ഹരി രണ്ടാമതൊന്നു ആലോചിക്കാതെ ഓക്കേ പറഞ്ഞു.
വണ്ടി ഓടിക്കുന്നതിനിടയിൽ വീണ ചോദിച്ചു : എന്തായി, ദീപ്തിയുമായി കാര്യങ്ങൾ. സംസാരിക്കുന്നത് കണ്ടിരുന്നു.
ഹരി : അത് തത്കാലം സെറ്റിൽ ചെയ്തു. ഫ്രണ്ട്സ്…
വീണ : മ്മ്മ്….
വീണക്ക് എന്തോ ഇല്ലാത്ത സുഖം കിട്ടി മനസ്സിന്. പറഞ്ഞറിയിക്കാൻ പറ്റാത്ത ഒരു സന്തോഷം.
വീണയുടെ ഫ്ലാറ്റിനു താഴെ വണ്ടി ചെന്ന് നിന്നു.
ഹരി പോവാൻ തുടങ്ങുന്നതിനു മുൻപ്, വീണ ചോദിച്ചു : ഹരീ, ഗിഫ്റ്റും കാര്യങ്ങളും, ഒന്ന് ഫ്ലാറ്റിൽ എത്തിക്കാൻ ഹെല്പ് ചെയ്യാമോ..
ഹരി ദേവൂനെ വീണയുടെ കയ്യിൽ കൊടുത്ത ശേഷം, വീണ പറഞ്ഞ പോലെ കാര്യങ്ങൾ ചെയ്യാൻ ആരംഭിച്ചു..
ഗിഫ്റ്റുകൾ എല്ലാം ദേവൂന്റെ റൂമിൽ അടക്കി വച്ച ശേഷം, ദേവൂന്റെ കവിളിൽ മുത്തം വച്ച് ഹരി, വാതിൽ അടച്ചു പുറത്തിറങ്ങി വീണയോടൊപ്പം.
ഹരി : ഞാൻ ഇറങ്ങട്ടെ എന്നാൽ..
വീണ : കുറച്ചു നേരം ഇരിക്കാമോ, സംസാരിക്കാൻ ഉണ്ട് കുറച്ച്..
ഹരി ഒന്ന് ആലോചിച്ച ശേഷം, പതിയെ സോഫയിലേക്ക് ഇരുന്നു.
വീണ തന്റെ റൂമിലേക്ക് പോയി, തിരികെ വന്നത്, രണ്ടു ഗ്ലാസും പകുതി തീർന്ന വൈറ്റ് കുപ്പിയുമായി ആണ്.
ഹരിയുടെ മുന്നിൽ കുപ്പിയും ഗ്ലാസും വച്ച്, വീണ ഹരിയുടെ അടുത്തിരുന്നു.
ഹരി കുപ്പി നോക്കിയ ശേഷം: ഇത് ശീലമാക്കിയോ…
വീണ : അല്ലാതെ എന്ത് ചെയ്യാൻ, ഉറക്കം വരുന്നില്ല ഇപ്പോൾ..
ഹരി : ഞാൻ… ഞാൻ കാരണം ആണല്ലേ..
വീണ : അതെ… നീ തന്നെ ആണ് കാരണം..
ഹരി വീണയെ നോക്കി, പിന്നെ മിണ്ടാതെ തല കുമ്പിട്ടിരുന്നു..
വീണ രണ്ടു ഗ്ലാസിലും സാധനം ഒഴിച്ച്, ഒന്ന് ഹരിക്ക് നേരെ നീട്ടി..
ഹരി : വേണ്ട..
വീണ: പിടിക്കട….
ഹരി ഗ്ലാസ് എടുത്ത് ചുണ്ടിൽ അടുപ്പിച്ചു, ചീയെര്സ് പോലും പറയാതെ ഗ്ലാസ് കാലിയാക്കി.
ഹരി : ഞാൻ പോവാം എന്ന് പറഞ്ഞതല്ലേ..
വീണ ഗ്ലാസ് സിപ് ചെയ്ത് : അതുകൊണ്ട് നടന്നത് ഇല്ലാതാവില്ലല്ലോ..
ഹരി : ചേച്ചി പറ,, ഞാൻ എന്താ ചെയ്യേണ്ടത്..
വീണയും ഗ്ലാസ് കാലിയാക്കി ടേബിളിൽ വച്ച ശേഷം പറഞ്ഞു: എനിക്ക്, ആ പഴയ ഹരിയെ വേണം..
ഒരു ചെറിയ ഫ്ലാഷ് ബാക്ക്.. പാർട്ടിയിൽ…..
വീണക്കു ഇത്രക്ക് അസൂയ തോന്നിയിട്ടില്ല മനസ്സിൽ, ഇന്ന് വരെ ആരോടും. ഇതാദ്യമായി ആണ് ഇങ്ങനെ..
ഹരിയും ദീപ്തിയും അടുത്ത് നിന്ന് ചിരിച്ചു സംസാരിക്കുന്നത് കണ്ട്, ഇതുവരെ സന്തോഷം നിറഞ്ഞിരുന്ന മനസ്സ്, ഇപ്പോൾ അസൂയ നിറഞ്ഞിരിക്കുന്നു.
കണ്ടിരിക്കാൻ കഴിയുന്നില്ല, കഴിഞ്ഞില്ല, കൂട്ടുകാരോടൊപ്പം കളിച്ചു കൊണ്ടിരുന്ന ദേവൂട്ടിയുടെ ചെവിയിൽ വീണ പറഞ്ഞു: ദേവു ഇനി, ഹരി മാമന്റെ കൂടെ പോയി കളിക്ക്..
കേട്ടതും ദേവു ഓടി.. ഹരിയുടെ അടുത്തേക്ക്..
വീണയുടെ മനസ്സിന് അൽപം ആശ്വാസം തോന്നി, ദേവു ഹരിയുടെ കൈ പിടിച്ചു വലിച്ചു കളിക്കാം എന്ന് പറഞ്ഞു കൊണ്ട് വലിച്ച് നടക്കുന്നത് കണ്ടപ്പോൾ..
……………………………………………………….