ് ചേച്ചി “… ഫോൺ താഴെ വാക്കുന്നതിനു മുൻപ്, ഹരി വീണക്ക് ഒരു മെസ്സേജ് അയച്ചു.
വീണയുടെ മറുപടി പെട്ടെന്ന് തന്നെ വന്നു : ഗൂഡ്നൈറ്റ് ഹരി…
ഹരി : ഉറങ്ങിയില്ലേ ചേച്ചി..
വീണ: കിടക്കുന്നു… ദേവു ഇപ്പോൾ ഉറങ്ങിയേ ഉള്ളു… നീ കിടന്നില്ലേ….
ഹരി : കിടന്നു.. ചേച്ചിടെ ഫോട്ടോ നോക്കി കിടക്കായിരുന്നു. അപ്പോൾ തോന്നി ഗൂഡ്നൈറ്റ് അയക്കാം എന്ന്..
വീണ : ഈ നേരത്തെ നോട്ടം അത്ര ശരിയല്ലല്ലോ ഹരി. അത് ഡിലീറ്റ് ചെയ്തു കളഞ്ഞേക്ക്..